وش رايكم بالفلبيني يقول فك بلف الحرارة وخله بدونه

[الأجودي]

بسم الله الرحمن الرحيم
السلام عليكم ورحمة الله

بداية اشكر اخواني خبراء مكشات اللي ماقصروا بإعطاء النصائح وحل المشاكل لي ولباقي الاعضاء اسأل الله ان يجزيهم عنا خير الجزاء

امس كنت في الصناعية اغير فحمات الشيروكي وجلست اسولف مع الفني الفلبيني عن الشيروكي وميزاته وعيوبه لين وصلت سوالفنا للحرارة اللي اشوفها طبيعيه في سيارتي هي على النص تزيد شوي او تنقص شوي وقالي بشهور الصيف فك بلف الحرارة وخله بدون بلف ومايضر السيارة ولين جاء الشتاء ركبه !!!!
يعني كأنه يقولي ماللبلف اي فايده
قلت اشاوركم بهالموضوع واشوف رايكم لاعدمناكم

[عاشق الغضا]

انصح بعدم فك البلف لانه مقاس الحرارة هو البلف والشروكي حرارته معروف وطبيعية لوصل فوق النص بشعره اشتغلت المروحة الاضافية ولا وصل الحرارة قبل النص بشرطة فتح البلف , ولو فكيت البلف الحرارة ماتضبط مرة ترتفع ومرة تنزل ولا مسكت خط نزلت خاصة اذا كانت المنطقة باردة ثم يأثر على الموتر من ناحية الرأس وتبدا تسمع مع الزمن يعني سنة او اقل طقطقه سبايك بالمكينة . وارجو ا قدافتدك علماً اني كان مع شروكي 2001

[العابر2222]

هلابك أخوي

نصيحة لا تفك البلف لأنه ينظم دورة الماء في الأرديتر والمكينة

لو فكيته اذا تمشي طبيعي وبدون زحمات بتكون الحرارة عادية .... بس لو جاء على المكينة جهد عالي بترتفع الحرارة ولا راح تبرد السيارة لأن الموية تدور ما توقف في الأديتر عشان تبرد ... حتى لو دخلت زحمة نفس العملية

يعني بالمختصر لو جاء للمكينة جهد البلف يوقف الماء في الأديتر لبضع دقايق عشان يبرد لو شي بسيط

تحياتي

[Honda Accord]

لن أجيبك إجابة مباشرة , ولكن سأخبرك أني إذا أردت شراء سيارة مستعملة , أول سؤال أوجهه لصاحبها عن بلف الحرارة , فإن كان بها بلف سألت عن بقية أجزاء السيارة , وقمت بفحصها , وإن كان البلف منزوعًا تركته وسيارته .

[بدوي جنوبي]

بلف الحرارة Thermostat معلومات + استبدله بنفسك للمبتدئين خطوه بخطوه ب 54صوره (http://www.mekshat.com/vb/showthread.php?t=305944)

[الأجودي]

الله يجزاكم خير جميعا

مادخلت راسي ابد افك البلف اجل ليش محطوط

[abc-00-abc]

و عليكم السلام ورحمة الله وبركاته

ماعنده سالفه
فك بلف الحراره هو الحل الوحيد للي ما يفهم في حل المشكلة

[alandleb]

والله كلامة صحيح فك البلف لأن البلف هذا يركبونة لبلادهم لأنها باردة
اما عندنا ما يحتاج وصدقني والله راح ترتاح الماكينه وتنزل الحرارة وتشوف الفرق
ومن خسرران شي اذا ما شفت تحسن رجة ثاني مرة