غلطه وعلا جها

[الفيتو]

بسم الله الرحمن الرحيم
السلام عيكم ورحمة الله وبركاته
مساء الخير ياجماعه
.
من تجاربكم مع الطيور ودنا كل واحد يعلمنا بغلطه ويعلمنا بعلاجها . وإلا يصحح لنا العلاج
انا ببدا
السالفه
هديت القايله على كراوين صدت الاول والثاني رقا بالطير ولا دريت الا العقب الحبشيه تهاوى على الطير مثل الدلي.
سلم من الأول وسلم من الثاني واستمر في طرد الكروان والعقب رقت له.هو يخطف الكروان والعقب في جرته
تمنيت ماياخذ الكروان.متصور النهايه الشينه .لكن اخذ الكروان وأهوى عليه عقاب ثالث وتلامس مع الطير والكروان..
الكروان سلم والطير حام والعقب حامت معه وراحت تخطفه لا نزل على حمام ولا على سمانا .
ختم السما بيني وبينه يحوم.بعد ساعتين لقيته بالجهاز

الغلطه
((انسرته))
وبرقعته وتالي النهار الطير شرهت على طياره الكروان اللي يعزم
يروح وبقى عشرين يوم.مستواه متردي


المفروض
الهدد بالقايله غلط لكن في مثل هالحاله يعطى الطير حمامه كامله ويريح يومين على الاقل
لكن طمعي فالكراوين الباقيه وقلت يمكن الطير هذا حاله خاصه
.
سالفه ثانيه
اشوف بعض الصقاقير وانا منهم يليق الطير ويكون طيره مايقارب
الغلطه
بعض الصقار يتضايق ويبدا يطرده بالموتر لين يتعب..النتيجه مستوى
الطير يتردى مع كل مره ويتردى
المفروض
مايهده على شي خفيف او يكتفي بالدعو والا التنشيش.لو هده على شي خفيف .
في مثل هالحاله يفترض يكون معه طير ثاني. وسبب طوله
عشره متر يهده ولا يخليه ياصله . ناجحه مع الفروخ
.
يالله عندكم خلونا نفيد ونستفيد من بعضنا
والسلام
*
AL Khapt Brother Naif
الحجاز
15-7-1431هـ


http://www.mekshat.com/pix/upload01/prof009/mk8575_ttttttt.jpg


الله مــن خـــرب ٍ تـــخــثــع بــغــلــبــه .. مطغـيه نــبت الو سم وأزهار الربيع
لا أشرف على مرسيط هم شاف إعربه .. كسر على الــقرضاب والجو الوسيع
من خـلــقــتــه ماجـــاه شــي ٍ يــرعـبه .. لاثايــرة بــنــدق ولا طــيـــر ٍ شجيع
جيته وأنا أحمد لـيـن ضيـعــــت إطربه .. جـيــتــه بـطـيــر مـدبـــج هجر ٍ بتيع
يجيبه إمن الـمــزن لا قـلــنــا جــــبــــه .. النادر الــلـي كـــل ما أنـدبــته يطـيع
ياكم طـلــع يــاكـــم وروى مــخــلــبــه .. عـان الغلب في كل روض وكــل ريع
حـول عــلى الـوادي وهات إمن إحطبه .. جاك اللحـــم وش تحتري خلك سريع

[أبو رداد]

((غلطه متكرره))
كل سنه تصير بي ولاأتعض هههههههه لكن أن شاء الله على الجايات ماأكررها
أهد الطير على حبارا ولما تطير غيرها أفقد واهد طير ثاني وأكثر الاحيان تتشابك الطيور !!
العام صرنا وسط مخمر لجول حباري ولن حبارا تقوم من الشمال الشرقي للسياره
واعطي الطير سبوقه .... عيني عليه جاه لكشها ها على التعليقه
في داخل نفسي قلت هاذي ماتروح
بهذ الاثناء تقوم حبارا اخرى من الجنوب الشرقي
واعطي الطير الثاني سبوقه ويلحق بها شوف العين وتنزل الحبارا في التراب ويصيدها ...
بهذه الاثناء الطير الاول ترك حبارته وجا على هذا الطير الصايد
وتشابكن الطيور مابينهن .....
فوق القهر الحبارا روحت هههههههه
((العلاج))
اسحب الدوربيل وأدعي الله أنها تنزل قريب هههه

[عوق الخريش]

بسم الله الرحمن الرحيم ,,,
السلام عليكم ورحمة الله وبركاااتة :
حيااك الله أخي الغاالي : الفيتو ,,,
يعطيك العاافيه والله يبيض وجهكـ يااخبير على هذاا الموضوع المميز والمثير ..........لآهنتــــــ ,,
والله الغلطاااات واااجد ياابوصااالح ولآكن مدري ويش أذكرلكـ وتخبر الصقاار من يصبح لين يمسي وهو فى خطاء ههههه ,,
مرة هديت على حباااري وهد الطير مهد خياالي الفجر والطير كاااان مستهد لأبعد حد ومصرف ومروبج يعني الهدد 100 %100 ,,,
عطيته نسر على حد معلفة يعني مسح الريش قلت آخر الظهر أنشااء الله مصرف ولاعندي نيه أهدة على ثاانية ,,
المهم جااب الله لي وحدة بعد المغدااء يعني السااعة 1,30 جيت وهديته مااهديت الطير الثااني المهم رقااامعهاااا ردها مرة مرتيين الحبااري قويه وعاازمه على السمااء المهم رقارقارقا معهااا لين خلهااا تااصل زحل وخلهاااا؟ ,,
هذا الخطاااء والمفروض أني ماااأهده الا أخر العصر لأنه متغدي وهاد مهد قوي والجو بعد حاار في وقت السماااك يعني وقت الكرااوين هذا من الاخطااء التي مرت على ,,


