$$تصويتكم الله لا يهينكم واللى يدخل لابد يشارك ولا لايدخل لاهنتو$$

[الحركساب]

السلام عليكم ورحمة الله وبركاته
:fالموضوع:f
الحاصل والملاحظ انك اذا كان عندك صيده (جره او شوف عين) وزهمت على خوياك
لقيت قنوص طابيين عليك اكيد على الجهاز ......
((السؤال))
لو سمعت أحد على الجهاز يزهم خوياه تروح عليهم ولا ماتروح وليش ؟؟
نرجوا المشاركه والمصداقيه......
ودمتم,, اخوكم ابومحمد

[فيصل 2010]

يعطيك العافيه اخوي
على الموضوع

والصراحه
عن نفسي اذا ماحولي شي واسمعهم وقريب لا والله ابي اجي وامتع نفسي بالمهد ونبارك لهم
ويمكن يحصلك مهد اذا طرحت طيورهم
واذا جو عندي لازهمت خوياي يا هلا ومرحبا والهد لهم بعد مانخلص ان ماحصل لنا نصيب

والله يرزقنا ويرزقكم بالمهدات الطيبه

[سوبر جابري]

وعليك السلام ورحمة الله وبركاته
بنسبه لي انا ما احب الاقافه انت ما زهمت علي زهمت على خوياك
اذا كنت بعيد ابعطيه دعوه من ظهر غيب
بس اذا كان قريب اسمحلي بطفي السياره وامسك الدربيل وتفرج على الهدد ونبارك لصاحب الهدد

ومشكور على الموضوع

اخوك / سوبر جابري

[بو غازي]

السلام عليكم ورحمه الله وبركاته
مانيب رايح لهم واحاول قدر مااستطيع اني ابعد عن محلهم الي هم فيه خوفا من القيل والقال :)

[الكايد 123]

مسيك بالخير يا الحر كساب
انا عن نفسي والله ما اروح لهم
السبب
ياخي هم يدوجونه ويعسونها بـ الاسابيع اجي انا اقطع عليهم واقنصها
الله يوفقهم فيها وانا الله بيرزقني ان شاء الله

تقبل مروري
اخوك : الكايد

[نايف العويمرى]

السلام عليكم ورحمة الله وبركاتة

اذا قريب اروح واتمتع...وتسلم على الموضوع جميل ؟؟؟

[القرناس المهاجر]

لاوالله ماني رايح لهم .. لكن اقول الله يوفقهم ويرزقني من واسع فضله

[خوي السرور]

والله مالى بالصقارة والصقور بس ودك الواحد مايتطفل ويضايق غيره

[ابو نايف 3993]

يعطيك العافيه اخوي

القصد من المقناص كله شوفه الهدد سواء لك ولا لغيرك

فانا عن نفسي لو سمعت ان فيه قنوص حولي وعندهم حبارى بنصاهم وبستاذنهم بشوفه الهدد....

[a7a7]

طبعا منب رايح لهم

حتى مااكون سبب في مظايقتهم ..

والله يعطيك العافيه موضوع جميل

[الطبشي]

السلام عليكم ورحمه الله وبركاته
مانيب رايح لهم واحاول قدر مااستطيع اني ابعد عن محلهم الي هم فيه خوفا من القيل والقال :)


كلام سليم
وازود عليه اني ما احب
احد يجيني على الجهاز
عشان كذا ما اروح
000000000000000000
وياكثر الي يجونك ويبلونك

[@..ابن الدلم..@]

مافهمت شيء أخي

[عنيد]

انا اسميها دناءة نفس ولا في وجهه حيا اللي يسويها و ياما عانينا منها


مثل اتمنى التقيد به
اتعب مثل الرجال والرزق على الله

[مولع بالطير]

مساكم الله بالخير بجيهم لسبب واحد اتفرج علي الهدد ولا غيره مالي فيه ووسلامتكم

[ابوناصر السهلي]

والله الي مارحت

[مفني الدخل]

ما اروح لهم الله يرزقهم ويرزقنا

[عزوتي وايل]

موضوع قيم الله يجزاك خير أخوي راعي كساب

أما بالنسبه لي يمكن أروح لكن مب عشان أخاشر الخلق في حباراهم لكن عشان أتفرج بس

والله يجزاك خير

[شنقاري]

