70 الى 75 الف وش تجيب؟

[عبد الله999]

السلام عليكم ورحمة الله وبركاته
بسم الله الرحمن الرحيم


اخوكم ناوي يشتري جيب وقروشي حوالي 70 الف الى 75 الف ومحتار صراحة دخت من كثر ما أدور واسمع سلبيات وايجابيات وكل واحد ينفي سلبيات وينفي ايجابيات وانتم عارفين الشي هذا
لكن صراحة من بديت افكر بالشراء وأنا في بالي اني اكتب موضوع في مكشات لثقتي بالمنتدى وبمرتاديه والمعلومات الصحيحة باذن الله الموجودة عند أعضائه

انا محتار بين (الفورتشنر والاكس تيرا) وانحديت عليهم والا كان في بالي باترول من 2005 وفوق لكن صار غالي اذا احد يخبر لي شي رخيص(( ونظييف)) فأنا افضله على الفورتشنر والاكس تيرا

ودي بشوركم يالربع وش افضل شي علما بأني ناوي تجلس معي السيارة بحدود10 سنوات باذن الله ومن ناحية استخدامي
اغلب استخدامي في المدينة ولكن لايخلو من طلعات تطعيس وسفرات والسفرات قليلة جدا جدا لكن غالبا استخدامي في المدينة ،والطعوس شي بسيط ولكن ليس قليل جدا





(كما ذكرت اذا كان فيه افضل من المواتر اللي ذكرتها اذكروها لي (مع مراعاة الميزانية))

في أمان الله

أنتظر آراءكم والمعلومات السليمة

[حزوبر]

السلام عليكم
بالنسبه للباترل 2005 أعتقد انها سياره للبر وللسفر وداخل المدينه، وفلوسك ان شاء الله تجيبها، ياليتك تاخذه من شخص تعرفه
الفشنر هو هايلكش مصندق، وايجابياته في صرفية البنزين، وسياره جديده، لكن ما فيها فخامه، وما يتحمل الكرف
ارشح لك الباترل وبس

[عاشق المطاريش]

هلابك اخوي عبد الله فلوسك تجيبلك هدد من 2000 إلى 2002 او باترول من 2002إلى 2004 والراي بيد الله ثم بيدك وان شاء الله يفيدونك الاخوان اكثر ، واذا انت طلعاتك لبر بصيطه واكثر شي بالمدينه عليك بالهايلوكس تراها موتر ان بغيت المدينه وان بغيت البر على قولتك بصيطه يمشيك بالراحه وانت حر .....

[االجباب]

خذ فورتشنر اضمنلك
وخلك من الباترول تويوتا شيك في جيبك

مع احترامي لملاك الباترول الباترول سيارة تعبانه مقارنة بتويوتا

[علي عليوه]

بفلوسك تنقي جي اكس آر 2000 إلى 2001

ولا تا خذ الا نظيف واعتبره شيك متى ما مليت منه قل أنا بياع يجيك باص زباين

بس حط تحت كلمة نظيف خطين وثبت الثالث وخاصة البدي واللون يكون أبيض

[بندر.]

والله اني محتار مثلك اخوي

اسعار السيارات خياليه جداً ولاكن ان شاء الله اعضاء مكشات ماخيبونك وراح يفيدونك

وانا متابع معكم

[مولع بالطير]

الله يطولي بعمرك اقروشك تجيبلك فتك 2005 وحتي 2006 بس لاتستعجل علي المشتري تركد وص ناس وكل اسبوع ربوع وخميس طب السوق وبتلقي خير من الله انشالله وزاود علي حد فلوسك والله يرزقك انشالله والله يعطيك خير الموتر الي بتشتريه ويكفيك شره تقبل مروري.

