صيد الجمعه [الأرشيف] - منتديات مكشات

gulfhunter

04/06/2005, 11:20 AM

السلام عليكم ورحمة الله وبركاته

الله يصبحكم بالخير أخواني أعضاء المنتدى وشباب الخيمه البحريه........ أحب أهدي الجيع صور صيدنا ليوم الجمعه واحب أخص الأهداء إلى بونواف وبوخالد وإلى بنيلى (اللى ناوي ينضم إلى الفرقه المدمره) ولايهونون باقي الربع.......

الحدلله ....... الله وفقنا في الصيد وكانت حصيلت الصيد سبيطيه وهوامير وفسكر ....وقفدار... ولازم الشعري....وابشركم عدمنا السبيطيه ..........
http://www.mekshat.com/pix/upload/images8/mk7686_HPIM1073.jpg

http://www.mekshat.com/pix/upload/images8/mk7686_HPIM1074.jpg

http://www.mekshat.com/pix/upload/images8/mk7686_HPIM1076.jpg

http://www.mekshat.com/pix/upload/images8/mk7686_HPIM1068.jpg

http://www.mekshat.com/pix/upload/images8/mk7686_HPIM1083.jpg

http://www.mekshat.com/pix/upload/images8/mk7686_HPIM1065.jpg

http://www.mekshat.com/pix/upload/images8/mk7686_HPIM1056.jpg

تحياتي لجميع الأعضاء والزوار واتمنى اني قدرت اضيف شي جديد للخيمه.......

أخوكم أبوعبدالله

GULFHUNTTER

SRDAL

04/06/2005, 11:32 AM

السلام عليكم ورحمة الله وبركاته ...

كيف حالك اخوي بوعبدالله والله مشتاقين .

ماشاء الله تبارك الله بصراحه والله كبير يابوعبدالله . ماشاء الله صيد يوسع الصدر ويطيب الخاطر .

يعني بصراحه على الصيد الي شفته ما ينفع عليك الى اسم ( السكار ) وانت خابر السكار شيسوي :D

تحياتي لك والله يعطيك الصحه والعافيه .

اخوك / بونواف

gulfhunter

04/06/2005, 11:41 AM

السلام عليكم ورحمة الله وبركاته

حياك الله أخوي بونواف ..... أسعد الله صباح ومساك ...... أخبار الويكأند معاك ....... تسلم على التعليق....... الحمدلله إلإ جات على السكار.......أرحم من خوينا سم البحر !!!! :j

بونواف تكفى اشرح للشباب معنى ((((السكار)))) :confused:

GULFHUNTER

MARINE

04/06/2005, 01:16 PM

السلام عليكم ورحمة الله وبركاته

ما شاء الله تبارك الله والله وتستاهل الصيد يابوعبدالله

تشكيله جدا رائعه ... هل الصيد غوص ، علموه على الادمان وانتقلت العدوى

( MARINE ، SRDAL ) الله يكفينا منهم والله الكتيبه هذي ماهي سهلة

لكن اخ يالقهر راح تروح العربيه علينا لكن ان شاء الله نعوض بغيرها

واحاول اني انسق لها مرة ثانيه دعواتكم لي بالتوفيق

ومشكور اخوي ابوعبدالله على الاهداء وما قصرت

MARINE

gulfhunter

04/06/2005, 01:35 PM

السلام عليكم ورحمة الله وبركاته

حياك الله أخوي ابوخالد .......أخبارك وأخبار الأمتحانات...... الله يوفقك يابوخالد .........وان شاء الله تعوض طلعت العربيه :no: ...... وإذا الله كاتبلك فيها نصيب...... بتروح..... لكن ركز على دراستك......

