عافانا الله شلل تبعته سكرات موتـه ...طيري

[وادي الحنينية]

السلام عليكم ورحمة الله وبركاته .....

حدث غريب صار فعلا ....

كنت في مشوار والطير الصحة تمام التمام غير انه عينه كانت ملتهبه للاسف’

رجعت جفته بجنب وكره طايح وهو مبرقع على طول خذيته ولمست رجله الوكر العاده يوقف حسسته مرتين وثلاث ... قلت مات ؟ لا الطير يحرك راسه وجناحه بس ارجوله ماتتحرك , عرفت انه مشلول فكيت برقعه وخليته على حاله على الارض بعد دقيقة من السكون والهدوء حرك جنحانه بقوة ثم طاح في الارض ومات .

مع العلم انه في حشرة اكبر من النمله كانت موجوده وبكثره في جسمه ولونها بني وتتحرك على جنب لاحظتها حاولت اشيلها بس كانت كثيرة وتنخش تحت ريش الطير .

هل من مبرر ؟

[سعود السهلي]

الله يعوضك بطيب منه


وانشالله يفيدونك الربع

[عصام البلادي]

الله يعوضك بالنادر

يفيدونك الاخووان

[أبو لافي00]

الله يرزقك
بالطير نادر

[مولع بالطير]

الله يعوضك بطير ابرك منه والحمدلله علي كل حال تقبل مروري.

[عابر الموج]

الله يعوضك اطيب منه ولكن الحشره هل لها جناح ام لا حتى نقدر نفيدك انشالله

[ابـــًًو تركـــًي]

الله يعوضك ان شاء الله بس ممكن سؤال
هل كان الطير هزلان اي ضعيف
اذا كان ضعيف اكيد الدود شرب دم الطير
لكن الله يعوضك بالاطيب

[وادي الحنينية]

لا مالها جانح وتتحرك على جنب يعني مشيها مستوي مالها ارجل اتوقع .

شكرا لمرورك

[وادي الحنينية]

والله آخر الايام كنت اخلي الطير مبرقع فترات طويله جدا ابطل البرقع عنه بس للاكل وارجع ابرقعه

الطير كانت عيونه ملتهبة يعني تلقاه كأنه دايخ وصاك عينه .

شكرا لمرورك .

[مساعد بن منير]

الله يعوضك بطيب منه

[وادي الحنينية]

جزاكم الله خير

[الحركساب]

الله يعوضك خير...بس غريبه الطير مربوط وبرقع؟

[نمر الصحراء]

الله يعوضك اخي

[بن جعيثن]

الله يعوضك خير

[قنيص غير]

الله يعوضك بالنادر

[المهدي 07]

الله يعوضك بالنادر

[القرناس المهاجر]

والله آخر الايام كنت اخلي الطير مبرقع فترات طويله جدا ابطل البرقع عنه بس للاكل وارجع ابرقعه

الطير كانت عيونه ملتهبة يعني تلقاه كأنه دايخ وصاك عينه .

شكرا لمرورك .


الله يهديك .. برقع على طول .. مايسير:eek:

ربما كان السبب الأول في ضيق التنفس
والإختناق .. وضعف نتج عنه ( القملة )
التي زادت الطين بله وفارق الحياة

اتمنى عدم تكرار ماجرى في طيورك القادمة

[الكايد 123]

الله يعوضك الطير النادر

تقبل مروري

محبك : الكايد

[أبو خاااالد]

الله يعوضك بالنادر ان شاءالله

[بو غازي]

الله يعوض عليك باخير منه :)

[نايف العويمرى]

الله يعوضك...

[اوه]

الله يعوضك ابرك منه اخوي اتوقع انك موكله علف جيه ملح

[فيصل السهلي.]

الله يعوضك باطيب منه

[صقار مبتدئ]

الله يعوضك باطيب منه و الظاهر الحشره اللي تقول شكلها قمل مصت دم الطير لين مات الواجب عليك تترك الطير مفرع مو مبرقع الوقت كله لجل يتفلا و يقتل القمل لكن امر الله فوق كل شيئ الله يعوضك

[وادي الحنينية]

جزاكم الله خير ..والله ايديم الفرحة عليكم والحشرة صحيح كانت قمله وسبب دخولها في الطير غير معروف ؟

وان شاء الله المرة الجاية نكون اوعى من كذى بكثير اسعدني مروركم .

