المساعد الشخصي الرقمي

مشاهدة النسخة كاملة : قصه ابو نايف واخوياه في اول المقانيص (حقيقيه ) 3



روق الشرقيه
01/07/2010, 05:55 AM
السلام عليكم ورحمة الله وبركاته
بدون مقدمات
في عام 1407 هـ قررنا المقناص الى الربع الخالي
وعددنا (5) افراد وعدد السيارات (2) وادوت الصيد (3) سلق اعزكم الله وشوزل وهوائيه ومسدس
علما اننا اول مره نقنص للربع الخالي !!! ماعداء ابوخالد وعبدالله عندهم خدمت مقناص واحد فقط !!:D
تجمعنا في حرض عصر الثلاثاء وشيكنا بنزين وتوكلنا على الله مع خطوط بريه متجهين للجنوب الشرقي وامرحنا اول ليله في ندقان
وكنا مخططين على غضاء ابو الفرايس ويبعد عن حرض حوالي (400)كم منها (150)كم طريق زين والباقي بدون خطوط كلها
طعوس ورباضات :confused: وفي صباح الاربعاء توجهنا الى ابوفرايس بقيادت الدليله عبدالله لأنه يعرف هك المنطقه ووصلناها بعد العصر ودوجنا فيها
وكانت الارض ممطوره:lr ولاتبين الجره ولاكن المحل ماأعجبنا !!:no2: وصلحنا عشانا قبل المغرب وبعد العشاء قنصنا على السيارتين وفرفرنا اكثر
من ثلاث ساعات ولم نوفق الا بأرنب وحده وبعدها وقفنا لنتقهوا ونريح شوى وبعد ساعه زمن من الراحه والمشاورات
((قررنا بما يلــــــــــــــي))
اولا) تنزيل الدليله عبدالله من منصبه وتعيين ابوخالد بدلا منه !:good2:
ثانيا)تغيير الموقع الحالي بموقع آخر يعرفه ابوخالد ويسمى الكراسيع !!
ثالثا)التنفيذ حالا وبدون تأخير !!!
وبعد التشكيل الجديد تحركنا متجهين للغرب الجنوبي وفي اثناء المسير صدنا ارنب وامرحنا آخر الليل وفي الصباح الباكر واصلنا طريقنا ووجدنا سلقه
ضايعه ووقفنا عندها واسقيناها وبعد الفطور راح ابو خالد يسير والسلق معه واذا بنفجة الارنب !!!:good: ولاكن القوات الأرضيه بالمرصاد رد لهن ورد لبو خالد (الرجال يبغى يثبت نفسه بالمنصب الجديد) :D
حتى طرحوها وبداء يتجدد النشاط ومشينا حتي وصلنا خطوط سيارات جديده ووقفنا لصلاة العصر واذا بملاعب ارانب وقررنا المعشى بدري وتقدمت سيارة العزبه
قدامنا ونزلوا النشاما العزبه وحنا الثلاثه الباقين نحلحل على الارانب في الشجر وهو (الحاذ ) وبعضنا اول مره يشوفه يفكر انه رمث ؟؟؟؟:D
ووصلنا اخويانا ومعنا ارنبين !! وكان كل صيدنا 5 ارانب + سلقه هههههه :D وحصلنا القهوه الي تقعد الراس والشاهى الخادر وبرا د الحليب على الكيف والعشاء الى سابقه
كاس مرق ارانب :good2: مصلحينها الذيابه اخويانا وسوالف مقانيص لين صلينا المغرب والعشاء جمع ,,وبعده ضفينا قراشيعنا وكملنا المسير للموقع الذي يعرفه ابو خالد,,,,,, وبعد تحركنا
بنصف ساعه كل ما ارتفعنا شفنا نور سياره :redcar: ورانا من بعيد قلنا اكيد قناص وخذنا شوي ولين النور يقرب وهنا بداء التخمين !!! يمكن قناص ؟؟اوراعي ابل ؟؟او قطاع طريق ؟؟؟؟؟ :j
المهم ..... وقفنا وطلعنا الشوزل ولحقنا خويانا وبلغناهم ان لانجمع السيارات سوا وحنا نبي نروح للسياره ونعرف السالفه واثناء تفرقنا وإذا بالسفتي (الرماق):alarm: يشتغل وإلا هي
دورية سلاح الحدود ؟؟؟؟؟؟ ســلام ,,,, وعليكم السلام ,,,,,, اثباتاتكم وانزلوا من السياره ,,,, قلنا سم وطاعه ,,, وبعد التفتيش ازين ماشفنا شوزلنا بيد واحد منهم وجونا اخويانا وفتشوهم واخذوالهوائيه
وقالو الحقونا لأمر الفرقه بعد ماركّبوا في كل سياره جندي وبعد ماراحوا اخويانا والعسكري بقى عندنا جندي وسايق الجيب وطلبناهم ان يفكونا بعد ما أقنعناهم ان المقناص مسموح وحنا في طريقنا للمقناص
ولم نتنور والشوزل اخذناها للحمايه بعد الله من قطاع الطرق لآننا اول مره نقنص للربع الخالي واخطاره كثيره !! فأ قتنع السايق وهو دوسري بيض الله وجهه ومن يقرا,,,,,
وقال لنا خلونا نلحق العسكري الى في سيارة اخوياكم نقنعه ونطلبه قبل مانجي آمر الفرقه ؟؟ ولما لحقناه حاولنا نقنعه حنا والدوسري ولاكن رفظ :no2: ورد علينا بقوله (اطلبوا واحد من عيالي ولاتطلبوني السماح عنكم)
وفى هذه اللحضه توقعنا ان صاير بينه وبين اخويانا شي كبير ؟؟:looney: وبعده مشينا حتى وصلنا آمر الفرقه وهو رقيب ومعه اربع جيوب وهم على وشك يتعشون وتقدم السايق الدوسري للرقيب وقال له,,,,
يا بو راشد القنوص هذولي كانوا يمشون في طريقهم للمقناص ولم نشاهدهم يتصيدون بالليل ولا حاولوا الهرب:burnout2: بل وقفوا وتجاوبو ا معنا ولم نجد معهم من الممنوعات الا كسرة هالشوزل وهي حمايه معهم ؟؟
والآن انا والاخوان نطلبك بأخلاء سبيلهم ؟؟ فرد ابو راشد تفضلوا علي العشا وبعده يصير خير ان شاء الله :good: قلنا الله يجزاكم خير قد سبقناكم بالعشا ورد علينا اجل تقهووا لين نتعشا قلنا (سم )وكل منا يضحك حجاجه فرحانين!!!:D
وبعد ماتعشو ا جانا ابو راشد وسولف معنا وكان لين الجانب واعطانا نصايح ,,,, وإذا بالعسكري الذي رفض يفكنا؟؟ ينادي الرقيب وبرز به بعيد عنا وبعد شوي رجع ابو راشد ووجهه متغير ؟؟ وتفأجئنا لما قــــا لــــــ
لآفراده شيلوا اغراظكم نبي نمشي للمركز وحاولنا معه مره ثانيه ولاكن رفض وبشده :no2: ؟؟ ومن هنا ثبت الشك في اخويانا ولاكن مافيه فرصه نسئلهم وش صاير بينهم وبين العسكري؟؟:j
والآن اسمحولي يأخوان لطول القصه الباقي نكمله في الحلقه الجايه ان شاء الله
أمل ان تحوز على رضاكم وإستحسانكم
وتقلو تحيات اخوكــم ابـونـايــف