بالنسبه إلى الصيد كان عن طريق الغوص ...... طبعاً سنوركل..... محترف!!! :D

GULFHUNTER

FaHoOoDy23

04/06/2005, 02:58 PM

يعطيك العافيه مشا الله خوش صيد والله و ما قصرت على نقل الموضوع الصراحه صيد يطيب الخاطر مشا الله الا هذا الصيد كان اب منطقه ؟؟؟؟ ومشا الله عليك شكلك غواص سنوركل محترف و اقول انا لي السبيطي عندنا بالكويت شحيح شوي الظاهر انتو ما اتخلونه ايي عندنا :) و بالتوفيق انشا الله

بنيللي

04/06/2005, 03:23 PM

المجرم gulfhunter ( أبو عبدالله ) :

راح أسميك بالمجرم - ما شاء الله عليك بالصيد الطيب ولا عاد الثلاجة الأولى إلي فيها سبيطي .
أخي أنا للحين ما عرفت أنت من وين بس الظاهر من الشقيقة البحرين لأن خلفك بالصورة لوحة السيارة البحرين وإلا انا غلطان .
عموما صيدكم طيب وتستاهلون الطلعه الحلوه .

gulfhunter

04/06/2005, 04:44 PM

السلام عليكم ورحمة الله وبركاته

FaHoOoDy23
حياك الله أخوي فهودي ....... شكراً لك على الأطراء.....طالع عمرك هذا الصيد كان في منطقة منيفه .... في منتصف الطريق بين الكويت والدمام :eek: ......... بالنسبه لي مازلت تحت التدريب ...... عندنا عشان تحترف الغوص .... لازم تجيب 20 سبيطي لحالك في طلعه وحده :j :looney: أو 30 هامور بين 5-15 كيلو :j ..... (قويه) :good:

الظاهر لو شفت السبيطيه كلهم .... وش بصير لك...... تصدق ماني متأكد كم اللي صدناه .... ;)

بنيللي
حياك الله أخوي بنيلي ..... شكراً لك على المرور والأطراء......... أشكرك للترقيتي إلى مجرم أعلى :j

وبالنسبه إلى السبيطيه .... زين انك ماشفتهم كلهم ..... اللى في الصوره (عينه) :eek: ...

انا من السعوديه وساكن بالدمام...... والصيد كان في منيفه..... زي ماأشرت إلى فهودي...

والله يوفقكم ويوفق الجيع

GULFHUNTER

gulfhunter

04/06/2005, 04:45 PM

السلام عليكم ورحمة الله وبركاته

على فكره السياره .... مخلينها تمويه

SRDAL

04/06/2005, 05:14 PM

السلام عليكم ورحمة الله وبركاته ...

حياك الله اخوي بوعبدالله .

حبيت اباركلك واهنيك على الترقيه الجديده ( المجرم ) والى الأمام .

بس حلوه سالفه تمويه السياره .

تحياتي لك يا مجرمنا العود .

SRDAL

04/06/2005, 05:22 PM

السلام عليكم ورحمة الله وبركاته .

حياك الله اخوي بنلي .

بصراحه تلقيبك لي الأخ بو عبدالله الى مجرم حلوه منك .

بس في مشكله اذا انت لقبت الأخ بوعبدالله بأسم مجرم ابي انت ايش تطلع يعني بصراحه ما لقيتلك الى اسم

( البلدوزر ) طبعاً وانت تعرف شهنو البلدوزر اهو الى مايخلي اي شي في وجه الا نسفه وماخلاله اثر .

ماشاء الله تبارك الله عليك

تحياتي لك يالبلدوزر اسف يالغالي .

اخوك / بونواف

كشات

04/06/2005, 06:21 PM

بسم الله

السلام عليكم ورحمة الله
الاخ الغالي قولف هنتر

الله يهنيكم ويزيدكم من فضله
ماشاء الله مسوين مذبحة سبيطي
وكل هذا سنوركل!!!! انا اشهد ماعندكم لعب

لو مخلين شوي من هالسبيطيه توصل للاخوان بالكويت عشان يستانسون شوي بالحداق
حاجرينها بام منيفه وطايحن فيها تصفيق :)

الف شكر على المشاركه

MARINE

04/06/2005, 10:13 PM

السلام عليكم ورحمة الله وبركاته

ابشرك اخوي ابوعبدالله الحمدلله الامتحان الاول زين اما بالنسبه لطلعة العربيه انا كلمت الرجال

اللى منسق الرحلة وسألته اذا فيه رحله ثانيه يتصل على اول واحد ..

