احذروا هذا النوع من البطاريات ...

[التميمي 20]

تعتبر بطاريات باقادر ذات جودة عاية (سابقا ) ولها سمعه طيبة عند الكثيرين ..
المهم ذهبت قبل سنة تقريبا أنا وأخوي يبي يركب وهي أغلى بطارية (370 ريال ) ورغم انها غالية قلت لأخوي تراها تصبر ... ، وسألنا عن الضمان قال لنا هذي باقادر بدون ضمان اسمها يضمنها وضمانها 6 شهور..
بعدشهر رحت أنا وزميلي وغيرنا ( كل السيارات الثلاث جيوب) وقبل 40 يوما بدأ تساقط البطاريات كل أسبوع واحدة تخرب وآخرها اليوم ..
طبعا باقادر القديمة ياباني واللي تجي في السيارة شد بلد ممتازة ، لكن اللي بالسوق صناعة محلية بل ورديئة !!!

حبيت أنقل لكم ماحدث حتى لايتوهق أحد لأن الكثيرين يغير نفس اللي بالسيارة وهذا ماساعد باقادر على سوء الجودة أضف الى ذلك وزارة التجار التي لاتنام لها عينا لمصلحة المواطن المسكين !!!

[ALOTAIBI]

وهذا ما حصل معي ..اشتريتها في شهر 11 وفي شهر 5 ما تقبل شحن ,

ومشكور على التنبيه

وتقبل مروري

[راعي الطلعات]

صراحه يا خوك كل البطاريات الي موجودة بالاسواق مصنعه في السعودية واغلبية المصانع بالرياض وجدة

مره رحت الغرابي وكنت ادور على بطارية سوبر اليابانية او بطارية اف بي اليابانية اليماني قالي اجيبها لك بس بـ 430ريال تغاليت السعر ورحة وخليتهم واروح عند هندي وقلة له نفس الي ابي وقال مستحيل تلقاها يابانية كلها مصنعه بالسعودية قلة طيب وش احسن شي مظمون قال خذ لك بطاريات بلبيد والان هي معي قرابة خمس اشهر والحمدلله وننتضر تكمل السنه علشان نحكم صح

وبالتوفيق

[عميد سامودة]

كلامك صحيح ,, وبا قادر ما عاد هي بالأول

[حزوبر]

لأن الكثيرين يغير نفس اللي بالسيارة وهذا ماساعد باقادر على سوء الجودة أضف الى ذلك وزارة التجار التي لاتنام لها عينا لمصلحة المواطن المسكين !!!

ههههههههههههههه أضحك الله سنك أضحكتني، انا البارح شفت وزارة التجاره خلف بيتنا سهرانه، على راحتي:D
بس ترى ما اعجبني سلوكها ، أحس انها صاريه تسهر كثير هههههههههههه
يا اخي اذا لقيت البطارية صناعه سعوديه انحش عنها
اذا لقيت اسم موردها رنان مثل باقادر عض ثوبك ولا يردك غير شارع الريل، وقله عطني كوري

[رسمال]

اسمع كلامي عن تجربة
بطارية إف بي اليابانية شد بلد اللاند كروزر ممتــــــــــــــــــــــازة خدمت معي اربع سنوات وشوي وضربت الرقم القياسي بطول العمر لكن لا تركب اف بي با قادر صناعة يابانية اخت شد بلد اللاند كروزر لأنها عن تجربة مرتين متتاليتين مع الأسف فاشــــــــــــــــلة وان طال بها العمر سنة وحدة


الصناعة السعودية لا تضلمونها يا اخوان انا مركب سوبر Super صناعة سعودية في الشتا قبل الماضي لها أكثر من سنة ونص وممتازة والفولتميتر دائما على الخط فوق 12 من يوم شريتها


البطارية اللي ما تعبا ماء
(Maintenance Free)
ما تعيش اكثر من سنة إلا بإعجوبة
مثل اي سي ديلكو الفاشلة

[برايدوي عنيد]

هلابك اخوووي ..........