الله يعطيك العافيه

على الموضوع

من ناحيتي مااأروح الله يرزقهم فيها

والكل بيلقاء نصيبه

[فيصل الذيب]

عني انا اذا كنت قريب منهم اشاور نفسي والي معي بالموتر ونروح ضيوف شرف بس نتفرج ونبارك واذا راحت الحبارى على طيورهم كلها و اسمحولي الهدد هديت وان الله كتبها عطيتها اياهم ((اعزلها لهم )) ومنها اني اتونس و يصيد طيري واعمل خير
اما اذا جاني احد فحياه الله كضيف واذا راحت الحبارى عن طيوري اول مااقول بالجهاز لحق عقبي والله يباركله انصادها طيره ويرزقه ان روحت عليه وسلامتكم

[الهذلي2]

والله حط نفسك مكانهم هل ترضاها على نفسك ........واحكم

[عاشق]

وعليك السلام ورحمة الله وبركاته
بنسبه لي إنا ما أحب اقلب بالقنوات (المكاتب) وأتسمع !


وبنسبه لسوألك ؟


أكيد ماراح أروح والله يوفقهم ويرزقنى من واسع فضله والسامع والقاري

[جره الصيد]

السلام عليكم ورحمه الله وبركاته
اناعن نفسي ياالاخو الطيب اشوف الهدد من بعيد وبارك لهم على الجهاز واتسهل والله يرزقنا ويرزقهم والله كريم

تقبل مروري وشكرا;)

[درويش]

والله حسب الاشخاص اذا انا اعرفهم وعلاقتي بهم جيده اروح واتفرج على الهدد فقط

[جو الشيخ]

موضوع جميل
اما بالنسبه لي اذا كانت جره ماروح لهم وابعد عنهم والله يرزقهم
اما اذا كانت حبارى شوف العين بحير اروح لهم واستأذن منهم بتفرج
واتاكد من برق الطير وانه يكون مربوط زين وسلااامتكم

[درويش]

اذا انا اعرفهم وعلاقتي بهم جيده اروح واتفرج على الهدد فقط اما اذا كان المعرفه سطحيه ادعيلهم ان الله يوفقهم ويرزقن مثلهم

[عمرالعامر]

تسلم ياالغالي على الطرح الواعي

أمافي مايخص السؤال

أذاكانو معي في نفس الموجة الثمرة شوف الهدد بعد أستسماح راعي النداء

وشيبانا يقولون لعبأعليها خير من صيداتها

أما التنقل من موجة لموجة من باب التطفل فماهو من أطبوع الصقار العاااااااقل

أخوك الصغير

العامر

[abu fares]

رغم ان مالي علاقة بالمقناص


لكن مشاركة لكم

أشوف أن هالفعل يدل على قلة حيا من اللي يسوية

[راعى شاهين]

من وجه نظرى ماروح وليه اروح حتى لو اقريبين منى ابعد عنهم الى يجيهم صراحه مابوجه حيا يعنى مايستحى وجه بن فهره بينك وبين نفسك تروح رجال وهو ماعزمك الا اذا انت ماتستحى هذا شى ثانى

[سلطان 1]

اول حااجه وش له اللقاافه يوم اقلب في الموجاااااات واتسمع لي اي شي ؟
والثاانيه عزالله مارحت يمهم 0 ليش ؟
لاني ان رحت يمهم قالو جاكم قنااااص استرفعوه اقلعوه طبعا بين بعضهم وليا جااك احد منهم وقالك الا انت ماكلها في لحيتك وانكرشت خلك بعيد ولا تجيهم وعز نفسك 0
وان راحت عليهم الحباارا وانت منكرش منهم اليوم قالو بس من عين اللي جااكم تو 0
ابعد عنهم ولا تجيهم ويرزقك ربك 0
وانا اشوف ان فيها فضول

[راكان 11]

ما يروح الا دنيئ نفس
الأنسان صاحب الكرامه والعزه لآ تقبل نفسه بهذة الأمور

[قنيص غير]

يعطيك العافيه اخوي
على الموضوع

[عتيج الصوف]

يعطيك العافيه اخوي
على الموضوع

والصراحه
عن نفسي اذا ماحولي شي واسمعهم وقريب لا والله ابي اجي وامتع نفسي بالمهد ونبارك لهم
ويمكن يحصلك مهد اذا طرحت طيورهم
واذا جو عندي لازهمت خوياي يا هلا ومرحبا والهد لهم بعد مانخلص ان ماحصل لنا نصيب