وانا اهنيك على الترقية الجديدة من رئيس الاركان الى المجرم بس ياخوي بنللي

ابوعبدالله وين والاجرام وين ... جينا حق خوينا ابونواف ناسي عمره

مايدري انه الفك المفترس ...

تحياتي لكم جميعا

MARINE

الكشاح

04/06/2005, 11:08 PM

صحيح انكم فرقه مدمرة....هاجمتوا السمك في بيوتهم ومحافرهم...

بس الحيقيقه صيد طيب بالهناء الشفاء..

gulfhunter

05/06/2005, 07:18 AM

السلام عليكم ورحمة الله وبركاته

شكراً لكم جمعاً على الأطراء ..... وأشوف الشباب توزيع ألقاب .... اولاً بالمجرم بعدين ردينا على البلدوزر.... وانتهينا بالفك المفترس........ الله يكفيكم شره :p

SRDAL
هلابك اخوي بونواف الله يبارك فيك ومبروك عليك اللقب الجديد ;)

MARINE

الله يبشرك بالخير..... والفرحه بالنهايه ان شاء الله ..... وعلى فكره توالناس بدري وان شاء الله في رحله جديده إلى العربيه....... وشكراً لك .....

الكشاح

حياك الله أخوي الكشاح .....تسلم وماقصرت........ هي مره او مرتين أو ثلاث في السنه لازم تعدم البحر..... لكن حافض على السمك.........

نصيحه ...... ياشباب اللى مايصلح للأكل خلوه عنكم إذا السمك صغير خلوه لين يكبر.....

GULFHUNTER

بنيللي

05/06/2005, 09:20 AM

صبحكم الله بالخير يا فرقة الإعدام :

والله يا الغالين المسميات هذي ما طلعت عبط ، تسمينى فيها من الصيد الطيب والمهارة في الصيد من حيث اللياقة البدنية ما شاء الله عليكم .
على فكره يا إخوان إلي ما يحب أحد نسميه بالمسميات الآنف ذكرها يعلمنا تر الصراحه زينه ونسحب كلامنا .
بس حلوه هذي يا gulfhunter ( التمويه ) إعجبتني.

SRDAL

05/06/2005, 09:53 AM

السلام عليكم ورحمة الله وبركاته ...

تحياتي للجميع .

وزي متفضل اخوي بنيللي ياجماعه الى مايحب ان ننلقبه بلقب والا انه زعل من اللقب حقه يتكلم بصراحه ويقول

الى في نفسه يعني بصراحه مانبي يكون في نفس العضو على اخوه العضو .

اما بالنسبه لى انا انا قابل ومواف على اي لقب يعطونياه اخةني في المنتدى .. وبصرحه نبي نشوف ايش احسن

الألقاب الى طلعت يعني نسوي عليها تصويت ويكون بدون مجامله ... انا بصرحه ما اعرف كيف عمل طريق

التصوييت ودي اخوي بوعبدالله او اخوي بوخالد هو الي يتفضل ويسويها لأنهم ماشاء الله عليهم هم افهم مني في هذا

الشي .

تحياتي للجميع .

اخوكم / srdal

gulfhunter

05/06/2005, 10:13 AM

السلام عليكم ورحمة الله وبركاته

الله يصبحكم بالخير أخواني بونواف وبنيلي........ ماعندي اي مشكله نسوي تصويت ونشوف الوضع..... لكن يالربع هذا الأسم (المجرم) مزعجني وياريت تقيرونه لانه اسم مو حلو :( :no:

GULFHUNTER

SRDAL

05/06/2005, 10:25 AM

السلام عليكم ورحمة الله وبركاته ...

حياك الله اخوي بوعبدالله .

