ابي المشوره منكم ياهل مكشات !!

[ولد النشاما]

السلام عليكم ورحمة الله وبركاته
كيفكم ياهل مكشات واعضاه
انا عندي موتر وتم بحمد الله توضيب المكينه قبل كان عزمها ميت وتم تضويبها وتغير بما فيها بكل حاجاتها المهمه وصار عزمها زين ونشيطه وصافيه
وابي منكم يالربع تعطوني وش المطلوب منى بعد توضيبها هل امشئ عليها ام اتركها بعد اسبوع واحركها ولا وش شوركم .. تكفون لان اشوف علشان الموتر يجلس معى لاني قال لي صاحب الورشه لاتمشي عليها بسرعه علي الخفيف امش بشوي شوي ؟؟
ياليت تعطوني العلم الوكاد ...... انتظركم

[أبو هاجوس]

وعليكم السلام
الصراحه ما فهمت سؤالك لاكن المكينه أول ما تتوضب تجلس فتره تشتغل بدون ما تمشي بالسياره وهذي يسويها اللي وضبت عنده الموتر يخليها تشتغل عنده في المحل بعدين تمشيبها عايدي بس يفضل انك ما تتعدى ثمانين حتى تمشي ألف كيلو بعدين زد السرعه شوي شوي
وتقبل مروري

[هلا هيلو]

امش عليها ممشا طبيعي وحاول انك لاتسرع عليها لين تمشي لها كم كيلو
لأن المكينه الموضبه مغير فيها قطع جديده مثل الموتر اول ماتشريه جديد يكون في التمرين ماتسرع عليه

[مولع بالطير]

اخوي مساك الله بالخير كلام الاخوان صحيح وهاذا الدارج والي نعرفه لاكن انا سمعت انه يقولون هل السبب تلاشي للعيوب عشان ماتاضح والله اعلم انت دار موترك يداريك ومسك ضمان علي التوضيب والله يوفقنا وياك

[عميد سامودة]

للحفاظ على المكينه بعد التوظيب :
@ تغيير الزيت بانتظام كل 3000 كم ,, والسيفون تغيره مره كل تغييرتين
@ لا تشد الموتر فالنمر الثقيله بالحيل
@ لا تجيب طبلونه دايم يعني لا تسرع عليه بالحيل وواجد
@ المحافظه على البخاخات او الكربريتر على حسب سيارتك ,, والبواجي والصفايه والفلتر ,,

[ولد النشاما]

وعليكم السلام
الصراحه ما فهمت سؤالك لاكن المكينه أول ما تتوضب تجلس فتره تشتغل بدون ما تمشي بالسياره وهذي يسويها اللي وضبت عنده الموتر يخليها تشتغل عنده في المحل بعدين تمشيبها عايدي بس يفضل انك ما تتعدى ثمانين حتى تمشي ألف كيلو بعدين زد السرعه شوي شوي
وتقبل مروري
يعطيك العافيه اخوي ابو هاجوس الصراحه انك صادق بس بوقلك علي حاجه انت بكلامك تقول أول ماتتوضب تجلس فتره تشتغل بدون تمشي بالسياره وش تقصد بكلامك؟؟ ياليت توضح

[ولد النشاما]

للحفاظ على المكينه بعد التوظيب :
@ تغيير الزيت بانتظام كل 3000 كم ,, والسيفون تغيره مره كل تغييرتين
@ لا تشد الموتر فالنمر الثقيله بالحيل
@ لا تجيب طبلونه دايم يعني لا تسرع عليه بالحيل وواجد
@ المحافظه على البخاخات او الكربريتر على حسب سيارتك ,, والبواجي والصفايه والفلتر ,,
مشكور اخوي عميد ساموده

[ولد النشاما]

