وتاليتها ؟ يوكون ولا لاندكروزر ولا باثفايندر ؟

[Khalid AlGhamdi]

السلام عليكم ورحمة الله وبركاته

في النهاية لكل موتر ميزات لكن وش الافضل علما بان المبلغ المتوفر هو 70 ممكن يزيد الى 75 كحد اقصى

وش رايكم ... ولا اشتري فورد تاليتها وخلاص ؟

[aziz2727]

والله يالغالي بشور عليك شور .
اول شي وش احتياجك في السيارة ( بر - سفرخطوط - والا داخل المدينة )
وكم عدد افراد اسرتك ؟
واعتقد بعد كذا بتحدد نوع السيارة التي تبي
كل واحد له احتياجات في السيارات ناس تحب تشخص ونتاس تحب مطاليع البر وسعت الصدر وناس والله ما تحب تطلع للبر وداخل المدينة وناس والله لي جا الصيف وارتفعت درجة الحراره حمل العفش وتوكل على الله وسافر داخل المملكة والا خارجها .
وعلى ذلك قس وحدد ، والسعر الي انت حاطه يجيبلك يوكن نظيف والا لاندكروزر حليييو والا باترول نظيف . وكل سياره لاها ميزه ومواصفات .

حيرتك .. صح
الله يدبرنا واياك على الصالح وخير العمل ويكتب لنا ولك وكل مسلم الخيره المباركه .

[Khalid AlGhamdi]

كلنا اربعة :) يعني غمارة تشيلنا معاذ واخته توهم على سنة و5 شهور

لكن ابيه للبر وللديرة وللسفر بتاع كله :)

[لبرتي]

السلام عليكم ورحمة الله وبركاتة

أخوي
مبلغ يجيب لك يوكون ومثل ما قال لك أخوي عزيز يجيب لك يوكن نظيف أعم شي خذه دفع رباعي للبر وللمدينة وللخطوط السفر

الله يوفقك أخوي

[aziz2727]

شف الله يسلمك ويسلم من يقرا
البايثرفندر زين وخفيف ووذيف بس فيه عيب واحد واعتقد انه عيب مهوب بسيط الا وهو المكيف المصيبه ان مافيه مكيف خلفي يعني اذا احد راكب معك في المرتبه الخلفيه ما يجيه براد وتلقى الي في المرتبه الاماميه ميبسه وجههم من لفخ المكيف عليهم وهذا والله بيبان خاصه في مثل ذا الايام الا جا الحر والسموم ذيك الساعة بتقول وينك يا لبراد
شف الله يعافيك عندك بعد البرادو خاصه المديلات الجديده يعني من 2004 شكلها زين وحليل والا اليوكن بس ترى ما يقارن بالياباني ابد مره لاكن فيه جميع احتياجاتك وخاصه في صرف البنزين حسب علمي انه ما يصرف والله اعلم .
الباترول خفيف وزين ونشد به الظهر خاصه في البر لاكن عذروبه والله صررررررف في البنزين ويتهرقل بعد يعني يحتاجله كل فتره تربيط .
الاندكروزر زين ولا فيه كلام ويمسك سعره يعني شيك بس اثقل من الباترول لاكن في البنزين احسن من البارتول رغم ان فيه حقه بس احسن من الباترول . والاند كروزر ما فيه كلااااااااااام اذا الله وفقك في شي نظيف .

[ماجد الشمري]

لا الفورد وانا اخوك مهوب حق بر ..
ولو تبي شي مهب للبر خذ لك ام ار في من هوندا .. سيارة مريحة جدا واقتصادية جدا وجودة الاعلى ... ومساحة حلوة وشكل مميز ..

شف الارمادا ممكن يعجبك ...خصوصا انه يصرف اقل من الباترول والفي اكس ار ..







اخوكم ماجد الشمري

[ناصح]

يا جماعة أنا جربت انواع كثيرة من سيارات الدفع الرباعي ومنها اليوكون

سيارة واسعة ومريحة لكن في البر خاصة في المناطق الرملية ( لا توهق عمرك )... :no2:

اما اللاند كروزر فهي سيارة مثالية لكن المستعمل ماسك سعرة وبالتالي غالي و غالبا يكون مكروف

بالتالي انصحك بقاهر الصحراء ( الباترول ) لأنك بهذا المبلغ سوف تجد واحد نظيف بإذن الله

نسأل الله ان ييسر امرك في الدنيا و الأخرة

[الشوق]

بسم الله الرحمن الرحيم
السلام عليكم ورحمة الله وبركاته

أخي الفاضل

والله أنا أقترح من واقع تجربه إنك تاخذ لك باترول (ملك الصحراء) موديل 2002 أو 2003 Sgl_v
وترييييييييييييييح راسك من كل النواحي
تكييف 100%
في الخط100%
في البر 7000%
السعه100%
الراحه100%
ياباني100%

وموتر حبيب وطيب

ولو تحصل لك قير تماتيك ياسلاااااااااااااااااام عز الطلب والراحه

أما اللاند كروزر فأنصح بموديل 97 وقبل أما الشكل جديد فحاسوه حوس يعني صار كيف الحال ومشي الحال
وشكرا لك

[الـ ع ـارض]

افااااااااا يا ناصح

شلون تقول على اليوكون ما ينفع بالرمل ؟؟؟

والله ثم والله ان قاص فيه عروق الدهناء كلها وما مشى على نفس دربي غير الشاص الباترول واللاندكروزر والله ما شو على دربي ...


