وش ذوقك قهوه هيل ام قهوه عويده ام كلهن سواء .. رايك يهمنا ...؟

[ولــ حائل ــد]

:good: :good: السلام عليكم ورحمه الله وبركاته ....... اما بعد
اخواني اعضاء والمشرفين الاعزاء حبت اعرف ارائكم عن القهوه اللي تصلحونه بالبر وشي هيل ام عويدي ام كلهن سواء نبي رائكم ومشكورين ...
اخوكم وابنكم ولـــ حائل ـــد

[الدبل الثقيل]

عليكم السلام ورحمة الله وبركاته .. بالنسبة لي قهوة هيل سواء في البر او البيت ... والعويدي في احيان قليلة واحطة قليل جدا .. عشان يعطي القهوة شوية حمار وحرارة.... ولى ترا العويدي كثرته تفتت الكبد... وجزاك الله خير..

[مجازف]

انا من الناس الي يفضل الهيل مع الزعفران مع العود اذ توفرن

[النفود الشرقي]

السلام عليكم أما أنا أفضل الهيل بالزعفران








وهذا الصحيح وقولوا اللي تقولون ;)

[ki ng marlin]

قهوه ما تبهر بالهيل مثل عجوز خبيث نسمها

[منصور ع]

مايحتاج ياولد حايل ولايهون باقي الأخوان القهوه والهيل متلازمين وان بغيت حط شوي عويدي عشان ما يخرب طعم القهوه ولامانع من قليل من الزعفران من شان اللون ... ونصيحه لالاأخوان اللي يبي يطعم القهوه لايطحن القهوه والهيل اللي ساعة تصليحها .. خذوها من مجرب

[القهوه]

السلام عليكم ورحمة الله وبركاته
طبيعي قهوة الهيل أفضل












وين الطنايا وين شرابة الهيل

[عبدالله العمير]

هلا براعي حايل

وراعين الكيف والهيل :)

انا بالنسبة لي احب ازبط القهوة بالهيل والزعفران الطيب والعويدي كلهن مع بعض قهوة شيوخ يعني

[TAAIR SHALWA]

أنا الصراح قدشفت واحد يصلح قهوه وقام يخربط فيها ويحط
1- قهوة .
2- هيل .
3- مسمار .
4- زنجبيل يابس مطحون .
5- نينخة .
6- ...وعد واغلط من هالخرابيط ...ما صارت قهوة صارت عصير طبقات ...ههههههههههههههههههه أمزح معكم لا تصدقون ...
الزبدة يوم اني شربتها والا فيها طعم وريحة تعدل الراس ما يحتاج جربوها منتو خاسرين ...

[مرابع نجد]

من وجهت نظري (اقول خل عنك توك جديد ولك وجهة نظر) اعيد واقول بقوة من وجهة نظري ان القهوة بقليل الزنجبيل والقليل من الهيل الهندي الاصلي (حبة صغيرة) وبدون عويدي (الرجاء بدون زعل الصراحة مااحب العويدي الا وضعة على الجروح) والقليل من الزعفران ابو شيبة الاصلي والقليل من الشمطري والقليل من النونخة (ان توفر) واهم شي تكون القهوة برية ومحموسة حتى تتقمر ومبردة ومطحونة (طازجة) قبل اعداد القهوة مباشرة، وتكون الدلة و المزل ماهوب مهجرة (معليش كلمة قديمة يعني ماتكون لها فترة مااستخدمت)

(الصراحة اني خطير بس للاسف مابعد احد اكتشف مواهبي الفذة المفروض اني اصير سوبر سوبر اكس لارج مشرف)

[nooh79]

قههههههههههههوة الهيل بعد المفطح
ولا مابعد قهوة الامريكان تست شويس test choise او ماكسويل maxwell
تراني مزاجي متنمرك
هييييييييييييييييييييييييييييييييييييييييي

[القنيص]

أنا افضل القهوة اللي تنعمل على الحطب وخاصة لكنت في جو كله بروق ورعود وخضار ترى الجو يلعب دور يخلي القهوة اللي مهي بزينة تكون زينه
<<< أسألوا مجرب
فالقهوة لاسويتها على الحطب مابعدها لها نكهة خاصة ( قهوة + هيل + زعفران )= تعدل مزاجك

[وراد]

بسم الله الرحمن الرحيم

السلام عليكم ورحمة الله وبركاته

افضل طرق القهوه تكون \
1 - تكون الحمسه غامقه .
2 - تكون مع الهيل والعويدي .
3 - تجنب الزعفران .
4 - ياحبذا تكون على حطب رمث . ،،،،،،،،،،،،،،،،،،،،،،،،،،، وياقلب لا تحزن