ياللي تفكر وعندك علبة الببسي,,,,,,,,,,,,,,,,,,,,,,,,,,,,,,,,,,,,,,,,,,,, ,,,, حله عصام

[راع الحزم]

من رمعتين للي متقهوي ويلقطه على الطاير







ياللي تفكر وعندك علبة الببسي = مالك سوى دلة الرسلان مضمونه

لغز ليا طال سبب لك مرض نفسي = اما تحله او انك تنسحب دونه

ويش الذي له سنين ماضيه يرسي = ولازال راسي ولازالو يعرفونه

من بين ثنتين بان وموقعه حبسي = وان عددوهن لزوم انه يعدونه

كم واحد في ظلاله مصبح ممسي = واهل الحفر نوب والله مايطيقونه

وربع لفونا مشي مدري على تكسي = جو من شمال الحفر يمكن يحلونه

[ابو ماجد 2]

صح لسانك يالغالي
ماهو الحد بين السعوديه والعراق

[فهد الهلالي]

صح السانك والله يمسيك بالخير
هذا طال عمرك
الجدي والحويجزين
تحياتي

[شلال الجزيره]

جت الرمعة بعد رمعة أبو ماجد

أو المنطقة المحايدة

[راع الحزم]

صح لسانك يالغالي
ماهو الحد بين السعوديه والعراق

صح بدنك يابو ماجد
مورت اللغز
والرمعة مالك لوا لم تصب الهدف المنشود

[راع الحزم]

صح السانك والله يمسيك بالخير

هذا طال عمرك
الجدي والحويجزين

تحياتي



صح بدنك
يامساء النور والبلور يالهلالي
طال عمرك وطال عمر السامعين

والرمعة مالك لوا يالغالي

[راع الحزم]

جت الرمعة بعد رمعة أبو ماجد

أو المنطقة المحايدة

منور اللغز
مالك لوا يالغالي لم تصب الهدف بالعمق

[ابو اسامه 2]

صح بدنك يابو ماجد
مورت اللغز
والرمعة مالك لوا



صح لسانك يا راع الحزم

مورت اللغز ولا نورت اللغز ؟

لان اذا مور اللغز معناه الرمعه قريبه

اما اذا نور اللغز فهذا شي ثاني

وكلكم منورين


ورمعتي هي

آبار حفر البطن

وسميت حفر الباطن لان الماء في ابارها بعيده جدا



تحياتي لك

[عصام 861]

يامرحبا راعى الحزم
اشرايك فى البيب حق النفط
التابلاين

[شلال الجزيره]

رمعة للتحريك
الفقع يعرف بالربلة والرقروق

والفقع مكانه التراب وانتم بكرامه الي بندخل فيه

[راع الحزم]

صح لسانك يا راع الحزم



مورت اللغز ولا نورت اللغز ؟


لان اذا مور اللغز معناه الرمعه قريبه


اما اذا نور اللغز فهذا شي ثاني


وكلكم منورين



ورمعتي هي


آبار حفر البطن


وسميت حفر الباطن لان الماء في ابارها بعيده جدا





تحياتي لك


ابو اسامه صح بدنك وملاحظتك قوية ولك مافسرت
انت وابو ماجد والجميع منورين اللغز
والرمعه مالك لوا

[راع الحزم]

يامرحبا راعى الحزم
اشرايك فى البيب حق النفط
التابلاين

والمهلي مايولي

منور اللغز
والرمعة مالك لوا يالغالي

[راع الحزم]

رمعة للتحريك
الفقع يعرف بالربلة والرقروق

والفقع مكانه التراب وانتم بكرامه الي بندخل فيه

يعجبني فيك دايم ياشلال تركيب الرمعة

والرمعة مالك لوا

[بواردي الدلم]

الظاهر انه الغبار

[راع الحزم]

ابتعدوا يالربع عن المشروبات الغازية اثناء أداء عمليات الرمع
يبي له قهوة لانه سهل وبنفس الوقت ممتنع والرمعات طيبة من وجيه طيبة

[راع الحزم]