صقار مبتدئ
01/07/2010, 12:10 PM
ياخي حرام عليك شـــــــــــوقتـــــني
انا في انتضارك

من نجد
01/07/2010, 12:32 PM
بنتظار باقي القصه بسررررررعه اخوي ..:mad:

عاشق الفتك 20
01/07/2010, 12:46 PM
يــــاخي حرام عليك انا داخل الموضوع لين ترد وتكتب القصه الباقيه

يوسف الخليفة1
01/07/2010, 12:55 PM
بارك الله فيك أخي العزيز روق الشرقية

والشكر الجزيل

كساب الطيب
01/07/2010, 12:55 PM
والآن اسمحولي يأخوان لطول القصه الباقي نكمله في الحلقه الجايه ان شاء الله




لا لا يابو نايف ماهي هي
هههههههههه
لا تقطع السالفه....
نتظرك تكفا لا تطول
ههههههه

مكشاتي عنيزه
01/07/2010, 01:02 PM
ماشاء الله سرد قصصي ممتع

باين على السالفه فيها أكشن ومغامرات

بإنتظار الجزء الثاني

تحياتي

القحطاني
01/07/2010, 03:08 PM
شكرا يابو نايف على هذه القصه الجميله والاجمل السرد الممتاز وبالنتظارالتكمله مع الشكروالتقدير يابونايف

روق الشرقيه
01/07/2010, 04:07 PM
ياخي حرام عليك شـــــــــــوقتـــــني
انا في انتضارك

اشكرك على مرورك وإطرائك العطر
وباقي القصه عن قريب ان شاء الله
تحياتــــــــــــي

محمد الظاهري
01/07/2010, 04:20 PM
بارك الله فيك على القصه
اتعمقنا في قرايتها
وكنت متحمس لي النهايه

ولاكن الله يستر من النهايه

بارك الله فيك ياغالي
على السالفه

أبوعبدالله566
01/07/2010, 04:56 PM
السلام عليكم
اسلوب رائع بسرد القصة
والله يجزاك خير كمل القصة باقرب وقت
لاني تحمست مع الساالفة

