ارجوا المساعده في افضل عزبة للشاي والقهوة وعزبة للطبخ

[مطارد القمري]

السلام عليكم ورحمة الله وبركاته
اخواني مساكم الله بالخير
انا وأعوذ بالله من كلمة انا تعبت من العزبه الكبيره لبغيت شاي طلعت كل الاغراض
والله تعبتني ياشباب وأبي مساعدتكم في افضل عزبة للشاي والقهوة , وعزبة للطبخ
ارجو منكم الرد وياليت مدعوم بالصور اذ ماعليكم امر
انتظر الردود

[أبو براك]

وعليكم السلام ورحمة الله وبركاته

حياك الله اخي الكريم

شاهد مجموعه من المواضيع المميزه في الخيمة

لما طلبت فكل الشكر لاصحابها

-

http://www.mekshat.com/pix/upload03/images127/mk23101_23.jpg

العزب , الاواني (( اضغط هنا )) (http://www.mekshat.com/vb/showpost.php?p=3209213&postcount=8)

تقبل اجمل واعطر واهذب التحايا

[اصيل نجد]

هلا وسهلا مطارد القمري شف يالحبيب شنطه العزبه انت تحددها بالنسبه للكبر والصغر لكن اغلب الاحيان ماتصير كبيره علشان تصير خفيفه ووذفه بالشيل والنقل يعني تكفي من اربع الى سته رجاجيل هذا بالنسبه لعزبه ومعاميل القهوه والشاهي والشنطه اللى عندي اعلمك محتوياتها دافور كولمن بانزين توي مرهم له ذرايه يعني الصوره قبل الترهيم وابريق شاهي غالي عندي بالحيل ابو تاج له عندي اكثر من 12 سنه له ذكريات بالحيل غاليه المهم دله رسلان بس لاتضحك عليها تراها مشوهه لااني قصصت اطرافها علشان تدخل بالعزبه وملقمه قهوه وسكين وعدد8 كاسات شاهي و8 فناجيل قهوه وابريق صغير علشان اللي فيه سكر او يبي يشرب شاهي خفيف حلاه او بكيفه المهم سطل ماء اللى يسفط لغسل الفناجيل وعلبه كبيره سكر واربع علب متوسطه شاهي وشاهي اخضر ونعناع وشيح وسكين وملقاط وعدد 2 بيز وعلبه مرهمها للكباريت اخليك مع الصور وعطني رايك .


http://www8.0zz0.com/2010/06/28/22/737763586.jpg (http://www.0zz0.com)


http://www8.0zz0.com/2010/06/28/23/867823318.jpg (http://www.0zz0.com)


http://www8.0zz0.com/2010/06/28/23/910156034.jpg (http://www.0zz0.com)

[ابو شلش]

في عند محلات الكشتات انواع كثيرة

منها مركا وبداخلها العزبة ومنها المركى والفرشة حقتها

[مطارد القمري]

ياهلا ومرحبا بالمشرف الغالي ابو براك ماقصرت منور الله يجزاك خير
ياهلا ياهلا ورحبا ورحبا بالغالي اخوي اصيل نجد ماشاء الله
على هل عزبه اتصدق انا شفتابالسنيدي بس ماجازتلي وبعد مده
شفتها مع واحدوعجبتني مره ولا توقعتها كيذا الحين خليتني اتاكد من جودتها
الله يجزاك خير منور الموضوع عزبت

[الرنوي]

فيه عند السنيدي شنطة تفتح مثل الكتاب حقت شاهي وقهوة خفافية وممتازة

[طالب الخير]

إلى الأخ العزيز مطارد القميري
أنا مريت بنفس الحالة التي مريت بها في بداية الوقت تعبت من حمل العزبة الكبيرة للشاي والقهوة وعيرها ولكن وصلتني عزبة الوسام الموجودة عند السنيدي والله كفتني وزيادة ولكن هناك مشكلة بسيطة ألا وهي موسم البرد أحتاج للروجوع للعزبة القديمة بسبب برادي النار والحليب و...إلخ
لكن عزبة الوسام صراحة ريحتني ولكن هناك ملاحظة كبر وصغر الشنطة تحددها من خلال أغراضك التي تحملها معك دائما أو أغلب الوقت

[سواح الحجاز]

جميلة الله يعافيك

[ابوهيثم2008]

اخوي
انا مثلك مليت من تطليع القش كله وبعدين اذا جت المشيه تقعد تصف العزبه على شان ابريق ولادله تنتظر ماتصف اغراضك .
انا سوية كذا تجربه من عزبه ثانية تكون اصغر من العزبة حقة الطبخ بس لقية انها تضيق علي بالمكان بالسياره .
اذا تبي شي اصغير وخفيف ولايضيق عليك اشتري شنطة ترامس اكبر مقاس تلقاها عند السنيدي اذا كنت من بريده شراع تنزاني غير مبطنه وحطبه اغراضك انا حاط بريقين شاي وملقمه قهوه وحافظة بيلات وفناجين وعلب سكر وشاي وزنجبيل وقهوه

[الهاوي 9]

لاهنت الف شكر