الظاهر انه الغبار

منور اللغز
والرمعة مالك لوا

[عصام 861]

يامرحبا راعى الحزم
محاولة مخيم الاجئين فى رفحا

[راع الحزم]

يامرحبا راعى الحزم
محاولة مخيم الاجئين فى رفحا


هلابك

الرمعة مالك لوا

انتظر رمعتك القاتلة

[أبوعبدالرحمن99]

هذا و انا اخوك يمكن يا عرب عبسي ،، لا صار عدنان عنده يمسك متونه
يمكن طمية وابان اللي جبل يرسي ؛؛ على الصحاري و كل الناس يطرونه

[راع الحزم]

لو كان عندي جهاز ارسال بالفكسي ==== ارسلت حي البيوت اللي تخطونه
والطير وسط الفضا ماهوب منتكسي ==== واقولها (وينكم ياللي تصيدونه)

[أبوعبدالرحمن99]

وصل جوابك وحي الخط والفكسي ،،، وحي الكريم اللبيب وحي مضمونه
و المعذرة ياطويل العمر عن نكسي ،،، و يمكن نصيده بتال الوقت بلحونه

[خيال العرجا]

السلام عليكم
والله انه لغز طيب من وجه اطيب وانا عندي رمعتين عسى وحده منهن تصيب

لكن وش رايك بمركز الجمارك بين السعودية والكويت

والثانية تفتيش ام الجماجم

[شقن بقا]

أبي الجايزة شرط السمينة على التبسي *** وأهل الكرم بالفرحة يزيدونه
وإن كانت الرمعة معفوسة عفسي *** ترى راع الحزم مسموح من دونه

أناعندي رمعتين عساي أتوفق في واحدة منها
الرمعة الأولى ( هي مدينة حفر الباطن ) لأنها منطقة منخفضة تقع بين وادي فلج ووادي فليج
الرمعة الثانية (أيضا هي مدينة حفر الباطن ) لأنها تقع في ملتقى خطين دوليين الأول من الرياض إلى حفر الباطن ومنها إلى الكويت والثاني طريق الشمال مرورا بحفر الباطن ثم إلى الأردن ومصر وسوريا ولبنان

[راع الحزم]

السلام عليكم
والله انه لغز طيب من وجه اطيب وانا عندي رمعتين عسى وحده منهن تصيب

لكن وش رايك بمركز الجمارك بين السعودية والكويت

والثانية تفتيش ام الجماجم


وانت اطيب ياخيال العرجا
نورت اللغز
والرمعة مالك لوا
وننتظر رمعاتك القادمة

[راع الحزم]

أبي الجايزة شرط السمينة على التبسي *** وأهل الكرم بالفرحة يزيدونه
وإن كانت الرمعة معفوسة عفسي *** ترى راع الحزم مسموح من دونه

أناعندي رمعتين عساي أتوفق في واحدة منها
الرمعة الأولى ( هي مدينة حفر الباطن ) لأنها منطقة منخفضة تقع بين وادي فلج ووادي فليج
الرمعة الثانية (أيضا هي مدينة حفر الباطن ) لأنها تقع في ملتقى خطين دوليين الأول من الرياض إلى حفر الباطن ومنها إلى الكويت والثاني طريق الشمال مرورا بحفر الباطن ثم إلى الأردن ومصر وسوريا ولبنان

ياهلابك
منور اللغز بوجودك يالغالي
ومعلومات اول مره اسمعها حقيقة معلومات طيبة عن الحفر

اشكر مرورك والرمعة مالك لوا
بانتظار رمعاتك القادمة

وصح لسانك على البيتين
وابشر بالسمينة بدون لغز
الله يسعدك

[torrjom]

صح السانك

ممكن منفذ الحديثه

او جسر البحرين

اوكبري القاعده

[عصام 861]

يامرحبا راعى الحزم لغز مشوق
الله يعطيك العافية
محاولة العقمين السواتر الترابية الاثنين
التى على الحدود او كثرة السواتر وشكرا

[راع الحزم]