تحياتي

[الوايلي100]

الله يعوض عليك

[حر سدير]

نفس الي جاء لطير الخوي وطير باشق



ولحشرة هاذي قمل اكرمكم الله

[الطبشي]

وشلون مقيض الطير وتبرقعه0000الله يرحم والديك بس 0000000000000والحشره هذي والله العالم انها القراد تمص دم الطير وتموته لاكن الله يخلف عليك با ابرك منه ان شاء الله

[الصقر البعيد]

الله يعوضك بالنادر

[عمرالعامر]

الحشرة الي شفتها عادتأما تكون القملة هي الي تفر من جسم الطير في حين التخدير والموت

[ابوناصر السهلي]

الله يعوضك بطيب منه وراعي الطير لازم يكون حريص على طيره والحافظ الله

[وادي الحنينية]

اي القمله اكرمكم الله وحما طيوركم من كل شر...

[عابر الموج]

التوقع اخوي ان الطير حصله ضربه والتهب الجرح حتى عفن والدود الذي تذكر من الجرح ولم تعلم عنه والله اعلم

[راعي غضبان]

الله يعوضك باطيب منه بس انتبه ان جاك طير بعدين وانا اخوك انت في مقيض لازم الطير مفرع ويغداء ويعشاء ولازم انك تشيك عليه قبل تربطه وتبخه ببخاخ القمل تلاقاه في المستشفى ومن ثم تربطه لان طيرك ماهو مكتفي من العلف وقضاء عليه القمل ولحقه الضعف والله يعوضك انشاءالله بالطير الطيب

[وادي الحنينية]

فات الفوت الله يرحمه ...شكرا لكم جميعا

[twins]

ربنا يعوضك خير

[ذئب المقانيص]

الله يعوضك بالنادر

[حر عابر]

ياأخويه اسمحلي على هذا الرد

بس سؤال : أنته شو تبغي من الطير ؟

الطير يبغيله عنايه إذا أنته مش قادر عليها لا تبتلش وتاخذ أثم هالبهيمه لأنه في ذمتك !!!!

طير ومبرقع على طول !!!!!

أنا بختصرلك سبب موت طيرك

الطير مبرقع على طول والبرقع مش مناسب لراس طيرك ، يعني البرقع من الداخل يلامس عين الطير وعمله إلتهاب والالتهاب أنته ماعالجته وزاد وقرح والقرح يسبب الصديد والديدان ، وزود على هذا كله الطير كلته القملة وأنته خبر خير ، لين الله أرحمه منك ومات !!!!

فأرجع وأقولك مرة ثانيه وأسألك : أنته شو تبغي من الطير ؟؟؟
الطير يبغيله عنايه وإهتمام إذا انته مش قادر عليها لا تبتلش وتاخذ أثم هالبهيمه !!!

واسمحلي مرة ثانيه على هالرد بس ما قدرت أستحمل إذا قريت مثل هالمواضيع





ياطير ماحدك نصيبك على خير =وراك مسجون بوسـط الغمـاره

حسبي على الي عزروا فيك تعزير=تكفخ ويصلاك الحديد بحراره
في موتر مال الولع فيه تاثير=تكسي اجار ما يعرف إلـى اجـاره
حشرت وحوش البر حتى العصافير=من يوم دور من وراها تجاره
مال الغشيم من الولع غير تدمير=دايم عمـاره قايـم فـي دمـاره
يا ناقلين الطير من غير تبصير=حصيلكم منه التعـب والخسـاره




أوفوا حقوق الطير ولا تركواالطير=لاتضلمونه ياجـداد الصقـاره

[طير الهقاوي]

يا ليت اذا عندك صوره نبي نشوف

[elsayad]

والله يا أخي أظن إنك ذكرت الأسباب .
الله يعوض عليك ولما يكون طيرك عينه ملتهبة لا تبرقعه ولا تهمله مثلما فعلت وبادر بعلاجه فالصقور ليست مثل الحمام والعصافير فهي تحزن على حالها وتموت بالحسرة .
أما بالنسبة للحشرة التى ذكرتها . . أستبعد أن تكون هي السبب نهائياً ، فهذه الحشرة تكون فى اغلب الطيور وهي تأكل القمل الموجود فى الريش ولا تضر الطير نهائياً بل تنفعه وتحافظ على الريش ، ونادراً ما تظهر فوق الريش فى حالة مسك الطير باليد أو عند موته مثلما حدث معك ،،، والله يستر على الطيور فى المقيض .

[ابو ابركه]

ماشاء الله الله يوفقك