والله يرزقنا ويرزقكم بالمهدات الطيبه

اشاااااااااااركك الراي :good2: :good:

[عايض الدرعان]

والله ماني رايح لهم والي رزقهم بيرزقني ان شاء الله وبالعكس بادعيلهم والله يرزق الجميع

[sultan18]

يعطيك العافية شرح مميز وتقرير رائع

[طيرالحمــــاد]

استاذن منهم للتفرجه لالا اكثر ولالا اقل ما كل يوم الواحد يشوف حبارى

[طير الهقاوي]

وعليك السلام ورحمه
من ناحيتي مالي عازه بهم جرتهم الي هم عندهاا او انهاا شوف العين
الناس معادبهااا مثل الاول
الاول نجيهم ونساعدهم ونتونس بشوف الهدد
اما الحين اتجنبهم خوفي من الحماقات التي سمعتو عنهاا واكثركم لا تجهله هذه الحماقات
جنب وماجاك عني
جنب وترك الرياجيل عن الي عنهم
ودور ويرزقك الله ان كتبلك شيء
تقبل مروري

[عوق الخريش]

بسم الله الرحمن الرحيم ,,
السلام عليكم ورحمة الله وبركااتة:
حيااك الله أخوي : الحر كساااب,,
يعطيك العاافيه والله يبيض وجهكـ ياكحيلآن على ذاا الموضوع وألأستفتااء ......لآهنتــــــ ,,
كيف أسمعهم ألا لازم احط قناتي على قناتهم وهذا تجسس هههه أجهزتناا ياالغالي مشفره ولاتدخل مع أحد ولاتطلع مع أحد ,,
ولاكن انا صوت وجااوبت ؟ وأذا سمعت نااس عندهم أحباري وانا أعرفهم بروح أشوف الهدد وأذا صرت مااعرفهم لاوالله ماااروح ,,,


*



تحياتي لكـ ...... وشكراّ,,



*



أخوكـ




*




( عوق الخريش )

[راعي غضبان]

لوالله ماني رايح لهم والله يرزقهم ويرزقني انشاءالله حتى الي لاقي الحبارى وانت جايه وهو وربعه بيتشائمون منك حتى لو طرح او حل طيرهم قالوا هذا نفسه فيها وقلاعها علينا والا طيرنا مايروح عليه شي بس شكله نضول ونضل الطير وراحت الحبارى علشان كذا ابعد وافتك من القال والقيل والله بيرزقني لزينت نيتي وانا خابرلك ناس الموت الحمر علموني عنهم ناس خاووهم وهم نضلان ويقوفون الطير وتروح الحبارى ولايهدون عليها الا هم ويصيدونها واحد يقول معي طير ودي اجربه وانا جايين ناس عندهم حبارى قال تبي الحبارى قلت ايوالله ابيها اجرب الطير ماهقيت انه كذا الموت الحمر المهم هدوا عليها طيورهم كلها وتطرد شوي وتعود واخر شي ماصادها الا راعي الطيرالي يبي يجربه الي معه النضول الله يكفينا شره علشان كذا الناس مايبون احد يجييهم وتصيبه عين والا اي شي والعفويه هي الي تصيب تشوفه يشوف الطير وهويرددها وهو في نفسه والله الي بيصيدها والطير ماله زاحميه هنا عين المشكله الا احسن ابعد واتركهم في حالهم والله بيرزقني وبيرزق الجميع ومشكور اخوي على الموضوع

[سليمان 10]

ادعيلهم بالتوفيق والله الرازق 000

[شمالات نجد]

طبعاً ما اروح

من سبق لبق

لكن ليه ما يكون في قناة خاصة ومشفره بين الربع عشان تجنب مثل هالحالات

لأني متأكد فيه ناس بتروح ولا عليها من أحد (قواية وجه)

سلام

[صاحب نوماس]

والله اذا قريب عليهم مرة ممكن اني اروح اتفرج على الهدد فقط لان هدد الحبارى بالذات قلة يمكن يحصل لك هدد واحد والا اثنين بالموسم كلة وتكحل عينك بالهدد

