كم سعر أغلى طير بيتي ( مصقوروليس وحش ) ؟؟؟؟؟؟؟؟؟

[عـــرادي]

السلام عليكم ورحمة الله وبركاته ... وبعد

دايم نسمع في منتدانا الغالي عن سعر خيالي لطير وحش من جميع الفصائل

ولكن سؤالي هو ( ما اغلى سعر سمعت عنه عن بيعه طير بيتي ؟؟؟؟؟؟ )

لا تبخلون علينا كل واحد يدلي بدلوه بتفصيل

من حيث نوع الطير و عمره و مقاسه وفعله وإذا حصل صورة:good2:

( حتى نعرف اسعار الطيور البيتيه الطيبه ولا نظلمها )

مع خالص شكري وتقديري ،،،

أخوكم / بدر العرادي

[ابن حويد111]

هلابك عرادي

فيه طير انباع علي ناضري ..... حر وافي صايد مافيها كلام .... 55000 السنه الفايته ... قرناس 6 .. بنظري انا غالي..... احاول اتي بالصوره

[alajmi110]

يآ مرحبا يا ابو فهد

انا ما اتوقع ان فيه سعر معين ممكن تحدده لطير البيتي

الرغبان يدفع يا ابو فهد

وبالنسبه لي اغلى طير بيتي شفت صورته الي في توقيعك يا ابو فهد ما شاء الله عليه

الله يجعله مبروك ان شاء الله

[جو الشيخ]

يعطيك العافيه
عني انا اغلى طير بيتي 16.5 ؟16.5بيتي عمره رابع مغتر صايد جناحه طيب
صايد الحبارى والكروان بيع 35000 الف ريال
ومشكور على الموضوع الجميل

[عابر الموج]

والله يابوفهد الطير يحدد سعره عدت اشاء
1-ريشة الطير
2عمر الطير
3- وسرة الطير
4- جناح الطير وانا في نظري اهم شي بالطير
5-علوم الطير صائد- طلاع - راكد -لايكوش - لاينقل العلف- لاتوجد صيحه
ولكن اجاوبك على استفسارك كان عندي طير ليبي سيم 40000 الف ولا بعت وحصل له صادوف في كفه وبعته ب 10000 والي اشتراه عالجه وكتب الله ان يطيب وباعه ب 50000 الله يرزقه وعندي طير ولله الحمد اول شي قولو ماشالله يسام ب 60000 ولابعت تقبل تحياتي يالجار

[كشات في مكشات]

الله يعطيك العافيه ...

[تركي العتيق]

يعطيك العافيه يابوفهد على الموضوع والله نسمع سوالف ماندري عن صادقها وكاذبها ولاكن أذكر العضور عوق الخريش باع طيرقبل سنتين بمبلغ63 الف بيتي ثنوحمر مجاهيم وتقبل مروررروي,,,,,,,,

[أبو أمين]

مرحبا يالعرادي

انا ما شفت لكن سمعت عن جير حر في الامارات وصلت قيمته 150 الف درهم طبعا بيتي

[ابو عضيله]

انا كد انباع طير قدامي باالحفر ب 99الف ريال قيمه شاص وهو حر وافي

[النـادر]

معروف طير بيع فالشرقيه قبل حوالي تسع سنوات وهو حمر عادي مدعج وفيه رش في ظهره وينقص عن الـ17

بيع بـ 110000 ريال

[دهام 50]

ابوفهد كانك تقصد البيتي وليس الوحش انا شفت بيعات كثيره عندنا بمنطقة القصيم مدينه بريدة سجل عندك
انباع طير باعة بوخلف على الملاح بي 55 الف
انباع طير باعة الفوزان على القنيبط بي 60 الف
انباع طير باعة عبدالسلام الشريدة على الدويش بي63 الف
انباع طير باعة احمد الدرع على القنيبط بي 70 الف
هذي طيور بيتيه انباعت عندنا ببريدة العام وقبل العام وكلها بيتيه والوانها عاديه
تقبل مروري