تحيااتي لكـ ...... وشكراّ


*


( عوق الخريش )

[السبيرى2]

مرحبا بأمير صقاقير الحجاز
كلام الأمير امير الكلام
موضوع جميل جدا وتشكر علية تحياتى للجميع
السيبيرى +شريف مكه

[ابوناصر السهلي]

الله يعطيك العافيه ويجزاك خير

[نمر الصحراء]

السلام عليكم ورحمة الله وبركاته
مشكوراخوي الفيتوعلى الموضوع والله الغلطات كثيرة اذكرمرة هديت على حبارى وكانت الارض وعرة
وانا في سيارة واحدة بدون جهاز وراح الطيروالحبارى
والمفرض اني ماهديت الااذاكان معي سيارة ثانية اوجهاز

[القرناس المهاجر]

السالفه
هديت الطيرعلى قرناسة شاهين وحش حصلتها صدفة تعلف على قمريه باقي معها شلوا
والطير جزوم هد عليها وهي ترقى للنجوم وحش وسبوق
وهو يرقى يمها ويقرب ويقرب شوي شوي لين بدا يتعلاها
وشفته بدا يغيب طبعاً ماعندنا ذاك الوقت لا جهاز ولاجوال ولا فتخه
ومن حبي للطير خفت يضيع قمت اناديه بصرخات قوييييييييه واحذف الدس لين تنكس وتركها

الغلطه
يوم تعلاها وقربها .. ليش ادعييييييه ؟؟ :eek:

المفروض

اصبر شوي واتركه يخمها حتى يتعود على ان بعد العسر يسرا
وان لكل مجتهدٍ نصيب .. وحتى يتعود على النهايات السعيدة

شكراً يابو صالح على الفكرة :)

[Ahmad ss]

ماعندي علم بالجانب هذا

<<<

قلت اكتب رد قبل مااطلع

[صقار مبتدئ]

من المواقف اللي تحصل للواحد انه ممكن يتهور بعض الشيئ و يفته الكثير
حصل لي موقف الي هو
وقت طرح الطيور في شهر 10 من العام الماضي كنت ادور و اطلب الله لعل الله يكرمني المهم تعبت و انا ادور وقفت السيارة قدام عقيمه صغيره لسلاح الحدود و اخذت الحمامه و اعين فيها و فجئه الا وذي الشيهانه موقعه على العقم الصغير من الربكه و العجلة بدل ما احذف الحمامه من الجهة الثانية للسيارة حذفت الحمامه عليها هههههههههههههه وهي تطير و هاتك يا مطراد وراها لكن هيهات الطيرة ارتاعت
المفروض اني اهدا شوي و اشغل مخي شوي لكن الحمد لله على كل حال

[دلوع الهوى]

بيض الله وجهك على الموضوع الطيب وانت طيب ماجيب الا الطيب

[مشاغب السقالة]

بارك الله فيه

[عابر الموج]

اذكر مرة كنت ادعي طيري ملواح العصر وكان ذلك الطير مايجي الملواح الا رابط بالملواح حمامة ميته
المهم قمت اشقلب الطير واذا بالطير فوق راسي قلت ماشالله عليه سرعت رجوعه والتفت الا فوقي طيرين وورد طيري على الملواح والطير الثاني فرخ شاهين وحش لم اشاهد مثل كبر حجمها حتى الان طشيت الملواح ولاهي توقع على مسافة مئة متر تقريبا والشمس غائبه
الغلطه
لايوجد معي حمام سواء الحمامه الي بالملواح وهذا اكبر خطا لابد يكون معك حمام وشبك حتى لوكنت تدعي طيرك كالمعتاد ومن هذه السالفه لم اترك الحمام والشبك حتى بالمدعى القريب

[راعي غضبان]

