المساعد الشخصي الرقمي

مشاهدة النسخة كاملة : مشكله بالسفاري ومعي عائله ارجو منكم المساعده لاهنتم


ادولف هتلر
30/06/2010, 02:02 AM
صبحكم الله بالخير


عندي مشكلة بالسياره قبل امشي من الرياض لابها اشغل يدق سلف بس مايشتغل جلس 2 دقيتين واشتغل ويوم وصلت لابها وطفيت الموتر وجا من بكره جلس 10 دقايق مااشتغل مع انه اذا اشتغل خلاص يسلك حتى لو اطفيه واشغله بس اذا برد تجيه هالمشكله سواها للحين ثلاث مرات (( بعد مايشتغل تحس الموتر مكتوم اذا ضغطت البنص يكتم لحظه ثم يدعس )) ماادري يااخوان فزعتكم وش افضل حل لين ارجع للرياض انا بجلس اسبوع واخاف ان المشكله تخرب شي ثاني بالسياره

ارجو من الله ثم منكم مساعدتي بتحديد المشكله او الاحتياط المناسب

السياره سوبر سفاري 2008 ماشي 40 الف تحت الضمان وصعبه ادخله على حمراني ابها وانا استخدمه للعائله للتنزه لان المشكله بس اذا برد




(( بنتظر ردكم بفارغ الصبر))
عميد سامودة
30/06/2010, 04:33 AM
عدة اشياء :
1 / فحمات السلف وهذي وقت التشغيل مالها علاقه بالتكتيم
2/ طرمبة البنزين
3/ البواجي يمكن معدومة
4/ صفاية البنزيم يمكن مسدودة
فهد773
30/06/2010, 05:11 AM
عدة اشياء :
1 / فحمات السلف وهذي وقت التشغيل مالها علاقه بالتكتيم
2/ طرمبة البنزين
3/ البواجي يمكن معدومة
4/ صفاية البنزيم يمكن مسدودة

اخوي عميد ماقصر وازود عليه نقطه تاكد من البطاريه يمكن عليها املاح ولا شي لانها صارت معي مره ونضف اصابع البطاريه اذا عليها املاح
towpaco
30/06/2010, 07:57 AM
ياشيخ ودها للوكالة حرام 2008

مانت خسران ساعة يتم التشييك عليها
asdali
30/06/2010, 08:07 AM
قبل لا تسوي شي انفض فلتر الهوا نفض ثم جرب لا يغرك شكله نظيف .
جهام القصيم
30/06/2010, 10:27 AM
تأكد من كتاوت طرمبة البنزين التوقع الخلل منه
العرندس909
30/06/2010, 10:33 AM
تأكد من كتاوت طرمبة البنزين التوقع الخلل منه



مريت بنفس المشكلة وكان الحل تغيير كتاوت طرمبة البنزين
ادولف هتلر
30/06/2010, 11:48 AM
الله لايهينكم اليوم اشتغل زي الحلاوه .. لكن مدري وش فيه بالنسبه للبطاريه ممتازه لااملاح ولاشي ولا اتوقع الصفايه لانها جديده (( الموتر ماخذه من مخازن الحمراني جديد)) ولا اعبي الا 95 ان شاء الله تسلك الامور ..

بالنسبه للاخ الي يقول وده الوكاله .. انا طال عمرك مريت عليهم قالو خله اليوم عندنا وبكره نعلمك وش نتيجة الفحص يعني يبيله اقل شي يومين الى 3 اخليها في الرياض افضل لان المشكله العزبه والاغراض ماتجي في سياره صغيره حتى لو استاجرت..

تحياتي وبالنسبه لكتاوت الطرمبه وين مكانها لو افكها وانظفها يمكن حل مؤقت
العابر2222
30/06/2010, 01:12 PM
أخوي اتوقع المشكلة كتاوت

اما كتاوت طرنمبة بنزين ... وتجي في الطبلون على يسارك وانت راكب السيارة وفيه شرح في الموقع لتغييرها

وهذا شرح لموقع كتاوت الطرنمبة

http://www.mekshat.com/vb/showthread.php?t=136877

لاكن قبل تغييرها سو التجربة هذي وشف وش يطلع معاك (تبديلها بكتاوت مروحة المكيف)

http://www.mekshat.com/vb/showthread.php?t=142171

بس لا تشغل المكيف وتحتر السيارة وانت تجرب


او الكتاوت الي تجي في الكبوت جنب فلتر الهواء في علبة سوداء ... افتح العلبة بتلاقي ثلاثة كتاوت لونها ازرق بدل بينهن وشف الموتر يتغير ولا لا؟
سوبر VTC
30/06/2010, 02:45 PM
الاخوان ماقصروا

ادخل هنا => 6 (http://www.mekshat.com/vb/showpost.php?p=3874077&postcount=6)

العام بالشتاء معنا باترول سفاري م2008 و ماشي 70الف
نفتح السويتش و لا نسمع صوت الطرمبة
طعبا نضرب الديكور يسار الدركسون
او نفك الغطاء و نقنع الكتاوت باليد او بمفك
ثم نصك و نفتح السويتش و تشتغل الطرمبة على طول

طبعا سبب المشكلة
ان تشغيل الموتر على طول مع الايام يسوي كربون بوسط الكتاوت كربون اسود
مثل اللذع او مثل اصابع الاشتراك يضهر شرار و يسوي طبقة كربون او مثل املاح االبطارية فيمنع توصيل الكهرب

الحل المجرب عندنا ببريدة توصيل سلك كهرب صغير بوسط الكتاوت ب50ريال و على الضمان مدى الحياة مايخرب الكتاوت ابد

لذلك ما تشتغل الموتر حتى تطفى لمبة الطبلون البرتقالية تشيك

اعانك الله و حفظك