بالنسبه لي انا لقبت بأسم الأسكار انشاء الله الأسم اعحبك .اذا اعجبك نتوكا على الله .

تحياتي لك يالغلي .

اخوك / بوبونواف

gulfhunter

05/06/2005, 10:40 AM

وعليكم السلام ورحمة الله وبركاته

والله أرحم

GULFHUNTER

بنيللي

05/06/2005, 12:44 PM

أخوي gulfhunter :

يسلم راسك ، كل شي ولا إزعاجك يا الغالي وإزعاج باقي الإخوان في المنتدى عز الله مو لقبك .وأنا أعتذر منك .
نخلي الألقاب على ابو نواف لأنه باين ألقابه طيبة . وإلا تدرون خلونا على ألقابنا منسوبه لأبناؤنا الأفضل وإن شاء الله لمن نجتمع نسمي فرقتنا فرقة الاعدام .ونعمل لنا موقع على الانترنيت ، وش رايكم .

MARINE

05/06/2005, 01:10 PM

السلام عليكم ورحمة الله وبركاته

اخوي الغالي ابوعبدالله انا عندي لكم اسم ان شاء الله راح يعجبك

بس بشرط بعد ما يوافقون عليه الاخوان SRDAL و بنللي

نسميك طال عمرك ( السفاح ) يمكن تكون احسن من المجرم

على فكرة اخوي ابو نواف تعرف ايش معنى اسم ( بنللي )

انا ما راح اقولك خل صاحب الاسم يقولك

تحياتي للجميع

MARINE

gulfhunter

05/06/2005, 01:29 PM

وعليكم السلام ورحمة الله وبركاته

حياك الله أخوي ابوخالد ........ في أنتظار موافقت SRDAL

GULFHUNTER

SRDAL

06/06/2005, 08:44 AM

السلام عليكم ورحمة الله وبركاته ...

اخوي الغالي بنيللي تحياتي لك .

لا تخاف تأكد اخوي انا احنا اخوان في هذا المنتدى ولا تخاف ماحد راح يزعل على الثاني .

واذا ودك تكون الألقاب بأسامي الأبناء انا ايضا موافق اخوك سمح اعتبرني موافق على اي شي .

اما بالنسبه لمسئله عمل موقع على الأنترنت للكتيبه البلدوزريه الاسكاريه القويه المفترسيه . هم انا معاك .

وبالتوفيق انشاء الله .

اخوك / بونواف

SRDAL

06/06/2005, 08:48 AM

السلام عليكم ورحمة الله وبركاته ...

اخوي بوخالد صبحك بالخير ... ها بشر كيف التقديم اليوم .

اخوي بو خالد انا معاكم على اي شي بس ودنا ان الألقاب تكون متعلقه بالبحر اذ نقدر واذ مافيه لاحول ولاقوه .

وبصراحه ما اعرف ايش معنا بنيللي ... بصراحه متحمس اعرف المعنى .

تحياتي لك .

اخوك / بونواف

SRDAL

06/06/2005, 08:51 AM

السلام عليكم ورحمة الله وبركاته ...

اخوي بوعبدالله صبحك بالخير .

طال عمرك اذا الأسم عاجبك ... توكل على الله ... انا اشوفه انه مو زي الأسكار .

تحياتي لك .

اخوك / بونواف

gulfhunter

06/06/2005, 09:02 AM

وعليكم السلام ورحمة الله وبركاته

صبحك بالنور اخوي بونواف........ كلك ذوق واخلي موضوعه عندك :good:

GULFHUNTER

SRDAL

06/06/2005, 09:12 AM

السلام عليكم ورحمة الله وبركاته ...

يابوعبدالله تراك انت ارعي اللقب ولازم تحدد اذا انه عاجبك ولا لا

تحياتي لك .

بونواف

gulfhunter

06/06/2005, 09:19 AM

وعليكم السلام ورحمة الله وبركاته

والله حيرتني شوف اللى يعجبك انت ........ ولا راح نختلف

GULFHUNTER

SRDAL

06/06/2005, 09:30 AM

حياك الله اخوي بوعبدالله .

