لأهل الخبره:عندي طير ماتاح للحين

[almansoory]

السلام عليكم

عندي طير تبع جير ماتاح للحين مع اني عديت الطير ورجع ازريتبه ورجعت مره ثانيه عديته ومافي فايده معاه

طير واحد من الربع نفس الشي لاكن اعطاه الكورس الي يخلي الطير ايتوح وهوه على شكل بودره تحطها في عيشه الطير وتعشيه لمدت 11 يوم وبعدها بسبوع الطير يتوح

هل تنصحوني بها ولى هناك طريقه ثانيه

وشكرا

[أبو فيصل]

و عليكم السلام

من المفروض أن كل الطيور حذفت الريش اللي باقي فيه 3 و 4 وموس و طويله باستثناء الشياهين.

قبل ما تعطيه الأدويه الغير طبيعيه عالج الأسباب الجذريه و حاول يكون طيرك دائمآ طبيعي. مثال على ذلك فحص الطير عند صقارخبير و بعده في العياده ثم الأستشاره و التوكل على الله.

تحياتي

[فارس العجمي]

السلام عليكم
اخوي ادا الطير سليم من الامراض علي حسب نظرتك للطير
اهم شي يكون الطير مو مربوط معه طيرور ارفعه يومين وطوفه يوم ورفعه يوم وطوفه يوم ونص بعدين خل عشاه عادي وان شاء الله يحدف الريش
والبودره هدي مو زينه لان الريش لما يطلع يصير خفيف واي شي يكسره وهم يعطونها للشواهين عشان ينقلوونها مع الطيروو
وسلامتك اخوك
قرناس الجزيره

[سرهيد1]

أغلب اسباب القضب فى الجير هي قلة العلف او اعطائه العلف فى وقت حار يسبب تئخير فى الريش حتى يعتدل الوقت من ناحية الحرارة

بالنسبة لعلاجات القرناس السريع سواء كان حبوب او بودره او ابر غير مستحبه ... ولكن للأسف يستخدمها اصحاب المرابط كي يعجلوا بالقرنسه ويرضوا زبائنهم خصوصاً مع الشياهين البحرية لان البودره بالذات تجعل الشياهين تغسل ريشها كله . ولكن فى المقابل يكون الريش ضعيف وريش الشياهين فى الاصل ضعيف فيزداد الضعف ضعف وتواجه المشكلة بعد ان تستلم طيرك فلا يمر عليك شهر الا وانت موسر اغلب ريش الشيهانه .

نصائح لك مع ماتفضلوا به الاخوان من قبلي
1- حاول ان يكون الطير فى درجة حراره مناسبه للجير وهي درجه اقل انخفاض عن الطيور الاخرى
2- اكرمه فى العلف حتى يشبع وفكرة التشكيل فى العلف التي اوردها اخي قرناس الجزيرة مفيده لمثل حالتك
3-اذا كان مقياضك طلق فهذا لاينفع مع الجير يجب عليك ربطه حتى لايبذل جهد

فى النهاية اذا كان طيرك تهجين فهذه مشكلة مستطيرة مع كل من نقلوا طيور الهجين لابد من التئخير او استخدام الكورسات .

والله اعلم

[نمرود]

اخوي المنصوري اذا الطير ماحذف الى الأن وش ترتجي منه توكل على الله وعطه البودره بشرط ان يكون الطير خالى من جميع الأمراض اقلها الدود وشرط لزوم الطير يكون صاك العده يعني وزنه full وللمعلوميه انا امجربها اذا هي نفس البودره ممتازه ولا تغير اي شي في الطير .

[احمد سعيد]

يا اخي المنصوري علاج الطير زيت الثوم على شكل كبسولة يعطى للصقر عند امراضه مثل مرض الجدري والنيوكاسل وكثير من اللامراض وجرب والتجربة راح اصير ابتبع مو ابطير كامل

[almansoory]

مشكورين وما قصرتم على المشاركه الحلوه وسمحلي على التأخير في الرد