[ابوناصر السهلي]

افادوك الاخوان

[عوق الخريش]

بسم الله الرحمن الرحيم ,,
السلام عليكم ورحمة الله وبركااتة:
حيااك الله أخوي : عرااادي ,,
يعطيك العاافيه والله يبيض وجهكـ ياكحيلآن على ذاا الموضوع الجديد عليناا ......لآهنتــــــ ,,
باالنسبه لطيور أسعاارها غريبه ولا لهاا سعر معين زي الوحش حرااج ؟؟لا البيتي يشوفه رجاال ويتصور بعينه ويدفع فيه قيمه خياليه ,,
والبيتي ياابوفهد ماله قيمه .... فيه بيتي تحصله يساام 50 الف وتحصل طير معة بنفس المدعاء يسااام 35 الف معناته فيه خلل باالاقياام والسواامه تختلف أنظاارهم ,,
ولاكن أنا سمعت طير بيع عندنا فى الديرة في 73 ألف طوله 17 وعرضه 16 ونص حمر مجاهيم لونه عادي راكد ويطلع سنه رابع ,,
وبيع طيور كثير ة ونسمع للميه طاري وووو ولاكن ماوثق 100%100,,,



*


تحياتي لكـ ...... وشكراّ,,


*


أخوكـ


*


( عوق الخريش )

[قناص ابن غنام]

ماشاءالله فيه طيور بيعت من 60و70 و40 ماهن سواء حسب جناح الطير وسبقه في البيتي اهم شي السبق

[راعي غضبان]

هلابك اخوي العرادي والله البيتي السبقوق والراكد وصل اقيام خياليه منها راح من عندي نواف خذاه امير 60000 هذا قبل 12سنه وعندي وطيرمجهم راح 40000 من 10 سنين وغضبان خذاه امير مني حول 75000 والطيور الي من الثلاثين وخمسه وثلاثين واجد والحمدلله بيضا الوجه وسيمت بقيام خياليه منها واحد خذاه علي الوبيري بكر 25000 الف مصفوط وسيم منه حول 65000 ولا باع اظن الي سامه الملاح وحشار الله يرزق راعيه بقيمه طيبه ومطفوق ايضا راح 60 عند امير والحمدلله كلها تستاهل اقيامها ومشكور اخوي

[ابوعبدالله100]

مرحبااخواني قبل العام بعته 75000 الف قرناس رابع حمرمغتير طيب ومعروف لازال موجود مربوط في الغاط وفيه طير يسام 100000 الف فلاتستغربو من القيمه تقبلو تحياتي

[بو غازي]

بالنسبة لي يااخوان اغلى طير اعرفه عند واحد من اخويانا شاريه ب25000 ويسام منه العام ب50000 ريال طير بيتي عادي جدا من ناحية اللون لكن طيار يبري العله جعل ربي يبارك فيه يارب.

[نايف العويمرى]

مثل ماقالو الاخواان اسعااار الطيور ماهن سوا ...على حسب ( الــطــيــب غــالـى )....وافدووواك الاخواان .

[أبو رداد]

وعليكم السلام ورحمة الله وبركاته
فكره طيبه يابو فهد ...... يتنور من خلالها جميع الاخوان بايع وشاري
,,,,
في الامارات الطير السبوق الفارط يجيب ارقام قويه ....... مثلا
حر فرخ طرح كزخستان بيع بمليون درهم بسبب كسر الوقت على التلواح
طيرين جير شاهين واحد بكر والثاني سنه ثالث بيعن ب 700 الف درهم وسياره لكزس في سنتها
بيور جير أنتاج دي كي ابيض عمره بكر بيع بـ 300 الف
الطيور المهجنه القانصه وتجمع السبق والحجم واللون والفعل أسعارها مابين 50 و 150 الف درهم
وسلامتكم

[عـــرادي]

بيض الله وجيهكم الجميع


والف شكر على تفاعلكم الطيب


وبخصوص الموضوع هو لمعرفه أسعار الطيور الطيبه


وانا عن نفسي بعت طير بـ 35 الف ( سنجار ) و طير بـ 30 الف ( برزان ) وعسى الله يوفق من شراهن