روق الشرقيه
02/07/2010, 12:54 AM
بنتظار باقي القصه بسررررررعه اخوي ..:mad:

ان شاء الله
وشكرا على المرور

ساقان
02/07/2010, 02:18 AM
انا تخيلت مرقة الارنب بكاس الستيل ... :)

بانتظارك :)

روق الشرقيه
02/07/2010, 12:49 PM
يــــاخي حرام عليك انا داخل الموضوع لين ترد وتكتب القصه الباقيه

اخي عاشق الفتك حياك الله وابشر باللى يسرك
واشكرك على مرورك

sultan18
02/07/2010, 12:54 PM
الله يعطيك العافيه

ابوناصر السهلي
02/07/2010, 01:58 PM
الله يعطيك العافيه

روق الشرقيه
02/07/2010, 05:53 PM
بارك الله فيك أخي العزيز روق الشرقية




والشكر الجزيل


الله يعافيك ويخليك للعين الى ترجيك يابو عبدالله
واشكرك على مرورك العطر
ودمـــــــــــــــــــــــــــــــت

روق الشرقيه
02/07/2010, 05:58 PM
لا لا يابو نايف ماهي هي

هههههههههه
لا تقطع السالفه....
نتظرك تكفا لا تطول
ههههههه


امر الله شق القربه
وترقب الساعات القادمه ان شاء الله
ودمــــــــــــــــــــــــــــــــــــت

روق الشرقيه
02/07/2010, 06:05 PM
ماشاء الله سرد قصصي ممتع



باين على السالفه فيها أكشن ومغامرات


بإنتظار الجزء الثاني


تحياتي


اشكرك على مرورك وإطرئك العطر
والسالفه نعم فيها مغامرات
وترقب الساعات القادمه ان شاء الله
ودمــــــــــــــــــــــــــــــــــــــــت

روق الشرقيه
02/07/2010, 06:12 PM
شكرا يابو نايف على هذه القصه الجميله والاجمل السرد الممتاز وبالنتظارالتكمله مع الشكروالتقدير يابونايف

بارك الله فيك ياخي العزيز
وجمال القصه من ذوق الى يقراها
وشكرا على إطرئك العطر
ودمــــــــــــــــــــــــــــــت

روق الشرقيه
02/07/2010, 06:21 PM
بارك الله فيك على القصه

اتعمقنا في قرايتها
وكنت متحمس لي النهايه


ولاكن الله يستر من النهايه


بارك الله فيك ياغالي

على السالفه



السلام عليكم
اسلوب رائع بسرد القصة
والله يجزاك خير كمل القصة باقرب وقت
لاني تحمست مع الساالفة


انا تخيلت مرقة الارنب بكاس الستيل ... :)

بانتظارك :)


الله يعطيك العافيه

اشكركم على مروركم كل الشكر
وترقبوا الساعات القادمه ان شاء الله الجزء الثاني
ودمـــــــــــــــــــــــــــــــــــــــــــــــ ـــــتوا

روق الشرقيه
02/07/2010, 06:25 PM
الله يعطيك العافيه

شكرا على مرورك
ودمـــــــــــــــــت

روق الشرقيه
02/07/2010, 08:34 PM
اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااااااااااا(الحلقه الثانيه من القصهااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااا وين وصلنا استرجعوا الذاكره للخلف عندما قال الرقيب مشينا للمركز


