المساعد الشخصي الرقمي

مشاهدة النسخة كاملة : كنعد xxxl


بنيللي
05/06/2005, 01:05 PM
إخواني أعضاء المنتدى وخاصة هواة الصفحة البحرية والمهتمين بالبحر .
أهديكم صورة الكنعد xxxl والتي تم إصطيادها فيمنطقة الجليعة الكويتية ، وكان الصيد بطريقة التشخيط حيث تم اخراج الكنعد بعد ساعة ونصف ويصل وزنها 73 كجم وكان وقت الشتاء حيث الجو كان قارس البرودة .
الحقيقة الكويت ما فيها صيد زايد ولكن فيها أحجام مو طبيعية من الأسماك (big game ) .
في الصورة يظهر الشيخ / فيصل الصباح
فهل من متحدي

http://www.mekshat.com/pix/upload/images8/mk2374_111.jpg
MARINE
05/06/2005, 01:14 PM
السلام عليكم ورحمة الله وبركاته

ما شاء الله تبارك الله والله عيني مو مصدقتني

هذا كنعد والا ديناصور ما شاء الله على شيوخكم فيه صقارة ونواخذه بعد

في اي سنه تم اصطياد هذه الكنعده

وهل في احد يقدر يتحدى بعد الصورة هذي

اخوي بنللي مشكور ويعطيك الف عافيه

تحياتي لك

MARINE
gulfhunter
05/06/2005, 01:23 PM
السلام عليكم ورحمة الله وبركاته

حياك الله أخوي بنيلي ...... ماشاء الله وش هالصيد عزالله انه الصيد الطيب ...... اللي يطيب الخاطر..... هذي موكنعده هذي جودره........ والجودر يطلق على الكنعد الكبير....... تستاهلون الصيد...

وبالنسبه إلى التحدي ...... والله مافكرنا فيه من قبل ..... وبالنسبه لطلعاتنا نعرف وين نصيد فيه ..... وإذا الله كتب لنا عمر ...... بتشوف شي يطربك ويطرب اخواني في الخيمه :)

GULFHUNTER
بنيللي
05/06/2005, 01:23 PM
أخي marine :

لا بالله صدق عيونك .
الصورة هذي كانت الشتوية الماضية شهر يناير 2005 وكنا طالعين على فالنا إمودين اليخت من الكويت الى منطقة الخيران وصدناها على طريقنا .
بنيللي
05/06/2005, 01:27 PM
أخي gulfhunter :

تستاهل الطيب وطاب خاطرك ان شاء الله . والتحدي تراها مزحه لا تاخذها جد أهم شي ان الانسان ينبسط بالطلعات حتى ولو انه ما صاد شي المهم راحت البال وسعت الصدر والخوة الطيبة .
gulfhunter
05/06/2005, 01:32 PM
أخوي بنيلى

انا أشهد أن الواحد بينبصط بعد هذا الصيد..... مثلك عارف الصعب يطرب..... ويرضي النفس.....واصعب ماعلى الأنسان أرضاء نفسه........

GULFHUNTER
مشتاق البحر
05/06/2005, 01:48 PM
السلام عليكم ورحمة الله و بركاته
مشاء الله و تبارك الله
حياك الله يا اخي بنيللي الله يبارك لك ويحفظكم من كل شر وانتم تتعاملون مع هذه الاسماك الكبيرة الحجم
كشات
05/06/2005, 05:16 PM
بسم الله الرحمن الرحيم

السلام عليكم ورحمة الله وبركاته

ماشاء الله تبارك الله
وش هالكنعده اخوي بنيللي

على ماعرف يسمون الاحجام الكبيره (جوادر) او (تشوادر)

بصراحه صوره يفز لها القلب
واسمح لي باخذ الصوره وبرسلها لواحد من الشباب مهبول كنعد

الف شكر اخ بنيللي
رسلان
05/06/2005, 06:18 PM
ماشاء الله تبارك الله ...
هذه السمكة تصلح مفطح :)
مشكور اخوي على الصورة الحلوة ...
والتحدي يبدو صعب ...
لكن لا تتحدى الاخوان بالخيمة لابكره نشوف مصورين حوت أزرق :)
عافاكم الله ...
SRDAL
06/06/2005, 08:37 AM
السلام عليكم ورحمة الله وبركاته ...

