واقع في مشكلة وابي منكم الفزعة ....تكفون

[قصر سيف]

ياأخوان ابي منكم الفزعة عندي سيارة يوكون 2005
وابغى اسافر بالاولاد وخايف منها بسبب :
وانا امشي على الخطوط السريعة يطفأ بدون سابق انذار فجأة
مابقي من كهربائي ولا مهندس الا فتح كبوت السيارة وطل وحرك شيء فيها .
ومع ذلك الى الآن لم يفلح اي من هؤلاء وعرف المشكلة بالرغم من ان الاصلاحات اللي سويتها كالتلي :
1- غيرت البواجي والاسلاك.
2- تنظيف البطارية وفحصها وتغيير اسلاكها .
3- تنظيف البخاخات والثلاجة .
4- فحص كمبيوتر عدد2 بالجهاز الكبير والجهاز الصغير .
5- تم فحص الدينو .
6- فحص طرمبة البنزين عند 5 ورش واجمعوا كلهم على كفاءتها وانها سليمة والضغط ممتاز .
بالرغم من ان السيارة تطفأ كليا وتطفأ اللمبات وانا امشي عليها وكل شيء يطفأ واذا طفت بعد خمس دقايق من وقفة السيارة تشتغل طبيعي وامشي بها كأن مافيها شي

[تناهيت]

غالبا نظام دخول الهواء للمكينه يكون له دور شيك منظم الهواء ونا اخوك ونظف الثروتل +الحساس

ان شاء الله تنحل مشكلتك

[عيون الغلا]

ممكن موقعك وين ؟
علشان أفيدك إن شاء الله

[ابوعقل]

طيب

اذا طفا علطول يشتغل ولا لا ؟؟

[ولد وايل..]

الحرارة ؟؟

مدخل الهواء.؟ شيك على اللي البلاستيكي اللي يدخل الواء بعد مروره بالفلتر...

شيك على حساس الشكمان اللي تحت...



شيك عليهم
والله ييسر لك

[YOU1]

والله اخوي اعتقد ان مشكلتك كهربائية... دام ان اللمبات تطفي كليا هذا معناة ان الكهرباء تفصل عن السيارة... شيك علي علبة الفيوزات مع وايرات البطارية السالب والموجب وتأكد انهم سليمين... وبالتوفيق اخوي.

[alandleb]

واللة يا الغالي
تبي رائيي قبل لاتخسر وتغير خلي كهربائي يفحصلك مفتاح السوتش الي تشغل فيه السيارة
وان شاء الله تدعيلي

[قصر سيف]

غالبا نظام دخول الهواء للمكينه يكون له دور شيك منظم الهواء ونا اخوك ونظف الثروتل +الحساس

ان شاء الله تنحل مشكلتك

اشكرك اخوي على تفاعلك معي
برضه حل ولعل يكون الخلل منه لكن ماتنصحني بخبير اروح له ولعل تنتهي المعاناة

[قصر سيف]

ممكن موقعك وين ؟
علشان أفيدك إن شاء الله

موقعي يالحبيب في الرياض
انتظر ردك وآسف على التأخر في الرد بسبب عدم تواجدي في البيت .
تحياتي لك

[قصر سيف]

طيب

اذا طفا علطول يشتغل ولا لا ؟؟

ايه اخوي انتظر ثلاث دقائق تقريبا ثم يشتغل كأن مافيه اي شيئ
طيب هل تشغيله على طول يبين الخلل
انتظر مداخلتك

[قصر سيف]

الحرارة ؟؟

مدخل الهواء.؟ شيك على اللي البلاستيكي اللي يدخل الواء بعد مروره بالفلتر...

شيك على حساس الشكمان اللي تحت...



شيك عليهم
والله ييسر لك

والله الحرارة طبيعية جدا جدا
برضه من الحلول ولعل وعسى
بارك الله فيك وعلى اهتمامك

[قصر سيف]

والله اخوي اعتقد ان مشكلتك كهربائية... دام ان اللمبات تطفي كليا هذا معناة ان الكهرباء تفصل عن السيارة... شيك علي علبة الفيوزات مع وايرات البطارية السالب والموجب وتأكد انهم سليمين... وبالتوفيق اخوي.

