عندي مشكلة أثناء تعبية البنزين

[Makaveli]

السلام عليكم ورحمة الله وبركاته

ياأخوان عندي مشكلة وتظهر واضحة أثناء تعبية البنزين تحس السيارة تترج شوية شوية إلين تزيد مع الإحساس بهزات كأنها نفثات الشكمان ’ وبعدها تطفي
أكتشفتها بالصدفة لما نسيت أطفي السيارة أثناء تعبية البنزين
البنشري قال (البخاخات) وأعطاني دوى صبه في النزين وطبعا كان يستهبل ولقيلة زبون وأنا أهلي كانو معايا وبغيت أي شي يردني البيت بس
وخوي البنشري في الحي قال طرمبة بنزين

هل المشكلة صحيحة منجد ولا يستهبلوا

أنا معايا كاديلاك 2005

كم يكلفني طرمبة بنزين للسيارة ؟؟؟؟

[الحزوبر]

مهو ضروري يكون طرمبه انا معي فتك 2009 جديد وعبيته مره وهو شغال وبغى يطفى الظاهر انه هوى في التانكي.

[فهد راعي البر]

طرمبة البنزين هي السبب
الحق عليها وغيرها ونظف التانكي بسرعة
يمكن تطفي عليك فجأءة وانت متدري
حصل معنا بكذا سيارة
وتكلفك مع الفك وتركيب وشراء طرمبة وكالة اصلي
بحدود500
لأن تركيبها صعب شوي داخل التانكي
ولا تروح والتانكي مليان حاول تروح والتانك فية اقل من الربع
والله يستر عليك
والله اعلم

[مساءك خير]

بقول لك ما حصل معي

سيارتي جديده موديل 2010

عبيت في محطه في رماح وانا رايح للرياض

وما كملت القيمه ريالين الا والسيااااااره تطفي

وقالت هذا مكاني..ادق ادق ادق ما فيه فايده

دقيت على الشرطه ورد عسكري غبي شكل راعي المحطه يقرب له

قلت له صار معي كيت وكيت وكيت وياليت ترسلون لي دوريه تشوف الوضع

وقلت له اسم المحطه.. المهم شفت ما منه فاايده وقلت حسبي الله وقفلت بوجهه

واقعد شوي. وادق سلف والله وتشتغل السياره..قعدت تتفتت شوي وبعدين صفت

واروح لمحطه كبيره وقلت عبي فل اترس التاانكي...وكل ما شفت محطه عبيت التانكي فل

الشاهد والزبده من كلامي

لا تعبي مستقبلا الا من محطات مشهوره ومعروفه مثل الادريس والمحطات اللي عليها سوق وزحمه ..المحطات الصغيره يغشون في البنزين

وفر فرارك من الاسد من المحطات الصغيره