امش عليها ممشا طبيعي وحاول انك لاتسرع عليها لين تمشي لها كم كيلو
لأن المكينه الموضبه مغير فيها قطع جديده مثل الموتر اول ماتشريه جديد يكون في التمرين ماتسرع عليه
يعنى احركها امشي عليها بس انت علي كلامك تقول طبيعي يعنى كيف افهم من كلامك اني ماسرع ولا ايش يالغالي؟؟ لان انا قال لي صاحب الورشه لاتسرع امش عليها خفيف ولين ياصل عندك كيلو غير الزيت مع السيفون هذا كلامه.. بس عاد بعد من امشي كيلو عليها وبعد مااخلص تغير زيتها هل امشي عليها بسرعه ولا في تاثير علي الموتر؟؟؟

[ولد النشاما]

تسلم يالغالي مولع بالطير

[لبرتي]

يا عزيزي يا صديقي

الموتر اول ما يتوضب تطلع عليه للبيت دغرررررررري ويترك شغال في حوش البيت وأفضل شي يغلق له تانكين أو ثلاثه بنزين بعد التوضيب وخل الكبوت مفتوح وشيك عليه وعلى حرارته كل فترة .
وما يمنع أنك تروح عليه مشاوير بسيطه بدون سرعه

وبعدها أمش على الموتر بحدود 500 كيلو وغير الزيت والسيفون والسبب لتنظيف المكينه من البراده ،
توكل على ربك بدون سرعة جنونية كحد أقصى 100 لحد ما يغلق الموتر ألف

[ولد النشاما]

يا عزيزي يا صديقي

الموتر اول ما يتوضب تطلع عليه للبيت دغرررررررري ويترك شغال في حوش البيت وأفضل شي يغلق له تانكين أو ثلاثه بنزين بعد التوضيب وخل الكبوت مفتوح وشيك عليه وعلى حرارته كل فترة .
وما يمنع أنك تروح عليه مشاوير بسيطه بدون سرعه

وبعدها أمش على الموتر بحدود 500 كيلو وغير الزيت والسيفون والسبب لتنظيف المكينه من البراده ،
توكل على ربك بدون سرعة جنونية كحد أقصى 100 لحد ما يغلق الموتر ألف
يعطيك الف عافيه ماقصرت اخوي مشكوووور

[سوبر VTC]

الاخوان ماقصروا
و اشدد على تغيير السيفون و الزيت ضروري جدا

[ملقاط بن جمر]

السلام عليكم ..

الإخوان اللي قبلي ما قصروا .. لكن أحب أضيف مثل ما أضافوا من بعد إذنك ..

كان عندنا ددسن تم عمل توضيب لها .

بعد ما خرجت من الورشة على البيت .. جلست شغالة ما تطفى إلا تقريبا قريب وقت النوم .. مع التناوب مني ومن إخواني والوالد على متابعة الحرارة في السيارة ..
يعد تقريبا ثلاثة أيام طلعت من البيت مشاوير تمرين .. بدون سرعة أبدا .. ومن ثم تزيدها تلقائيا حتى تعود السيارة لمثل حالتها الأولى .. وسلامتك ..

[ولد النشاما]

[quote=ملقاط بن جمر;4809140]السلام عليكم ..

الإخوان اللي قبلي ما قصروا .. لكن أحب أضيف مثل ما أضافوا من بعد إذنك ..

كان عندنا ددسن تم عمل توضيب لها .

بعد ما خرجت من الورشة على البيت .. جلست شغالة ما تطفى إلا تقريبا قريب وقت النوم .. مع التناوب مني ومن إخواني والوالد على متابعة الحرارة في السيارة ..
يعد تقريبا ثلاثة أيام طلعت من البيت مشاوير تمرين .. بدون سرعة أبدا .. ومن ثم تزيدها تلقائيا حتى تعود السيارة لمثل حالتها الأولى .. وسلامتك ..[/quot
اي يعنى افهم من كلامك اشغل الموتر واروح امشي عليه تدريب علي كم ساعه يعني 3 ساعات اول 2 ولا كييف

[أبو هاجوس]