والحين عندي طير ( نوماااااس ) يسام ب 50 الف وحديته بنا على طلب شخص عزيز علي ب 100 الف


والطير راكد ويطلع ولحاااااااق ومزيون وعمره رابع مقاسه عرض 17 وشوي وطول اقل من 17


وهذي صور ( مشاء الله عليه )


http://www.mekshat.com/pix/upload04/images170/mk23792_dsc01461.jpg


http://www.mekshat.com/pix/upload04/images170/mk23792_n.jpg


وننتظر باقي الأعضاء لتعم الفائدة


مع خالص تحياتي ،،،


بدر العرادي

[عـــرادي]

وعليكم السلام ورحمة الله وبركاته
فكره طيبه يابو فهد ...... يتنور من خلالها جميع الاخوان بايع وشاري
,,,,
في الامارات الطير السبوق الفارط يجيب ارقام قويه ....... مثلا
حر فرخ طرح كزخستان بيع بمليون درهم بسبب كسر الوقت على التلواح
طيرين جير شاهين واحد بكر والثاني سنه ثالث بيعن ب 700 الف درهم وسياره لكزس في سنتها
بيور جير أنتاج دي كي ابيض عمره بكر بيع بـ 300 الف
الطيور المهجنه القانصه وتجمع السبق والحجم واللون والفعل أسعارها مابين 50 و 150 الف درهم
وسلامتكم



بيض الله وجهك يابو رداد

هذا الكلام حتى ما تظلم الطيور الطيبه وتعطى حقها وزياده

واكرر شكري وتقديري لك،،،

أخوك / بدر العرادي

[راعي جالود]

حيـاك الله يا بدر

موضوع جميل وطرح موفق

غـلاء الطيور ( البيتيه ) هذا ما هضـمته < طبعاً كلامي وجهة نظر خاصـه

أنا مو ضد مشترى الطيور , لكن ضـد المبالغه المغالاه بـ أسعارها

بقيمة الطير البيتي اليي يقولون على 50 و70 .. لين تاصل 1000000 < على كلام أخونا بو رداد

عندنا قرانيس من شيوخ الطيور بـ الفعل .. نردف فيها على الشياهين .. وين اللي يشترون بـ الاقيام هذي.. أبد يطبون ويتخيرون فيها < دام فيها مليون :)ياخذ مع الطير هدّيه بكرتين كايفات

أخذ لي فرخ ولا خلويّ وحـش وسـرته طيّبه بـ نص القيمه اللي يقولون ولا أعلمه أحسن تعلوم

ولا تقول الطير فيه شي ولا تحاتي من الشبّـه أومن الطاروح لي وأصقـره وأدهله على كيفي

وأول الوقت أشتري له بدال الحبارى ثلاث وأعلمه علمه طيبه ولا يمكن أفك له طلق :)

وهذا كله ما يكلف 30

والمسأله مو مسألة ماديّـه لكّن حـدث العاقل بما يعقل

ومستحيل أشتري بيتي بـ الاقيـام هذي والله لو أنه ويـش !

وأسـف على الاطاله

[عـــرادي]

راعي جالود
بيض الله وجهك على تفاعلك مع موضوعي
ومع ذلك انا لا اتفق معك في عدم رغبتك عن ارتفاع سعر الطير البيتي
في نظري إن الطير البيتي هو اللي يستاهل إنك تدفع فيه الأسعار الخياله وذلك راجع لعده اسباب
بذكر لك منها :-


- إن الطير الوحش ويعتبر طير مجهول ( مجهول الفعل - الركاده - الطبايع - المطير - الصمله .... الخ
- الطير الوحش كثر فيه الغش من حيث مكان طرح الطير و من حيث اصاله الطير


- الطير البيتي تشري فعل على عينك ومن حيث الركاده والمطير الطبايع والصمله والشجاعه كلها تقدر تشوفها قبل تشري .
- الطير البيتي تأخذ الطير وتروح تلحق تلحيق
- الطير البيتي لا تشري الطير إلا في وقت النقله لأن سعره غالي ولازم تشوف كل شي بعينك .


