خيمة الرحلات الصغيرة القماش أفضل أم البلاستيك

[اليتيم1]

والله يا شباب رحت محل الخيام بالبلد بجدة في باب شريف ولقيت عنده خيام الحج البلاستيك اللي انتم عارفينها عصيانها من خارجها يقول انها مقومة للحرارة :s أو زي العازل من داخل لونها فضي هذا يساعد على منع الحرارة عاد يستخدمونها الحجاج :s ما فيها كلام.


أنا طلعاتي أبو يوم ما ودي كل شوي وأنا شايل خيمة البيرق وأنا ما وراي مبيت

صراحة شفت نفس الخيام في بنده لكن في وحدة قماش رملي بحدود 300 ريال :eek:
ما أدري شوركم :good2:
يا ربع إذا كان تستاهل ولا مغلينها شوي
تقريبا مساحتها280*280
تقدر تقف وسطها وعصيانها أسمك من عصيان البلاستيك

[audais]

موفق خير وعسى الأعضاء يفيدونك وغير خيمة الوسم لاتدور بس اظنها ماهي اللي تبي لانها ثقيلة شوي حسب ما فهمت من كلامك

[اليتيم1]

أشكرك على المرور audais
إن شاء الله

[ابوهيثم2008]

اخوي
اذا كان من البلاستك ماعتقد انها زينه
القاضي عندهم خيمه صغيره من النوع الي انت تبها اسمها المبيت 2في 3 وتجي نوعين خذها وتوكل على الله وادعيلي لاني مجربها بالكشتات

[الصمان 2]

سبق وأن استخدمت هذه الخيمة البلاستيكية :




http://www.albrari.com/vb/uploaded/3040_111266260901.jpg


خفيفة ولا تأخذ حيز في السيارة ...

عيوبها ... سريعة التلف .... وغير ثابته .


السعر / 60 ريال .... من هايبر بنده





موفق يالغالي ،،





.

[الاجوري]

اذا كانت طبقتين انا جربتها مايعيبها الا عدم وجود شباك تهوية يعني ماتنفع في الصيف

[الهاوي 9]

جزاك اللـــــــــــه خير

[اليتيم1]

الله يجزاكم خير
آه يا القهر والله ماعندنا محلات حق كشتات زينة يا حظكم
لكن نشوف خيمة القاضي (( المبيت ))

[قرناس صلا]

السلام عليكم ورحمة الله وبركاته

اذا طلعاتك على الساحل فجميع خيام البلاستيك لا تصلح بالاجواء الحارة الا اذا انت عاشق للسونا

افضل لك شراع قماش تفصله 3 *3.5 او 3 *4 مع ذرى للهوى عند الحاجه .. هذا بالنهار

وبالليل للمبيت افضل شي الناموسيه اللي تبني نفسها اول ما تفكها ..

تقبل تحياتي


تقبل تحياتي

[راعي الرمشا]

..............بسم الله الرحمن الرحيم......

حياك اخوي ارى ومن واقع تجربه ان البلاستك زي الي تقول ماتصلح لانها تندي اذا كان الجو رطب يعني بس تطلع الشمس تبداء تنقط المويه الي فوقها ...خيمة القاضي المبيت ممتازه مره ....

للكل تحياتي ,,,,,,,

[majed_sg]

بصراحة .. أنا أنصحك بخيمة الوسم لا عمود ولا أطناب ..
اشتريت واحدة 260*260 بدون بطانة وأشوف إنها أكثر من رائعة وبإمكانك تفتح أبوابها الأربع وتصبح مظلة و أنا مثلك من جدة وتعبت في البحث عن خيمة مناسبة لكن بعد تجربتي للوسم أشوف إنها مناسبة جداً و بعدين على قول الخواجات هاي كوالتي ..

يعيبها فقط وزنها الثقيل و هذي ضريبة القماش التنزاني لأن وزنه ثقيل .. لو تطلبها بقماش أخف أتوقع تنحل المشكلة .


تحياتي لك ,,

[ترهيم]

السلام عليكم

ياجماعة الخير يالي تنصحون بانواع ثانيه من الخيام الرجل يقولك عندي خيمة البيرق يعني مايحتاج تمدح بماركات ثانيه وهي افضل الموجود ....

ويسئل عن نوع معنيه ان كان فيه احد جربه يعطيه العلم وبس ..

اخوي اليتيم .... اذا كانت الخيمة الي انت شفتها هي من القاضي انا انصحك فيها ممتازه جاء منها نوعين البلاستيكي مقاس صغير لايحضرني المقاس بالتحديد وكان سعره ب170 ريال
العام نزل منها نوعين نوع بلاستيك ونوع قطن البلاستك الصغيره ب170 ريال والقطن ب200 ريال اما الكبيره بحدود 300 ريال .
البلاستك يعيب عليه البروده بشتاء يعني ماتفرق جوا خيمه ولا برى بس يرد الرياح ويرد المطر وكذالك تنقط الطلاوله في الصباح .
تاكد انت اذا هي من القاضي اتكل على الله من افضل خيام المبيت .

[bader358]

اشتر خيمة التيربو300 مقاس 3*3 يمكن غالية شوي لكن ممتازة وخفيفة وتركيبها سهل جداً

[الفريح1]

عليك بخيمة المبيت ضد المطر وفيها ناموسية وتبني نفسها بنفسه وسعرها 200 ريال مجربه ممتازه