بسم الله ماشاء الله عليكم بصراحه جودره بحجم XXXXXXL يعني بصراحه ماعمري شفت جودره بهالحجم انا

اخبر الجوادر اذا انفخت صدره يعني تصل الى 25 نقول 30 نقول 40 هذا التوب مو ماشاء الله 73 .

اخوي بنيللي تخيل انك صايده بالمسدس يعني ايش بتسوي فيك هذي تتوقع ... شكلها بتمشورك .

تحياتي لك اخوي .

اخوك / بونواف
gulfhunter
06/06/2005, 09:11 AM
السلام عليكم ورحمة الله وبركاته

هلابك بونواف........ وش ناوي عليه............ :eek:

GULFHUNTER
SRDAL
06/06/2005, 09:16 AM
السلام عليكم ورحمة الله وبركاته ...

والله مو ناوي على شي بس الرجال ودنا يغوص عندنا في السعوديه وهو لقاله الى بيجيبه عندنا :d

تحياتي لك .

بونواف
بنيللي
06/06/2005, 09:47 AM
الحقيقة يا بو نواف لو أشوفها بالماء ومعي مسدسي بصراحة ما أجازف وأرميها على طول لأ وأنا أخوك الأفضل انك تكون رابط السهم أو المسدس في بويه ( كرة نفخ ) وتحط لها حبل 15 متر ويفضل يكون من النوع إلي يطفو على الماء وتضربها على الراس ( بعد ما يحتاج أعلمك ) وتتركها لمن تموت بهدوء .
وإلا بتعافر انا معاها بالماء لأ والله ما فيني شده على هالحجم والصج ينقال .
وتسلم.
gulfhunter
06/06/2005, 09:52 AM
السلام عليكم ورحمة الله وبركاته

الله يصبحك بالخير أخوي بنيلي ............ زين إذا تجي على المعافر........ قول توديك خمس كيلو معاها :eek:

GULFHUNTER
SRDAL
06/06/2005, 09:54 AM
السلام عليكم ورحمة الله وبركاته ...

والله بصراحه معاك حق اخوي بنيللي هذي يبي لها طريق التوث بيك زمعاه طفاحات وضربه بالراس وياله تسلم .

srdal
FaHoOoDy23
06/06/2005, 01:01 PM
مشا الله لا الاه الله والله خوش جنعد و الصراحه حجي عجيب والله و كفو والله كفو اخوي خالد كثر من هالمواضيع الطيبه و من هالصيد الطيب و يعطيك الف عافيه
بوكنعد
10/06/2005, 01:19 AM
مشالله لا اله الا الله هذا اكيد اكبر جنعدة انصادت بالكويت لان الرقم القياسي كان 60 كيلو وانت اشهر من نار على علم عندنا بالكويت واذا ماجبتها عيل من يجيبها مشالله مشالله مشالله لا اله الا الله مابي اجيبك وحدة
الا اذا تسمحلي ممكن تقولي شنو كان الميرور وجزاك الله خير
sam
10/06/2005, 01:47 AM
مشالله مشالله مشالله شنو هذا ويـــــــــــــــــــــــــــه كل هذا مطلعينه من البحر هذا دينصور مو جنعده مشالله

عيني عليكم بارده والله يهنيكم بصيدكم وعليكم بستين مليون عافيه وعساكم على القوه

بس سؤال اي ميرور هذا اللي مطلع هالجنعده ؟!!
بنيللي
11/06/2005, 01:21 PM
هلا بخوي بو كنعد وخوي sam :تقريبا سؤالكم واحد والاجابة عليه ميرور لونه وردي وأخضر وأبيض وحجمه متوسط وعلى فكرة تراني ما لي شغل بالتشخيط بس كنت مع الشيخ فيصل وكنت متفرج والميرور ينباع عند المنار إلي بالسيف .
المحتسب
20/06/2005, 11:04 AM
تسلم أخوي على الصورة
بحور
25/06/2005, 05:34 AM
ما شاء الله تبارك الله .. حجم عائلي.
تحياتي.
عاشق القنص
29/06/2005, 01:05 AM
انا اتحدى................
kinG MARLIN
05/07/2005, 11:51 AM
بسم الله الرحمن الرحيم

السلام عليكم ورحمة الله وبركاته

مشاء الله تبارك الله والله سمكه وحش فعلا .