عندك مثال بسيط بخصوص توقيع الخاص يا راعي جالود أكيد الطير يستاهل هالبيت القوي من الشعرلأنه طير طيب فعل مو طيب شكل
ولكن طيبه طلع بعد ما شفت فعله بعينك يعني طير بيتي ولا انا غلطان .


والهدف من الموضوع هو النقاش وتبادل الأراء


وتقبل كل محبتي وتقديري ،،،


أخوك / بدر العرادي

[الطبشي]

السلام
طير قرناس بيت ساسه خلوي
علومه فيه سبق الشر ارداف عقب طيور
طبعا مايركد على المركى
لون ريشته حمر
وسعره وصل 45000
وراعيه ماباعه
ويجيب الزود
الله يبارك فيه لراعيه
0000000000000000000

[روزفلت]

العلم على الشراي
فيه طيور بيعت بالاربعين والخمسين وفوق
وطيور اطيب منها بيعت بالعشرينات واادون
والسبب ان الغالي وصل لناس كاشات واللي اطيب منه وبيع بالخمسطش والعشرين لناس على قد حاله والشاري على قد حاله ولافيه من يوصل علم الطير لراعين الحسابات قبل لا يباع

[قناص الهمله]

يذكرون قرناس ثاني حمر صايد وماعليه كلام
مبيوع 78000 اللف ريال قطري

[حر جبله]

الاخوه اعضاء مكشات اولا ابدا بالسلام عليكم جميعا وان شاء الله تكونون باتم الصحه
ثانيا حبيت اشارك بوجهة نظر تخصني
بالنسبه لي اقول ان الطير البيتي من ناحيه سعره تحكمه امور كثيره كما ذكر بعض الاخوان من ناحيه الوسره واللون والطلع والسبق والطبع بشكل عام
فهذه الامور اذا اتحدت في طير وكان الشخص هاوي فاحدى امرين اما ان يكون رازقه الله سبحانه وتعالى ولا تهمه القيمه في هذه الحاله راح يدفع اي مبلغ
او انه لايستطيع فيكتفي بالمشاهده وذكر الله
وهنالك حاله تنطبق على اشخاص كثر من ضمنهم انا وهي القناعه بالطير فلو عرض اي سعر لن يتم بيعه
ودمتم بصحه وعافيه جميعا

[ملاعب الريح]

أسعد الله صباحكم بالخير والمسرات

هذا قرناس رابع ساسه بكر خلوي عاري من الريش لونه عادي

لكن طيار ما شاء الله تبارك الله

يلحق وصامل

ما يعرف الركاده

لا سمع صوت الهوا من القزاز قام يستدير عالكف وهو مبرقع :D يدور الهدد

حظرت له مهدات خياليه عقب طيور:good:

بيع العام بــ50000 وكسب راعيه وعيا يبيعه الله يبارك له فيه


ملاعب

[راعي جالود]

راعي جالود
بيض الله وجهك على تفاعلك مع موضوعي
ومع ذلك انا لا اتفق معك في عدم رغبتك عن ارتفاع سعر الطير البيتي
في نظري إن الطير البيتي هو اللي يستاهل إنك تدفع فيه الأسعار الخياله وذلك راجع لعده اسباب
بذكر لك منها :-


- إن الطير الوحش ويعتبر طير مجهول ( مجهول الفعل - الركاده - الطبايع - المطير - الصمله .... الخ
- الطير الوحش كثر فيه الغش من حيث مكان طرح الطير و من حيث اصاله الطير


- الطير البيتي تشري فعل على عينك ومن حيث الركاده والمطير الطبايع والصمله والشجاعه كلها تقدر تشوفها قبل تشري .
- الطير البيتي تأخذ الطير وتروح تلحق تلحيق
- الطير البيتي لا تشري الطير إلا في وقت النقله لأن سعره غالي ولازم تشوف كل شي بعينك .


