صور صيد القرقور والفاح واللياخ

[الكشاح]

السلام عليكم ورحمة الله وبركاته

هذة صور لرحلة صيد غرب ابوظبي عاصمة الإمارات..وكان الصيد عن طريق القراقير..والشب

صيد القراقير صدنا به الهامور

وصيد الشب..او الفاح صدنا به الجش والزريدي

وصيد اللياخ...صدنا به الفرش

وكانت الرحله ممتعه بوجود شباب مميزين شرواكم..


والان اترككم مع الصور






http://www.mekshat.com/pix/upload/images8/mk5821_gf1.JPG



http://www.mekshat.com/pix/upload/images8/mk5821_gf2.JPG






http://www.mekshat.com/pix/upload/images8/mk5821_s1.JPG


http://www.mekshat.com/pix/upload/images8/mk5821_s2.JPG



http://www.mekshat.com/pix/upload/images8/mk5821_s3.JPG



http://www.mekshat.com/pix/upload/images8/mk5821_s4.JPG



http://www.mekshat.com/pix/upload/images8/mk5821_s5.JPG


اتمنى الصور تنال على رضاكم

[FaHoOoDy23]

يعطيك الف عافيه على هالموضوع الحلو و ما قصرت و خوش صور و يعطيك الف عافيه

[ريف النشاما]

تسلمون على هذه الصيود الجميلة

وبالعافيه

خربتونا وصرنا راعين بحر وصيد

الله عقب عكر الضبان

يالله هذه حال الدنياء

[gulfhunter]

السلام عليكم ورحمة الله وبركاته

حياك الله أخوي الكشاح وين الغيبه ........ ماشاء الله وش الزين يارعي الزين......... نورت الخيمه البحريه بطلتك أخوي الكشاح............. وين الناس ..... واتمنى تواجدك معانا في الخيمه البحريه.......

الشب عرفناه ....... الفاح............

لكن اللياخ...... الفرش........الزريدي..........

GULFHUNTER

[SRDAL]

السلام عليكم ورحمة الله وبركاته .

حياك الله اخوي الكشاح .

بسم الله ماشاء الله صيد يوسع الصدر وطراد يطيب الخاطر الله يعطيك خيره ويكفيك شره .

وبالتوفيق النشاء الله .

اخوك / srdal

[SRDAL]

حياك اخوي بوعبدالله .

شدعوه نوخذه زيك مايعرف اللياخ و الفرش والزريدي . والله كبيره . ياعيب الشوم عليك .

لا لا برجع في كلامي ترا خلاص ماني مسميك النو......

تحياتي لك .

اخوك / بونواف

[كران]

مشاء الله تبارك الله ..

صيد موفق اخوي الكشاح

والله يزيدك من خيره يارب ..

بالنسبه لبعض استفسارات الاخوه هنا بعد أذنك عندي بعض التوضيحات



اللياخ .. مفرده ( ليخ ) .. وهو( الغزل) بلهجة اهل الساحل الشرقي بالمملكه ..


الفرش .. وهو نوع من الاسماك يسمى عندنا ( خنـّوي ) وله اسم ثاني ايضاً ( شخل ) ..


الجش .. وهو نوع من الاسماك يسمى عندنا ( صـالـّه)


وبالتوفيق للجميع

[رسلان]

تسلمون على هذه الصيود الجميلة

وبالعافيه

خربتونا وصرنا راعين بحر وصيد

الله عقب عكر الضبان

يالله هذه حال الدنياء
ههههههههههههههه
ايو الله ابو عبد العزيز ...
ماقصروا الاخوان شرح وصور وشو تقول ....
لكن ياليت يعلوموننا وش كل صورة من سمك نوعه ...
لأجل نتعلم صح :)
الله يعافيكم .... ويبارك فيكم وفي صيدكم ...

[aziz2727]

الله يجعله بألف عافيه
صور زينه والله

[gulfhunter]

السلام عليكم ورحمة الله وبركاته

حياك الله أخوي كران ..... مشكور على التوضيح ....... أخوي سردال كيف الحال :mad: ........ انت خابر بعض المسميات تختلف من مكان إلى مكان...... ويمكن وجود نفس الكلمه ولكن المعنى يختلف ..... ولأن الخيمه البحريه تضم الخليط .... يعني من الساحل الشرقي والغربي........ ومثلك عارف بعض المسميات تختلف من منطقه إلى منطقه ...... (مايسوى عليك)

القصد من التوضيح ..... للفائده

GULFHUNTER

[كشات]