ياخوي انت والله الى حيرتنا يعني اللقب حق بوخالد اذ عاجبك خلاص بنسميك به واذ عاجبك اللقب حقي قول ياخي

وخلصنا :no: .

واذا مو عاجبينك الاثنين ترا والله اشوفلك اسم مايعجبك كلش ترا بسميك ممد ؟؟؟؟؟؟؟؟؟ :D

تحياتي لك

SRDAL

بنيللي

06/06/2005, 09:40 AM

صبحكم الله بالخير يا وجوه الخير :

بالنسبة لمعنى بنيللي يا بو نواف فهو إسم ايطالي وهي ايضا ماركة بنادق ايطالية وسلاحي كله من نفس الماركة لكفائتها وجودتها في الاستعمال فسميت بالبداية طرادي بنيللي لكثرة الأسماء في وزارة المواصلات ( المسح البحري ) فماكان أمامي إلا هالأسم .
إن شاء الله وصلت المعلومة والظاهر أخوي marine له إهتمام يالمقناص علشان كذ عارف معنى بنيللي وإلا إشتقول يا marine >

SRDAL

06/06/2005, 09:48 AM

السلام عليكم ورحمة الله وبركاته ..

اخوي بنيللي الله يصبحك بالنور والسرور يعطيك العافيه وخلاص وصل المعنا طال عمرك وماقصرت .

تحياتي لك

اخوك / srdal

gulfhunter

06/06/2005, 09:58 AM

السلام عليكم ورحمة الله وبركاته

أقول ان بوخالد عرف شلون يتعبك........ وداك لصيد البر..... وهو خابرك عدل......

GULFHUNTER

MARINE

06/06/2005, 07:39 PM

السلام عليكم ورحمة الله وبركاته

حياك الله اخوي الغالي ابونواف وهذا هو الاخ بنللي قالك ايش معنى ( بنللي )

اخوي العزيز ابوعبدالله ( بنللي ) عندي خلفيه بسيطه عن القنص والاسلحه

بسبب ابناء خالي لان اغلبهم اصحاب مقناص وصقاقير اما الوالد والخوال نواخذه شرواك طال عمرك

لكن الوالد ترك البحر بسبب انشغاله الغير طبيعي في العمل لكن ان شاء الله بيرجع لا وابشرك رجعه قويه

تليق بمقام نوخذه واول شئ راح يسويه بعد التقاعد بياخذ طراد يرجع ايام العز...

تحياتي لك

MARINE

بنيللي

07/06/2005, 08:22 AM

شرواك الطيب يا marine وان شاء الله يرجع للبحر لأن بعد التقاعد الرجال ما له شغل وعلى قولت الكويتيين الرجال إذا تقاعد وما عنده مصلحه ثانية بيشتغل حنه على المعزبه أم العيال والله يعينها .
والبركه فيكم عسى الله يخليه لكم ويطول بعمره .

gulfhunter

14/06/2005, 01:22 PM

السلام عليكم ورحمة الله وبركاته

وين راحت عني هذي المواضيع.... شكلي كنت نعسان........ الله يجيب أيام العيد..... عشانك انت ..... والنوخذه...... بيرجع بالسلامه......لكن اشوفه ماترك البحر..... لانك يابوخالد موجود ومامنك قصور......

GULFHUNTER

صقر

16/06/2005, 07:47 PM

ما شاء الله عليك يابو عبدالله ... شغل صح وصيد ثمين وسمين.

عساه بالهني والعافية وان شاء الله نشوفك صايد أكثر وأكثر.

يعطيك الف عافية .
وبارك الله فيك.

gulfhunter

17/06/2005, 01:21 AM

السلام عليكم ورحمة الله وبركاته

حياك الله أخوي صقر...... مشكور على الأطراء ....... الله يعافيك ويبارك فيك..... الحمدلله اللي أتمنى اني اضيف شي للخيمه واتمنى ارضيكم......وابشر بالخير .....

GULFHUNTER