[كريم الطباع]

والله يا خوك تبي نصيحتي خذ برادو موديل 2006 وحوله لعدة مميزات:
- شكله مقبول ورسمي ارسم من الفورشنر والاكس تيرا
- قد فلوسك
- موتر يصبر صبر الحمير تبي ديره تبي سفر تبي بر وتطعيس بالتجربة موتر يصبر
- مريح تحس انه صغيرة
- ويكفي انه تويوتا
بس انتبه لا تاخذ الا 6v سلندر
اما الفورشنر جيد لكن شكله غير رسمي وصناعته اندونيسية
اما الاكس تيرا ما ادري عنه لكن اسمع انه مب عملي

[عبد الله999]

ماقصرتوا يا اخوان مع العلم لمن أشار علي اني أبي تماتيك

ولمن وصى بالباترول فهل أجد نظيف بالسعر هذا؟
لأني ابغاه يقعد معي فترة جيدة من الزمن

أخوي اللي قالي برادو هل فلوسي تجيبه؟ لأني حقيقة لا أعرف عنه شيء ابدا لكن سمعت انه غالي

ماقصرتوا جميعا وانتظر بقية الآراء

[ابو_حمد]

بدون تردد عليك في جيب تايوتا من 2000 والله يوفقك لما فيه الخير لك ولا اسرتك

[مخاوي الذيب55]

أنا من رأيي صح إن التويوتا شيك بس الفتك عطي الله خفة نفس خفيف حق خط وحق بر وقروشك تجيب لك 2005 أو 2006 حاصله رفرف بس زين للإستخدام ويرزقك الله

[RPM..5800]

VXR 1998
8 سلندر
فتحه
ونش
دفلك
قير اوتو
سبيرين
اللون ابيض
يقعد معك 10 سنين وأكثر
تلقاه بـ من 70 الى 75 ..

وموفق






RPM..5800

[هوايتي مكشات]

الله يرزقك يالغالي

[مغرم بالفتك]

الفتك احسن الاستندر ولابالفرق بالنشاط وبتحصل بقيمة الي انت تبي

[ذيب زلفاوي]

دراهمك تجيب لك باترول 2005 ويمكن 2006 بعد
ولا هدد من 2001 الى 2003

عاد انت اختار بين السيارتين ولا تتعداهن

[الباثفندر 3.5]

نصيحه من اخوك
اخذ لك لاند كروزر او برادو
و اذا لقيت برادو 6 سلندر 2006 نظيف اخذه
و كلامي من واقع تجربه
و سعر قطع الغيار بلاش مقارنة بالنيسان

[عبد الله999]

مشكورين جميعا

لكن وش سلبيات الفتك؟؟
ووش مميزاته؟؟

وكذلك البرادو؟؟

والفورتشنر؟؟

[ياسر 97]

VXR 1998



8 سلندر
فتحه
ونش
دفلك
قير اوتو
سبيرين
اللون ابيض
يقعد معك 10 سنين وأكثر
تلقاه بـ من 70 الى 75 ..


وموفق








RPM..5800


مثل ماقال اخوي

لكن احرص على النظيف ولاغير النظيف لوكان غالي

[بروق ساق]

مـــــثـــــــــــل ماقلوا الشباب لا تتعدى البرادو 2005 وطالع تبي تحصل ,وإن شاء الله فلوسك تبي تجيبلك
مره أدور بالمعارض وحصلت برادو 2005 نظيف جداً بـ70ريال (هذا كلامي قبل شهر )

[عزيز 3333]

ليش تاخذ 2005 وتحت ... خذ اكسبلورر 2009 2008 نظيف ولا مشى كثير
ولا تنسى الاستخاره
بالتوفيييق

[سقفاوي]

ياخوووووووووووي اذا براسك باتروووول من 2005 وفوق ترى فلوسك تجيبه ويمكن 2006بعد ... ونظيف بعد ...
بس انت اصبر شووووي ولا تستعجل مرره وصي ناس واذا تبي النصيحه اطلع للقصيم وان شاء الله تحصل مطلبك ...
وتبي نصيحة اخووووك اترك الفوتشنر والاكس تيرا وخللك بالباترول او الgxتويوتاااا وبس

ولاتنسى الاستخاره
وبالتوفيق

[قنيص غير]

والله يرزقك انشالله والله يعطيك خير الموتر الي بتشتريه ويكفيك شره تقبل مروري

[شرماوي1]

