أرجو المساعده لأهل المعرفه في الصقور .. مشكله لصقر وابي لها حل لاهنتوا !! ..

[ع . العولقي]

السلام عليكم ورحمه الله وبركاته


صباح الخير .. كيف الحال عساكم طيبين ..


طبعاَ انا دخلت هالمنتدى بالصدفه من قوقل .. اليوم .. واعجبني منتداااكم من ناحيه الخبره وتبادل المعلوماااات


لكن انا عندي مشكلة ..في صقرر رغم ان مالي معرفه فيها ..


واحد من الشباب مسك صقر فرخ في جبال المخواه ..واعطاني اياه .. المشكله ان الصقر رجله مكسوره او عنده


التواء في مفصل القدم .. المهم جابه لي قبل اسبوع .. ووديته ياجماعه الخير عند بيطري في خميس مشيط


لكن الطبيب .. مدري وش قصته خايف منه او ايش ماقدر يمسكه .. قال هذا رجله مكسوره بدون مايتأكد او يفحص عليه كويس .. والطيور ماتنجبر الكسور اللي بالأقدام .. صراحه حطمني


المهم رحت وشتريت له مركاز وخيط .. وهو واقف عليها برجل وحده والثانيه شبه ميته . ماعاد تتحرك من الطرف ..والاكل ياكل تماااااااام .. حاول اربط رجله بعودين خشب بسيطه ( القرفه ) .. لكن مافاد لان نفس الرجل فيها انحناء لليسار .. ماهي مستقيمه ..


الحين انا جيتكم وحطيت مشكلتي .. والامل في الله ثم فيكم .. لمن كان لديه خبره او قد مر بالمشكله هذي .. تكفون لحد يبخل علي بأي معلومه وهالصوره بنزلها لكم .. طبعا تصوير اي كلام في ليل وفي مكان ضيق والجناحين سليمه للمعلومه .. بس ركزو زين في الألتواء اللي بالقدم.


والمطلوب .. وش الحل في الحاله هذي لقدم الصقر من ناحيه طريقه علاج او طبيب يقدر يعالجه ؟؟


ومن كان يقدر يحدد نوع الصقر .. من اي الانواع .. ؟؟



[IMG]http://www.mekshat.com/vb/http://www.m5zn.com/uploads/2010/6/27/photo/062710010635rq37db8.jpg (http://www.m5zn.com)



اسف على الاطاله . واتمنى المساعده منكم


شاكر لكم

http://www.m5zn.com/uploads/2010/6/27/photo/062710010635rq37db8.jpg (http://www.m5zn.com)

[نايف العويمرى]

اقول (شياهنه ) جبليه ...وتسلم

[الهووواوي]

أخوي هاذا شبوط أطلق صراحه

وبـــــــــــــــــــس

[بو غازي]

السلام عليكم
اخوي هذا مهوب صقر هذا وانا اخوك شبوط فكه ابرك لك ومايسوى شي ابد اطلقه عسى بس جناحه سليم ان كانه سليم اطلقه ابرك لك وعسى الله يعطيك العافية :)

[الــنــشــمــي]

افادوك الاخوان فكه احسنلك

[قنيص غير]

أخوي هاذا شبوط فكه

[ع . العولقي]

مشكورين على الأجابه ..

لكن وشو الشبوط !! ..

اول مره اسمع فيه :(

افيدونيييييييييي

[@قرناص@]

مشكورين على الأجابه ..

لكن وشو الشبوط !! ..

اول مره اسمع فيه :(

افيدونيييييييييي


الشبوط (شرياص) وهو فصيلة من الصقور لاكن ماله فايده حجمه صغير وصيده للحشرات والقوارض ولايصلح لصقاره ،،

اعتقه لوجه الله والله بيرزقك أطيب منه

[جاسم الوسمي]

قبل ان تفكه شوافه رجله وعلاجه وان شفت انه مفيه شي فكه لك اجر انشالله هذا شبوط مينفعك في شي

[ابوناصر السهلي]

عطوك العلم