اما اذا انهم بعيد عندي ماراح اتعنى لهم

[falconer-kw]

موضوع جميل وجزاك الله خير يا الحر ومن يسمع على طرح الموضوع وشكر للاخوان اللي شاركوا ومع احترامي لجميع الاراء

والله انها مشكله قمنا نحاول ما نتواصل بالاجهزه علشان لا يمسك واحد ملقوف الموجه وينطرنا نقول عندك الاثر او الحباره يا اخوي الرازق الله والله اذا هي مكتوبه لك والله لو بين الف موتر محد بيهد عليها ويصيدها غيرك انا اقول خلنا نترك الناس بحالها بالزمان الاول اذا شافوا قانوص جوه وقالوا افزع لنا والرزق على الله لكن بعد التطفل من بعض الصقاقير هداهم الله صار الواحد اذا شاف موتر قال وليييييييييييييييييييييييييييه:mad: لذلك اذا افضل اني لو سمعت بالخطا لاني ما افتر ادور بالموجات ابقولهم عسى الله يوفقكم لاني يمكن لو قربتهم خربت عليهم الهدد بانهم يرتبكون ولا يحكمون الموضوع خوفا من اني اكون غير عاقل واهد على حباراهم او اهد مع طيرهم والله اني اتعرض للموقف اكثر من مره لذلك والله اني حاس باللي يحسه راعي الطير اذا شاف السسسسسسسسسسسساحره ( اقصد برقه الريش ) وجاته المواتر تخاشره بصيده والله انه يتضايق وتحوشه الربكه ويمكن يستعجل بالمهد وتروح عليه ام انه يظلم طيره يا اخوان لنحاول نكون اخوان بالله
((حب لاخيك ماتحب لنفسك )) واسال الله انه يجمعنا على الخير والمحبه ويهدي النفوس ويعقل بعض الصقاقير هداهم الله ونترك الفضول والتطفل والرزق عند الرزاق وسامحوني على الاطاله
اخوكم بالله /ســـــــــــــــفاري الكويت

[شقران2000]

بروح صوبهم وبتفرج على الهدد لانه هذي الهوايه مافيها مستحى,بس بشرط اني مااغلط على احد واذا طلبوالفزعه يبشرون وانا بوسلطان,الهوايه هذي ما يبي لها رجال يستحى واله ما يحب الناس المقناص وناسه .

[المظهور]

تم التصويت واكيد لا اايد

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير ياخوي / الحر كساب

الحقيقه انكان قريب مني وهي جره بعرض عليهم الفزعه
وكان شوف العين بمس الدربيل واتفرج
ولو هي عندي وسوى سواتي احد مافيه ادنى زعل
بالعكس بنبسط .. لكن كانه حنشولي:mad:
هذا مرفوض وعليه معونة بالله
مشكور
*
والسلام
AL Khapt Brother Naif
الحجاز
16-7-1431هـ
http://www.mekshat.com/pix/upload01/prof009/mk8575_ttttttt.jpg
الله مــن خـــرب ٍ تـــخــثــع بــغــلــبــه .. مطغـيه نــبت الو سم وأزهار الربيع
لا أشرف على مرسيط هم شاف إعربه .. كسر على الــقرضاب والجو الوسيع
من خـلــقــتــه ماجـــاه شــي ٍ يــرعـبه .. لاثايــرة بــنــدق ولا طــيـــر ٍ شجيع
جيته وأنا أحمد لـيـن ضيـعــــت إطربه .. جـيــتــه بـطـيــر مـدبـــج هجر ٍ بتيع
يجيبه إمن الـمــزن لا قـلــنــا جــــبــــه .. النادر الــلـي كـــل ما أنـدبــته يطـيع
ياكم طـلــع يــاكـــم وروى مــخــلــبــه .. عـان الغلب في كل روض وكــل ريع
حـول عــلى الـوادي وهات إمن إحطبه .. جاك اللحـــم وش تحتري خلك سريع

[الــنــشــمــي]

والله الناس تغيرت والنفوس تغيرت واذا جيتهم قالوا وش يبي
افضل شي ما اروح لهم
الله يرزقني ويرزقهم واللي يجي من دون عزيمة يرقد من دون افراش

[بوغلب]

السلام
ولو أني ماأحب التطفل ولكن بروح أن شاء الله وبفزع لهم وبشوف هدد على الهواء مباشره وعسى الله يرزقنا ويرزقهم