بسم الله

السلام عليكم

الاخ الغالي الكشاح

الف شكر على المشاركه
وصيد جميل ووفير
الله يذكر ايام ابو قميص بالخير :(
الله يهنيكم بالعافيه

الف شكر اخوي الكشاح

[الكشاح]

السلام عليكم ورحمة الله وبركاته

الاخوه الكرام


FaHoOoDy23

ريف النشاما........يا اخوي الوقت ما يرحم..لازم تتعلم..على جميع انواع الصيد..يعني تصير برمائي


gulfhunter


SRDAL

كران

رسلان

aziz2727


كشات


اشكركم جميعا على التواصل

اما بالنسبه لسؤال صياد الخليج ..فعلا رد عليك الاخ كران سليم 100*100وبالنسبه للزريدي فهو القفدار

وان شاء قريبا راح انزل موضوع ثاني عن نفس المنطقه..وكذلك عن صيد السمك


تحياتي واحترامي للجميع

[gulfhunter]

السلام عليكم ورحمة الله وبركاته

تسلم اخوي الكشاح على التوضيح..... وفي أنتظار مشاركاتك التاليه.....

GULFHUNTER

[MARINE]

السلام عليكم ورحمة الله وبركاته

ما شاء الله عليك احوي الكشاح صيد طيب اجعله من مداخيل العافيه

ونتمنى منك المزيد تحياتي لك

اخوي ابونواف ترى ما يسوى تزعل النوخذه الكبير العود ( المجرم ) ابوعبدالله

شوف ما سوت عليك طقها بزعله ولا وشوف مبرطم عليك.

لاتزعل يا اخوي ابوعبدالله ابو نواف ما يقصد يزعلك.

تحياتي للجميع

MARINE

[gulfhunter]

السلام عليكم ورحمة الله وبركاته

تسلم اخوي بوخالد ..... انا خابر بونواف مايزعلني...... لكن لوزعلني ردك يكفي ;)

GULFHUNTER

[MARINE]

السلام عليكم ورحمة الله وبركاته

صبحك الله بالخير ابوعبدالله خابرين الرجال مايقدر يزعلك

واذا زعلك ؟؟؟ النواخذه ما يزعلون بعض :director: :no2: :no: والا انا غلطان

تحياتي للجميع

MARINE

[gulfhunter]

وعليكم السلام ورحمة الله وبركاته

الله يصبحك بالنور والسرور.......أبداً انت ماغلطت.... الله لايجيب الزعل بيني وبينك

GULFHUNTER

[SRDAL]

السلام عليكم ورحمة الله وبركاته ...

اخوي بوخالد الغالي زي ماتفضلت انا بصراحه ما اقدر ازعل كل سباب المنتدى مو بس بوعبدالله لأن كلنا اخوان

واقولها ترا مو مزح والله انها طالعه من الفب .

ويابوعبدالله ترا انا اخبر انك ماتزعل على اخونك الصغار واذا انت زعلان لاسمح الله ترا واللع ارقبتي سدداه طال

عمرك وابشر برضاوتك .

وفي الأخير الي قلته لك يابوعبدالله تراه مزح والله مو تعليق والا شك في علمك في البحر لأني عرفك زين شيخ

النواخذه شسوي احول ارقع على العموم اذا انت زعلان تراني جايك اطلب العفو وانا عرف انك ولد اجاويد .

تجياتي لكم جميعاً

اخوكم بونواف

[gulfhunter]

وعليكم السلام ورحمة الله وبركاته

هلا بك بونواف........ لايهمك ابداً مافي شي بس شويت امور بيني وبين القوي ...... ;)

صعبه أزعل عليك يابونواف..... انت اخوي الصغير..... ولازم نصبر عليك :eek:

GULFHUNTER

[SRDAL]

السلام عليكم ورحمة الله وبركاته ....

هذا خبري فيك يابوعبدالله اخو قلبك كبير ... زكيف اللق حق بوخالد زين ولا نغيره له .

والله يكون في عونك ان الله مع الصابرين .

تحياتي لك .

اخوك / بونواف

[gulfhunter]

والله الأسم زين بس انت خابر ....... نبي نعطيه اسمه ازين ;)

جزاك الله خير

GULFHUNTER

[SRDAL]

اجل يابوعبدالله الاسم عندك انت الى نسميه .