الصراحه اسي ديلكو عمره سنه بالكثير سنه وشهرين لكن انا جربت جولدن ضمانه سته

شهور توي مركبه له شهر زينه والله يتمم على خير.

طبعا مجربه على سياره قديمه هايلوكس 82 تشتغل باليومين ممكن عشر دقايق

وجااه وقت بدت ماتشتغل ابد واشتراك وابد رح عليه مشااوير خفيفه والحين ماعندك ازين

منه تشتغل زي الحلاوه ..

[كريم الطباع]

والله يا أكثر ذا البطاريات أطيبهن اللي تعيش سنة كاملة,,

بس فيه استفسار عن بطارية اللاند كروزر اللي عند الوكالة هل هي مثل جودة شد بلادها

[أبوتركي الخالدي]

شريت قبل سنة بطارية باقادر كورية الكترونية بعين سحرية- لاعادها من عين

تمت عندي سنة وشهر بعدها توقفت عن العمل فجأة بدون مقدمات

يعني لو كنت بالبر او بمقطعة وش الحيلة

غبرتها بالغاربي ب ياسو ياباني تعبأ

[VIP-503]

يعني وش تنصحوننا ببطاريه

[عين الحر 11]

الله يعطيك العافية على هذه النصيحة الغالية

[بن جعيثن]

لا تشترري غير الكوري اهون من تصنيع الافغاني والبكستاني وغيرها وتعتبر صناعه سعوديه الله من الدجه

[ابوعبدالله 22]

للاسف اصبح كل شئ صناعة وطنية .. جودته رديئة وأخس من الصيني

[قناص*07]

عني انا مجرب Super وهذي ثاني بطاريه اغيرها ولله الحمد خلال خمس سنوات 90 امبير جيب صالون Gx موديل 2000

[عبد السلام ضيف الله الشلاش]

بسم الله الرحمن الرحيم

بطاريات باقادر كانت قديماً جيده اما في السنوات الأخيرة خربوها , قبل اربع سنوات ركبت فوركاوا باتري يابانيه والتي يرمز لها اف بي جلست حول خمس شهور وخربت وسعرها انذآك 260 ريال , زعلت واشتريت بطارية اردأ شيء بسعر تسعين ريال تصدقون جلست سنتين ونصف ما خربت .

بالنسبة للبطاريات التي تجي مع السيارات الجديدة لو اشتريت مثلها لا تعمر مثل شد البلد وليست مثلها بالمواصفات الصناعية وهذا ينطبق على المساعدات والكفرات وكثير من قطع الغيار .

عبدالسلام ضيف الله الشلاش

[Ahmad ss]

جزالك الله خير

[التركوازي]

احسن بطارية أي سي ديلكو

تجلس معي سنة وشهرين اوثلاثة ممتازة مرة 70 امبير

السيارة ددسن غمارة

[الشرى]

رحنا وطى مع الصناعة التعبانة

ثلاث بطاريات فى سنتين والحل ؟

[NOYEB]

شكرا على التحذير

[قرم العيال]

والله من تالي العالم تذم بالبطاريه مدري ليش !! الله اعلم انه اغلبهن مغشوشات وبدت تبين

[ftc]

انت وحضك توافيق

[التميمي 20]

الجميع مشكورين على المرور ...

رأيي المتواضع البحث عن بطارية رخيصة بنصف الثمن (كوري أو تايلندي أو أندونيسي ) أفضل وأرخص وعلى الأقل تخرب بعد 6 شهور أرحم من غالي ويخرب بسرعة !!
تحس أنو ملعوب عليك ...