عندك مثال بسيط بخصوص توقيع الخاص يا راعي جالود أكيد الطير يستاهل هالبيت القوي من الشعرلأنه طير طيب فعل مو طيب شكل
ولكن طيبه طلع بعد ما شفت فعله بعينك يعني طير بيتي ولا انا غلطان .


والهدف من الموضوع هو النقاش وتبادل الأراء


وتقبل كل محبتي وتقديري ،،،


أخوك / بدر العرادي

و وجهـك يا بعد راسـي

كلامك كله سليم يا بدر ومافيه أيّ شي نغالطك فيه أو أنقاشك فيه بـ خصوص البيتي

عموم مشترى الطير سواء كان بيتي ولا وحش < أنت تشرط على الرجال أنه أصيل بـ حالة إن الطير وحـش وتشرط الطلع والصيد والركاده بـ حالة البيتي

وهي عمومها توافيـق من الله بـ الحالتين يمكن يشيخ على الطيور مع أهله ولا أخذته ما يصيد معك شي

لكّن أنا كلامي كله عن البيتي بـ الاسعار الخياليّـه اللي نسـمع عنها وعموم الصقاقير
هدفهم الطير الطيب مع أعطائه حقـه ما نهضمه وأيضاً ما نبالغ بسعره نسمع عن المليون و500 ألف و300 ألف , هل يعقل هذي أقيـام طيـور الا مغالاه ولا أرضى لا ربـه ولا نفســه وبـ العكس مجرّد إن يقال طير فــلان مشتراه كــذا

نقاشي وكلامي كلــه عن المغالاه بـ أسعارها ويعلم الله إن كل كلامـك طيّب ومقنـع

وشـرفتني وأفـدتني بـ الحوار معك

وأســف على الاطـاله

[عنيد]

يعطيك العافيه يابوفهد على الموضوع والله نسمع سوالف ماندري عن صادقها وكاذبها ولاكن أذكر العضور عوق الخريش باع طيرقبل سنتين بمبلغ63 الف بيتي ثنوحمر مجاهيم

؟؟؟
ماهو المقصود

[أبو رداد]

غـلاء الطيور ( البيتيه ) هذا ما هضـمته < طبعاً كلامي وجهة نظر خاصـه

أنا مو ضد مشترى الطيور , لكن ضـد المبالغه المغالاه بـ أسعارها

بقيمة الطير البيتي اليي يقولون على 50 و70 .. لين تاصل 1000000 < على كلام أخونا بو رداد

عندنا قرانيس من شيوخ الطيور بـ الفعل .. نردف فيها على الشياهين .. وين اللي يشترون بـ الاقيام هذي.. أبد يطبون ويتخيرون فيها < دام فيها مليون :)ياخذ مع الطير هدّيه بكرتين كايفات

البيع له أسلوب والتوافيق من الله
أنت في محلك ومحد شايف فعل وجناح طيرك أكيد ماتحصل الي يدفعلك !
تعال شارة فزاع وخل طيرك يفوز أول ويكسر الوقت ........ بيع الطير علي وماأبغى سعي
غير البكرتين تذبحهن وتوزع لحمهن للفقراء والاجر لي ههههه
وسلامتك

[فهد الدقباسي]

افادوك الاخوان

[قنيص غير]

افادوك الاخوان

[راعي جالود]

البيع له أسلوب والتوافيق من الله
أنت في محلك ومحد شايف فعل وجناح طيرك أكيد ماتحصل الي يدفعلك !
تعال شارة فزاع وخل طيرك يفوز أول ويكسر الوقت ........ بيع الطير علي وماأبغى سعي
غير البكرتين تذبحهن وتوزع لحمهن للفقراء والاجر لي ههههه
وسلامتك



