حداق الهامور

[بنيللي]

إهداء لمحبي صفحة الصيد البحري والأخوة أعضاء المنتدى :
هذه الصورة ترجع لتاريخ 22 سبتمبر2004 الماضي في منطقة البلداني السعودية ولكن الحداق ما كان في المنصات النفطية نفسها ، هي قطعة أو بالأحرى حفرة تبدأ من عمق 90 قدم وتصل حتى 180 قدم وترتفع مرة ثانية الى 90 قدم وما فيها إلا هامور فقد تم اصطياد 19 هامور بالطلعه الواحدة والطلعة الثانية اصطدت 20 هامور وغدا سوف اذهب لها ان شاء الله وعسى الله يوفقني ولو ادري ان المايه مو زينه بس عيال عمي عندهم رخصة جديده وحالفين إلا بروحون الحفرة .وإليكم صوره من صيدها


http://www.mekshat.com/pix/upload/images8/mk2374_999.jpg

[FaHoOoDy23]

مشا الله عليك اخوي خالد هذا الصيد الي يطيب الخاطر كفو والله كفو و يعطيك الف عافيه و ما قصرت بس الا صيدكم طبعا كان كله امحايات عدل ؟ :) و بالعافيه هالهوامير الطيبه :)

[gulfhunter]

السلام عليكم ورحمة الله وبركاته

حياك الله أخوي بنيللى ....... ماشاء الله هذا الصيد الطيب تستاهل الزين ....... وموغريبه عليك ....... عندي سؤال أخوي بنيللى هل الطعم محاياه..... شكلكم تسمرون في المنطقه ......

GULFHUNTER

[بنيللي]

هلا بإخواني :

لا والله صيدنا كان برأس خثاق ويوم خلص حدقناله بربيان جامبو وما يطول دقيقتين وإلا هو ضارب .

[gulfhunter]

هلا بك اخوي بنيلي..... مشكور على الرد السريع...... بس ماقلت لي سمار أو طرحه........الحداق

GULFHUNTER

[Keynes]

ماشاالله صيـــــــــد وفير ..فيه العافية

[SRDAL]

ماشاء الله تبارك الله .

اخوي بنيللي وبعدين وياك ياخوي ارحمنا من هالصور الزينه والله اشوف الصور ويطير قلبي على البحر اكثر .

ماشاء الله عليك وعليك بالعافيه .

تحياتي لك اخوي .

اخوك / srdal

[gulfhunter]

الله يمسيك بالخير أخوي ابونواف ...... لايطير قلبك ولاتتعب نفسك أقول وشرادك عن روحت البحر...... :D

GULFHUNTER

[SRDAL]

والله يمسيك بالنور والسرور اخوي قائد الأركان بوعبود ... طال عمرك مارادني شي انا ما اطلع الى كل ويك اند

بس ماشاء الله مثلك عارف وحاس اذا شاف الصيد الزين وش يصير فيه .

تحياتي لك يا ........العود .

srdal

[gulfhunter]

هلا والله بونواف ..... مابقى شي......... وان شاء الله بتوسع صدرك

[MARINE]

السلام عليكم ورحمة الله وبركاته

ما شاء الله عليك اخوي بنللي هذا الصيد اللي يوسع الصدر

عيني عليك باردة لا وما شاء الله كلها حداق ، بس عندي سؤال اخوي بنللي

هل جربتوا الغوص هناك او كله حداق بس

مع تحياتي لك....

MARINE

[صقر]

مشكور اخي بنيللي على هذه الصور

ما شاء االله عليك..

عساه هني وعافية.

بارك الله فيك.

[بنيللي]

الأخ gulfhunter :
آسف على التأخير تعرف بداية نهاية الأسبوع وكنت مشغول جدا يالتجهيز للبحر والجو كان جدا جميل وأنت خابر لازم تشد حيلك للطلعات .
وردا على سؤالك كان الحداق طرحه على الحفره .

الأخ keynes :
الله يعافيك وشكرا .

الأخ srdal :
ودي اشيشك على الجيه للكويت في مكان قريب كله دويلمي وطلاح ويمكن جراجير وكنعد يالله تعال وجيب معاك marine - gulfhunter وخلنا نكون فرقة إعدام .

الأخ marine :

لأ والله يا الغالي ما جربنا الغوص لأنها جدا عميقة 190 قدم ولكن في مشروه إنا نأخذ كورس على النيتروأوكسجين للغوص على الأعماق وصيد السمك ،خبرك النيترو إلي يستعملونه الضفادع البشرية إلي ما إطلع فقاعات .

الأخ صقر :
الله يهنيك ويعافيك وشكرا .

[gulfhunter]

السلام عليكم ورحمة الله وبركاته

هلابك اخوي بنيلي... تسلم على الرد....... نبي أخبار طلعتكم الأخيره......

