مارايكم بالكامري 2010

[شقاوي هواوي]

السلام عليكم ورحمة الله وبركاته
احي جميع اعضاة منتدى مكشات وجميع من قرأ موضوعي
وسؤالي موضح انا مقبل على شراء سيارة ومحتار
في الكامري 2010 gl ويمكن اصبر الى رمضان
وهل تضنون ان الكامري 2011 بتتغير ولا لا
وشكرا :good2:

[ذيب زلفاوي]

شكلها موووووووووت خصوصا اذا صارت جنااح ولؤلؤي ورافع الفتحة شوي ومضللها نيكل مع اسود يطلع شكلها خرافي

وماضن ان شكلها بتغير لان شكلها جديد وبعدين تويوتا لاهيه باليوب المصنعيه وتبيهم يغيرون الشكل

[الليزر....]

اخوي تبي النصيحه من شخص مجرب انتظر لمين يطلع 2011 كانه نفس الشكل خذلك 2010 تلقاه مزينين عليها عروض بس انتبه للون يمكن يصير مخلص( والظاهر انه لن تتبدل لأن تايوتا تتبدل كل 4سنوات او5سنوات )وشف اول العطله يمكن تبدا العروض وسأل الوكاله عن التبديل تراهم يجي منهم شي يعلمونك...

[ابن علوان]

فكر بشيء افضل ولا تكن محصورا في سيارة معينه

شف المبلغ اللي معك وش يجيب لك من سيارات في نفس الفئة

يعني لاتحكم على نفسك بالكامري ومن رأيي فيه افضل منها بكثير

[مكسر الشوك]

انصحك تفكر في سيارة غير الكامري
عندك مثلا الأكورد او السوناتا

[ولد الغلباء]

الصرااااااحه الكامري مووووووووووت عزالله انه سياره

[الليزر....]

انصحك تفكر في سيارة غير الكامري
عندك مثلا الأكورد او السوناتا
والله انك صادق اخوي لكن هي خير الموجود من ناحيت القطع ماهي غاليه ومن ناحية قيمته مناسبة لكن المواتر الثانيه افخم منها لكن قطعهن نااااااااااااااااااااار.....:f

[رسّام]

الكامري انتهت بموديل 2002 الله يذكرهـ بالخير .

[المعني555]

سلام عليكم اخوي بصراحة انا عني بغيت اتورط بها شوف انا معاك الكامري بنت الكرسيدا يعني قوة وتحمل واقتصادية بس من اول ما طلعت الين 2006 اما من يوم تغير الشكل الجديد اقسم بالله تعبانه ولو تسئل اهل التشاليح تلاقيها اغلبتها محروقها من 2007 وانت طالع فيها عيوب وجسمها كرتون .... تبي نصيحتي خذلك سوناتا 2010 الشكل الي قبل ما تتغير شوفني اشتريتلي وحده 2010 ما شاء الله قوة وسرعة واقتصادية وقطعها معتدله قريبة من الكامري او ارخص هاذا و معليش على الإطالة

[الحبابي1]

خذلك سوناتا 2010 ابرك لك من الديهاتسو سوناتا مركب+ رساوه+ عزل الهوا + امشي 220 وماتحس انك ماشي هالسرعه وقطع غيارها معقوله خذ سوناتاااا

[metub1404]

سوناتا 2011
سيارة مووووووووووت
وبعدين قطع متوفرة
وصيانة كويسة
وماسكة سعرها

[أبو إبراهيم !!]

غير اخي العزيز خذلك سياره غير الكامري
والله يوفقك

[مكسر اللمبات]

نصيحه الكامري معاد تصلح كلها بلاستيك

[واحد مبسوط]

شف حسب خبرتي في السيارات الصغيرة
سواء استخدامي انا او سيارات اخواني وجيراني
الكامري ليست طيبة على الاطلاق لانها ضيقة جداااااا وتحس انك مكتوم
اذا كنت شاري صغيرة
انصحك في الفورد سواء جراند ماركيز او كروان فكتوريا

[Abu Saad]

الكامري انتهت بموديل 2002 الله يذكرهـ بالخير .

عز الله انك صدقت وانا اؤؤيدك وعن تجربة.
الكوامري بعد 2002 مكاينها دايم توظيب واسال اهل الورش ، لايهمك انتشار الموديلات الجديده في الشوارع الناس حتى الان يعيشون على المجد السابق للكامري القديمة ومابعد استوعب الكثير منهم انها تغيرت .
استخر الله يوفقك

[بن مكني]

ابعد عن الكامري راحت بعد2002

[hamido]

ومن قالك ان فطع غيارها رخيص الا نار الله الموقده هذاك اول ياحبيبي الكمبرسور ب3000 لا بعد ينفخ نفخ مب ذاك الزود ولا يقارن بموديلات2002 وتحت الدينمو ايضا بالعلالي شف وانا اخوك خل عنك كلام الناس ورح انت بنفسك وسعر عند قطع الغيار ... على فكره كمبرسور الفورد ب750 وكاله واليوكون بحول950 بس من باب المقارنه...

[كاشت وحداني]

الكامري طال عمرك انتهت عام 2006
اخر ما وصل من الكامري
الموجود من 2007
اصلا ديهاتسو .. altes
نصيحه خذ لك سوناتا بس خذ مواصفات المجدوعي
تر الوعلان موصفاته لك عليها .

[الشميسه]

اقوول ان كانك بتاصل ال 85 الف خذ اوريون ولا تشاور اخت اللكزس وان كانت اقل خذ كامري تراها اخت الاوريون صح ان الشركات الكوريه بدت تاصل الياباني في الصبر والقوه لكن الا الحين الياباني افضل لكن بعد 3 او 4 سنين ان استمرت الامور على كذا انصحك بالكوري لانه بيتغلب على الياباني
وشكرا