شنطة الجيش الفرنسي (العزبة) صور

[fahd photo]

طبعا هذي الشنطه شفتها عند أحد محلات الرحلات وأعجبتني بالمرة
سألت صاحب المحل بكم سعرها
فقال لي ليست للبيع
أخرجت الجوال
وصورتها أربع

الصور الأولى
للشنطة كلها
http://www.mekshat.com/pix/upload/images8/mk14886_boox.jpg
الصورة الثانية
هي للجزأ الأيمن لشنطة
وفيه القدر ودلة القهوة والمطاره وغيرها شاهدوا كيف ثبتت بالأحزمة
http://www.mekshat.com/pix/upload/images8/mk14886_boox1.jpg

والصورة الثالثة
وفيه المقلات وهي من الصاج القوي
وبعض الأغراض الدقيقة
http://www.mekshat.com/pix/upload/images8/mk14886_boox2.jpg

والصورة الرابعة
وهي لغطاء الشنطة
وأهم مالفت إنتباهي
هو القائمة المكتوبة يمين بأغراض
الشنطة لكي لاتنسى شئ منها
وكذلك يسار الشنطة مرسومة ل
كيفية ترتيب الأغراض بالشنطةعلشان ماتضيع
ومعلقة القربة وهي من المطاط القوي
http://www.mekshat.com/pix/upload/images8/mk14886_boox3.jpg

وشكرا لكم لعلي أفدتكم ووسعت صدوركم
وهذه أول مشاركة لي

[قايد السرب]

شغل عدل ------------ الله يعطيك العافية
طيب ماتدري الجسم الخارجي من ايش وهل هي خفيفة
مع الشكر والتقدير

[عشق الفيافي]

يعطيك العافية

[ابو هــاجــوس]

شغل مزبوط


لكن مهي مئلوفه


لا توجد سكينه ولا دلة اقهوة

ما تصلح شكرن

[escape_man]

وين ندخل سوق الاسهم وقروشنا ضايعه بهالعزب وخرابات الجيوب

يبيلنا محلل اقتصادي يدبر امرنا ويمسك على يدينا

ولو نبي نقط للموقع وندعمه مالقينا الا دعم عيني من دلال واباريق من كثر مانشريهن

الله يعطيك العافيه يا فهد والعزبه شغلها عدل وشغلك احلى واحلى

[سفير الجزيرة]

والله مضبوطة

وبأسألك
وشو الجوال اللي صورت به ؟ وهل عالجت الصور بعد ادخالها أم كما هي ؟

[الضاحي]

هل هذي الشنطة هي الموجودة عند ذيب الصحراء ؟

[مداوي]

5]مشكور اخوي على الصور الحلوه والجهد المبذول والحرص على افادة الأخوان في مكشات
لكن عندي قناعة تامة ان شنط العدة والعزب الموجودة بالسوق والأغراض افضل منها ولا الفرق شوي
لكن الشي الجديد والغريب له قيمته مافيه شك
الف شكر مرة اخرى[/color]

[fahd photo]

نسيت اقولكم أن
لما سألت راعي المحل قالي أن هذي
(شنطة الجيش الفرنسي)
مصنوعة من الحديد أما الوزن
فهي ثقيلة جداً
لأنها للجيش
ما يصلح أحد يشرية
لكن أبي أنكم تتفرجون عليها و تستفيدون من طريقة تنظيمها
وعملها وربط الأدوات فيها وطريقة تقسيمها
وتراه قديمة جدأً

والجوال الي صورت به
هو الخيال والتعديل بسيط جداً

نعم هي عند ذيب الصحراء

واشكركم على التشجيع
وبارك الله في كل الشباب
اللذين علقوا على الموضوع
وجزاهم الله خيرا

[ابو درع]

اكيد بتكون مميزه خاصه انها للجيش .. وكما ذكرت ثقيله ..

فيه مزاد في الخرج .. فيه صناديق قريبه من هذه الشنطه لكنها كبيره الحجم ..

تابعه لكتيبه عسكريه وجديده لم تستخدم .. ولأغراض الموجوده لديهم كلها تابعه للكتيبه .

من معدات ، وكشافات ، وسيارات غريبه الشكل .. ويقول كان لدينا همرانت 11 همر تابعه لهاذه الكتيبه

وبيعت بسعر زهيد 73 الف ....

[حافي]

اظن اني شفته عند محل بالرياض امتداد طريق العليا غرب خاص بالبر واسمه ديب الصحراء
بس مادري للبيع او لا :D

[الطعس الذهبي]

حنا أزين منهم

[عشرين]

ارجو ابلاغي عن مكان الشنطه وعن السعر

[ابو ســــاره]

السعر اربعمائه اذا ما خاب ظني انا خابرن اني قد سئالت الحضرمي مدير المحل .
وان كان تبون العلم ترى فيه شنطه ذخيره حقت الجيش حلوه مره لجميع الاحتياجات تبيها لماطور الهواء ولا للعدة ورخيصه على 15 ريال اخذتها بعد المكاسر وتكسير الحساب

[دندشه]

مشكور اخوي
تقول شنطهه ذخيره هل تصلح للعدد ( المفكات )
هل الحجم كبير وتتحمل بعض الضربات
وين القاها به وشكرررررررررررررراً

[ابو ســــاره]

الشنطه حقت الذخيرة حديد في حديد انا املاها بالعده واكبس العده كلها بغطاها قويه جداُ ومستحيل يدخلها اي رطوبه لوجود ربل على جوانب الغطاء من الداخل حتى انك تقدر تثبتها داخل الكبوت في السياره اذا خرمتها ممتازه جداُ واذا رحت للمحل لا تاخذ وحده بس تراك تبي تحسف بعدين وترجع تاخذ ثانيه وثالثه ورابعه مثلي لكثرة استخداماتها ورخصها .
وعلى فكره تراها نفس حديد العزبه هذى .

واسفين على الانحراف عن موظوع الرجال .

[جفن ضب]

شنطة قوية جدا