[الصقار111]

والله ماروح لهم لأنهم مايبوني اجيهم والشاعر محمد بن مشيط يقول
( من لايرحبي إلى شافني جيت _ أهون علي موتي ولا أروح صوبه )

تقبل مروري

[قنيص غبر]

الاعمال بالنيات .. وانا انشاءالله نيتي صافيه ... لو سمعتهم وانا قريب منهم بمر عليهم وبسلم وبقولهم اني جاي اطمش واشوف الهدد لا اكثر واشوف اذا يبون اعينهم في شي او ناقصهم شي ( طبعا ماتخلى النيه من ... :) ) لكن الاهم يا اخوان انك ماتجلس قريب منهم واتجر عليهم الديربون ويشوفونك ولا يعرفون شو في خاطرك .. اذا لك نيه تطمش قرب عليهم وسلم وعطهم لعلوم وشو مقصدك من الجيه . حتا يحسون فيك ويعرفون شو في خاطرك .. وان كانو مخاويين شما عزمو عليك بالهدد ( طبعا ماتكون ملقون واتقول اوكيه على طول ..) وانشاء الله يرزقهم بالصيد ويتنومسون واذا الله ما قدر الهم الصيد او طير ماطلب .. يمكن يعزمون عليك بالهدد ... والنيه صافيه دوووم

[بواردي الدبدبه]

ايذا طرحتهاا وجوني اقولهم طير طيار ب السمااء يعني مو حقي ولاا حقك توكلو على الله

[مسعود2]

الناس ماهم سوا يجيك واحد يقول ابروح اتفرج وابارك لهم او افزع لهم او اشوفها شوف العين وهم يقصون جرتها وادلهم عليها او يكون حرامي ابن سته وستين ... ويناشبهم عليها

على كل حال انا عن نفسي ماراح اوصلهم ابد تقول ليش
ان قلت فزعه اقول اذا بغوا فزعه طلبوها
وان قلت اتفرج اقول الله مغني عن هالفرجه
بالعكس اذا رحت لهم وجاك واحد استرفعك عنها وش تقول ؟؟ ابي اتفرج ؟؟ والله عدك شاحدها شحده
ماتسوى عليك الفرجه
كان الله كاتب لك شي يبي يجيك
وهم الله يبارك لهم بمارزقهم ويعين طيورهم وتصيد ويستانسون

[بوعندودي]

السلام عليكم
يعطيك العافيه على الموضوع الجميل
انا لا والله ماني برايح لان هاذي تعتبر لقافه والرجال ماصوتلي ليش اروح واتليقف
اقعد واطالع الهدد واتمنى من الله يرزقني
وسلامتكم

[أخو عيد]

مالي فيهم حاجه ولاني بجايهم ..
بعدين اللي قانص هو قانص للصيد ولا قانص يتجسس علي الموجات

[الحركساب]

الله يعطيكم العافيه ماقصرتوا شكرااااااااااا لمداخلاتكم

[قناص الهمله]

انا بروح اشوف الهدد

[نواف نجد]

ان كانهم معرفه بروحلهم وشوف الهدد اما اخش عرض مالها ي داعي انحش لا يجيك الي ماتبيه وطيح وجهك ون لقوك في مجلس تلاقيهم قد علموا كل الناس وتروح كراتمتك عشان هدد

[501]

السلام عليكم ورحمة الله وبركاتـــــــــــــــــــــه

اخوي الحر كساب مع احترامي الى جميع صقاقير مكشات نوايـــــــــــا صقاقير ذا الوقت اختلفت الا من رحم ربك

اما بالنسبه لي ما اقرب احد وياما انا اتقنص ينصوني صقاقير ويقولون عندنا حباره نسترفعك منها
وادبر عنهم والبعض يقول تبي المشاهد شاهد
بس برقع طيرك

واذا انا عينت حباري بيني وبين اخوياي موجه متعارف انا وياهم ومستخدمين الرموز بالمناطق
للبعد عن المشاكل واللقافه هذا مالدي اخوي الحر كساب

501

[قرناس الباطن]

مسا الخير للجميع شكر على الطرح الجميل ولكن الصراحة وبدون شك ابى امر عليهم وشوف النفسية واللبيب بالاشارة يفهم اما استانست معهم والا انشاء اللة يبي اللة يرزقنى ودمتم :l

[حمود مناور]

والله الناس تغيرت والنفوس تغيرت واذا جيتهم قالوا وش يبي
افضل شي ما اروح لهم
الله يرزقني ويرزقهم واللي يجي من دون عزيمة يرقد من دون افراش



نفس كلام اخووووي النشمي :good2:

[فلاجكو]

عن نفسى لاماروح وندعيلهم بالى رزقهم يرزقناء ...