جزاك الله خير
هذي من الاشياء التي لم اذكر انني شيكت عليها (وهي سليمة )

[ن م ر]

عندي سؤال قد يكون غريب نوعا ما :

هل مفتاح اليوكن اللي تشغل به السيارة هو مفتاح الوكاله والا غيره ؟

[قصر سيف]

واللة يا الغالي
تبي رائيي قبل لاتخسر وتغير خلي كهربائي يفحصلك مفتاح السوتش الي تشغل فيه السيارة
وانشاء الله تدعيلي

الخسارة وحصلت لكن هذي لم اقوم بفحصها لكن هل تتوقع تسويها وتكون هي السبب ؟
الدعوة لك ولمن رد بجزيل الشكر على التفاعل ومشاركتي الهم الذي سبب لي الصداع
لعلي استأنف من جديد في رحلة البحث عن هذه الحلول المقدمة من اخوة اكن لهم كل التقدير

[قصر سيف]

عندي سؤال قد يكون غريب نوعا ما :

هل مفتاح اليوكن اللي تشغل به السيارة هو مفتاح الوكاله والا غيره ؟

استخدم مفتاح الوكالة ومفتاح منسوخ
لكن وش الفكرة من السؤال عن المفتاح
عندك شئ يفيد
تحياتي لك

[ن م ر]

استخدم مفتاح الوكالة ومفتاح منسوخ
لكن وش الفكرة من السؤال عن المفتاح
عندك شئ يفيد
تحياتي لك



قد حصل موقف مشابه وبعد العناء وجد أن المشكله في المفتاح المنسوخ



الخلاصه أن المصنع قد جعل شفرة المفتاح الأصلي مربوطه بكمبيوتر السيارة

[محمد العوني]

شوف ياحبيبي

فيه سلك كهرب من الديلكو الى الظفيره ..

يشبك في الديلكو بفيش ويشبك في الظفيره مع مجموعة اسلاك ..

شيك عليه بيدك بدون مهندس افضل

[ابوعقل]

شف طال عمر

انت راعي سرعه ؟؟

لان انا صارتلي مرتين بس اصير ماشي تقريبا 700 كيلو متواصله

ومسرع ((يعني 170 او 180 ))

ويطفي لحاله

بس اذا انا مهدي 140 ما يصير شي

وداخل الديره ما عمره صارتلي

بس تصير على طريق سفر وقت الظهر ((الجو حااااااار))

[ولد وايل..]

شف الله يسلمك ما اتوقع ان لها علاقه باللي قال من الاخوان راعي سلاعه لأني انا ما شاء الله امسي بالموتر مسافات اطول من 800 كيلو وبالنهار والموتر ما يطفى الحمد لله...

شف ان كانك دافع دافع سو له فحص كيابل واسلاك رح لكهربائي ((شاطر)))

وخله يفحص الأسلاك واحد واحد والقواعد حقت الكيابل وكل شي يمكن يكون فيه اللتماس او شي


اهم شي اعتمد ع الفحص اليدوي

[شيخ العزوبية]

مثل ماقالو الشباب اعتقد ان مشكلتك كهربائية لانك تقول ان السيارة تطفي كامله بما فيها الانوار يعني لو كانت ميكانيكية كان الانوار مازالت شغاله ..

اتوقع والله العالم ان هذا اول الخيط امسكه وتتبعه وان شاء الله تحصل المشكله ..

وحاول تعرض المشكله على المشرف فتك تراه فاهم بالميكانيكا ولا يهون الاخوان

وانصحك ماتسافر بها الا على الطرق السريعة واحسب حسابك وحزم امورك والله يستر عليك .

[دامر الصيد]

اتوقع مثل ما قالو الشباب

[zxczxc123]

اخوي قصر سيف السلام عليكم
الحل بسيط جدا لو تسير على رفيقك اللي في حي شبرا هو عنده الحل .

[لبرتي]

الصناعية القديمة نهاية شارع الصبات ووجهك جنوب فيه محل أسمه شمس على اليمين
راح للكهربائي أسمه حزام ، وبإذن الله راح يطلع علة موترك

كهربائي يماني عنده ذمه وأنا مجربه على مواتري وأحياناً ما ياخذ ولا ريال على شغله

أحد الشباب معه لاند كروزر تبهذل في موتره وأغلب الللي راح لهم ما عرفوا علته ، حزام عرف العله ولحق عليها قبل ما يشب الموتر ، مجموعة اسلاك بجانب المرتبة الخلفية الثالثه داخل الديكور ، أصلحها وجزاه الله خير

بس رح للرجال مبكر صبح عليه لانه ينزحم على طول