إللي يبي الذيخ ألحق أو ماتلحق

[راصد بيئي]

السلام عليكم ورحمة الله وبركاتة

حياكم الله وبياكم

إخواني حصلت ذيخ أبيض اليوم بالشارع الذيخ جبر وطيب

أنا مابغيت أركبه معاي علما أنه اذا ناديته يجي ولونه ابيض

أللي يبيه
الوصف
طريق الثمامة أول محطة بعد جامعة الإمام أسمها السواحل تحصلونه بالشارع إلي خلف المحطة أو بالمنظقة الي حولها

هذي فرصة للي يدور سلق

ياخذه ويعلن عنه شهر إن ماحصل راعية يصير له

والله ولي التوفيق

تمت الكتابة يوم الإربعاء بعد صلاة المغرب
18/7/1431

[ذيب عتيبه]

مش حتأدر تغمض عينيك هههههههههه


بيني وبينك ثلاث دقايق :D


ياراصد بيئي





الله يجزاك خير واللي يلقاه الله الله بالاعلان عنه ياأخوان


وعني ياراصد عد من هالحين لنص ساعه اذا ماشفت المحطه فل والا بحق هههه

[راصد بيئي]

خخخخخخخخخخخخخخخخخخخخ

انا ادري اني بشوف مواكب عندها
وللعلم بيتي قريب منها يعني اقدر اروح اللحين اخذه وواعد احد ياخذه بس والله اني قلت خله لغيري يحتاجه
وعساه يروح لواحد نشمي يكرمه

[أبوصقر]

بيض الله وجهك ياراصد..الله يعين أهل المحطة..بكره أبو شرارة راح يذكر موقع المحطة من ضمن مناطق الإزدحام..هههههههه

[فيصل الدشاش]

العنـوه الي مافيه شي اكيد لا تعني لهاً

[غملاس الخالدي]

الله يرده لراعيه

[راصد بيئي]

مشكورين على مروركم

ويافيصل الدشاش وضح كلامك ؟؟

السلوقي شايفه بعيني

ومااحد قالك روح دوره ولا خذه غيرك يتمناه ياغالي

[الرحال 07]

بيض الله وجهك يا راصد .. وعزا الله ما قصرت ..

[ذهب صافي]

نأمل يا أحبة النظر في هذا الرابط للأهمية

http://www.mekshat.com/vb/showthread.php?t=310098 (http://www.mekshat.com/vb/showthread.php?t=310098)

[المجهول صالح]

هلا والله اخوي انا تكفى من زمان اونا ادور سلق فياليت تعطين اياه طلبتك

[عود اصلي]

اللي يلقاه يكشف عليه لا يكون مريض ومن ثم يعلن عنه ؟؟

[خالدالذيب]

بيض الله وجهك يارصد بيئي دايم تحب الخير لناس
لاهنت ياذيبان ...........................................

[@قرناص@]

مشكورين على مروركم

ويافيصل الدشاش وضح كلامك ؟؟

السلوقي شايفه بعيني

ومااحد قالك روح دوره ولا خذه غيرك يتمناه ياغالي


السلآآم عليكم ورحمة الله وبركاته ،،

الله يهديييك يأرآصد ،،

الذيخ الي تقصده سآلفته سآلفه ،،

واحد من اخوياي اتصل علي يقول عندي ذيخ لاكن مشكلته كذا وكذا ..

قلت اتفرغ لك يوم واجي أشوفه ،ـ

المهم الرجال ارسلي صور له وللأسف طلع لوقي ولونه أبيض .. (الله يكرمكم)

اتصلت عليه وبلغته عنه طبعا هاللوقي عجيب يطرد ويركب ويحول يعني يغري الواحد لاكن جســــمه لوووووووقي

وهاذي الصوره الي ارسلها ،،

http://www.mekshat.com/pix/upload04/images171/mk35367_img00044-20100220-1045.jpg

وتم رمييه حول دوارات الثمامه .. وابى الا ان يرجع مع خويي .. يقول وانا ماسك الخط اشوف بالمرايا الا اللوقي منشب فالحوض ههههههههههه


الله يرزقكم أطيب منه ،، وهالكلام قبل يومين تقريبآآ

[راصد بيئي]

قرناص

عز الله هذا هو اللي شفته !!
لاكن جسمة ماهو لوقي ابد

لاكن يعيبه راسه شوي من العضمة الي ناطه

[@قرناص@]

قرناص

عز الله هذا هو اللي شفته !!
لاكن جسمة ماهو لوقي ابد

لاكن يعيبه راسه شوي من العضمة الي ناطه


الحقيقه قد تكون الصوره ظلمته ..

ولاكن حـسب خبرتي وشور الربع بأنه للأسف فيه عرق لوقي :)(تكرم)

والله يجزاك خير انت ماقصرت يأبعدي ،، ورآيتك بيضا

[راصد بيئي]

طيب ياخي ليه رميتوه كذا
والله انهكان هلكان من العطش والجوع

وبعدين و صحيحفيه عرق لكن اللي يغلب عليه عرق السلوقي من جسمه

دامه يركبوينزل ويطرد كان عطيه واحد من الناس اللي توها بادية وتدور سلق
مو ترمونه

لأن مواريه سلوقي لكن يعيه عضمه الراس الي ناطه من فوق بس

[ابوحمد 2009]

جزاك الله خير

[@قرناص@]

طيب ياخي ليه رميتوه كذا
والله انهكان هلكان من العطش والجوع

وبعدين و صحيحفيه عرق لكن اللي يغلب عليه عرق السلوقي من جسمه

دامه يركبوينزل ويطرد كان عطيه واحد من الناس اللي توها بادية وتدور سلق
مو ترمونه

لأن مواريه سلوقي لكن يعيه عضمه الراس الي ناطه من فوق بس


والله يابعدي مثل ماقلت لك حكمنا عليه لوقي كيف تبينا نهديه لـ الي يدور سلق ،،

يطيحون فالطيب ولايطيحون فالردي :good:

والأرض الي هو فيها كلها جعر تكرم ،،

[vtc30]

خلوه بمحله

[رأعي ليل]

هذه ابوسلوقي وامه لوقيه او العكس

[عاشق الكمب]

ياحووول ذابح الجوع