[زعلان منك]

انا عن نفسي ماروح والله يرزقهم

[zais]

أعوذبالله اقعد والرجال تهد ياما تروح عليهم وسبرهاههههه والى واقل شى اتفرج على الهواء مباشرة.

[بحرة حوشان]

موضوع مهم
فيه ناس متنكله من بعض اشباه الصقاقير
فتلقاهم لاصار عندهم جره او حباره شوف العين
وجاهم قانوص بتضايقون
وتم التصويت بعدم الذهاب

[al-hrf]

اكيد ابوسع عليهم وابعد قدر المستطاع.

تسلم اخي على الموضوع الجيد لأنه في الوقت الحاضر يحصل كثير من المضايقات للأسف.

[عاافك الخاطر]

بالنسبه لي انا والله ماني راايح لهم لكن اذا جا الموقف هذا معي يعني انا ناديت اخوياي وجوني ربع ماهم ربعي مع ربعي وقالو نبي نتفرج في الهد فياههلا ومرحباا وابرك الساعات انهم يناظرون فيه..

[((السنياري))]

لاماجيهم
الا اذا اعرفهم

كل القوانيص لهم قنات يجتمعون فيها وهم ربع ويعرفون بعض
انا وش يحدني وحط على قناتهم وسمع سولفهم يمكن عندهم سوالف ماودهم احد يسمعها وهم مع بعض

[م العمعوم]

ولله ماني رايح يابعدحيي الشيمه مانقطعة

[عاشق المقناص3]

لا والله عني أنا ما اروح

وليه أحرج حالي مع النــااس

وما يروووح غير إنه ((نشبه))
وتخيل إنك إنت لاقي الحباري وناديت الربع وجاك واحد ماااتزعل

والأن بالاجهزة رموووز وكل رمز يدل على مكان أو حيوان يعني ماتفهم وش قصد الربع بالرمووز


تقبل مرووري

اخووك
عاشق المقناص3

[غريم]

صباح الخير ندخل في الموضوع اذاهم معارف لك يمكن تروح لانهم يعرفونك واكثر الصقاقير مايحبون المضايقه ليه اذامجاه الطير قل من كثرت السيارات وشلك في الحكي بنسبه لي ماطرت تقبل مروري اخوك المري

[حوطي وفتخر]

انا ما احب القافه عشان كذا منيب رااد:no2:

[طامي المطيري]

السلام عليكم ورحمت الله وبركاته.
مشكور على هل موضوع يالحركساب
وانا عني والله ماني جايهم والصيد وفقه
وعسى الله يرزقهم ويرزقنا

[صقارالواحة]

انا صار لي موقف مره قانص لحالي واطالع للارض ادور جره واتقصص ولقيت جره ويوم رفعت راسي قلت يمكن حولي الحبارى شفت قنوص جيبين واتجهت لهم وتعذرت منهم اني ماكنت ادري عنهم ولاشفت سياراتهم واني سوف اغادر المكان قالولي ماتشوف شر ودعيت لهم بالتوفيق ومشيت

[الكونترولCONTROL]

ما يتشارك الناس الا في الماء و النار (الحطب ) و الكلأ (المرعى )
و غيرها من حصل شيء فهو أولى به و الله الذي رزقه
----------------------------------------
وعن رجل من الصحابة - رضي الله عنه -- قال : غزوت
مع النبي -- صلى الله عليه وسلم -- ، سمعته يقول :
الناس شركاء في ثلاثة : في الكلأ، ، والماء، والنار «
رواه أحمد و أبو داود ورجاله ثقات ..