وعليك السلام ورحمة الله وبركاته


السالفه

والله مره لقيت جره حباري ثنتين وقصيتهن ويوم صارن جداد عندي قريب والجو حار الصفري قلت بقيل لين يبرد الجو تالي النهار يعني هلحين الساعه واحده الظهر بنجنب وجهتهن ونشرف حتى لايجيهن احد ونروح حاطينهن وحروتهن منا يسار وانا نمشي موجهين لزبارة قدامنا ووجيه الحباري رايحت شرق وانا رحنا جنوب يوم مشينا حول كيلوا ونص الايوم قحصن ودرجن تحتنا قريب والله الخرب انه فاتن في الموتر ونلف عنهن لين معي واحد ماهو صقار بس حناش يحب الدوجه وش ريك تهد عليهن شكلهن غر ولين معي طيري صايد لين عجز ويلحق ومعي طير الشايب ومبطي ماصاد وطير ملون اشقر ومن الطيور الي تنكر لافلست قلت شورك وهدايت الله المهم ركبنا الريشه فرنسيه خايبه الجهاز القديم الي كنه مسدس وهذا الكلام اما عام 15 او16 المهم طلعت الطير على يمتهن الي درجن يمها لايوم تزين والله الجو حار لايوم طلب ويوم انتصف بينا وبينها لايوم انصفق يسار لين العقاب قدامنا مرتفع لايوم نطح الهواء وهو يشر ذنيباه ويحوم وننطل الشلوا الحمام مانزل لايوم حول عليه واحد وراغ منه وركب ظهره لين اختفى ونخلي الحباري ونسوق مقفين مع الهواء ونحصل ربع لنا ونعلمهم الطير حام ويقومون يدورون ونشغل الجهاز شوي يجيب وشوي يخطي الاشاره المهم ماطول عليكم تعدى كم عرق ولنا حول ساعتين نفر وننطل حصل واحد من خوينا مواتر مجتمعه قنوص وجاهم ياربع ماشفتوا لنا طير الطير منهو له قال لذاك الرجال قال كلمه وقله ابشربه وعجزنا نقضبه المهم جيت لينهم لضايقوه فك الحمامه واجيهم واديره وحول عليه ويوم قربته وهو يصيح قالوا سبحان الله عرف راعيه واقضبه واقوم اسولف معهم وخويي فيه عجله مادري غرربه المهم علمت الرجال الي لقوا الطير وقلت عندنا حباري وبنروح انا وياكم يمهن قالوا يالله ادور خويي ابك وينه اثره خذوه اخوينا علمهم بالحباري وقلوا مشينا نسبرهن لين يقضب خويك طيره ويلحقنا لايجيهن احد المهم لعبوا عليه بطريقة مزحهه ادوره دريت انهم خذوه جينا فازعين يمهم يمكن بينا وبينهم 15 كيلوا او اكثر يوم جينا لينهم راثعين فيهن هدوا عليهن وروحن قالوا اتقن ولا هن رايحات المهم دورناهن لين غابت الشمس ماعاد لقيناهن


الغلطه
انا هدينا والجوا حار وقايله وفوقنا حوم وهدينا طير نكري وحوام ولاهدينا الطير الي طبوعه زينه وسبوق


المفروض


المفروض نهد لابرد الجو عصير يكون مافيه حوم والطير يجيب الي وراه ونصيد الحباري وهدينا في هذه القايله من العجله وهذا سبب الي خلانا نفلس من الحباري والمفروض ايضا الخوي الي مع خويه لحالهم مايركب مع ناس ثانين ويثق فيهم لين يروح هو وخويه واكيد انا يارعي الطير اني بعلم الي افزعوا معي يدورون طيري ومشكور اخوي الفيتو الله يبيض وجهك على الموضوع الرائع والله يعطيك العافيه

[الحركساب]

السلام عليكم ورحمة الله وبركاته
عزالله ماتجيب الا الزين يابوصالح تسلم ويسلم الجميع
والله مشكله..............................طيب
مره ادعى (مدعى وسط الديره)العصر
هاد رومى تقريبا 20متر عن الموتر
بسم الله ويطلع الطير ويمسح على الرومى ويقوم الطير يرقى!!
يرقى!!(لحظه فقد للوعى)ثوانى بدت البرمجه
وش يرقى عليه ولا ذاك الطير والله العظيم للحين وانا كل ماذكرت السالفه
ابى اعرف وشو عجزت اميزه....قمت اصوت للطير والرومى زبن تحت الموتر
وانا احذف الشلو مره مرتين واشوف نشنشه فوووووووووووق
(ماهى لحيه شلو)متحزم والحمد لله معى سمان وحمام
وانا احذف السمانه واصيح والحمد لله ويحول الطير عليها ويعلف واقضبه
..................

1-لا للهدد وسط الديره
2-لا يوجد ريشه(توبه)
وسلامتكم....وعذرا للاطاله

[قناص ابن غنام]