صح السانك



ممكن منفذ الحديثه


او جسر البحرين



اوكبري القاعده


صح بدنك
نورت
والرمعة مالك لوا
انتظر القصف

[راع الحزم]

يامرحبا راعى الحزم لغز مشوق
الله يعطيك العافية
محاولة العقمين السواتر الترابية الاثنين
التى على الحدود او كثرة السواتر وشكرا

اهلين

الرمعات مالك لوا

وحتى الان طليق

والله ان ودي اوضحه شوي لكن مادام الرمعات بالاتجاه ابنتظر شوي

انا عني والله اني احب اللغز اللي يقصف قصف بدون توضيح استمتع بالصيد هههههههه

[فهد الهلالي]

من رمعتين للي متقهوي ويلقطه على الطاير









ياللي تفكر وعندك علبة الببسي = مالك سوى دلة الرسلان مضمونه

لغز ليا طال سبب لك مرض نفسي = اما تحله او انك تنسحب دونه

ويش الذي له سنين ماضيه يرسي = ولازال راسي ولازالو يعرفونه

من بين ثنتين بان وموقعه حبسي = وان عددوهن لزوم انه يعدونه

كم واحد في ظلاله مصبح ممسي = واهل الحفر نوب والله مايطيقونه

وربع لفونا مشي مدري على تكسي = جو من شمال الحفر يمكن يحلونه

نقل للصفحه الناليه

[شقن بقا]

وصح لسانك على البيتين
وابشر بالسمينة بدون لغز
الله يسعدك

عز الله تقولها وتطولها يالأجودي وعسى دارك عمار بوجودك أما المعلومات للأمانة أخذتها من موقع حفرالباطن وشفت إنها مناسبة حيث اللغز يركز على شي بين إثنين ولقيت ( فلج وفليج ولقيت الطريقين الدوليين ) لكن ما صابت وخذ هذي الرمعة الأخيرة مني ( وش رأيك في جبلي آجا وسلمى )

[عصام 861]

الله يعطيك العافية راعى الحزم
أشرايك فى المتسللين الذين يأتون من
العراق ومشاكلهم وتهريبهم أشياء ممنوعة
أو سجن الحفر ولك تحياتى

[الشمطري]

وش رايك

بالمركوز

[ابو ركاد]

صح لسانك
رمحتين
1- شبك سلطان
2- شبك الحدود

[راع الحزم]

وصح لسانك على البيتين
وابشر بالسمينة بدون لغز
الله يسعدك

عز الله تقولها وتطولها يالأجودي وعسى دارك عمار بوجودك أما المعلومات للأمانة أخذتها من موقع حفرالباطن وشفت إنها مناسبة حيث اللغز يركز على شي بين إثنين ولقيت ( فلج وفليج ولقيت الطريقين الدوليين ) لكن ما صابت وخذ هذي الرمعة الأخيرة مني ( وش رأيك في جبلي آجا وسلمى )

هلابك
مالك لوا

انتظر رمعاتك القادمة

[راع الحزم]

الله يعطيك العافية راعى الحزم
أشرايك فى المتسللين الذين يأتون من
العراق ومشاكلهم وتهريبهم أشياء ممنوعة
أو سجن الحفر ولك تحياتى
الله يعافيك

مالك لوا بالرمعة

[راع الحزم]

وش رايك

بالمركوز


مالك لوا يالغالي

[راع الحزم]

صح لسانك

رمحتين
1- شبك سلطان

2- شبك الحدود


صح بدنك
مالك لوا

[راع الحزم]

يالربع فكروا بعمق باللغز
حول الحمى ولكن هناك مطب يجب الحذر منه في اللغز

[عصام 861]

محاولة اخى راعى الخزم

أغلاق معبر رفح بين فلسطين
ومصر

[راع الحزم]

ماشاء الله تبارك الله
صح لسانك صح لسانك
جبتها ياعصام

الحل معبر رفح

فعلا ضربة قاضية للغز

وبالنسبة للمطب اللب باللغز
هو كلمة الحفر عكسها رفح

اللي يجونها من شمال يعني يقرونها عكس