مرقاب الوله
26/06/2010, 09:28 AM
من اول قصائدي في البرمهداه لمكشات
بعد ماظاق صدري بك نويت امشي لأبعد بر=ونا وان زادة اهمومي من اجلك عفت مقعادي
بكمل عزبتي بدري : بريق وشاي والسكر=وكل اللي لزم للطبخ ومانحتاج من زادي
ودلة قهوتاً نظره وبناً هيله مزعفر=تزيل عماسه اللي راسه لفنجالها اعتادي
وفوق اربع جراكن فُل وكامل عدة البنشر=ومربوط الغطا جاهز خفيف ولابه وسادي
وتحت المرتبه شوزن جديده والجراب اخظر=ذخيرتها رقم واحد وسكينه بمزنادي
واخويايه قبل ما اطلب حديهم شي قال ابشر=ولا تنمل خوتهم ولا يمشون بانكادي
مع اول طيحة البدري وبراق السحاب اشٌر=تراكم بالسما الوسمي ظليل اللون رعادي
عن الديره نبي نبعد عن الازعاج والمحشر=الى براً رواه الما جميل بجوه الهادي
بلا زحمه , بلا ظوظا بلا شارع بلا متجر=بلا غرفه بلا مكيف بلا دش وبلا رادي
ومحلا شبٌتي ناري بروظ اخظر وليل اقمر=معه نسهر انا وربعي بجوٌه طاب مرقادي
كثير الصيد من حولي بديره سادها الاخظر=وشوفتها بشروق الشمس تعالج عل الاكبادي
تقهوينا ولا نبغا عن المقناص نتأخر=ويوم اشرق شعاع الشمس كلاً كت له وادي
ألا يا زين بالمقناص مشيك فيه متحذٌر=وهذا يلتقي هذا وذاك هناك وينادي
وشفنا العصر من توصف به الخفرات بالمنظر=على الظيحه بعين اشهب جلوري هج ثم عادي
ألا وان شافها القناص زاد اجنان ثم احظر=وقال لحامل البندق تثبت وارم بركادي
وظفرها بمنحنى راسه وذاب عيارها وثٌور=وتقنطر من يمين اللي من اهل الصيد صيادي
بعد ذلك توجهنا على دارً لها نذكر=بلادي واعشق حماها لها تاريخ وامجادي
مالي رغبه على عبر الحدود لزايف المنظر=هوا لندن وجو الشام ماتغني عن ابلادي
وسلامتكم
بعد ماظاق صدري بك نويت امشي لأبعد بر=ونا وان زادة اهمومي من اجلك عفت مقعادي
بكمل عزبتي بدري : بريق وشاي والسكر=وكل اللي لزم للطبخ ومانحتاج من زادي
ودلة قهوتاً نظره وبناً هيله مزعفر=تزيل عماسه اللي راسه لفنجالها اعتادي
وفوق اربع جراكن فُل وكامل عدة البنشر=ومربوط الغطا جاهز خفيف ولابه وسادي
وتحت المرتبه شوزن جديده والجراب اخظر=ذخيرتها رقم واحد وسكينه بمزنادي
واخويايه قبل ما اطلب حديهم شي قال ابشر=ولا تنمل خوتهم ولا يمشون بانكادي
مع اول طيحة البدري وبراق السحاب اشٌر=تراكم بالسما الوسمي ظليل اللون رعادي
عن الديره نبي نبعد عن الازعاج والمحشر=الى براً رواه الما جميل بجوه الهادي
بلا زحمه , بلا ظوظا بلا شارع بلا متجر=بلا غرفه بلا مكيف بلا دش وبلا رادي
ومحلا شبٌتي ناري بروظ اخظر وليل اقمر=معه نسهر انا وربعي بجوٌه طاب مرقادي
كثير الصيد من حولي بديره سادها الاخظر=وشوفتها بشروق الشمس تعالج عل الاكبادي
تقهوينا ولا نبغا عن المقناص نتأخر=ويوم اشرق شعاع الشمس كلاً كت له وادي
ألا يا زين بالمقناص مشيك فيه متحذٌر=وهذا يلتقي هذا وذاك هناك وينادي
وشفنا العصر من توصف به الخفرات بالمنظر=على الظيحه بعين اشهب جلوري هج ثم عادي
ألا وان شافها القناص زاد اجنان ثم احظر=وقال لحامل البندق تثبت وارم بركادي
وظفرها بمنحنى راسه وذاب عيارها وثٌور=وتقنطر من يمين اللي من اهل الصيد صيادي
بعد ذلك توجهنا على دارً لها نذكر=بلادي واعشق حماها لها تاريخ وامجادي
مالي رغبه على عبر الحدود لزايف المنظر=هوا لندن وجو الشام ماتغني عن ابلادي
وسلامتكم