ورشة لتصميم وتركيب مظلة للطراد - بالجبيل نرجو المساعدة

[ابوعبدالله66]

السلام عليكم ورحمة الله وبركاته : -

يا اخون نبي من الى عنده فكرة عن افضل ورشة لتركيب مظلات لطراد بالجبيل ان وجدت . وما هو افضل تصميم لطراد 21 الروضان .

بالتوفيق للجميع:)

[عامر11]

انصحك اخوي ابو عبدالله انك تسوي التصميم بنفسك وتنفذه في العريفي وتعمل له جلفنايز عند العجب بالصناعات المساندة
نصيحتي لك لاتثبت المظلة مباشرة على القرف .لكن اشتر قواعد الستانلستيل مقاس انش ونص عدد اربع وثبتها ونزل اعمدة المضله الاربعه عليها والشراع اذا تبي تمشي حالك موجود عند محل محمد سعيد يبيع شبك الزراعه بالمتر اضنه ب50 ريال الاخضر شوف مقاسات المظله عندك وزيد شوي تقريبا من الاطراف 30 سم وبعدين ود الشبك عند الافغان الي يسوون الخيام الي بجنب محلات الخيام على شارع الملك فيصل الغربي عند محطة الخنيني وقلهم يكبنون الاطراف مثل كبنة الثوب ويدبلونها مرتين زياده وقله يحط لك فتحات حلق دواير من النوع المظبوط عشان مايعدمه البحر عليك لربط الحبال عليها . وبحاول ارسل لك بعض تصاميم المظلات الي صورتها على قوارب الدرازي في ستره واتمنى تستفيد منها وحاول انك ماتسوي ستانلس ستيل لأنها مكلفه سو من بيبات عاديه وجلفنها . الا اذا انك مدلع طرادك خذ ستانلس ستيل واما الشراع السنع عز الله بتلقاه عند محل السنيدي في الدمام فيه نوعيه سوريه ورخيصه المتر ب15 شكلها بطران ولكن نوعيتها دمار وفيه الماني وفرنسي عنوانه الدمام اذا جيت شارع الملك خالد الي عليه الخزان تعدا اشارة الخزان باتجاه الشرق بتجيك اشارة مستشفى الصدر القديم فوال النسيم .لف مع الاشاره يسار باتجاه الشمال كأنك رايح لجامع الملك فهد بتدخل في الشارع يمينك ويسارك محلات تفصيل الخيام والطرابيل تعدا ثاني تقاطع او بين التقاطع الاول والثاني بتلقى محل صغير مايبين على يسارك اسمه السنيدي هو وكيل للأشرعه هاذي وهو الي يمول السوق من جميع النوعيا ت حتى المحلات الي في الجبيل ياخذون من عنده اطلع مع الدرج فوق وبتلقى اشكال بتتعب مع الاختيار وصدقني انه يستاهل المشوار .
للأسف مالقيت لك صور المظلات,
وبالتوفيق ان شاء الله............

[ابوعبدالله66]

لاهنت اخوي عامر .... وعزالله انك نفعتني رحم الله والديك يالغالي

مشكووووووووووووووووووووووور:)

[عامر11]

حياك الله :s اخوي بوعبدالله وتشرفت
ان اكون ممن اجاب على سؤالك واتمنى لك التوفيق وحنا حاضرين باللي نقدر عليه واعيد واكرر عليك لا تعتمد على احد ان يصمم لك لا انت الذي صمم مظلتك بنفسك لأنك انت الوحيد الذي يعرف مساحة حركتك داخل الطراد والاماكن الضيقه او اماكن الجلوس عشان يطلع شغلك على حسب رغبتك .
وتقبل مروري

[( ابو تركي )]

حياك الله ابو عبدالله
انا ادور على نفس المظلة إذا لقيت واحد يركب مظبوط كلمني
شكراً وما قصرت