<=== زعل منك يوم ذميت اليوكون

[ناصح]

size=3]صحيح السيارة بسواقها

لكن سبق ان قطعت نفود الثويرات عدة مرات بجيب باترول وكان ابدع ما يمكن

وفي نفس الفترة كان معي يكون جديد حق العمل و توهقت مع الرمال التي في الدهناء وليس انا وحدي بل حتى زملائي اكلوا نفس المقلب :confused: [/size].

والغريب فيه انه في حال الاستمرار في المسير في المناطق الرمليه لا بأس به لكن عندما تكون في قاع او منطقة مطروقة ثم تحاول ان تسير مرة أخرى تلاحظ الفرق الكبير بين الباترول واليكون .

[الـ ع ـارض]

اخوي ناصح ....

اكيددددددددددددد اليوكون اللي كان معك فيه مشكله

الا كم كان موديله ؟؟؟

[Khalid AlGhamdi]

خلاص كل واحد يصلح سيارته

الظاهر ماعنا وعنا الباثفايندر :)

[ابو نوره]

الباترول الباترول 2002 فما فوق
تلقالك نظيف وموتراً ينغزا به
انصحك فيه

[القناص]

اليوكن لك وانت له

[محب الشمال]

اقول اطلع الرماح وشوف المخططات الي هناك واشتر لك كم ارض وخلهن لا تاكل ولا تشرب

ومتى ما بغيت تبعيهن وتجب لك سياره جديده وان خليتهن باذن الله ما تخسر
واذا مصمل عل سياره شكلك مانت راعب براري شوف لك مايلي
الباترول
اليوكون
الجي اكس ار
اي واحد تلقاه نظيف توكل على الله واشتره

والله يحفظك ويرعاك

[Khalid AlGhamdi]

والله ماني محنة بر لكني اطلع باستمرار وابي موتر يبرد القلب ولذلك قررت اني آخذ باثفايندر :)

جزاكم الله خير جميعا على المشاركة

[الطعس الذهبي]

الاندكروزر لاتدور

[نمر بن حثلين]

شف يا خوي كانك راعي بر واجد ومطامر وممشاك واجد انصحك تفكر قبل


لان الباثفايندر فيه عيب مصنعي بحساس الهواء ومنظم البخاخات مع الغبار بسرعة يجاوبن
وسعرهن يقص الظهر كل وحده بحدود 3800 ريال !
لذلك كان مشيك مهب واجد مب مشكله حتى لو خربن عليك يصلحونهن على الضمان قبل 60 الف او ثلاث سنين

اما كان ممشاك واجد وانت راعي بر اشور عليك تصرف النظر


لاني انا مع ان طلعاتي للبر خفيفه خرب علي الحساس قبل شهرين وقبل كم يوم خرب منظم البخاخ بس الحمدلله على الضمان

[Khalid AlGhamdi]

اجل هونا من الباثفايندر

[البيـــــرق]

السلام عليكم ورحمة الله وبركاته
انصحك نصيحة لوجه الله غير الاندكروزر لاتدور
واسال مجرب ولاتسال طبيب

[Khalid AlGhamdi]

وعليكم السلام ورحمة الله وبركاته

جزاكم الله خير جميعا ، ابشركم شريت لاندكروزر :)

[الخلاوي 2006]

نيسان بترول او يكون انيسان خفيف نفس ومريح ان شاء الله تدعو لي
يكون حلو البنزين يشمه شم بس فيه مشكلة الباب كبير يسبب هرقله

[عاشق الGX]

السلام عليكم ورحمة الله وبركاته

على البركه والله يعطيك من خيره ويكفيك شره

اتمنى يكون GX

http://www.mekshat.com/pix/upload/images8/mk15504_12856.jpg

[CRUISE**كروز]

الف مبروك
الله يعطيك من خيره ويكفيك شره
كنت ناوي بعرض عليك Vx-r 98 ولكن الحمد لله انك توفقت وخلصت امورك
احسنت الاختيار على فكره ودخلت مع الصفوة
ولكن احذر من الغرور
الا تعال لايكون موديل 97 وماقبل ابودفرنسات
والله من الثقل والمطبات اللي تكسر الظهر

[Khalid AlGhamdi]

جزاكم الله خير :)

الا موديل 97 :j

[ناصح]

000الف مبروك

تتمشى فيه بالعافية

[Khalid AlGhamdi]

الله يبارك فيك :)

[CRUISE**كروز]

وعساه مهوب فوق 60000 ريال؟؟

[hawary]

شف الله يسلمك ويسلم من يقرا
البايثرفندر زين وخفيف ووذيف بس فيه عيب واحد واعتقد انه عيب مهوب بسيط الا وهو المكيف المصيبه ان مافيه مكيف خلفي يعني اذا احد راكب معك في المرتبه الخلفيه ما يجيه براد وتلقى الي في المرتبه الاماميه ميبسه وجههم من لفخ المكيف عليهم لكن بخلاف هذا العيب البافيندر زين وربنا يوفقك
www.wazafony.com

[رهوة مرعد]

الربع2005 وبسسسسسسسسسسسسسسسسسسسسسسسسسسسد