تحيتي لك

[MARINE]

السلام عليكم ورحمة الله وبركاته

ما شاء الله وبعد يتشاورون ايش يسموني (القوي ) :no: القوي الله

خلونا نشوف اسم ازين ... هذا الاسم احس انه كبير على وانا توني هالقد :dance:

تحياتي لكم

MARINE

[SRDAL]

السلام عليكم ورحمة الله وبركاتi

بوخالد والله انك كبير بخلاقك وتواضعك . وبعد رضيت والا مارضيت قوووووووووووووي

Srdal

[gulfhunter]

السلام عليكم ورحمة الله وبركاته

حياك الله أخوي بونواف......... غير اسم ابوخالد من القوي ................ إلى

التمساح

وهذا أسم الدلع له

GULFHUNTER

[SRDAL]

السلام عليكم ورحمة الله وبركاته ...

حياك بوعبدالله .

خلاص اعتبر الاوامر اوصلت .

ونبعث بأحر التبريكات لأخونا الغالي القوي وترقيته الى اسم التمساح والى الأمام انشاء الله

اخوك / Srdal

[MARINE]

السلام عليكم ورحمة الله وبركاته

طيب يابوعبدالله طيب انا قايلك لا .... بس يالله اشكركم على ترقيتي الى رتبة التمساح

وان شاء الله نكون في خدمة الدين والوطن تحياتي لكم

MARINE

[BoHassen]

اموفقين انشاءالله

nhm_590@hotmail.com

[MARINE]

السلام عليكم ورحمة الله وبركاته

اطلب من فرقة الصاعقة و التدمير والنسف البحري بترقيتي من رتبة ( التمساح ) الى رتبة ( المدمر غواص ركن )

واوجه ندائي الى قادة الكتيبه المدمرة بقيادة الفك المفترس حفظه الله ونائبيه السفاح و البلدوزر :D

وبهذا تكتمل سعادتي واكون شاكرا لكم ;)

والا ايش رايكم ياشباب :D

تحياتي لكم المدمر

MARINE

[MARINE]

السلام عليكم ورحمة الله وبركاته

اطلب من فرقة الصاعقة و التدمير والنسف البحري بترقيتي من رتبة ( التمساح ) الى رتبة ( المدمر غواص ركن )

واوجه ندائي الى قادة الكتيبه المدمرة بقيادة الفك المفترس حفظه الله ونائبيه السفاح و البلدوزر :D

وبهذا تكتمل سعادتي واكون شاكرا لكم ;)

والا ايش رايكم ياشباب :D

يا شباب ترى اسم التمساح مو عاجبني خلوة المدمر احسن

تحياتي لكم المدمر

MARINE

[مصطرهم]

السلام عليكم ورحمة الله وبركاته

تغدينا

[لاحول لاحيله]

ماشاء الله عليكم ياخوي...
يبالنا طلعه وياكم...
نتعلم منكم...
وخلنا نشوف دائما جديدك...
ولاتقطعنا

[الكشاح]

مسطرهم....حياك اخوي ...وجعل فيه العافيه

لاحول لا حيله حاضرين للطيبين...وماعليك ززززود

[صقر]

مشكور اخي الكشاح على هذه المشاركة والصور الرائعة.

من الصور يبدو ان الرحلة وناسة ... خاصة اذا اكتملت بوجود صيد .

يعطيك الف عافية .... وبارك الله فيك.

[المحتسب]

موضوع شيق جداً والله أنك شهيتني على السمك بالعافية أخوي

[الكشاح]

اخوي المشرف صقر حياك وبياك كلامك اااكيد وخاصة ان كانوا رجال شروى من يقرا
بتحلا الكشته وبتزين

الفاضل المحتسب...جعلك تسلم..وجعلك اذوق من ما تشتهي الانفس في جنان الخلد

[نوخذه عتيج]

الله يعطيك العافيه يالكشاح
الحقيقه موضوع ممتع وشيق ومتنوع
صيد لفاح والياخ وقراقير هذي متعه مابعدها متعه
بالعافيه عليكم الصيد الطيب وان شاء الله بالصيد الوفير في المرات القادمه

[المشاور 555]

تسلم على هالصور الزينه[i]

[سوسو المدينه]

شكرررررررررررررررررررررررررررا

[صياد متهور]

ما شاء الله عى الصيد الحلو .
ومشكورين اخواني على توضيح اسامي الاسماك.......................

[احمدوعبود]

ياهلا بأبوظبي

الكشاح وش هالزين سمك ولا احلا وصحبه ولا أحلا حتى الي ردو عليك ولا احلا كلهم اما مشرف ولا مشرف سابق ماشاء الله تبارك الله

[la planet bleu]

الحقيقة صور جميلة والصيد اجمل الله يعطيكم الف عافية

[دليله القنوص]

تسلم اخوي الكشاح حياك