السلام عليكم
حبيت انزل لكم موقفين مرن علي واسمحولي على الاطاله اول موقف كناا قاانصين ومعنااا راعي غضبان يم الساحل الشرقي ولقيناا جرت الحبارى حوالي الساعه 11 وقمناا نقصهاا اشوي لهي يوم اهربت قلنا بنضحي وانا بالصفري ولان معناا وااحد الله يهديه قال القنوص وااجد وبيمرون ويطلع طيرهم وانا عييت الهدد لطيري وجديدولا ابي اهده خطا شفت الربع يبوني اهد واخلص قلت قمناا وعلى الله ان جابها الله ولا العوض علىالله وكان الشايب مكلمني ونااصحني لاتهد اركد وقلت زين قمناا على الحبارى قصاناه قالوا الربع طاارت هديت تخبر راعي الطير يختلف ولا عرفت اطرد قمت اتعرض البحاار واشطابه وهي حدتنااعلى الجو وانا من الخلفه ذبيت الضهره من هديت الطيرولا ادري وين راح هو حول فالجوو واناتعرضت الشطابه وارسل الربع وش سوى الطير قالواا يرددهااا واناا افتر ابي احول فالجووو ماالقيت محوال شوي قال ذب الضهره وضيعنااه دورني واروح كيلو والقا محوال واحول لطير قدامي على احباراه ووقف على راسه وهو يسحبهاا لين جاء في ظل السياره ارشه بالماء يرد النسم واشوي لطير مااعجبني ليتني شلته خليته وغديته وشكلي خذيته ويجي العشاء وهو يغضي وباقي علف واجلس لين الفجر يزوع لحمه اصغيره هذا الموقف الاول الوقف الثاني كان مع الوالد طيرجير سيبيري ابيض ولقيناا كراوين احر الوقت وااجد قلنا الوالد هد وعياا مايبي يهده طير كبير المهم لزمناا قال خلاص بهده وقومنا الكروان وهد الوالد الله يخليه لنا كشه فالخد وارتفغ الكروان ورده عليناا امكن حمس دقايق اوكثر الوالد قال ارمه ذبح الطير طلعت الشوزل وهو يردده كنه راغ الكروان واناا ارميه شوزل واصتم وااجد لا خوي قال انت رميت طير الشايب لطير علق واشوي لشوف ريشتين من الطير فالسماء وانزل واناا خاايف والوالد مبسوط صااد طيره ويقول بعدي واناا خاايف الله يستر على الطير وكان معناا راعي غضبان وهو شاف السادسه والخامسه من النص منكسرات وانحش والحمدلله ماادرى الوالد وقت خلنا انقرسه وقرنسنااه الاخطااء فالموقف الاول الهدد فالحر الضهر خطا ولا من كثر الحباري والي بيهد مااعليه من كلام احد هد وقت الهدد 2 الطير صاد المفروض مااعلفه 3 صخن الطير منهاا ولا سلم منهاا الا اياام الكرااوين الموقف الثاني 1 لاتغصبون احد على الهدد 2 لاترمي الصيده لطير خلهاا تروح ولايجي طيرك شيء وسامحوناا على طول الموضوع
لسلام

[SNGAAR]

يامرحبا ولله بلفيتوو دايماا مواضيعك طيبه وهذا من طيبك
( السالفه )
الغلطات واجد لاكن بجيب الجديد وهي بتاريخ 26\12 \2009
كنت قانص ومعي حر سبووق لحااق ومعي شاهين تلحق وتطلع
وكان القاع ممطور قبل يومين يعني ماهوب قصص
المهم شرفت على ضهره كبيره وقفت الا الشاهين يوم شخصت بعيونها وقامت تلعب على التكيه وانا اعرف طلعها على الحبارى وتاكدت انها حبارى
المهم انتضرتهاا اتل ماتلت لاكنها شايشه المهم تقدمت على الحروه تقريبا 700 متر ودوج حول طلعهاا لاولله ان جرت الحبارى هارب مني ذساع يالله انها تبين
خذيت الجهاز وناديت على الربع وجاو وكانو موترين
يوم جاو قعدنا نقطع لهاا ونقصها لاشفناها بينت الجره
وكانت الجره بيااض بس
لدرجه اني اقص ثر النمل احسبهاا تحبري ههههههههه
المهم دورنا لين تعبنا انا كان ناوي الهدد للحر ومبرقع الشهانه
يوم زهقت قلت خلني افرع بها وان اطلعت هديتهاا
خذيتها حطيتها على التكيه اول مافرعتبهاا تلت قدام الموتر لفيت عيني بسرعه قدام الا ولله ان الحبارى في الشجره مصلبه
قلت دامني شفت الحبارى بهد الحر
برقعت الشاهين وتقدمت للحبارى وحذفت الحر اول ماحذفت لزمت خطفت الجهاز وقلت الزم يربع الحبارى درج وهديت
الا واحد فيهم يوم قام يصيح العقاب فوقك العقاب فوقك
الطير لطم الحبارى وشهر وقام يروج وعينه فوق انا استغربت خابر الطير مايخليها لافلقاع ولاطيار
وعقبه حوول بسرعه ولطمهاا لطمه من قلب الا الحبارى يوم طارت ويلحقهاا ويلكشهاا
ويقوم يرددها علينا والعقاب معه يطرد ردهاا الطير ثلاث مرات وعلق يوم طب القاع انفكت منه الحبارى
وطارت ولحقها وضربها في داغرهاا ومنع منهاا
وقام يطرد ويبرد وعينه للعقاب طرد معها شوي عقبه خلاها وقام يراقي العقاب
ولله يربع يلحبارى انها ماره علي داغرهاا كله دم
ويالله انها اطير مواته سقت عليهاا وحذفت الشاهين
وهي تلحقهاا كنهاا واقفه يوم اقبلت عليهاا شافت العقاب والطير
وهي توقع واخطف الجهاز واصيح للربع لاحد يهد لاحدي يهد العقاب العقاب خلوها تبعد شوي
ساقو معها الربع لين ابعدو وهدو عليها قرناس وطرحهاا
(الغلطه)
اني هديت ومانتبهت للعقاب وهذا من زود العجله ههههههههههه وثاني شي يوم هديت الشاهين
مانتضرت لين يبعد العقااب وهذا بعد من العجله ههههههههههههه ولازم يربع نمشي على ذالبيت (( القنص بركاده والتسرع جهاله))
( المفرووض )
قبل لاهد اني اشووف فيه حووم ولالا وقبل لاهد الشهاانه اتاكد العقاب عاده موجود ولا ابعد هو والطير
وابشركم ياربع رزقني الله بهدد خيالي اليوم الثاني بخرب مجنون عينته بدون جره ولا شي طار قدامي
وهديت الحر عليه وقام يردده ترديد خيالي والجوو ملكي الطير يطرد والجو غيم ورذاذ مطر خفيف ويوم علق
روح علي ابا العطايا ويعطيك العافيه اخووي الفيتو والاخوان وسامحونا على الاطاله

[قنيص غير]

الله يعطيك العافيه ويجزاك خير

[نايف العويمرى]

الاخطأ واجد الــصـقـار ..مايخالا منه ...ويعطيكم العافيه ...