وتحركنا للمركز الذي يبعد عنا 40 كم ؟؟وكل سياره من سياراتنا فيها عسكري
وفي طريقنا للمركز اخذنا بعظ المعلومات من الجندي الذي معنا واتضح لنا ان الجندي الذي برز مع الرقيب (وهو غير محبوب بين زملائه)و صار من جماعة الملازم الذي هو رئيس المركز ؟؟ واكيد انه توعد الرقيب :mad:
بعدم إطلاق سراحنا للأننا معنا شوزل !!! ومن هنا انحل لغز الشك في اخويانا :: الحمد لله
المهم ،،، واصلنا طريقنا مع الدوريات بعضهم قدامنا وبعضهم خلفنا كأننا مهربين !:confused: حتى وصلنا هاك المركز الكبير والجديد مالهم إلا شهرين في هذا الموقع ؟؟
ونزلنا وقابلنا ريس المركز ,,, وشرح له الرقيب عن قصتنا ,,من طقطق إلى سلام عليكم ,, واخذنا شوي وحنا نتقهواء وننتضر ولاكن على احر من الجمر:hot: ؟؟ وبعدها طلعت انا والملازم وشرحتله ضروفنا وكان ذو اخلاق عاليه:good2:
ورده جزاه الله خير مقنع (بقوله الشرهه على اللي جابوكم لنا لآنهم يقدرون يتصرفون معكم قبل تجون عندنا ولاكن الآن انا عندي 20 عسكري ولا هم على قلب واحد ؟؟ والثانيه قد بلغونا عنكم بالجهاز وهو مسموع على نطاق واسع
واعذروني لازم ارفع برقيه للقياده التابعه لنا وهم يوجهوننا???? الله يعين @ امر الله شق القربه@
وبعد منتصف الليل ذهب الملازم للنوم وجأنا الدوسري ومعه بعض الافراد ودارت السوالف واخبرونا بأن البرقيه قد رفعت للقياده وينتظرون ردها وايضاً اعطونا اسماء ثلاثة ضباط في القياده وانا اعرف واحد منهم ??:good:
وبعدها ,, نمنا نوم عدوكم وفي الصباح سئلنا عن رد البرقيه ولم ياتي شي ؟؟ وكان ذلك اليوم جمعه وبعد صلاة الجمعه والغداء طلبني الملازم (كأنني المتحدث الرسمي) هههه :D
وقال لي ابشرك رد البرقيه وصل ومفادها ,,, يسمح لكم بإكمال مقناصكم لمدة اسبوع واثباتاتكم واسلحتكم تبقى عندنا حتى تحظرون ونرسلكم للقياده بالسليل ؟ ولاكن الان روحوا لاهلكم وضبطو وضعكم قبل ماتنتهي
مدة السماح حتى لانرسلكم للقياده ’’’قلتله ابشر وبيظ الله وجهك ,,,, وتحركنا من عندهم بعد العصر فرحانين:D :D (مايقطع روسنا سيفين ) واتجهنا للمقناص واخذنا تقريبا 5 كم عنهم واذا بدوريتهم لاحقتنا ووقفونا (عسى خير):j
وإلا بالدوسري وجايب باقي ذبيحتنا التي نزلوها عندهم في الثلاجه اول مامسكونا :) ؟؟ ووادعناه وقنصنا يوم السبت والاحد ويوم الاثنين رجعنا لديارنا وبعدها اجرينا اتصالاتنا:type: بالضباط اللى في القياده وسلكنا امورنا معهم ؟
وفي يوم الاربعاء الساعه الواحده ضهرا اتصل بي احد الضباط وقال لى ابشرك الامور كلها زينه وحضروا يوم السبت عند المركز لرفع برقيه بالحضور ويؤخذ عليكم تعهد بعدم حمل الشوزل في المقناص وإستلام سلاحكم واثباتاتكم ,,,,,:good2:
وبعد ماشكرته بشرت اخويانا وتواعدنا يوم الخميس في حرض ومنه توجهنا الى المركز وقد اخذنا معنا سياره:redcar: ثالثه مؤمنه بالبنزين والماء والعزبه كامله بقيادة واحد من الربع مع مساعده وهم جدد غير مجموعة المقناص الاول وذلك لللاحتياط
وفي يوم الجمعه الصباح اتفقنا مع اخويانا الجدد بأن يبقون هنا حتى الساعه الخامسه عصرا وإذا ماجيناهم يروحون للمركز بالوصف وبالجره لمعرفة وش صار علينا وبعد المركز عنهم 10 كم وذلك الوقت لايوجد اجهزة اتصال!!
واستودعناهم بالله الذى لاتضيع ودائعه وتوجهنا للمركز ووصلناهم الضحى وكان اغلب افراد المركز مسرورين وفرحانين بقدومنا ,,,( إلا الملازم :mad: ) ولاحضنا الافراد يوصون بعض اخوياهم بإغرض من السليل والبعض الاخر
يرسل رسايل لأهله ؟؟؟ وكأن فيه احد منهم بيروح للديره !! وطلب منا استمارات السيارات وجمعوها مع اثباتاتنا في ضرف واعطوها واحد من الافراد الذينا كان يوصونه اخوياه قبل شوي بإغراض من السليل !!!
( من هنا بداء شئ غريب؟؟؟ السالفه فيها اكشن....:rolleyes: .) والربع يتلافتون علي :confused: ولاكن بصمت وبعد التفكير والتحليل خرجنا مع الملازم بعيد عن الافراد وسئلناه وش صاير؟ قال ليش ماظبطوا وضعكم مثل ماقلتلكم ,,,,, كيف,,,,,
جاتنا برقيه رد على الى قبلها مفادها (عند حضوركم ترسلون بالخفاره الي القياده بالسليل ),,,,,,, كيف ومتى ,,,,, يوم الاربعاء ,,,, الساعه كم,,,,, الساعه العاشره صباحا ,,,,, هانت يوم الله هونها ونحن نبتسم,,,,,قال الملازم كيف,,,,
قلت يوم الاربعاء الساعه وحده الضهر اتصل علي الضابط فلان بن فلان وبلغني بالحضور لديكم يوم السبت لآخذ الاثباتات والاسلحه ,,,,, قال والله صحيح,,,,,قلت نعم صحيح,,,, واذا بالفرحه و الابتسامه العريضه:D على وجه الملازم ’’
وبعده بلغ مساعده بإرسال برقيه الآن بالحضور ,, وبدا يسولف معنا ويخبرنا عن الافراد الفرحانين بجيتنا لانهم مبطين عن اهلهم وبيروحون لهم بعد مايسلمونا للقياده حسب نص البرقيه السابقه ؟
وصلينا الجمعه وتغدينا وبعد صلاة العصر قال الملازم تعالوا في المكتب وبشرنا برد البرقيه إجابي و اخذ علينا تعهد بعدم حمل الشوزل في المقناص واستلمنا سلاحنا والاثباتات و حركنا من عندهم وباقي ربع ساعه على موعد اخويانا الذينا ينتضوننا
على احر من الجمر:f وحط رجلك حتى وصلنا محلهم وللاسف قد تحركوا على اثرنا الصباح لاننا تأخرنا على الموعد بـــ10 دقايق ؟؟وحصلنا نارهم حيه :hot: وهذه قهوتهم وشاهيهم مكبوبه وحاره ولهم جاده الى طعس يشرفون عليه(الانتظار صعب)
وركبنا السيارات وحركنا على اثرهم وبعد مسافه حصلناهم مغرزين وسلمنا عليهم وكأننا منذو مبطى ماشفناهم وتعم الفرحه والسرور :D علينا وعلى سلقنا اعزكم الله ونعشى عند تغرزتهم وتبدا السوالف الزينه والتعليق والحش بالى واجهناه اليوم
ومن بكره قنصنا لمدة يومين ورجعنا لحرض وبعده لديارنا جعلها للسيل ,,
ومن ذاك الوقت وحنا نقنص الربع الخالي وعفنا المقانيص الى غيره ؟
وســـلا مـتكـــــــم
ارجو ان تحضاء هذه القصه على رضاكم و استحسانكم
وتقبلوا تحيات اخوكم ابــونــــايـــف