بس اخ بنيللي عندي كم سؤال الصوره هذي في نفس اللحظه الي طلعتو فيها الجيدره لان شكلها قديم بقوه وكان لها في السوق 6 شهور

وبعدين نفسي اصدقك لان هذي من شكلها واذا قارنت المسافه بين الشخص الي خلفها وبين قربها من الكاميرا تقول ان طلها امكن الى متر و80 سم يعني نقول امكن فيها وزن بالكثير بالكثير مع احترامي لكم 32 كيلو

لا تزعل مني اذا ما اقتنعت لاكن اثبتلي ولا تلومني اذا ما صدقتك لانك تقول وزن في السبعينات عن كنعده . :no2:
بنيللي
06/07/2005, 08:56 AM
الحقيقة ماني عارف إشلون أرد عليك king marlin :
ولكن المثل يقول ( إلي ما يعرفك ما يثمنك )والظاهر إنك انت إلي شاري لي السمكة من السوق وإلي حددت مدة ستة شهور الظاهر انك بتقول وين الخطوط إلي عليها وبرد عليك. تراني مسحتها .
يمكن كانت لك نظره دقيقه من المسافة بين السمكة وصاحب الصورة ولكن يجب ان تدقق أكثر ان الشخص في يخت وليس في المارينا او في البيت لكي يبعد مسافة أكبر لأ وبشرك تراهو واقف على عتبت الكبينه ومرتفع شوي.
والوزن إلي قلته يمكن يشيله واحد مثلك هذا إذا قدرت وكان ممكن تدقق على الحمالة إلي فيها الميزان ولكن مع الأسف غير ظاهرة في الصورة ولكن إلي يعرف حمالة الميزان يعرفها من العلاق .
وأخيرا انا غير ملزم إني أقنعك او أخليك تصدق فهذا الشيئ راجع لك .
kinG MARLIN
06/07/2005, 11:51 AM
اخي وصديقي وحبيبي بنيللي

السلام عليكم ورحمة الله وبركاته

ياخي توقعت انك بتزعل مره من الكلام الي كتبته لاكن انت ثقه انشاء الله وصور الصبيطيات ( موضوع سابق )تدل اني اكلم واحد مو اي واحد

( بس لاحظ عيون السمكه ) معليك من الخطوط

وشوف عندك صور الكناعد الي طلعوها اغلب الشباب في الممنتدى اذا لقيت وحده عينها مزغلله ابشر بالحق .

مع العلم ان اغلب الشباب الي طلعوا الكناعد يطلعونها قدام معظم الاعضاء وقت الحداق مثل ابو احمد البحريني الي نزل صوره الشباب ومثل راعي المدات ومثل الموج العالي ومثل باقي الشباب .

تبغاني اصدقك خلنا نطلع نحدق سواء وشبكني في را قصدي وعرفني في راعي الكنعده وانا بصدقك .

بس جد والله ليش عيونها مزغلله كذا

ولا تزعل الكلام ذا ما ينقص من حقك بشي انت اشهر من نار على علم في المنتدى بي اسئل الرجال ليش عيونها مزغلله

ومن ناحية الوزن باين انها بليه وانتو ابخص .

الكلام من باب قول الي في القلب علشان نبعده.

جزاك الله يا اخوي البنيللي طريقة ردك كبرتك في عيني .
بنيللي
06/07/2005, 12:49 PM
أخي king marlin :

أشكرك على الرد --- في الحقيقة بدايتا أخذت في خاطري لأنك كأنك تظهري وكأني أكذب في المنتدى ولكني انا كنت معاهم في هذي الصيده .وإذا تبي تعرف راعي الصورة وإلي هو صايدها فهو الشيخ / فيصل الصباح وراح أسأله إذا سمح أعطيك رقمه والشي راجع له .
على العموم يا الغالي إذا صدقتني فأهلا وسهلا وحنا ما نشتري من السوق إلا الزبيدي ومو خالد الفجي إلي يشتري ويصور تراني ماني جديد في البحر .وإذا بتجي وتطلع معاي البحر وتجرب حظك فحياك الله في الأرياق(المنصات النفطية )وراح تعرف الأحجام الغير طبيعية .
ودمتم،،،
MARINE
06/07/2005, 08:14 PM
السلام عليكم ورحمة الله وبركاته