نصيحتي لك اخوي خذ بررررررررادو 6
ماراح تندم لكن خذ نظيف واذا ماناسبك تبيعه بمربح

[لاتكب البيالة]

الرجال يقول ابي سيارة تقعد 10 سنين ويجي واحد يقول خذ تيوتا شيك هو يبي عمر مهوب شيك
ثم اللي قال جيب 2000 يعني بعد 5 سنين بيكمل 8 سنين بيكمل 18 سنه عطون جيب 92 نضيف بهالوقت نادر مع ان الاولات اقوى
وحتى الباترول اذا 2005 راح من عمره 5 سنين عسى يكمل معك 5
الزبدة خذ شي جديد ما مشى اذا قدرت عليه واذا مستعمل الفورنشر والاكستيرا واضف الاكسبلورر بدرجه وحده حسب احتياجك تبي النشيط او الوسيع او الاقل صرفيه او المريح كل واحد له ميزه والسيارة اللي تبيه تعيش حافظ عليه وتابعه تعيش معك
اما سالفة شيك وانت تبيه ل 10 سنين لو تهديه لحد كثر خيره

[راعي الوبارة]

يا أخي العزيز السيارات حسب إحتياجك وإستخدامك ولكل منطقة سيارات مناسبة لكن التايوتا تمسك قيمتها أكثر من أي شي آخر ، لي صاحب أخذ GX-R عام 1998م بسعر 120.000 ريال وزعلني كثيرحينها ولكن غيرت قناعاتي عندما باعه في 2009م بـ (70.000ريال)مع أن إستخدامه كان عادي جداً ولا كان كثير إهتمام وفيه أكثر من (دقشة ) في الرفارف والسافي ما قصر على المقدمه فكيف لو كان نظيف جداً؟
أنت أبصر... وسلامتكم

[ريلاكس]

مالك نضر بالاف جي

تلقى اقيامه بـ 75 وطالع 2008

[النشيط]

يا شباب فيه أحد يخبرلي برادو 2005 أو 2006 أو فتك 2005 طبعا تماتيك حول 75 تكفون

[عبد الله999]

يا شباب فيه أحد يخبرلي برادو 2005 أو 2006 أو فتك 2005 طبعا تماتيك حول 75 تكفون
الله يوفقنا واياك ويرزقنا سداد الرأي

اخواني اللي قالوا الاكسبلورر سمعت انه ضعييف جدا

صراحة مالي باللاند كروزر أبد

الباترول كيفه من ناحية قطع الغيار؟؟
باذن الله سأرسو على الباترول لكن اهم شي ابي اعرف سلبياته وشي؟؟

[عبد الله999]

وش دعوة مافي احد يعرف شي عن الباترول

أنتظر أهل الباترول يعطونا خبر

[مجنون باترول4800]

الباترول سيارة ما يحتاج
لكن ! الموتر النضيف نادر واكثر اللي بالسوق ملعونات
الموتر
نشيط ومريح ومايصرف
ولا تخذ سوبر خذ سفاري 2 ممتاز او سفاري ون لك ولزمان بس ماهوب مريح ك
مركب وسلامك واذا تبي شي اسال وانا اجوبك اوالاخوان مايقصرون

[راعي طفات]

وش دعوة مافي احد يعرف شي عن الباترول

أنتظر أهل الباترول يعطونا خبر
الموديلات الجديدة 2003 وفوق على ماأعتقد ظهر فيها بعض العيوب مثل مسامير الثلاجة والقير والكتاوت خاصة الفتك الي يجي قيرين ( عادي أوتوماتيك )

وإضافة إلى أنه مايمسك سعره أبد يعني تخسر 5 آلاف باسبوع عادي لو ماجاز لك وبغيت تبيعه

وقطع غياره وصيانته نار يعني غالي بزياده , وإذا بدأ يطلب الله يعينك يبيلك عقب كل طلعه توقفه بالورشه

كلامي يعلم الله من تجربة - حتى الآن - وليس تعصب أو حقد أو .....