راكان الظاهري
03/07/2010, 01:13 AM
قصة جميلة وممتعة ومشكور على سردك الطيب

روق الشرقيه
03/07/2010, 02:47 PM
قصة جميلة وممتعة ومشكور على سردك الطيب

اخوى العزيز جمال القصه من مرورك العطر
وتقبل تحياتي

القحطاني
03/07/2010, 05:47 PM
الله يعطيك العافيه ومشكور على السرد المميز والاقونات التي اضفت صورللمواقف الحقيقه تشكر على هذا المجهود

عجاج السناف
03/07/2010, 09:32 PM
كفو يالذيب
ابونايف قصتك هذي كله تشويق في تشويق
1407 كان الصيد مسموح نوع ما
والله لو يمسكونكم اليوم ان يدري اوباما حق امريكا

لي رحة قنص للربع الخالي مشابهه بحاول اجمع افكاري
اذا قدرت اصيغه زيك بقوله ان شاءالله
بس القصه امس
1418

بارك الله فيك
تقبل مروري يالذيب

دلوع الهوى
04/07/2010, 12:57 AM
لية ماتكمل كمل ياخوى واللة شوقتنا

طيرالحمــــاد
04/07/2010, 01:18 AM
الحمدلله على السلامه بيض الله وجهك على هالسالفه وقصة المقناص لاكن امير الرحله الاولى
اموره ازين من اميركم الثاني

روق الشرقيه
04/07/2010, 01:31 AM
الله يعطيك العافيه ومشكور على السرد المميز والاقونات التي اضفت صورللمواقف الحقيقه تشكر على هذا المجهود

الله يعافيك اخوي القحطاني
ولولى الله ثم انت و امثالك سوأً من المشرفين او الاعضاء اوالقراء كان ماشاركت
انا ولاغيري ,,,
بل شجعتونا على الكتابه والمشاركات وطلعتوا المواهب المدفونه ؟
وتقبل شكري وتقديري

من تميم انتمي
04/07/2010, 05:33 AM
بيض الله وجهك يابو نايف عز الله انك ماقصرت على هالسوالف الطيبه والعلوم الغانمه
ولا تحرمنا سواليفك عزالله ماعرفتن مثل هالوجيه مهيب خساره

بوراشد911
04/07/2010, 09:00 AM
بيض الله وجهك يالذيب قصه جميله ومشوقه ولا تحرمنا من هالقصص الزينه

روق الشرقيه
04/07/2010, 02:05 PM
كفو يالذيب



ابونايف قصتك هذي كله تشويق في تشويق
1407 كان الصيد مسموح نوع ما
والله لو يمسكونكم اليوم ان يدري اوباما حق امريكا


لي رحة قنص للربع الخالي مشابهه بحاول اجمع افكاري
اذا قدرت اصيغه زيك بقوله ان شاءالله
بس القصه امس
1418