[بو غازي]

السلام عليكم ورحمه الله وبركاته
عز الله انه موضوع مفيد وراح ينفع الجميع
المهم مره من المرات اشقلب الطير والطير هذا طبوعه طيبه طيبه المهم مرة من المرات شقلبته ولاعطيته حقه بالشقلاب عاده فسقان ويبي الطيار المهم يوم اقبل علي واحذف له الشلو فوق ابي يرقى له واصعد على الشلو وطر به ومن بعدها صار يطير بصيدته.
الغلطة
اني حذفت له المواح فوق ابيه يرقا له ولا حسبت حساب انه يبي يطير بالملواح لاني خابر طبعه زين .
النتيجة
من عقبها صار يطير بصيدته (ينقل)
العلاج
ماعاد احذف له الملواح لو ان طبعه اطيب الطيور عشان مااخرب طبعه
وشكرا ابو صالح وشكرا للجميع
:)

[AL-DOSSARY]

الله لا يهينكم .. موضوع رائع ومشاركات .. قمـــــــة .

[عنيد]

غلطة ولن تتكرر

في العام الماضي كنا بالصفري اول الوقت لقينا الصبح بدري دجاجة وصدناها ( خبيلا ) وبعدها الساعة 11،30 لقينا جرة خرب وقلنا بالنضحي وبعد المضحى نهد عليه الى وفق الله قال واحد من الربع نهد عليه الحين لا يجي احد ويشوف دوجتنا ويطيح بها الخرب هاهاهاها :eek: والله ونهد عليه واربع كيلو يابو الحبيب وروح الخرب في عز القايله وسلم الله طيري ماحام ولا جاه بلا لكن ما تتكرر ولو غرنا الدجاج :(

العجلة من الشيطان :mad:

[الطبشي]

حي الله ابو صالح
السالفه
هذا طال عمرك وعمر من يقرأ
كنا قانصين انا ويا ربعنا شرواكم
ومن الربع كان معنا اخوي العضو ابوغازي
كان يوم اربعاء
ونيه ابوغازي انه اذا حصل حبارى يعطيني الهدد الله يجزاه خير المهم امسينا ذاك اليل
يوم جت الساعه 3 ونص
قام الاميرابوغازي
يا شباب الصلاه
عجلو مافيه وقت00000
المهم توزعنا حول محل ما امسينا
وكلن خذاله مدرج راجين من الله خير
ولا بدى الصبح يسفر شي بسيط يعني يا الله تشوف الا وابو غازي واقف على جره الحبارا
ويصوت علي قلت له ابشر وكنت قريب حوله
المهم الطير كان مفرع ومفكوك سبقه
والريشه جاهزه هذا كله قبل ما ادري عن الحبارى
قلت يروبج
المهم جيت عند ابو عبد الله ابوغازي واقوله وين غرامي قال شف جرته يسارك وشاورت ابو عبدالله قلت له طيري جاهز ومفرع قا ل بصوت عالي برقعععععع لين يسفر الجو مضبوط ما امداني الف يسار الا وذاك الي يغرف قدام الموتر واشوف الطير كنه جايه
كهرب كسر عمره وطلع بوعبد الله الطير طلع مادريت عنه ابوعبد الله الله يعينه ان شاء الله ويمسح عليها وتخالفه وترتفع ومعها
وكان السفرتوه يا الله تشوف مثل الغلسه
المهم راح يترقا لين راحت في الجهامه والله يعوض
000000000000
الغلطه
اني ماربطت الطير وبرقعته لين تزين الامور
لاكن ان شاء الله بيفكني الله من ها الغلطات

المفروض
اربطه وابرقع لين يجتمعون الربع ويسفر الصبح
:good2: :good2: :good2: :good2: :good2:

[مولع بالطير]

مشالله تبارك الله موضوع طيب ولاتحرمني جديدك وتقبل مروري .

