رجة في الباترول تضيق الصدر

[رحال نجد]

يالربع أنا عندي باترول 98 مركب عليه كفرات بالون 900 فيه رجة مهيب طبيعية أبد بين 80 و100 تروح وتجي وأحيانا تكون خفيفة وإذا صار الطريق فيه بطناج أو حفر سويت ترصيص أرضي عند العضيب ونفس السالفة تكفون فزعتكم يالربع

[Noz]

اهلين اخوي عندك كذا شي لزم تسويه شيك على جلد الموتر و عندك رمان الدفرانس يمكن فيه فضاوه وعندك مساعد الدركسون اذا شيكت عليهم و ما فيهم شي عندك احد الكفرات فيه مشكله
على فكره ترصيص عى ترصيص يفرق معك فيه محل اسمه احد للترصيص في غرابي يمدحونه الشباب اللى مركبين بولين يعلمك اذا الكفر فيه مشكله
وان شا الله تنحل المشكله لانها بسيطه

[العابر2222]

هذا عيب البالون 900 الرجه فيه فيه حتى لو رصصت وضبط مجرد تنزل بر وترجع للخط بيرج

ولا فيه شي ادهاء وامررر اذا الموتر طول واقف حول اليوم او اليومين وحركته يجلس يعرج كأن الكفر محبل الين تلين الكفرة

اذا تقول بصبر عليهاا عليك بالترصيص الأرضي عند احد ممتاز

[sarab88]

اسمع وانا اخوووك البالون اصلان مايجي لها ترصيص لأنها رملي ولو حطيت ترصيص فيها رجه لأني قد سويتها في موتر وقالي مايجي لها ترصيص وقال ابرصصه ولافيه فايده وفعلن مافيه فايده ولك تحياتي

[برايدوي عنيد]

هلابك اخوووي .........

البالون دايم به رجه لكن قد تكون قوويه او بسيطه ماتذكر وذلك لعوامل منها مساعد

الدركسون ووجلد عمود التوازن ووزن رمان وبعضهم يدبل مساعد دركسون على كذا وتخف

الرجه .... طبعا الترصيص لو رصصت صح ودخلت رمل ونزلت الهواء شووي لازم ترصص ثانيه

مالك الا تصبر..... البالون زين بس مشكلته الرجه

مريت راعي كفرات يقول ازين شي تركبه على جنوط حديد مهب كروم ...

وواحد اعرفه يقول ركبتهن بجنوط صينيه كروم طبعا الكفرات تراهن سيام مهب ماكسس و لارجه ولاشي

طبعا هو مرقمن يعني رقم 1 قدام يسار وكذا ويقول ازين شي .

[][ســهم][]

هلا ومرحبا رحال نجد

انا صارت معي المشكله بالضبط
وسويت كبس لذراع الدركسون والحمد لله تمام
اتمنى اني افدتك

[ذيب العيص]

الرجه من هالكفرات ...البالون هذي سواته

[Noz]

تعقيب على كلام الاخوان بحكم تجربتي لكفر البالون وخاصه سيام تاير لا اشتكي من شي اسمه رجه كنت مركبها على مديل 99 وجلسن على موتر سنتين ما شاتكيت من رجه ولا شي و مرصصه ارضي نوع الترصيص الماني ونسم الهواء و ارجع ارفعه ما فيه ايه مشكله اذا وقف الموتر يوم كامل وطلعت فيه تحس في رجه خفيفه وتروح بعد ما تمشي عليه . وركبتها على موديل 2006كانت البولين فيه مشكله وغيرته.
و الحين مركبها على 2008 وزي الحلاوه لا رجه ولا شي
وعلى فكره نوع الكفر يفرق تلقي العله في الكفر نفسه وجودته

[التميمي 20]

[ســهم][;4792623']هلا ومرحبا رحال نجد

انا صارت معي المشكله بالضبط
وسويت كبس لذراع الدركسون والحمد لله تمام
اتمنى اني افدتك



وأنا أيضا كذلك ... صارت معي قبل .

رحت لليرموك بالصناعية وأخذوا 250 مع الترصيص .

[العبله]

شيك على الكفرات اول ثم شيك على عمود التوازن الامامي يمكن ربلاته مهتريه و اذا كلها زينه ركب مساعد دركسون استرالي وان شاء الله تسمح امورك.

[رحال نجد]

أخواني الكرام بيض الله وجيهكم كفيتوا ووفيتوا الله لا يحرمكم الأجر بسوي اللي قلتو عسى الله ينفع به

[adil33]

حاول توزن الرمانات بالوضع الي يتناسب مع البالون

[4*4]

رمان الدفرنس الي فوق البطيخات وتحتها فيه فضاوه ركب حق تايوتا ويزين ان شاء الله

[عاشق الغضا]

يمكن الرمانات تبي شد او من مساعد الدركسون وانصحك تدبل مساعد

[sarab88]

طيب رح لأي واحد من ربعك وركب جنوطه مع كفراته طبعا ورصصها قبل زين وشف تضبط والا لالالا ومشكوور ياخوي وتقبلوووووا مرووري

[ابوصالح77]

أول شيء
1-شيك على الجنوط .
2- رصص كميوتر عادي وليس أرضي إذا كانت الجنوط حديد .
3- دبل مساعد الدركسون يكلفك 200 ريال (شغل يد+ مساعد إل سي دلكو)
حتى لو كانت الرباطات نص عمر مع المساعد الإضافي بيتغير الوضع

[ftc]

اسمع عندنا بكستاني متخصص في ترصيص البالون
معروف انه يرصص لين يروح الرجه
المكان السويدي
تبي الوصف
0595833979

[ابو عوض1915]

رجة مهيب طبيعية أبد بين 80 و100 تروح وتجي وأحيانا تكون خفيفة وإذا صار الطريق فيه بطناج أو حفر سويت ترصيص أرضي عند العضيب ونفس السالفة وغيرة الكفرات والجنوط وذراع دركسون ورمانات الهوب وباقيه الرجه نبي الحل