صحيح , التوافيـق من الله سبحانه

طيّب أنت وشلون حكمت أن محد شـايف لـ طيور فعل < المفروض اللي مثلك ما يقول هالكلام

حديثي , كله عن المغالاة بـ أسعارها لا أكثـر

وشارة فزّاع مدري وين هيّ قايله , لكن اللي أعرفه ان الطيور اللي تجيب الارقام هي الي تترب وتقضّب القـاع , : )

وماني خابر الطير اللي يقضب القااع ويجيب ارقام موفق بـ حباريه

لا طارت تذنبها ورفعها , وغدا معها أو طملت عليه وأفلــس منها


العلم الاكيـد إن ماني محتاج لـ الطيور شهود واللي أدري فيـه أني لا تواجهة معـك في محـل بـ أصــكك بـ أرداف طيّــب : )


ترا الدعـــاوي .. كلـها كومــة ريـــش , والاختــلاف لا يفسد .. لـ للود قضـيّه

[الصارم1]

الله يبارك لكم بطيوركم

[فيصل الذيب]

انا بعت طير على الامير ب60 الف وعندي طير مجهم يسام ب30الف ولابعت والمطلوب خمسين

[قلب برزان]

شريطية طيور بس !!!!!

[دعاس]

حيـاك الله يا بدر

موضوع جميل وطرح موفق

غـلاء الطيور ( البيتيه ) هذا ما هضـمته < طبعاً كلامي وجهة نظر خاصـه

أنا مو ضد مشترى الطيور , لكن ضـد المبالغه المغالاه بـ أسعارها

بقيمة الطير البيتي اليي يقولون على 50 و70 .. لين تاصل 1000000 < على كلام أخونا بو رداد

عندنا قرانيس من شيوخ الطيور بـ الفعل .. نردف فيها على الشياهين .. وين اللي يشترون بـ الاقيام هذي.. أبد يطبون ويتخيرون فيها < دام فيها مليون :)ياخذ مع الطير هدّيه بكرتين كايفات

أخذ لي فرخ ولا خلويّ وحـش وسـرته طيّبه بـ نص القيمه اللي يقولون ولا أعلمه أحسن تعلوم

ولا تقول الطير فيه شي ولا تحاتي من الشبّـه أومن الطاروح لي وأصقـره وأدهله على كيفي

وأول الوقت أشتري له بدال الحبارى ثلاث وأعلمه علمه طيبه ولا يمكن أفك له طلق :)

وهذا كله ما يكلف 30

والمسأله مو مسألة ماديّـه لكّن حـدث العاقل بما يعقل

ومستحيل أشتري بيتي بـ الاقيـام هذي والله لو أنه ويـش !

وأسـف على الاطاله


السلام اخوي ’’ابو فهد يقول عن الاسعار’’وانا اقول لك لو هالكلام ضبط معك وتعلم الطير وصاد وصار به سبق فارط وجاب قيمته ضعف الضعف *5 وبعته بقيمه طيبه هذا المقصد’’وترجع للحاجه والاحتياج
ومن ناحية البيع باسعار طيبه
اذكر عبد السلام باع طير ب63000
وطير الدرع سمعت بيع ب80000
ورسول المطيري شرى طيره شداد ب55000وسومه100000وشرى فرخ العام صايد وسبوق ب50000
وقبل حوالي 17 سنه بيع طير من عندنا بالشمال من باني الفهيقي لاحد الشيوخ ب50000والطير مغتر وسبوق وكانت ال50000حين ذلك تحكي ممكن عن 100000هالحين
والقيام هاذي كلها ترجع لقوة الماده عند الشاري
ورزق للبايع
وتقبل مروري


http://www.mekshat.com/pix/upload04/images172/mk163402_20100309-٠٠١.jpg

[طير الهقاوي]

سيم عندي طير واحد بالغالي ولا استحقر طيور الي جت عندي
سيم سلطان مني 50 الف ريال وحديته 60 الف والله كتبله بيعه
صخن الطير وشراه احد زملااي ومعنا متواجد في المنتدا
خذاه بعشرين
بعد من الوحوش باقيام غاليه جداا فوق الميه
واما البيتيات في بحر العشرين الى الخمسه والعشرين
منهااا كاش ومنهاا يجي كاش وعهاا طير
وبعت طير اسمه فراج وخذاه احد شيوخ الخليج بخمسين الف
والطير لولد عمي
هذا الي يحضرني الحين
تقبل مروري