[حر عابر]

حيالله : بوصالح
وحيالله الربع الطيبين


السالفة وما فيها :
كنت هاد على كروان العصير ،والطير فرخ وهذا له أول هدد
وفي نفس اليوم الضحى كنت هادنه على كروان لكن ما بغاه مسحه وحام (أول يوم في المقناص والجو حار)


والله وعزم الطير والكروان كان شارد لكن ماحصله وماشاءالله علق الطير فوق


ونحن فرحانين ونطالع الطير إلا شوي بهاذي الحداة اللي خاره عليه من السماء ويفك الكروان


قلت راح الطير وأشهد انه نكل


والطير مالكم عليه
أبوه جير وأمه حر


وقالها الله يعوض خير الكروان ضعيف وأنا أدور السمين


فرطيتنا من الكروان ولكن مش أنتي لي تفرطيني من العشاء وتخسين


ويجلب عليها وتبدا المعركة ، الحداة شارد والطير شغل كل المراوح


والأرض وعرة ونحن نلحق من بعيد وإلا الطير يعلق وقلنا الله يسلم راح الطير


ونشغل الجهاز وإلا الطير ماسك الحداة من فخوذها ويذبح


الغلطــــة


خلينا الطير يتعشا منها لسببين :
الأول : الطير فرخ وماشاف حبارى وكان لنا اول يوم بالمقناص وخفنا ما نعشيه وما يصيد الحبارى.
الثاني : انتقاماً من الحداة لأنها خربت على الطير الهدد ويمكن تتسبب في أنه ينكل .


النتيجة


ما تقدر تخاليبه وما تقدر تدعاه عن الربع لأنه صار يشل الطير من على وكره


المفروض


كنا ما نعشيه منها ، لكن أبشركم من غلاته سنعته وخليته أحسن من أول


هاذي السالفة والسموحة

[ملاعب السباع]

يامرحبا ولله بلفيتوو دايماا مواضيعك طيبه وهذا من طيبك




( السالفه )

الغلطات واجد لاكن بجيب الجديد وهي بتاريخ 26\12 \2009
كنت قانص ومعي حر سبووق لحااق ومعي شاهين تلحق وتطلع
وكان القاع ممطور قبل يومين يعني ماهوب قصص
المهم شرفت على ضهره كبيره وقفت الا الشاهين يوم شخصت بعيونها وقامت تلعب على التكيه وانا اعرف طلعها على الحبارى وتاكدت انها حبارى
المهم انتضرتهاا اتل ماتلت لاكنها شايشه المهم تقدمت على الحروه تقريبا 700 متر ودوج حول طلعهاا لاولله ان جرت الحبارى هارب مني ذساع يالله انها تبين
خذيت الجهاز وناديت على الربع وجاو وكانو موترين
يوم جاو قعدنا نقطع لهاا ونقصها لاشفناها بينت الجره
وكانت الجره بيااض بس
لدرجه اني اقص ثر النمل احسبهاا تحبري ههههههههه
المهم دورنا لين تعبنا انا كان ناوي الهدد للحر ومبرقع الشهانه
يوم زهقت قلت خلني افرع بها وان اطلعت هديتهاا
خذيتها حطيتها على التكيه اول مافرعتبهاا تلت قدام الموتر لفيت عيني بسرعه قدام الا ولله ان الحبارى في الشجره مصلبه
قلت دامني شفت الحبارى بهد الحر
برقعت الشاهين وتقدمت للحبارى وحذفت الحر اول ماحذفت لزمت خطفت الجهاز وقلت الزم يربع الحبارى درج وهديت
الا واحد فيهم يوم قام يصيح العقاب فوقك العقاب فوقك
الطير لطم الحبارى وشهر وقام يروج وعينه فوق انا استغربت خابر الطير مايخليها لافلقاع ولاطيار
وعقبه حوول بسرعه ولطمهاا لطمه من قلب الا الحبارى يوم طارت ويلحقهاا ويلكشهاا
ويقوم يرددها علينا والعقاب معه يطرد ردهاا الطير ثلاث مرات وعلق يوم طب القاع انفكت منه الحبارى
وطارت ولحقها وضربها في داغرهاا ومنع منهاا
وقام يطرد ويبرد وعينه للعقاب طرد معها شوي عقبه خلاها وقام يراقي العقاب
ولله يربع يلحبارى انها ماره علي داغرهاا كله دم
ويالله انها اطير مواته سقت عليهاا وحذفت الشاهين
وهي تلحقهاا كنهاا واقفه يوم اقبلت عليهاا شافت العقاب والطير
وهي توقع واخطف الجهاز واصيح للربع لاحد يهد لاحدي يهد العقاب العقاب خلوها تبعد شوي
ساقو معها الربع لين ابعدو وهدو عليها قرناس وطرحهاا
(الغلطه)
اني هديت ومانتبهت للعقاب وهذا من زود العجله ههههههههههه وثاني شي يوم هديت الشاهين
مانتضرت لين يبعد العقااب وهذا بعد من العجله ههههههههههههه ولازم يربع نمشي على ذالبيت (( القنص بركاده والتسرع جهاله))
( المفرووض )
قبل لاهد اني اشووف فيه حووم ولالا وقبل لاهد الشهاانه اتاكد العقاب عاده موجود ولا ابعد هو والطير
وابشركم ياربع رزقني الله بهدد خيالي اليوم الثاني بخرب مجنون عينته بدون جره ولا شي طار قدامي
وهديت الحر عليه وقام يردده ترديد خيالي والجوو ملكي الطير يطرد والجو غيم ورذاذ مطر خفيف ويوم علق
روح علي ابا العطايا ويعطيك العافيه اخووي الفيتو والاخوان وسامحونا على الاطاله





صحيح نهد دايم ولا نطالع الجو فيه حوم او في عقاب مقع قريب على الأرض من موقع الهدد

لاكن هاذي من الحماسه
والله يبيض وجهك على السلفه الطيبه والفروض الأطيب

[@السيف@]