[bond]

ماروح لهم
ليه ؟؟
لان الرزق على الله
تحياتي

[بوار]

بسم الله الرحمن الرحيم
موضوعك اخي بارك الله لك ممتاز
وانا عن نفسي لا والله مااروح لهم وادعي لهم باالتوفيق
ورب البيت كريم
( حب لأخيك المسلم مثل ما تحب لنفسك )
وتقبل مروري

[راعي طلاع]

ان كانهم قريب ناظرت الهدد وتونست وان جنبت طيورهم هدينا بعد الاذن منهم لان الحباري قليله
وان كانهم بعيد ماتعنيت ودعيت لهم بالتوفيق وربك يرزق العباد

[أبوفرحان]

لا والله مااروح لاني مااحب اللقافه
بس اتفرج من بعيد وادعوا الله يرزقني
ولاهنت على الموضووع

[طيار قطر]

راح ادعي لهم بالتوفيق وابعد عنهم مسافه لا تقل عن 10 كيلو واكثر لان القاع بتكون مقنوصه قبلي اكيد اما الفرجه اكيد راح تمتع بس بتكون على حساب اليوم وراح يضيع

[ابوسرور الرشيدي]

السلام عليكم ورحمت الله وبركاته

اما انا اكيد ابي اروح بس القصد من الروحه

اني ابي اتفرج
اول شي راح اروح لراعي السياره واقوله والله انا سمعة الكلام اذ تبيني اعونك ابي اعونك واذ فيها مضايقات ابي اروح

وشكرن

[skeet]

مع احترام للجميع انا اصلن ليش اتجسس على القنوات الثانيه وان حصل الرجال ينادي اخوياه انامالي علاقه بالموضوع

[طير الهقاوي]

اخليهم ولا اجيهم والرازق الله
يرزقني الى يرزق الهايشه بجحرها -- لاخايلت برق ولا هيب حايله

[مقدام911]

بسم الله الرحمن الرحيم
السلام عليكم ورحمه الله وبركاته
اخوي كساب موضوع جميل ويستحق النقاش هو دعأ خوياه وليست الدعوه عامه
وعني ابي ابتعد اكثر ومن طبعي اني ما اقلب في القنوات حتى لا انقطع عن خوياي

دمت بود اخوك مقدام 911

[الصارم1]

الا بروح وبتفرج بس

[سم الحباره]

لا لا ............!

[راعي لا حاق]

لاهنت اخوي على الموضوع
اما بنسبه لي لا والله وانا اخوك ماني برايح صوبهم الا ابقنص على فالي ارب الله يجيب اختها

[صقار الحدقه]

اما بالنسبه لي انا انكنت حولهم صراحه ابي اروح واتفرج وانحصل هداد يكون افضل لان الواحد يقنص اسبوع ولايشوف الجره. الله يرزقنا
وبالنسبه لو كنت انا مكانه اي انا الذي يصوت كان ابي ارحب بهم واذا عجزت طيورنا راح اخليهم يهدون
اخوكم صقار الحدقه

[منصوربن جدعان]

أبرووووح لهم مجرد فرجه فقط وتمتيع ناضر

[ابو وافي00]

مساك الله بالخير اخوي
لو انا ماروح
بس اني اقرب واعاين الهدد
وتقبل مروري

[skeet]

والله ياخوك الي تبي تروح اتفرج بس ماتدري عن عقلية بعض الناس اخاف يقول انت سمعتنا على الجهاز وجيت وهاذي ماتعتبر دعوه لك بالعكس اسمها تطفل

[سطام ابو سعود]

السلام عليكم ومساكم الله بلخير
مااروح لهم لانه هدد لا لي ولا لخوياي
ماقول الاالله يرزقهم ويرزقنا ولا بيض الله ولا سود الله
وشكرااااااااا

[الماهر2000]

بسم الله الرحمن الرحيم وبه نستعين 000 تحيه طيبه للجميع انا الصراحه مانى رايح جهتهم اطلاقا ادعو الله ان يرزقهم بها لاننى مااحب اروح لااحد 00 لكن فيه ناس مايسمع شى على الجهاز الى جاك باقصى سرعه لاننى شاهدة ذلك فى شبك الطيور اما الهداد مالى فيه ما يسمع احد عنده طير الى جاك منطلق لكن الله يرزق الجميع 00000 تمنياتى للجميع باالصحه والعافيه 00:s

[الطرس ممدوح]

مساكم الله بالخير
طبعا منيب رايح
اللقافه شينه وبعض الناس يحس انها مرجله يروح ويبلا الناس

[الحركساب]

الله يعطيكم العافيه ماقصرتوا واضحه نسبه المشاركات ونعطى مجال لاخوانا اللى ما شاركوا
الف شكر لكم.

