جربوكس الأكسبدشن

[يتيمة الدهر]

السلام عليكم ورحمة الله وبركاته
الفزعة ،،،
عندي مشكلة بجربكس الأكسبدشن موديل 99 دبل كشفت علية ويحتاج توضيب
تنصحوني أوضب الجربكس بحوالي 4000 ريال
ولا أخذ مجدد ولا أروح للتشالح 2500/3000ريال وحظك ونصيب
ولا أبيع السيارة ،، ولكم التحية

[العابر2222]

وعليكم السلام ورحمة الله وبركاته

والله يخوك اذا انت مقتدر ومعاك مبلغ مالي تقدر تشتري سيارة افضل منهااا

فنصيحة بعه وابعد عن الأكسبدشن (ابعد عن الداب وشجرته )

..................................

واذا الأمور المالية متوترة الوقت الحالي خذ تشليح ... ولازم يعطونك عليه ضمان

لأن الأكسبدشن مو اي واحد يضبط قيرة

[يتيمة الدهر]

ياخوي كشفت كمبيوتر على السيارة النتيجة سليم البودي لاسمكرة ولا بوية والديكور نظيف المشكلة كلها بالجربكس ولا أبعد عن الداب وشيرته

[ابو محمد ....]

شف لك تشليح ...........والله يوفقك
وبالنسبة للأكسبديشن ........اشوفه والله من أفضل الجيوب ....لأني من ملاكه ولله الحمد

[moooj]

السيارة تمشي او لا
جربت تمر اكثر من ورشة وتسأل وتتأكد ان القير يبي توضيب؟
سألت عن قطع الغيار كم تكلف وكم شغل اليد؟
اذا بتستعمل السيارة اشوف التوضيب افضل اذا كان بورشة ثقة
واسأل عند الكير الأمريكي له فروع بكل مكان واسعاره معقولة
بالتوفيق

[يتيمة الدهر]

مسيتم بالخير
أخوي العابر
أخوي ابو محمد
اخوي مووج
اشكركم على النصيحة والله يرفع من قدركم ،،،

بالنسبة للسيارة تمشي ولا وفيه اي مشكلة والسيارة على كلام الميكانيكي تقوم بالثاني وبعد على الخط يبدل نمر مرتاح

[بدوي جنوبي]

هذا يعنى ان كلتشات السرعه الاولى عندك منتهيه متآكله

وطبعا لابد يتوضب كامل ،،، الافضل توضب القير
لان حق التشاليح والمجدد ما تضمنه
اقرأ
๑×۩۞۩๑ اذا سيارتك قير اوتوماتيك وصار فيه خلل هذه بعض النصائح๑×۩۞۩๑ ‏ (http://www.mekshat.com/vb/showthread.php?t=221402)