[راعى شاهين]

و وجهـك يا بعد راسـي

كلامك كله سليم يا بدر ومافيه أيّ شي نغالطك فيه أو أنقاشك فيه بـ خصوص البيتي

عموم مشترى الطير سواء كان بيتي ولا وحش < أنت تشرط على الرجال أنه أصيل بـ حالة إن الطير وحـش وتشرط الطلع والصيد والركاده بـ حالة البيتي

وهي عمومها توافيـق من الله بـ الحالتين يمكن يشيخ على الطيور مع أهله ولا أخذته ما يصيد معك شي

لكّن أنا كلامي كله عن البيتي بـ الاسعار الخياليّـه اللي نسـمع عنها وعموم الصقاقير
هدفهم الطير الطيب مع أعطائه حقـه ما نهضمه وأيضاً ما نبالغ بسعره نسمع عن المليون و500 ألف و300 ألف , هل يعقل هذي أقيـام طيـور الا مغالاه ولا أرضى لا ربـه ولا نفســه وبـ العكس مجرّد إن يقال طير فــلان مشتراه كــذا

نقاشي وكلامي كلــه عن المغالاه بـ أسعارها ويعلم الله إن كل كلامـك طيّب ومقنـع

وشـرفتني وأفـدتني بـ الحوار معك

وأســف على الاطـاله الطير السبوق الفارط البيتى يعادل قيمت الوحش يمكن ازود لان الوحش مشرى على انه سبوق يمكن يطلع تلاب يمكن يطلع مافيه صمله اما البيتى فسبقه مشيوف ومعروف عليه ارجال شهود ........ اقل شى احسن من الناقه الى سعرها مليون وهى لاتطربك لابسبق ولاصيد بس ان برطمه ياصل ركبته هذا الى ماينقبل معليش خرجنا عن الموضوع بس شى مايقبله العقل

[a1Ruwais]

يعطيك العافية على الموضوع

[راعي طلاع]

انا بعت طير بيتي مغتر وفاعل على الشيوخ ب 50000 الف ريال قبل سنتين
والبيتي الطيب ماله قيمه لان فعله قدام العين والطيب ياخذ حقه

[ملاعب الريح]

ابوفهد كانك تقصد البيتي وليس الوحش انا شفت بيعات كثيره عندنا بمنطقة القصيم مدينه بريدة سجل عندك

انباع طير باعة بوخلف على الملاح بي 55 الف
انباع طير باعة الفوزان على القنيبط بي 60 الف
انباع طير باعة عبدالسلام الشريدة على الدويش بي63 الف
انباع طير باعة احمد الدرع على القنيبط بي 70 الف
هذي طيور بيتيه انباعت عندنا ببريدة العام وقبل العام وكلها بيتيه والوانها عاديه

تقبل مروري




صبحك الله بالخير أخوي دهام

عذراً عالمداخله بس عندي سؤال لاهنت

الطير اللي عند الملاح بـ55000 هو اللي كان (بكر) مع الصقار عبدالعزيز الحسن بالرياض؟


ملاعب الريح

[صاحب نوماس]

انا سمعت عن طير بيتي حمر صافي على مااعتقد 17*17 علية 70000 سبعين الف

[عـــرادي]

بيض الله وجيهكم ورحم الله والديكم

وننتظر باقي الأعضاء

عرادي

[بحرة حوشان]

موضوعك اخوي عرادي اذا ابي اخوض فيه راح انتشعب فيه
فيه طيورعاديه يسوولها اعلام وتطبيل اكبر من حجمها وتنباع بأسعار خرافيه
وفيه طيور فعلها لو اني ابي اتكلم عنها اكيد راح يقول البعض انت (تبالغ)
وبيعت بأسعار عاديه.

والطير الزين يستاهل القيمه الزينه