الفزعه ياأهل الخبره ياأصحاب البثفندرات

[خالد الغصن]

السلام عليكم ورحمة الله وبركاته

موتري بثفندر2004 يجيه وقت اشغل يشتغل بس الدوس بنزين مايوصل ولا عشرين ثم افك اصبع البطاريه وشغل وخلي اصبع البطاريه يقدح ثم يشتغل ويصير الوضع طبيعي وبعد يومين يرجع الوضع كما هو مايدوس

والمكانيكي ياما قال الدعاسه وياما قال المنضم وياما قال الكمبيوتر الي تحت الطاره وياما قال الضفيره



وش رآيكم يااهل العرف

[خالد الغصن]

لاحولا ولاقوة الى بالله ماأحد عنده حل

[ابوسعد1971]

اخوي
السلام عليكم ورحمة الله وبركاته
انا كانت عندي نفس المشكله في باتفندر 2003 اذا شغلت السيارة تولع لمبة عليها صورة مكينه واذا حطيت السيارة ب(d) ما تمشي لين اطفي السياره وتنطفي اللمبه تمشي السيارة
ماطول عليك رحت وفحصت السياره عند الوكاله ومن يوم قلتلهم عرفوا لمشكله وقالو لي المشكله تكمن في حساس الهوى او في الخانق ( هم يسمونه الخانق )
المهم حساس الهوى ارخص من الخانق لان الخانق على اسمه خانق يمكن 2500 او 3000 ريال اما اذا الحساس يمكن 1500 ريال
المهم فكوا السيارة ونظفوا الخانق والحساس وقال لي المهندس ان شاءالله ماتحتاج تغيير جرب معك فترة اعتقد قال شهر اذا سلكت الامور خلاص واذا ماسلكت تعال وبنغير لك الخانق
ماطول عليكم الامور ماسلكت وغيرت الخانق وراحت المشكله والحمد لله ( والحقيقة سوو لي خصم طيب على الخانق يمكن اخذته 2200 ريال والله ماني مذكر )
المهم ترى سبب المشكله عدم الاهتمام بتغيير فلتر الهوى او استخدام فلتر هوى حق البناشر التقليد نصيحه لاتاخذون من البناشر أي قطعه تركبها في سيارتك لا فلتر هوى ولا فلتر زيت ابد

[شيخ نجد]

مراحب

مرت علي نفس مشكلتك

ادوس بنزين ولا يمشي الموتر وضغط المكينة ما يتعدى عشرين

طلعت المشكلة من الخانق الالكتروني اي رقبة البخاخ وسبب المشكلة اني جلست سنة ما غيرت مرشح الهواء الين تجمع الغبار والتراب في مدخل البخاخ وهنا جيمت رقبة البخاخ
اضطريت لتغيير رقبة جديدة وقيمتها صقعه في الراس غالية مرة 3800 ريال عند الحمراني في خريص

شف موضوعي اكيد بساعدك وترى في نهاية الموضوع صور للرقبة مع الدعاء لك بالاجر على الابتلاء

http://www.mekshat.com/vb/showthread.php?t=50909 (http://www.mekshat.com/vb/showthread.php?t=50909)

[خالد الغصن]

كفوووووو ماقصرتوا

[عاشق الغضا]

100% انه من منظم الهواء اوحساس الهواء