. . . @ مطلوب لقحات وضح @ . . .

[العون]

السلام عليكم ورحمة الله وبركاته ...



الأخوة المكشاتية الأعزاء ..



أسعد الله أوقاتكم بالمسرات ..



مثل ما كتب بالعنوان ..



مطلوب عدد 2 لقحات وضح




بشرط أن يكونن :




1 ـ سليمات ..


2 ـ هاديات ..


3 ـ أمهات ثاني أو ثالث ..


4 ـ موقعهن في منطقة القصيم أو ماجاورها..


5 ـ حليبهن يجمل الوجه عند الضيوف ..


6 ـ تكون ولادتهن من شهر 10 إلى شهر 12 ..


7 ـ أن لا يتعدى السعر 30.000 ريال ..



واللي يحصل المطلوب له سعي 1000 ريال ..



بانتظار العروض ..


دمتم بخير وعافية ...

[الحربي77]

الله يرزقك فيهن

[راعي طلاع]

موجود لقحتين عفر لكن السعر ان كان قصدك للجميع 30 فالله يرزقك
وان كان قصدك ان الوحده ما تعدى 30 فاتصل بي 0533353872 ابومحمد الموقع طريق رماح

[العون]

الله يرزقك فيهن


جزاك الله خير ... ورحم الله والديك ..

[العون]

موجود لقحتين عفر لكن السعر ان كان قصدك للجميع 30 فالله يرزقك
وان كان قصدك ان الوحده ما تعدى 30 فاتصل بي 0533353872 ابومحمد الموقع طريق رماح



بيض الله وجهك أخوي راعي طلاع وما قصرت .. والله يبارك لك في مالك وحلالك ..
والـ 30 قصدي لهن كلهن ..

[طويق00]

عندي لك لقحه مهيب فاطر ولا ظني انها ام ثاني الله العالم انها يام ثالث او رابع ..راس زين وجرم لاباس به ورقبة تعانجها..باقي شروطك ماقدر اشرط لك فيها شي لاني توني شاريها ولكن اعتزت وابي ابيعها ...والموقع الرياض. ان كان ودك بها وتجرب حظك في الهداوة والحليب فانا بياع وان كانك تدور شي مشرووط فالله يرزقك اللي في خاطرك.×

[عيون الذيب1]

الله يرزقك باللي تتمنى


عندي لك لقحه صفرا اشرط لك حليب وهداوه وطبع زين

وعندي بعد لقحات عففر طيبات بس ماهي بالاقيام ذي وبعد شبب ماهن كبار

[راعي طلاع]

عندي لقحه اللي في بطنها ثاني عفرا عندي لها قعود مفرود كفو
انتاجها طيب عمرها وافي وراسها وسط ولقحتن على بعيرن
طيب ولدن لرمان وهذا رقمي والله يكتب لنا ولك الخير 0533353872

[العون]

عندي لك لقحه مهيب فاطر ولا ظني انها ام ثاني الله العالم انها يام ثالث او رابع ..راس زين وجرم لاباس به ورقبة تعانجها..باقي شروطك ماقدر اشرط لك فيها شي لاني توني شاريها ولكن اعتزت وابي ابيعها ...والموقع الرياض. ان كان ودك بها وتجرب حظك في الهداوة والحليب فانا بياع وان كانك تدور شي مشرووط فالله يرزقك اللي في خاطرك.×


بيض الله وجهك أخوي طويق ...
والله ياخوي ودي أشري شي وأنا مرتاح يعني من واحد خابر الناقة ويعرفها زين ..

شاكر لك عرضك ..

دمت بود ..

[العون]

الله يرزقك باللي تتمنى


عندي لك لقحه صفرا اشرط لك حليب وهداوه وطبع زين

وعندي بعد لقحات عففر طيبات بس ماهي بالاقيام ذي وبعد شبب ماهن كبار


الله يحرم وجهك على النار أخوي عيون الذيب 1 ووالديك ومن يقرأ ...

والله خاطري بالوضح مع حبي للصفر .. بس تعرف وأنا أخوك اللي خاطره بالشي ما يهجاه غيره ..

شاكر لك عرضك الطيب ..

دمت بعافية ..

[العون]

عندي لقحه اللي في بطنها ثاني عفرا عندي لها قعود مفرود كفو
انتاجها طيب عمرها وافي وراسها وسط ولقحتن على بعيرن
طيب ولدن لرمان وهذا رقمي والله يكتب لنا ولك الخير 0533353872

أخوي راعي طلاع بيض الله وجهك سيتم الاتصال في وقت مناسب ..