بيض الله وجهك صراحتا استفدت كثير الله يجعلها في ميزان حسناتك وسالفتي طول الله عماركم كنت قانص يم الساحل الشمالي لحالي ادور الطيور والله وامد الدربيل يم الساحل وانا بعيد عنه شوي ولا اشوف حر مجهم قاطع من فوقي واسبره بالدربيل حتي نزل بالقاع بيني وبينه مهود والله يوم اني قلت اني يبقي مسافه بيني وبينه وقلت ابي اطلع فوق طعس واسبره ويوم اني طلعت اسبره واريد تحديد مكانه الا قلي يالحبيب السنه الجايه ويتل جناحه ويتوكل على الله وغلطتي ما حددة مكانه بالتاكيد وبرزتله من فوق مرتفع شافني قبل ما اشوفه والواجب ارميله زريق وخليه براحته واسبره الين ما يعلق لكن الله ما اراد

[فارس 74]

علومك كلها طيبه يابو صالح

هديت قرناس معي طلع وضيعته يطرد ولقيته علي الجهاز صايد
ومتعشي ثلاث ارباع عشى عزلته ورحت للعزبه ولا وصلتها غير
بعد العشى ويوم نزلت طيري فوق وكره لاهو يوم طبح من الوكر يدور العلف
قلت هالحين طيري لاحق وصايد ولا عطيته اللي يكفيه؟ يوم ماهداني الله ههههههه
ولا حنا صايدين ارانب في طريقنا للعزبه واقوم واعطيه رجل ارنب كامل قلت تعششش يفداك الجوع
يوم قمنا الصباح ولاهو ما صرف علفه لكن وجهه زين ونقنص ويوم جت الساعه ثمان لاهو يوم اطلع
واهده ولا الخرب قدامه يكوبر ولا طيار طيري امحق وهمته في الحبارى محقا هههههههههه
راحت عليه وهو يطردها مثل اللي يقول انقلعي قلت في نفسي انا الغلطان ملحق العشا عشا

وذكرت المثل اللي يقول اخبث للطير يطيب لك.

[الشمالي 8008]

كان مع الوالد طيرجير سيبيري ابيض ولقيناا كراوين احر الوقت وااجد قلنا الوالد هد وعياا مايبي يهده طير كبير المهم لزمناا قال خلاص بهده وقومنا الكروان وهد الوالد الله يخليه لنا كشه فالخد وارتفغ الكروان ورده عليناا امكن حمس دقايق اوكثر الوالد قال ارمه ذبح الطير طلعت الشوزل وهو يردده كنه راغ الكروان واناا ارميه شوزل واصتم وااجد لا خوي قال انت رميت طير الشايب لطير علق واشوي لشوف ريشتين من الطير فالسماء وانزل واناا خاايف والوالد مبسوط صااد طيره ويقول بعدي واناا خاايف الله يستر على الطير وكان معناا راعي غضبان وهو شاف السادسه والخامسه من النص منكسرات وانحش والحمدلله ماادرى الوالد وقت خلنا انقرسه وقرنسنااه

ههههههههههههههههههههههههههه:d :d :d :d :d :d :d
الله يغربل ابليسك يا قناص بن غنام قطعت كبدي من
الضحك ياليت الشايب عرف انيك رميت طيره
هههههههههههههههههههههههههههههههههههههههه
مشكور وسلمني على نفسك وشيبانك والنحيف ههههه

وكل الشكر لصاحب الفكره الفيتو

[طير الهقاوي]

الله يعطيكم العافيه على القصص الجميله
وارشادنا بالصحيح
وشكرا مره ثانيه
تقبلو مروري

[فيصل السهلي.]

جزاكم الله خير على الموضوع

[راعي لاهور]

السلام عليكم ورحمة الله وبركاته اشكر اخوي الفيتو على هذي الفكره والاخطا وارده في كل شي لاكن الهدف الاستفاده من الخطا وتفاديه في المستقبل الزبده القصه لها سنين مبطيه حول عشر سنين عينا جرة ثلاث العصر وحنا على موتر واحد ولامعنا طيرن يطلع ذيك السنه ولا الحباري راباتن الخد قديمه وجديده وعلى الجره انقطعلهن ابطينا معهن لاقدنا العصير الشمس بتغيب قلنا بننفهق وبنعشي وبن صبحن بكره انشاء الله وننتسف عن يمتهن واثرهن مخالفاتنا ومتقيات منا والله وانحول على روسهن لهن يوم قرطبن ثلاث الشمس غايبه ويطيرن وطيربهن ونعرضهن قرناستن معنا تطرح وحده والثنتين هفن والشمس غابت يوم اصبحنا ونروح على وجهتن ونعين ثر وحده وبدلت يومنا كله على وجهتها ولا عيناها الخطا ء ودك يوم طارن وحنا مامعنا وقت انا سبرناهن ولا هن رايحت لا صار ماهد عليهن وخدهن خلا ومبطياتن في الخد لاكن مشكلة راعي الطير لاشافه اختلف وسلامتكم

[اقضب]

