شريت جيب باترول وش ..... ؟

[شمووس]

السلام عليكم


الله وفقني وشريت جيب باترول سوبر سفاري 2005 تماتيك والجيب لاعب فيه الغبار لعب


تكفوون ابي رايكم ابفحصه من الصدام للصدام يالييت تفيدووني ويش اللي اغيره


واللي افصحه ..... وايش الاشياء اللي افحصها بشكل دوري ياليت من يملك شيء


يفيدني لا يبخل علينا الاجانب هنا بس تضحك علينا ابي مشورت ربعي تكفوون تكفوون

_______
* وايضا عندي الكمبرسل يفصل ويشتغل بشكل سريع الفرق حوالي 25 الي 30 ثانية والتبريد 100% هل هي طبيعية
* وملاحظ ان مكينة السيارة عند فتح الكبوب تخرج حرارة هائلة من المكينة والحرارة طبيعية على الربع
سمعت ان التماتيك حرارة كذا صحيح الشيء هذا





أبو مـــازن

[سالم11]

عليكم السلام

الله يبارك لك في السياره ويعطيك خيرها ويكفيك شرها

بالنسبه للحراره لا توسوس السفاااري معروف عنه هالشي وارتفاع الحراره واغلب المواتر يتعبها الحر

بالنسبه للغبار وما حوله

انت بالخيار ان اردت تفك المراتب كلها وتدخل السياره للتلميع فقط تلميع وتنظيف السياره من داخل وان اردت البودي وانتبه لا يجوون المكينه والكبوت هذي يكفيها هواء البنشري والا تغسيل بستم وبدون ديزل بعد

الشي الثاني التشييك على الموتر شيك على المساعدات وزيت القير والمكينه والبواجي والسيور الي يحتاج تغير غيره وعندك ورشة التركي في الرياض في الصناعيه ممتازه كانك من اهل الرياض

بعدها تجيهزات السياره ياي استرالي وغيرها التجهيزات المعروفه

ان حصل تسال راعيها الاول وش الي غيره من قطع للسياره وش ملاحظاته على السياره

فلتر الهواء والسيفون اساله عنها

[sarab88]

اسمع وانا اخووك الكمبروسر تشغيلته وفصله طبيعي والحراره الموتر طبيعي وكانك بالرياض وراعي وناسه نصيحه اسال مجرب ياحبيبي افحصه بالمجمعه كانك قريب يعني مايدققون اما في الرياض صراحه الخميس انا رايح وسقطوني في ذراع الشاصي وانا مالي شهرين مركبه لكن نصيحتي كانك بتفحصه بالرياض لاتغسله عشان مايقروشونك وان كانك تبي تروح للمجمعه علمني واعلمك وش تسوي وابشر بها وتقبل تحياااااااااااااااتي

[قرم العيال]

الكمبروسر طبيعي والحراره كذاك

[مولع بالطير]

مساك الله بالخير اخوي من ناحية الاغبار دخل موترك التلميع داخلي وخارجي مع غسيل الكشنات وبعدها طلعه من التلميع وتجه للورشه رح لاي مكانيكي وقله ابي فحص للسياره طبعن فحص نظري ارفع السياره وخله يشوف وش الصاحي من المجنون ويوريك بنفسك تشوف الخمال الي فيها يعني لايغشك ولا شي من الشكل واضح وغير الي يحتاج تغيير والله يباركلك بموترك ويعطيك من خيره ويكفيك شره .تقبل مروري