السلام عليكم
شكلك ياخوي من النوع الحريص لاكن السؤال اللي سئلته وهو ليش يخلي الموتر شغال فتره أتوقع لسببين الأول علشان يتأكد من سلامة المحركات بعد التوضيب والثاني علشان تتمرن المكينه لأنه غير قطع جديده في المكينه ويبغى لها تمرين لاكن مثل ما قلتلك المحل اللي وضبت عنده المكينه أكيد انه ترك الموتر يشتغل فتره وبالنسبه لك امش على الموتر وتوكل على الله مثل ما قلتلك في الأول ومثل ما قالو لك الاخوان وتأكد انت من الميكانيكي اهو ترك الموتر شغال ولالا

[مهداوي]

انا موضب موتري وطلعته من الورشه ومسيته على طريق الثمامه بس ماتعديت الثمانين!
لمدة اسبوع يعني تقريباً الف كيلو وغيرت الزيت والسيفون والحمد لله حلاوه معي

[ولد النشاما]

السلام عليكم
شكلك ياخوي من النوع الحريص لاكن السؤال اللي سئلته وهو ليش يخلي الموتر شغال فتره أتوقع لسببين الأول علشان يتأكد من سلامة المحركات بعد التوضيب والثاني علشان تتمرن المكينه لأنه غير قطع جديده في المكينه ويبغى لها تمرين لاكن مثل ما قلتلك المحل اللي وضبت عنده المكينه أكيد انه ترك الموتر يشتغل فتره وبالنسبه لك امش على الموتر وتوكل على الله مثل ما قلتلك في الأول ومثل ما قالو لك الاخوان وتأكد انت من الميكانيكي اهو ترك الموتر شغال ولالا
وعليكم السلام
اي والله حريص اكيد اخوي موتر توه موضب لازم الواحد يخاف عليه بس كلامك عن الميكانيكي اهو شغال الموتر عنده لفتره مااداري ماسالته ولا قالي اي شئ بس اكيد كلامه لي الموتر حافظ علي حرارته وشف موية الاديتر وانتبه عليه وشف لاتمشي عليه بسرعه هذا كلامه بختصار؟؟؟

[أبو هاجوس]

أجل مثل ما قالك لا تسرع عليه وامش وتوكل على الله
والله ييسر أمرك

[علاوي نجد]

طيب ياجماعه واللي وضبه وخلاه واقف سنه بعد التوضيب مامشى الا من الورشه للبيت ويوم شغله عقب سنه لقاه يدخن دخان ابيض ,وش معناته؟

التوضيب ماضبط؟ والا من الوقفه؟

[ولد النشاما]

طيب ياجماعه واللي وضبه وخلاه واقف سنه بعد التوضيب مامشى الا من الورشه للبيت ويوم شغله عقب سنه لقاه يدخن دخان ابيض ,وش معناته؟

التوضيب ماضبط؟ والا من الوقفه؟
الله يعينك اخوي والله كذا مشكله يثر علي المكينه والي الاشياء الي سويتها فيها لان الموتر مثل ماقالو لي الشباب الموتر موضب لازم يحرك تمرين للمكينه عرفت
ياليت افدتك

[سوبر VTC]

طيب ياجماعه واللي وضبه وخلاه واقف سنه بعد التوضيب مامشى الا من الورشه للبيت ويوم شغله عقب سنه لقاه يدخن دخان ابيض ,وش معناته؟

التوضيب ماضبط؟ والا من الوقفه؟

اذا كان الدخان ينقطع
فهو جلد البلوف تكون ناشفة و يابسة من التوقف الطويل
دائما عند التوضيب يجب تغيير جلد البلوف
جرب خل الموتر يشتغل لمدة 10دقائق خصوصا الظهر
بعدين دس بنزين دوسة وحده اذا طلع دخان ابيض فهي احتمال جلد بلوف



اليك هذا الرابط بالصور عن التوضيب
لمشرفنا العزيز طاير بالعجه

التوضيب - منتديات مكشات (http://www.mekshat.com/vb/showthread.php?t=30226)



رابط جلد بلوف

افاده يا اهل الدمام( تغيير جلد بلوف بدون فك الراس) - منتديات مكشات (http://www.mekshat.com/vb/showthread.php?t=285036)