بارك الله فيك
تقبل مروري يالذيب


ياهلا ومرحبا باخوي ابو عمير
تشويق القصه هذا من ذوقك
والربع الخالي كان مسموح في اوقات معينه والأن ممنوع
وقصتك بالربع الخالي مايهم قديمه او جديده اهم شئ احداثها المشوقه ولو اني عارف مايجي منك إلا زين مثل إبداعك في الطبخات !:D
ولاكن لاتحرمنا من جديدك
واشكرك على مرورك وإطرئك العطر
ودمممممممممممممممممممممت بعــــز

عصام 861
04/07/2010, 02:34 PM
يامرحبا أخى ابونايف
الله يعطيك العافية على القصة
فعلا قصة احداثها مشوقة وجميلة
وننتضر منك المزيد وشكرا

مكشاتي سابق
04/07/2010, 03:33 PM
يا روق .... يا روق .... يا روق
أررررررررسل


مساك الله بالخير ويا بونايف


كفيت ووفيت وصح لسانك
عز الله إنها قصة جزله من رجل جزل

روق الشرقيه
04/07/2010, 03:49 PM
لية ماتكمل كمل ياخوى واللة شوقتنا

اخي العزيز دلوع الهوى
مبين عليك ماقريت الا الجزء الاول من القصه ?
الجزء الثاني موجود بالصفحه الثانيه !!!
وشكرا على المرور

روق الشرقيه
04/07/2010, 04:05 PM
الحمدلله على السلامه بيض الله وجهك على هالسالفه وقصة المقناص لاكن امير الرحله الاولى
اموره ازين من اميركم الثاني

الله يسلمك اخوي طير الحماد
قصدك الدليله ؟؟ (انت ناوي توهقني معهم) هههههه كلهم فيهم خير وبركه ولاكن التوفيق بيد الله
وشكر على مرورك وإطرئك العطر
تحياتي

صقار مبتدئ
04/07/2010, 05:08 PM
الله يعطيك العافية قصة مشوقه فعلاً صايدين و فايدين اخي الكريم

روق الشرقيه
04/07/2010, 06:30 PM
بيض الله وجهك يابو نايف عز الله انك ماقصرت على هالسوالف الطيبه والعلوم الغانمه
ولا تحرمنا سواليفك عزالله ماعرفتن مثل هالوجيه مهيب خساره

ومن يقول والله يرجم شيبانك وانت من اهل العلوم الغانمه يابعدي
والمثل يقول(معرفة الرجال تجاره)ولولى الله ثم هــ المنتدى ماتعرفنا على بعض
وتقبل شكرى وتقديري

روق الشرقيه
04/07/2010, 07:04 PM
بيض الله وجهك يالذيب قصه جميله ومشوقه ولا تحرمنا من هالقصص الزينه

بو راشد الله يعطيك الف عافيه والقصه جمالها من ذوق الى يقراها
وتقبل شكري وتقديري

روق الشرقيه
05/07/2010, 01:39 PM
يامرحبا أخى ابونايف
الله يعطيك العافية على القصة
فعلا قصة احداثها مشوقة وجميلة
وننتضر منك المزيد وشكرا

ياهلا ويامسهلا باخي عصام
الله يعافيك والشر مايجيك ...وجمال القصه من ذوقك ..
وشكرا على مرورك لاعدمناك

روق الشرقيه
05/07/2010, 04:36 PM
يا روق .... يا روق .... يا روق










أررررررررسل


مساك الله بالخير ويا بونايف


كفيت ووفيت وصح لسانك


عز الله إنها قصة جزله من رجل جزل



ارسل,,,,,ارسـل,,,,,ارســـل
تـــســــمــــعــــــــــــني
بشرعسى جديده
مساك الله بالنور يابو محمد
صح بدنك ولا عليك زود
ومن ابرك الساعات يوم جابتك هذه الجره قصدي القصه
واشكرك كل الشكرعلى مرورك وإطرئك العطر
لاتشرهون علينا تذكرنا المقناص

روق الشرقيه
06/07/2010, 08:51 AM
الله يعطيك العافية قصة مشوقه فعلاً صايدين و فايدين اخي الكريم
الله يعافيك والشر مايجيك
ويسعدني مرورك

قليط
06/07/2010, 09:38 AM
انت على اسمك

روق ماخوذه من رايق احس كل المنتدا من بطحين عندك يتابعون ههههههههههه


وشو الغسلان عندك او الشرهان يبطون :Dههههههههههههههههههههههههههههههههههههه

اظبطلنا وحده من قصص الاباء والاجداد :Dهههههههههههههههههههههههههه :good2:

1711
06/07/2010, 10:20 AM
خربت علينا الفلم يا بو نايف

صاحب نوماس
06/07/2010, 10:33 AM
ياولد انت اشتغلتنا افلام الله يجزاك خير


مندمج مع القصة وداخل جو وفالاخير نكمل بكرة


يااااالله انا فالانتظاااااااااااااااااار بفارغ الصبر

روق الشرقيه
06/07/2010, 01:58 PM
انت على اسمك





روق ماخوذه من رايق احس كل المنتدا من بطحين عندك يتابعون ههههههههههه



وشو الغسلان عندك او الشرهان يبطون :Dههههههههههههههههههههههههههههههههههههه



اظبطلنا وحده من قصص الاباء والاجداد :Dهههههههههههههههههههههههههه :good2:


اخي العزيز يسعدني مرورك
وبيض الله وجهك على هذه المداخله اللطيفه
و ليتني اكون مثل الغسلان اوالشرهان كان اجيبلكم كل القصص القديمه ههههههههههه
واشكرك على الاطراء العطر

روق الشرقيه
06/07/2010, 02:14 PM
خربت علينا الفلم يا بو نايف

هلا بك اخي العزيز
الضاهر انك استعجلت ولا قريت الا الحلقه الاولى؟؟
الحلقه الثانيه تحصلها في الصفحه الثانيه الردود رقم( 23) حتى يكتمل الفلم ههههههههه
وشــــكرا

روق الشرقيه
06/07/2010, 02:47 PM
ياولد انت اشتغلتنا افلام الله يجزاك خير


مندمج مع القصة وداخل جو وفالاخير نكمل بكرة


يااااالله انا فالانتظاااااااااااااااااار بفارغ الصبر

اخي العزيز تســتـاهــــل النومـــاس
باين عليك ماقريت الا الجزء الاول ؟؟
التكمله في الصفحه الثانيه في الرد رقم 23
كمل قبل تطير الاندماجه بالقصه
وشكرا على المرور

عنيزاوي 305
06/07/2010, 03:08 PM
مشكووووور علي الموضوع الشيق

بلقيس
07/07/2010, 04:09 PM
بــارك الله فــيكـ

روق الشرقيه
08/07/2010, 11:22 AM
مشكووووور علي الموضوع الشيق

الله يعطيك العافيه
وشكرا على مرورك العطر

دلوع الهوى
09/07/2010, 01:02 AM
وين التكملة عجل علينا الللة يجزاك الخير

روق الشرقيه
09/07/2010, 05:17 PM
بــارك الله فــيكـ



الله يعطيك العافيه
واشكرك على مرورك

روق الشرقيه
09/07/2010, 05:30 PM
وين التكملة عجل علينا الللة يجزاك الخير

الله يعطيك العافيه
التكمله ارجع للخلف الصفحه الثانيه رقم الردود23
الضاهر انك شايب (ابي اتقاضاء)هههههههههههه تراني امزح
واشكرك على مرورك

بتاع بر
09/07/2010, 06:14 PM
الظاهر اللي صارلكم حوبة ابو عبدالله:d لان اقالته تم بشكل سريع ومفاجي عموما الحمد لله عالسلامه دوما. بعض الاحيان يبتلى الواحد بموقف واشخاص ابتلاء من رب العالمين اهم شئ الهدوء وعدم التصرف بطفاقه لانه ممكن واحد من الشله يتهور بكلمه مالها داعي ويجيب الطعه وبعدها حلني فعلا الرفيق قبل الطريع وعذرا للاطاله

روق الشرقيه
09/07/2010, 06:45 PM
الظاهر اللي صارلكم حوبة ابو عبدالله:d لان اقالته تم بشكل سريع ومفاجي عموما الحمد لله عالسلامه دوما. بعض الاحيان يبتلى الواحد بموقف واشخاص ابتلاء من رب العالمين اهم شئ الهدوء وعدم التصرف بطفاقه لانه ممكن واحد من الشله يتهور بكلمه مالها داعي ويجيب الطعه وبعدها حلني فعلا الرفيق قبل الطريع وعذرا للاطاله

الله يعطيك العافيه اخوي
يمكن مثل ماقلت حوبة خوينا عبدالله بس ماصدر القرار الا بعد مشاورات ومداولات... ولاكن ارجع (واقول المكتوب ماعنه)ويمكن خيره,,,,
وما قلت صحيح (اختر الرفيق قبل الطريق)
واشكرك كل الشكر على اهتمامك وإطرائك العطر
وتقبل تحياتي

Al3rands
11/07/2010, 11:47 AM
اي والله ماهيب هي عجل علينا ابونايف

عرق رملان
11/07/2010, 01:52 PM
هلا بك يابو نايف وعلومك الزينة وسوالفك الي ما تنمل


وبيض الله وجه الدوسري ( ولد زايد ) ولا هيب غريبة من الدواسر وانا منهم
والله يجزاه الف خير على سواته وعلومه الزينة
والعلم الطيب ما يجي الا من الطيب
والله يفتحله باب رزقة يا رب يا كريم

الواااااااافي
13/07/2010, 01:51 PM
عجل علينا بتكملة القصه شوقتنا

روق الشرقيه
25/07/2010, 11:11 PM
اي والله ماهيب هي عجل علينا ابونايف
بارك الله فيك
التكمله بالصفحه الثانيه برقم 23
وتقبل تحياتي

