تثقل عليه البنت و الوزن معدوم

[أبو سالم 77]

السلام عليكم و رحمة الله


أنشدك عن بنتٍ لها فوق رجال=مبلي فيها يشيلها الليل و اليوم
و ان صار له حيله بها راح و احتال=تثقل عليه البنت و الوزن معدوم

[torrjom]

صح السانك

رمعه عل ىعجل

لاتشره وانا اخوك

مجرد فتح باب

يد النجر والنجر

كل الوووود

[أبو سالم 77]

صح بدنك و ما لك لوا

[إبن دخيل]

السلام عليكم و رحمة الله


أنشدك عن بنتٍ لها فوق رجال=مبلي فيها يشيلها الليل و اليوم
و ان صار له حيله بها راح و احتال=تثقل عليه البنت و الوزن معدوم



وعليكم السلام ورحمة الله وبركاته
صح لسانك اخوي ابو سالم

وما تقول بالسله اللي تحت المنطاد

ودي وإحترامي

[أبو سالم 77]

صح بدنك

ما لك لوا اخوي بن دخيل

[عصام 861]

صح لسانك يابو سالم
اشرايك فى برقع الطير

[أبو سالم 77]

صج بدنك

رايي انها رمعة طيبة من طيب لكنها اخطت الهدف للاسف

[برق القصيم]

صح لسانك ياطويل العمر
ماهي الامانه او المسئوليه!!

[عبادي 2009]

صح لسانك

وشرايك بــ 500 ريال

[أخت البنات]

السلام عليكم
صح لسانك
اخوي الكريم/ ابو سالم
محاوله
البنت >>>السفينه
الرجال >>>البحر

[أبو سالم 77]

صح بدنك اخوي برق القصيم

الحقيقة رمعة جامدة و بصعوبة لقيت مخرج منها

الامانة يا طويل البقا و السلامة يشيلها الإنسان بصفة عامة من رجل و امرأة


هذا بيت اضافي يحدد اللغز بشي واحد كنت موفره لمثل هالظروف


وجودها ينقص منه كل ما طال
و يحاربه في بعض الاحيان بهدوم

[أبو سالم 77]

صح بدنك اخوي عبادي

صح بدنك اخت البنات


ثقلها معنوي الله يحفظكم و ليس لها وزن محسوس

[عبادي 2009]

طيب محاولة ثانية

وشرايك بالدين يعني الشخص المديون


والمحاولة الثانية

الشخص المهموم

[أبو سالم 77]

الله يعطيك العافية اخوي عبادي

المسؤل عنه بنت يعني اسم مؤنث و مشكور على اثراء الموضوع

[عبادي 2009]

طيب

وشرايك بالولادة

[badr2003]

ممكن تكون الصلع في الرجال او القشرة في الراس

[السعدعالي]

صباح الخير وصح لسانك وانا ابي ا رمع لي رمعتين
الاولى السكين ومحدها
والثانيه شريحت الجوال

[ابو ماجد 2]

ابو سالم صح لسانك
مرماع
انا مالي بالطير ولكن اذكر الشيخ مسكين يقول ان في جناح الطير ريشه تطول وتستمر بالنمو فتضايقه لدرجة انه يختل طيرانه فسبحان الملهم يقوم الصقر بالتخلص منها بنفسه

[أبو سالم 77]

ما لك لوا يا عبادي

و يعطيك الف عافية

[أبو سالم 77]

ممكن تكون الصلع في الرجال او القشرة في الراس


عز الله انه قبلته و كبرت عليه و ذكيته يالذيب

هي الصلعة و صح لسانك






ابو ماجد
السد العالي


بيض الله وجيهكم على الرمعات الطيبة و المشاركة

[فهد الهلالي]

السلام عليكم ورحمة الله
الله يمسيك بالخير ياخوي ابوسالم
وصح السانك
عندي رمعه ان صابت والا تعتبر معلومه
يقال ان الثعلب اذا تضايق من الحشرات في فروه مثل القمل وغيره
ووجد ماء فانه يحمل معه عود صغير في فمه وينزل بالماء حتى يكون الماء على مستوى انفه لكي يستطيع
ان يتنفس فتحاول الحشرات الخروج من الماء الى الاعلى فترتفع الى هذا العود او الغصن فاذا حس او شاف ان الحشرات ظهرت على هذا الغصن الصغير رماه بالماء وخرج
ولم يبقى في جسمه شي من الحشرات
وبهذه الطريقه يستطيع ان يتخلص منها
وتقبل تحياتي

[ابو ماجد 2]

السلام عليكم ورحمة الله

الله يمسيك بالخير ياخوي ابوسالم
وصح السانك
عندي رمعه ان صابت والا تعتبر معلومه
يقال ان الثعلب اذا تضايق من الحشرات في فروه مثل القمل وغيره
ووجد ماء فانه يحمل معه عود صغير في فمه وينزل بالماء حتى يكون الماء على مستوى انفه لكي يستطيع
ان يتنفس فتحاول الحشرات الخروج من الماء الى الاعلى فترتفع الى هذا العود او الغصن فاذا حس او شاف ان الحشرات ظهرت على هذا الغصن الصغير رماه بالماء وخرج
ولم يبقى في جسمه شي من الحشرات
وبهذه الطريقه يستطيع ان يتخلص منها

وتقبل تحياتي


اليوم بالعكس يابو محمد الله ياجرك يمكن مالبست النظارات وين انت يابو رافع

[torrjom]

اليوم بالعكس يابو محمد الله ياجرك يمكن مالبست النظارات وين انت يابو رافع






الحين لقيت الطنزه يازعيم ;)


معروفه الطنزه مدن باليد

:D :D :D