لكنه بالبر خاصة بالنفود عز الله إنه يطربك ولكن كل شي بحقه


رأيي إذا كنت راعي عايله صغيره تاخذلك برادو 2005 وفوق وإحرص على اللون الفاتح والقير الاوتوماتيك

أسعارهن 70 - 80 حسب النظافة والموديل , أهم شي vx يعني 6 سلندر , ومايكون تعرض لصدمات أو خرابات وطبعاً الخليجي أغلى من السعودي

الخليجي يجي تانكيين بانزين والاستبنه فوق يمشيك 1000 كم تقريبا , أما السعودي تانكي واحد والاستبنه تحت وفرصه إن الواحد يطلع الاستبنه فوق ويحط مكانه تانكي ماء

نصيحة مجرب دامك راعي طلعات خفيفة وديرة لاتاخذ فل كامل لأنه يغثك بكماليات أنت مانت بحاجتها مثل الفتحة والجلد

نقطة أخيرة التويوتا والبرادو خاصة تدفع فيه زيادة 5 آلاف تريحك من الصيانة وقطع الغيار الي بتدفع بغيره

يعني بنزين وزيت وارتاااااح

موفق بالسيارة الي في بالك وبالسعر الرخيص

وهذا وقت الشراء لأن الجيوب ترخص نسبيا بالصيف ولأننا في بداية الاجازة فتحصل أحد محتد يبي يبيع موتره ويسافر ولا يعمر .


شاور واستخر والله الموفق


( طبعاً هذا رأيي الشخصي قد يكون صوباً وقد يكون خطأ )

[نايف الوشم]

سلام عليكم
يا طويل العمر تبي رايي
تويوتا لاتعداه من لاند بجميع انواعه ربع شاص هدد
عملي ورسمي ومتماسك وقوي وعزم كويس ويصبر
حمار مكده وقطع غياره اسعارها مقبوله وموجوده
وخراباته مهب تعجيزيه اي ميكانيكي يصلحها وبالنسبه
للنيسان فهو موتر وكويس بس فيه صرفيه بنزين ويتفكك
وانت تقول ابي موتر يطول معي والنيسان ما راح يعيش
فتره طويله بدون خرابات اقل شي يبي يتفكك
وتقريبا بعد ما يمشي 200000 يطيح عزمه وقطعه اغلاء من التويوتا
على العموم انا رايي التويوتا لاتعداه بصراحه شيك
والدليل شف اسعارهن اول ما طلعن بكم تاخذ الجيب ولا الهايلكس
من الوكاله مثلن الهايلكس 2005 اول ماطلع سعره 43000 اصفار
الحين مستعمل ما تاخذه اقل من 50000 الف يدلك ان التويوتا شيك
يعني اذا بغيت تبيع راح تبيع بمكسب او اقل شي تبيع براس مالك
والراي الاول والاخير لك انت ...

[مناي التسلي]

السلام عليكم بعد أذن الأداره طلبك عندي رقمي 0563713473

[ذهلان 1]

بفلوسك تنقي جي اكس آر 2000 إلى 2001

ولا تا خذ الا نظيف واعتبره شيك متى ما مليت منه قل أنا بياع يجيك باص زباين

بس حط تحت كلمة نظيف خطين وثبت الثالث وخاصة البدي واللون يكون أبيض

هذا الكلام اللي يصحي من النوم
نعم أوافقك الرأي أخي علي
عزالله انك عطيته العلم اللي يجمد على الشارب

[ابوعبدالله 00]

فلوسك تجيب لك باترول 2005 انشالله نظيف او جي هدد 2006 يكون نظيف

[رمز الوفا]

وشرايك تعطين منهن
انا معي الربعين نكمل عليهن ونشتري(الفورتشنر 2011

[oالحربيo]

والله يا خوك تبي نصيحتي خذ برادو موديل 2006 وحوله لعدة مميزات:
1- شكله مقبول ورسمي ارسم من الفورشنر والاكس تيرا
2- قد فلوسك
3- موتر يصبر صبر الحمير تبي ديره تبي سفر تبي بر وتطعيس بالتجربة موتر يصبر
4- مريح تحس انه صغيرة
5- ويكفي انه تويوتا
بس انتبه لا تاخذ الا 6v سلندر
اما الفورشنر جيد لكن شكله غير رسمي وصناعته اندونيسية
اما الاكس تيرا ما ادري عنه لكن اسمع انه مب عملي

آنــــــــــــــــا معــــاكـ برادو2005 موصفات فكسآر :good2::good2:
او رح للامرات ودور لك جيب على كيف كيفكـ..وآنت براحتكـ.

