ضيعنا مفتاح الجمس ولا فيه سبير ............ماهو الحل الأمثل عاجل

[تناهيت]

السلام عليكم ورحمه الله وبركاته


الحمد لله على كل حال المفتاح وضاع ولا فيه اسبير وهذي غلطتي كل يوم باكر بنقص عليه وضاع المفتاح ولا له اخو ونيس


بحثنا عنه ما خلينا محل ما دورنا فيها ..........>حتى احواض النخل مرينا عليها :D


الموتر شفر حوض غمارتين موديل 2002


الكبوت مفتوح الآن لأني كنت اشتغل فيه وقتها :)


هل هناك طريقه في فتح الموتر عن طريق الكبوت :good:


وماهي الطريقه الافضل في قص مفتاح عليه وبرمجته


ارجوا منكم الافاده بأفضل الطرق واسهلها وأوفرها مادياً


للعلم باب الحوض له قفل يفتح بنفس مفتاح السيارة اللي ضاع هل من الممكن الاستفاده من ذلك


بعطيكم فرصه ياقروم مكشات في طرح ارائكم يوم او يومين لأني بحاجه الموتر

للعلم الموتر له ريموت وضاع مع المفتاح


تحياتي

[عاشق vip]

هلا وغلا

أول شيء الله يعينك يارب .. وإن شاء الله تكون إستفدت من العلقه ههههههههههههه ..

بخصوص فك السيااره .. يا الغالي لو فيه مثلث بالقزاز الأمامي .. أكسره .. وتقدر تجيب لك ( واحد يشتغل بمحلات المفاتيح ) وهو عنده عده مفاتيح للسياارات وفيه مفاتيح تفتح أكثر من باب .. وإن شاء الله يفتحها لك ..

وحاول تدور في القزاز لو فيه فتحه تنسيم .. ولو فيه جيب معلاق أو سيم وخله طويل ولف راسه على قد قفل الباب .. أو الي يوصلك للوحه المفاتيح الموجوده بالسيااره .. وحاول مره ومرتين وثلاث إلين يوصل المعلاق ويفتح السيااره ..

والله يعينك يا الغالي

وإن شاء الله تجي وتلاقي سيارتك مفتوحه << يمكن تطلع بنت أصول وتعرف الواجب خخخخ

تقبل مروري

[1231]

السلام عليكم ورحمه الله وبركاته



الحمد لله على كل حال المفتاح وضاع ولا فيه اسبير وهذي غلطتي كل يوم باكر بنقص عليه وضاع المفتاح ولا له اخو ونيس


بحثنا عنه ما خلينا محل ما دورنا فيها ..........>حتى احواض النخل مرينا عليها :D


الموتر شفر حوض غمارتين موديل 2002


الكبوت مفتوح الآن لأني كنت اشتغل فيه وقتها :)


هل هناك طريقه في فتح الموتر عن طريق الكبوت :good:


وماهي الطريقه الافضل في قص مفتاح عليه وبرمجته


ارجوا منكم الافاده بأفضل الطرق واسهلها وأوفرها مادياً


للعلم باب الحوض له قفل يفتح بنفس مفتاح السيارة اللي ضاع هل من الممكن الاستفاده من ذلك


بعطيكم فرصه ياقروم مكشات في طرح ارائكم يوم او يومين لأني بحاجه الموتر


للعلم الموتر له ريموت وضاع مع المفتاح



تحياتي


يآشينها لاضاع المفتاح وجلست تدوره.


الله يعينك ويفرجها عليك.

السياره تقدر تفتحها بسيم (بس ما راح تستفيد من فتحها لانك ماتقدر تشغل السياره الا بمفتاح).

يمكن تكون مقفل على المفتاح بالسياره بالغلط.

جب لك سيم واسحب باب السياره عشان يصير فيه مجال وجرب تفتح السياره.


والحل (اتوقع).

انك لازم تاخذ رقم الشاصي وتروح للوكاله وتقولهم السالفه ومن رقم الشاصي اتوقع بيعطونك مفتاح.


والله يعينك وشكرا.

[تناهيت]

اخواني
عاشق و1231 بارك الله فيكم

المشكله مو في فتح الباب سهله


المشكله كيف اقص على المفتاح وابرمجه دون مشاكل ...هل افك باب الحوض وأوديه لمحل المفاتيح يقص عليه فرضا سويتها وين ابرمجه عشان يشغل الموتر

الموتر بصلي العشا ان شاء الله وأنقزه واشوف يمكن المفتاح داخل مع اني ما ضنيت واتمنى احصله

الموتر استخدام امريكي وما ضنيت الوكاله يفيدوني




تحياتي وبنتظار حلول اخرى

[sultan18]

الله يعطيك العافية

[تناهيت]

الله يعطيك العافية


:D :D


عشاني ضيعت المفتاح

المهم انا جالس مهنا طلعه الا بوجود حل

[شيخ العزوبية]

انصحك لا تحاول تفتح السياره بسيم ولا شي تمخش سيارتك او تقطع الجلب ..