روق الشرقيه
25/07/2010, 11:28 PM
هلا بك يابو نايف وعلومك الزينة وسوالفك الي ما تنمل




وبيض الله وجه الدوسري ( ولد زايد ) ولا هيب غريبة من الدواسر وانا منهم
والله يجزاه الف خير على سواته وعلومه الزينة
والعلم الطيب ما يجي الا من الطيب


والله يفتحله باب رزقة يا رب يا كريم


هلا ومرحبا باخي العزيز
الطيب يستاهل كل خير..و جنس الرجل هذا كلن يفتخر به من قبيلته وباقي القبائل,,,
والمثل يقول(كل قبيله فيها حقها من رجالها)والله يكثر من جنسه
واشكرك ياولد زايد كل الشكرعلى دعواتك ومرورك العطر
وتقبل تحياتي,,

روق الشرقيه
25/07/2010, 11:32 PM
عجل علينا بتكملة القصه شوقتنا


هلا بالوافي
والتكمله بالصفحه الثانيه رد رقم23
وتقبل تحياتي..

الهاشمي2008
26/07/2010, 12:41 AM
اقول الله يعطيك العافيه انته وخوياك عزالله انها علوم رياجيل وسرد القصه رايع جدا

روق الشرقيه
26/07/2010, 12:53 AM
اقول الله يعطيك العافيه انته وخوياك عزالله انها علوم رياجيل وسرد القصه رايع جدا

الله يعافيك والشر مايجيك
وماعليك زود ياخوي الهاشمي
والرايع مرورك وتشريفك للقصه وراعيها,,والله لايهينك
وشكرا لمرورك العطر
وتحياتي لك

haohan445
29/07/2010, 03:47 AM
If you want to attract others in this season's eye, then the Christian Louboutin Shoes (http://www.christianlouboutinsize.com/)plus Pandora Jewelry (http://www.x-jewelrybox.com/) will be your best choice. But if you have Zumba Fitness DVD (http://www.undvdsales.com/zumba-fitness-dvd-p-368.html), P90X (http://www.undvdsales.com/p90x-workout-dvd-c-48.html), or Insanity Workout DVD (http://www.undvdsales.com/insanity-workout-dvd-c-50.html) fitness video these three materials, you will become this season's most dazzling sexy goddess

روق نجد
29/07/2010, 05:39 AM
حرام عليك يابو نايف كان مكمل والله شوقتنا معاك لاكن بيض الله وجهك على القصه الجميله وانا في انتضار باقي القصه بس الله يرحم والديك لاتطول:(:( تراي على احر من النـ:fار :):)

مكشات بريدة
29/07/2010, 05:52 AM
شكـــــــــرا على هالقصة وبيض الله وجه الدوسري

nayf01
29/07/2010, 07:13 AM
لو يمسكونكم اليوم ودوكم والسلق معكم لبوغريب
ههههههههههههههههه

فيه ربع لنا راحوا قنوص معهم شوزن
اخذوها سلاح الحدود وكادت السيارة تصادر لولا الله ثم تدخل احد الاسرة المالكة

LEUPOLD
29/07/2010, 07:41 AM
السلام عليكم
مشالله تبارك الله وعساء الفرحه دايم بطريقكم
انا من عشاق الربع الخالي عساه السيل
ومن طاح فيه معاد تركه ياحي شوفت اعروقه وراضيه ونبته
شكرن على موضوعك وقصه روعه وبيض الله وجهك ولا تحرمنا من هل المواضيع الي ترد الروح
اخوك ابو سعد

روق الشرقيه
29/07/2010, 01:32 PM
حرام عليك يابو نايف كان مكمل والله شوقتنا معاك لاكن بيض الله وجهك على القصه الجميله وانا في انتضار باقي القصه بس الله يرحم والديك لاتطول:(:( تراي على احر من النـ:fار :):)

ياهلا ويامرحبا بابن العم
والقصه مكمله بالصفحه الثانيه ورقم الردود23 ..
ووجهك ابيض ومازاد القصه جمالا إلا مرورك العطر الله لايهينك
وتقبل تحياتي

روق الشرقيه
29/07/2010, 01:36 PM
شكـــــــــرا على هالقصة وبيض الله وجه الدوسري

هلا بك اخوي
ولا شكر على واجب
والدوسري يستاهل بياض الوجه واكثر
وشكرا على مرورك العطر
وتقبل تحياتي

روق نجد
02/08/2010, 10:19 AM
مشاء الله عليك يابونايف قصه جميله ومشوقه وازاده جمالا سردك للقصه
وهاذه مو غريبه عليك ياولد العم
ومشكوروماقصرت يالغالي
والقادم احلا انشاء الله
بتوفيق،،،،،