[بـــ نجد ـــرق]

بعد اذن صاحب الموضوع

القيمه هذي ماتجيب في اكس ار 2003 قير عايدي؟

ارجو الافاده

[محمدين عتريس]

الاخ الكريم

نصيحة مجرب .... واذا ندمت اتحمل المسؤلية

زد ال 75000 حوالي 8000 تقريبا

وخذ لك برادو 2007 لؤلؤي v6 اتوماتيك

اقسم بالله ما تندم ....واتحد اللي يقول غلط

عشر سنوات اذا طبيت الورشه تراها على حسابي بس بشرط :

استخدمه اسوء استخدمه والله مايقول وين الورشه

[هاوي غماره]

خذ لك باترل 2005 شكل حلو ورخيص بس احرص على النضيف

ولا برادو بعد عن الفتورتشنر

[saad_path]

اخوي
اذا تبي باترول ونفسك فيه لا ترد نفسك عن شي اذا كان باستطاعتك
الباترول والله موتر من جميع النواحي عزم ونشاط وخفه اذا بغيته ديره او تطعيس او سفريات
والله انه بالخط اريح من اغلب الصالونات وهاذا كلامي من تجربه سابقه
واذا تبي نظيف نظيييف ازرق للكويت كم يوم تلقى هناك نظيييف طبعا موديلات 2005 او 2006



والله يرزقك الموتر اللي في بالك
ويعطيك من خيره ويكفيك شره مقدما

[ابوسفرجل]

اولاً : العلم عند الله والاعمار بيد الله وكل شيء له نهاية سواء سيارة او طيارة ولكن نعمل بالاسباب ونتكل على الله ونطلب من الله البركة والتوفيق في حلالنا وصحتنا ،
ثانياً : ما يظهر لي ان دراهمك ميب شوية الله يبارك لك فيها وبتجيب لك موتر طيب انشاء الله
ثالثا : رأي المتواضع انك تدور لك جيب تويوتا لاندكروز لك وللزمن قطع غيار رخيصه ومتوفره وصيانته سهله وما يبي صيانه كثيره ، وللعائله كبير ومريح واوجه ، وشيك في مخباتك . بس دور لك موتر نظيف وسالم من الصدوم ودور قير تماتيك اريح لك في المدينة والقير العادي ايضا ماعليه ممتع في قيادته ولافيه تعب مثل باقي السيارات كأنك تسوق كامري وعزمه اقوى من القير التماتيك
وفي الختام الله يوفقك وكل مسلم

[قرقاع]

اخواني انا ماشفت احد مدح الاكستيرا والاغلبيه قال ماينفع الموتر انشط من البرادو بكثير وقوه بالرمال والطرق الوعره وبالخط ماشاء الله حلو ووسيع يكفي 7 انفار بالراحه

ارجو اني افدتك

[جمره]

عندي في اكس ار 99 ليمتد قير عادي على الشرط بدي ومحركات 67الف

[عزوا]

موجود 2005 vx خليجي تانكيين لؤلؤي تماتيك

[بروق ساق]

موجود بمعارض بريده فورتنر ماشي أقل من 5ألف جديد أغبار الوكاله عليه محدود بـ70 ألف ريال
مواصفاته
1ـ اللون كحلي ـ بدون دبل ـ Gx1ـ قير تماتيك
لا يفوتك وأنا أخوك الموتر جديد وطايحنبه دراهم

[ذهلان 1]

الاخ الكريم



نصيحة مجرب .... واذا ندمت اتحمل المسؤلية


زد ال 75000 حوالي 8000 تقريبا


وخذ لك برادو 2007 لؤلؤي v6 اتوماتيك


اقسم بالله ما تندم ....واتحد اللي يقول غلط


عشر سنوات اذا طبيت الورشه تراها على حسابي بس بشرط :