[quote=راعي لاهور;4806757]السلام عليكم ورحمة الله وبركاته اشكر اخوي الفيتو على هذي الفكره والاخطا وارده في كل شي لاكن الهدف الاستفاده من الخطا وتفاديه في المستقبل الزبده القصه لها سنين مبطيه حول عشر سنين عينا جرة ثلاث العصر وحنا على موتر واحد ولامعنا طيرن يطلع ذيك السنه ولا الحباري راباتن الخد قديمه وجديده وعلى الجره انقطعلهن ابطينا معهن لاقدنا العصير الشمس بتغيب قلنا بننفهق وبنعشي وبن صبحن بكره انشاء الله وننتسف عن يمتهن واثرهن مخالفاتنا ومتقيات منا والله وانحول على روسهن لهن يوم قرطبن ثلاث الشمس غايبه ويطيرن وطيربهن ونعرضهن قرناستن معنا تطرح وحده والثنتين هفن والشمس غابت يوم اصبحنا ونروح على وجهتن ونعين ثر وحده وبدلت يومنا كله على وجهتها ولا عيناها الخطا ء ودك يوم طارن وحنا مامعنا وقت انا سبرناهن ولا هن رايحت لا صار ماهد عليهن وخدهن خلا ومبطياتن في الخد لاكن م شكلة راعي الطير لاشافه اختلف وسلامتكم[/q

[a1Ruwais]

يعطيك العافية على الموضوع

[طيرحوران]

حياك الله يالفيتو
الله من الغلطات لكن نبي نذكر وحد من اللي نذكر والا المنسير اكثر واكثر
السالفه
موترين قانصين
المهم لقيت حبارى ومعي طيرين حروافي ومزيون وكل مافيه زين الا جناحه دمار الدامرين
والطير الثاني جير شاهين سبوق
هديت الحر وشفطت له زي سلام عليكم مامعي الا ريشه وحد يعني الجير مافيه ريشه المهم نزلت وحذفت حمامه خبيله وطيارها خبيل لكن الحر ماقدر يقضبها وضيع الوقت علينا والأرض وعر وراحت الحبارى
(الغلطات ماهيب غلطه)
المفروض يصير معي ريشتين ومركبات بالطيور وجاهزات
المفروض اني احذف حمامه رديه بالحيل او مكسورة الجناح
المفروض السيارات تصير قريبات حول بعض
وشكرا يالفيتو

[البروالطير]

السلام عليكم.. الموضوع جيد جدا .. اصطاد الطير ارنب.وبعد ساعة هديت علي ارنب ثاني ودخل تحت احجار مسكتة حي وما اعطيت الطير شي حملتة بعد نصف ساعة قلت للربع وقفو نهد الطير علي الارنب الحي وهديت طلع الطير وبدا يحوم ويرقي فالسما وقتها شفت الساعة تاريها واحد الضهر وما في نسمة ريح عرفت وقتها ان طيري راح والجماعة يعزقون الحمام وجنحان الحباري وأنا اصبرهم اقوللهم الطير راح ودعيت لله يعوضني بخير منه وانا مازلت انشوف فية نقطة صغيرة فالسماء وستجاب الله للدعاء بعد شهرين مسكت صقر حر وحش فرخ وهالوقت مربوط بالمقيض والحمد
لله

[البروالطير]

الغلطة :عدم انتباهي للوقت وقت الضهر المفروض لانهد سواء قريب او بعيد ...والفايدة اني انشالله ما عاد اكررها ابد...وانصح كل الاخوة الصقارين بوقف الهدد وقت الضهر وخصوصا اذا كان الجو حار .

[أبوفرحان]

يعطيك العافية على الموضوع

[الصبيحي22]

السلام عليكم ورحمة الله وبركاته اخي الفيتو ماحد خالي من الغلط الكمال لله تقبل مروري

[فيصل الدشاش]

ألخطا موجود لابد .. مشاء الله على الجميـع ،
بحكم لا يتواجد معي طير هالشيء لي خص به ،
لكن قريت جميـع الاخطاء وان شاء الله نستفيد ،
يعطيك العافيه على الفكره بشكل عام ، ..

[راعي دابان]

شيء جميل والف شكر

[مذخور]

السلام عليكم رحمه الله وبركاتة
مرحبا اخي الفيتو طرحك للموضوع جميل اتمنى للجميع الفائدة
وبالنسبة لي
استعين بالله واقول
جاني طير هدو من شخص عزيز علي قرناس وحش وذلك في عام 1408
الحقيقة دهلت الطير بما اوتيت من قوة وجرية علية لحد الضعف ولكن الطير
عيا يستجيب للدعو براسة حب ماطحن نقزتة ثلاثة ايام وانا بالمقناص والجو كان بارد جدآ
وشفقان على الهدد لأن الحباري كثيرة بذيك السنة ومن العجلة شنذرتة وكررت الشناذرة من بكرا
وبدون قياس تخبرون اول مافية كبسولة نطحن الشناذرة ونضعها بقطعة شاشة وندخلها بمعلف الطير
بعدها تأثر الطير(( شناذر وبرد وقلة علف ))وبالنهاية مات
هذة من غلطاتي الاكيدة ولكن السبب حرصي الزايد على شوفة هددة
علاجها ::
يفترض اني لم اشنذرة على جوع بين وكذلك لم اكرر الشناذرة لانها اهلكتة
ويقولون كثر الحرص يعمي
تقبل تحياتي
اخوك مذخور