[طيب ساس]

اروح اتمتع بشوف الهدد
ولا فيه شي

[ناصر بن عبيد]

بالنسبه لي مااروح لهم حتى لو لقيتهم قدامي اجنبهم وامشي واترزق الله

[هواوي صيد]

ما روح لهم والعوض من الله

[هدد999]

من جاءبلاعزيمة بات بلافراش

[قرناس شماالي]

السلام عليكم ورحمه الله وبركاته
مانيب رايح لهم واحاول قدر مااستطيع اني ابعد عن محلهم الي هم فيه خوفا من القيل والقال :)


:good2::good2::good2::good2::good2:

[بو هاشم]

بسم الله الرحمن الرحيم
السلام عليكم ورحمة الله وبركاته
اما انا ما ادور على المحطات قاعد على محطتي انا وخوياي
حتى لو دعوني ما اروح صوبهم الا في فزعه
انا شيمتي من شيمة الاولين الله يذكرهم بالخير

[مجرح السوح]

بالنسبه لي اذا كانت اول حبارى بالموسم ولابعد كحلت الله ولي العلم اني ابسترخص الربع واملى عيوني بالنضر وان كنت لاوالله شايف وهاد هذيك الساعه نعطيهم مجنب ورب عطاهم ماينسانا
:good2:

[العاذر]

مسيك بالخير يا الحر كساب
انا عن نفسي والله ما اروح لهم
السبب
ياخي هم يدوجونه ويعسونها بـ الاسابيع اجي انا اقطع عليهم واقنصها
الله يوفقهم فيها وانا الله بيرزقني ان شاء الله

كلامك صحيح ياخوي


الاشخاص يختلفون بعضهم مايستحي غاسل وجهه بمرق يحشر نفسه في كل شي متطفل وفضولي وملقوف والتربيه لها دور والمرؤه تختلف من شخص لآخر
وعزة النفس مطلوبه

[راعي الفيوجن]

مشكور اخوي حر كساب
على الموضوع الاكثر من رائع
وانا من ناحيتي لا والله اببعد عنهم وابدعيلهم لاكن مايمنع ان الواحد يطرب نفسه ويشوف المهد بس من بعيد لو بدربيل مايمنع وشكرا

[العاذر]

بسم الله الرحمن الرحيم
السلام عليكم ورحمة الله وبركاته
اما انا ما ادور على المحطات قاعد على محطتي انا وخوياي
حتى لو دعوني ما اروح صوبهم الا في فزعه
انا شيمتي من شيمة الاولين الله يذكرهم بالخير

هذا الكلام اللي يبيض الوجه

[راعي براك]

ابد مالي من العازه الله يوفقهم

[ابوحسن الشمري]

لا والله ماروح لو إني مكانة وزهم خويي وجئ احد على الصيد والله ماسكتله ولا ارضاء

[هاوي الحرار]

السلام عليكم بنسبه لي ماني رايح لهم
(ـــــــــــــــــــــــــــــــــــــــــــــــــ ــــــــــــــــــــــــ)
سلم منطوقك بوغازي مشاركته رقم 4

[قبسون]

السلام عليكم
أنا مثل ماقال أخوي ,,,,, فيصل 2010
عن نفسي اذا ماحولي شي واسمعهم وقريب لا والله ابي اجي وامتع نفسي بالمهد ونبارك لهم
ويمكن يحصلك مهد اذا طرحت طيورهم
واذا جو عندي لازهمت خوياي يا هلا ومرحبا والهد لهم بعد مانخلص ان ماحصل لنا نصيب

والله يرزقنا ويرزقكم بالمهدات الطيبه

[ابونايف العتيبي (511)]

مسيك بالخير يا الحر كساب
انا عن نفسي والله ما اروح لهم
السبب
ياخي هم يدوجونه ويعسونها بـ الاسابيع اجي انا اقطع عليهم واقنصها
الله يوفقهم فيها وانا الله بيرزقني ان شاء الله

تقبل مروري
اخوك : الكايد


السلام عليكم ورحمة الله

اضم صوتي ضمن صوت اخي الكايد وباالله التوفيق