استخدمه اسوء استخدمه والله مايقول وين الورشه



بس لا تنسى شيء واحد
ألبس جينز وقميص وردي
وافرق الشعر مع النص
واذا كلمك احد هز راسك يمين يسار
البرادو سيارة ما عليها كلام
بس انها سيارة أم العيال
سلام

[واوك]

اسمع ياطويل العمر

انت معزب ولا امتزوج؟
كانك معزب

ولله ترا الهايلكس ممتاز
بالحيل بس لا تاخذ 2010
لان سعره 80 الف

خذ لك 2008 او 2009
سعره كانه ما تغير فهو
تفكه جديد بقراطيسه
شد بلد
قير عادي
وسعره
75000
خمس و سبعين الف

بس نصيحة لك في نياك
_ الهلي
_ الكامري
_ ربع

حاول انك ما تفكه الا جديدة لان الشباب اذا جو بيبيعونها راحو تطعيس و تفحيط
الا ما يعدمها بعض الشباب

ولا كانك متزوج فالفرتشنر زي ما قالو الشباب

[محمدين عتريس]

بس لا تنسى شيء واحد
ألبس جينز وقميص وردي
وافرق الشعر مع النص
واذا كلمك احد هز راسك يمين يسار
البرادو سيارة ما عليها كلام
بس انها سيارة أم العيال
سلام

تقدر تشتري ابو 198 الف ...لك انت خل ام العيال يرزقها الله هي وهنديها

[البهبان]

[quote=لاتكب البيالة;4816339]الرجال يقول ابي سيارة تقعد 10 سنين ويجي واحد يقول خذ تيوتا شيك هو يبي عمر مهوب شيك والتويوتا شيك لحد الان
ثم اللي قال جيب 2000 يعني بعد 5 سنين بيكمل 8 سنين بيكمل 18 سنه عطون جيب 92 نضيف بهالوقت نادر مع ان الاولات اقوى موجود بس اسدح الكاشششش وابشر بعزك
وحتى الباترول اذا 2005 راح من عمره 5 سنين عسى يكمل معك 5 النيسان مالي فية والله يفكنا شرة
الزبدة خذ شي جديد ما مشى اذا قدرت عليه واذا مستعمل الفورنشر والاكستيرا واضف الاكسبلورر بدرجه وحده حسب احتياجك تبي النشيط او الوسيع او الاقل صرفيه او المريح كل واحد له ميزه والسيارة اللي تبيه تعيش حافظ عليه وتابعه تعيش معك

[محب البرق]

هلا اخوي


بنصحك نصيحة يالغالي ..


خذ لك جيب تويوتا جكسار 2001 او 2000


ولو تكدّه سنينن واذا جيت تتبيعه قيمته فيه مايخسّر واجد


لكن اذا انت تقول بشري غيره مثلا الباترول او غيره
هذا قيمته مايقعد .. تبيعه بعدين بخسارة كبيرة



التويوتا شعبيّة واسأل مجرّب وهو شيك بيدك وعلى نظافته


راحة بالخط + قوة وعزم +



انا بايع جيب جكسار 2001 بيبان تماتيك رقم 1
بـ 75 الف وهو صراحة الموتر جديد ..

[ذهلان 1]

تقدر تشتري ابو 198 الف ...لك انت خل ام العيال يرزقها الله هي وهنديها
هههههههه
أي والله أقدر ونص ولله الحمد لكن :
واضح انك زعلان
هد اعصابك هدها يابو الشباب
ترى الرجال يطلب المشورة
وانت أشرت عليه بالبرادو صح والا انا غلطان ؟ وانا من حقه علي أشير عليه بعد دام اني قرأت موضوعه
ولو عملت أحصائية للسيارات العائلية لحصل البرادو على المركز الأول بدون منازع
سواء بهندي والا ببنغالي ليش ننكر الحقيقة
وما يعيبك تكون سيارتك برادو تقسيط
سلام

[قنيص غير]

الله يرزقك