الاندونيسي من تجربة بنصف القيمة وتعيش 12 - 15 شهر
والتايلندي جودة عالية ...
أما السعودي آسف البنغالي سيئ وغالي خاصة المشهور f b

تحياتي للجميع

[faris2006]

البطارية لها صيانه
انا قالت لواحد طريقة صيانه البطارية
ضحك وقال للجنبه هذا مجنون

[صاحب المعارف]

طيب وش تنصحوننا بالبطاريات

[التميمي 20]

البطارية لها صيانه
انا قالت لواحد طريقة صيانه البطارية
ضحك وقال للجنبه هذا مجنون

اذا كانت مغشوشة مابها طب !!!

أنا أتابعها باستمرار وشريتها بثمن غالي وما استفدت !!!

[التميمي 20]

طيب وش تنصحوننا بالبطاريات

لاتتأمل أن تعيش البطارية أكثر من سنة !!!

لذلك خذ اللي سعره معقول ومافيه فايده كلوا بعد سنة ح يتغير والله إن البطارية عاشت معي 15 شهر وغيرتها وهي ماطلبت لأني بسافر وماحبيت تنكد علي وباقادر(370 ريال)ماكملت 12 شهر وقيمتها أكثر من الضعف وقتها !!!

غيرت nbc ب 240 ريال وضمان سنة ارحم من المغشوشة باقادر ب 370 ...

[ابوهيثم2008]

ماقصرت على المعلومه

[ashaleell]

كنت مركب بطارية أم عيون بهذلتني كل أسبوع أشيك على الماء ومن عشر سنوات صرت استخدم أي سي دلكو لسيارتي وسيارة الوالد وسيارة أخوي وتأخذ ثلاث سنوات بالراحة أهم شي ما تشغل أي جهاز أو نور والسيارة طافية وريحتنا في الصيانة كل أسبوع أزيد ماء أو محرقة البدي ببخار الأسيد

[كرم القلوب]

اليوم ركبت يطاريه ايرانيه سعوديه بــ 120 مع الرجيع وضمانه 6 شهور عساها تعبرني

[دامر الصيد]

مشكووووووور

[التميمي 20]

كنت مركب بطارية أم عيون بهذلتني كل أسبوع أشيك على الماء ومن عشر سنوات صرت استخدم أي سي دلكو لسيارتي وسيارة الوالد وسيارة أخوي وتأخذ ثلاث سنوات بالراحة أهم شي ما تشغل أي جهاز أو نور والسيارة طافية وريحتنا في الصيانة كل أسبوع أزيد ماء أو محرقة البدي ببخار الأسيد

مشكور للتذكير فعلا التماتيك أريح ..

[سوبر VTC]

البطاريات تعتمد على جودة التخزين + تاريخ البطارية
و هن توافيق

احد الربع مركب باقادر ب400ريال على باترول سلقة
و يشغل لمبة 50 وات 6ساعات كل اسبوع
والوضع تمام

اما

اسوء بطارية من تجربة فهي الايسي ديلكو
اشوف الربع الان مركبينه لجيوب و بعد 6شهور تصير دقة السلف ثقيلة
ايضا عندي الجمس م2001 البطارية الان فاضية !!! يالله يقوم الموتر
و ماكملت السنتين

بطارية لك و للزمن
هانكوك
باناسونيك
روكت
دايو
و كلهن كوريات ممتازات جدا

[تناهيت]

والله اني طايح في بطاريات باقدر من كم سنه حليوه واجود الموجود مع تغير ملحوظ في الجوده ....اكيد تغيرت عن السابق مافيه شك

على العموم جربو طريقتي وترتاحون عندي كذا موتر لأستخدامات متعدده منها القديم ومنها الجديد :

حاط عندي بطاريتين اسبير مشحونه بطريقه التعبئه او اعاده تصنيع من محل متخصص في صناعيه الفوزان ويحسب عليك كل امبير بريال واحد يعني بطاريتك 70 امبير ياخذ عليك 70 ريال وتطلع جديده وتخدم فتره اطول من الجديده بعد .
اخوي سوبر فتك البانسونيك مدحها لي واحد من الشباب وناوي اخذ لي وحده تجربه لاكن وش صناعتها الفعليه

تحياتي