رح لمحلات الشايقي او اي محل لقص المفاتيح ويطلع معك عامل وهو بطريقته يقص لك مفتاح ..

[لن أمل من العطاء]

تناهيت

فك السيارة بسيط جدا

اما قص المفتاح
فاصحاب الفاتيح وقصها هم يعرفون
اذا وجد الفني الممتاز
تعطيه القفل يقص لك عليه مفتاح واكيد الرياض والقصيم مليئة بالمهره
انا صارت معي في الباحة
وجبت سوداني دكتور مفاتيح وفك السيارة وفك السويتش ورحنا للمحل وسوى لي مفتاح

[ابوعقل]

ابوحمد مر الوكاله

يمكن يجبون لك مفتاح مع ريموت عن طريق رقم الشاص

لان اخوي معه بي ام وضاع المفتاح وجابوله مفتاح لها من رقم الشاص

ومر محلات المفاتيح شف عندهم برمجه وريموتات وكاله

عندنا بالدمام محل اسمه العمودي عنده ريموتات ويبرمجها

[PAJERO]

نصيحة لاتتعبث بالسيارة
جب حقين المفاتيح وشف وش يقولون وجرب اكثر من محل
وانتبه
وعليك بالهنود

[moooj]

خذ رقم الشاسي ومر الوكالة ويطلعن لك مفتاح وريموت
حتى لو السيارة امريكية
بالتوفيق

[أبوحمد 505]

أخوي قد صارت معي بكورولا
كسرت المثلث وشلتها بسطحة لمحل برمجة مفاتيح عندنا بالخرج وزين لي مفتاحين جديدة مبرمجة ب 250 ريال وركبت مثلث ب40 ريال

الله يعينك

[تناهيت]

شاكر ومقدر لكم تعاونكم

مالي اجل الا افك قفل الحوض واوديه لمحل المفاتيح واقص عليه واشوف مبرمج شاطر يبرمجه .............مافيه حل غيره ولالا

تحياتي للجميع

[تناهيت]

خذ رقم الشاسي ومر الوكالة ويطلعن لك مفتاح وريموت
حتى لو السيارة امريكية
بالتوفيق

الوكاله ماراح يكلموني بأقل من 600 ريال او أو أكثر
اذكر سويت نسخه لمفتاح جاهز حق فورد في الوكاله بــ400 بالبرمجه وبدون ريموت

تحياتي موج

[ولد وايل..]

يارجل...

انت نقز الموتر ودور داخلها...

اذامالقيت المفتاااح داااااخل الله يعينك...


لكن ان قدرت تقص مفتاااااح فالبرمجه سههههههله إن شاء الله...


يجيب راعي المفاتيح كمبيوتر صغير ويركبه بفتحته الكيبل تحد الدركسون تقريبا

ويبرمح اي مفتاح ((بس يلغي البرمجه القديمه...))

لو سيارتك ماخذها من هنا تروح الوكاله وبرقم الشاص يجيبون لك بداله...

[اسدهم]

اخوي فك ادقمة حقت الباب الخلفي اذاوجد ورح للمفاتيح وقص

[مغلي]

ماخبرت ان الجموس 2002 فيها برمجة مفاتيح
انا معي 2002 يوكن امريكي
وقصيت له مفتاح ب 5 ريال
ويفتح الباب ويشغل تمام
البرمجه للريموت فقط

[تناهيت]

أبشركم بفضل من الله حصلت المفتاح بعد جهد جهيد كان أملي باللة كبير واستجاب لدعواتي

هذي دعوه مني لكم بان الواحد ما يستعجل في أي شي ويتريث في تسويه اموره ويطلب من الله دائما العون

ما اخفيكم الموترجلس أكثر من 10 ايام ومفتاحه ضايع وكل يوم اقول باكر بنصلحه الى ان حصلت مفتاحه طايح بين المراتب في موتري الثاني..

ونصيحه للي ما عنده اسبير يقص له مفتاح والله ما تسوى على الواحد ضيقه الصدر عشان مفتاح
اخوي مغلي ...>اذا كان ما يحتاج برمجه فهذه معلومه جديده لي واتمنى ذلك لأني ناوي اليوم اقص له 3 مفاتيح موب واحد وبس ما يسوى همه ونا اخوك

تحياتي للجميع وشاكر ومقدر تجاوبكم

[ولد وايل..]

بالنسبة للبرمجة...

تأكد من علامة الموجب برأس سنه المفتاح ان كان فيه علامة موجب فيه برمججه وان كا كان فيه فما فيه برمجه وتأكد....

[(عاشق الهضب)]

مثل ماقالو الشباب ماقصرو جيب فني مفاتيح وريح دماغك

[سوبر VTC]

الله يبشرك بالخير
و لا عاد مره ثانية تضيعه ههه
موتري جمس 2001 قصيت عليه مفتاح عادي ب5ريال ملون خفيف
و يشتغل الموتر تمام
طبعا السبير تحطه بمكان ما بالشاصي
و اسبير اخر تحطه بالبوك

[black denali]

الجمس ماله برمجه

قص وامش الييين موديل 6 و7 وفووق برمجه