GULFHUNTER

[MARINE]

السلام عليكم ورحمة الله وبركاته

جزاك الله خير على الرد الوافي ... وتقول العمق يصل الى 190قدم والله مو سهل

وعندي استفسار ثاتي الله لايهينك بالنسبه حق النيترواوكسجين هل مسموحه عندكم في الكويت

وهل تعرف احد جربها من قبل وكم المده اللى تستيطع فيها البقاء تحت الماء

آسف على الاطاله ولاتواخذنا وانا اخوك

تحياتي لك

MARINE

[aziz2727]

ما شاء الله لا قوة الا بالله العلي العظيم
وش ذا الزين وش ذا الزين
بصراحة الله يجعله بالعافية

[بنيللي]

الأخ gulfhunter :
بصراحة الحداق ما توفقنا فيه العالم طاحت على القوعه ونشفوها الظاهر ودك إذا طحت على قوعة جديدة ما تعلم أحد عليها ولا حتى أقرب الناس لك لأن ما في شيئ ينخش بهالزمان .عموما عليهم بألف عافية ونا أخذت حقي منها عدل وعندي شريط فيديو مسجل وموثق بهالحداق .

الأخ marine :
نعم طال عمرك توجد دورات خاصة حسب الطلب والآنجليز بالكويت إمجربينها وهي لصيد السمك والتصوير ممتازة لأنها لا تخرج فقاعات وتخوف السمك ويهرب أما المدة فقرابة ساعتين على عمق 100 قدم ولكن يجب ان تعمل وقوف معادلة الضغط decompretion stop .

الأخ azizi2727 :
الزين بعيونك والله ويعافيك يا الغالي . وشكرا .

[gulfhunter]

السلام عليكم ورحمة الله وبركاته

هلاوالله أخوي بنيلي ...... يسلم راسك خيره في غيره ...... المره هذي مافي شي...... الله يعوضك في المره الجايه..... بصيد يطرب خاطرك وخاطر من سمع عنه :p

مايهمك ..... مكانك زين بس المايه خراب ...... لو المايه عدله كان شغل غير.... وبعدين الهامور صعب هذي الأيام في الحداق..... ويتعبك على مايضرب في الخيط.....

GULFHUNTER

[كشات]

بسم الله

السلام عليكم ورحمة الله

الاخ الغالي بنيللي

وش هالجاهل اللي شايل بين ايدينك :)
كل هذا هامور واحد !!!!
ههههه
هذا شكله ابوهم
ماشاء الله تبارك الله

الله يهنيكم بالعافيه ورحلات قادمه موفقه باكثر من كذا ان شاء الله

[رسلان]

بسم الله
السلام عليكم ورحمة الله
الاخ الغالي بنيللي
وش هالجاهل اللي شايل بين ايدينك :)
كل هذا هامور واحد !!!!
ههههه
هذا شكله ابوهم
ماشاء الله تبارك الله
الله يهنيكم بالعافيه ورحلات قادمه موفقه باكثر من كذا ان شاء الله :good: :D :good:
الله يهنيكم ... ويباركلكم في صيدكم ...

[MARINE]

السلام عليكم ورحمة الله وبركاته

مشكور اخوي الغالي ابو عبدالله على الشرح الوافي وماقصرت ويعطيك الف عافيه

لكن عندي سؤال ثاني الله لايهينك بالنسبه لشراء جهاز النيترواوكسجين

هل هو متواجد في الكويت او تطلبه طلبيه واذا كان موجود كم اسعاره عندكم

واعذرني وانا اخوك لان ما احد يستخدمه هنا غير القوات البحريه وخفر السواحل

وهل يحتاج الشراء لابراز رخصة الغوص

مع تحياتي وتقديري لك

MARINE

[بنيللي]

صبحك الله بالخير أخوي marine :

آسف على اني طولت عليك بالرد بس تعرف كانت اجازة نهاية الأسبوع وما استعمل الجهاز في الاجازة .
جوابي لك الجهاز نعم ينباع في الكويت ولكن غالي يتراوح سعره تقريبا 1750 دينار كويتي ويحتاج ما يثبت انك مرخص لشراء هذه المعدات .

[MARINE]

السلام عليكم ورحمة الله وبركاته

عفوا اخوي بنللي اعتذر منك بسبب كثرة الاسئله الجهاز تقريبا يسواله بالريال السعودي 21000ريال

والله سعره غالي جدا قيمة طراد حجم 24قدم عليه مكينه 150 حصان ياماها نظيف

بس السؤال هنا هل تستطيع شرائه برخصة الـ open water؟

اما بالرخصه الخاصة لهذا الجهاز

اسف على الازعاج وماقصرت ويعطيك الف عافيه على هالمعلومات الطيبه.

MARINE

[بنيللي]

0309]هلا بmarine :[/size]
طبعا لازم رخصة خاصة بالمعدات وهذي لمن تأخذ الدورة ومنها تقدر تشتري الجهاز .
على الطاري هل صحيح المكائن البحرية فوق 150 حصان ممنوع ولماذا .

[MARINE]

السلام عليكم ورحمة الله وبركاته

اخوي العزيز بنللي هذا الكلام من قديم شوي

لكن الحين عادي تركب مكينه 200 بس بشرط تكون مناسبه مع حجم الطراد لا وازيدك من الشعر بيت

لازم الواسطة ... هذا اللي ذابحنا هنا الا الواسطه.

وبالنسبه لجهاز النيترو اوكسجين امرة مستحيل عندنا في السعوديه.

تحياتي لك ومشكور وماقصرت ويعطيك الصحه والعافيه

MARINE

[المحتسب]

[QUOTE=SRDAL][align=center]ماشاء الله تبارك الله .

اخوي بنيللي وبعدين وياك ياخوي ارحمنا من هالصور الزينه والله اشوف الصور ويطير قلبي على البحر اكثر .

ماشاء الله عليك وعليك بالعافيه .

تحياتي لك اخوي .