بعد اذن اخوي بنللي

صحيح ان الموضوع لا يعنيني ولكن بصراحه

ياخي العزيز king marlin بصراحه هذا اسلوب مؤثر في القلب ولا يحق لاي شخص

ان يتهم الاخرين بشئ هو لايعرفه وهاهو بنللي قالك عن كل شئ

تحياتي واعتذاري الشديد اذا بدر منش شئ غلط

MARINE
الموج العالي
06/07/2005, 11:08 PM
بسم الله الرحمن الرحيم

مشاء الله تبارك الله كنعده على كيف كيفك والله صيده غير متوقعه وتستاهلون .

يا شباب يا شباب هدو اللعب هي سمكه وطلعة والرجال ما قصر عرضها والله يجزاه خير ويعطيه الف عافيه بس انتها الموضوع ولا تكبرونه الرجال king marlin قال الي في خاطره لاخوه بنللي والبنللي رد عليه وبين له ان كل شيء صحيح لانه كان موجود ويظهرلي والله اعلم انه يفكر اللبنلي ما كان موجود وقت الصيده وقاله انه كان موجود لا وانتهى الكلام بقلوب طيبه لا وشكلهم بيتفقون في طلعه لمحادق كلام كبير .
والله يعطيك العافيه يا ابو خالد كلامك في الصميم بس الرجال على نياته والي في قلبه على لسانه ( والله اعلم )

انهو الموضوع واذكركم بقول الله ( انما المؤمنون اخوه )

المهم بنيللي عندي كم من سؤال

_ وش نوع السناره من حيث الشكل _ والصناعه _ والطول والكاستنق
_ الخيط كم مقاسه والسيم
_ والمكينه كم رقمها ووش نوعها اذا تقدر تقولي .

والله يعطيك العافيه يا خالد .

للمعلوميه يا king marlin انت مسوي تعرفني وانا ما اعرفك ممكن تعرفنا بحظرتك
ثانيا على طاري العين ترى السمكه مع كبرها في السن ممكن تتغير عن الي نخبر خاصه اغلب صيدنا كناعد صغيره ما بين 6 كيلو و 24 كيلو تخمين والله اعلم .
kinG MARLIN
09/07/2005, 07:57 AM
الله يعطيك العافيه يالبنيللي

خلاص قدام حدد الموعد وانشاله بنطلع مثلها لا واكبر كمان

بس مثل ما عزمتني لازم اعزمك انا كمان على طلعه

تحياتي لك وما عاش من يكذبك.

الموج العالي كيف حالك يا ابو عبد الرحمن انا ماجد الحمد .

ولا نسيتنا خلاص .
بنيللي
09/07/2005, 01:15 PM
الأخ marine :
أشكرك على المداخلة وهذا إن دل يدل على أخلاقك العالية .

الاخ الموج العالي :

تسلم يا الغالي على المداخلة وكما قلت بقوله تعالى ( إنما المؤمنون إخوة ) والإختلاف في الرأي لا يفسد للود قضية .
على طاري الماكينة ياخوي تراني ما أفهم بالتشخيط ولا جربته من قبل ولكن راح اقول لك إلي شفته بالضبط الماكينة عبارة عن جهاز يعمل على الكهرباء والبطارية 12 فولت ac - dc قيمتها بالدينار الكويتي 600 دينار صناعة يابانية ولكن ما يحضرني نوعها او إسمها حيث تقوم الماكينة بالسحب حسب حجم السمكة وتفل الخيط بالبحر ويظهر على الشاشة كم فليت وكم سحبت - بالعربي يا الموج العالي إجلس وإضحك على السمكة ولا إتعب حالك والقصبة حجمها قصير إلي لاحظته إنها أقصر من غيرها ماركة penn إذا ما خاب ظني والخيط كان حجمة 90 ملم .
أرجو إني قد وفقت في ردي على سؤالك .
kinG MARLIN
10/07/2005, 11:53 AM
الله يعطيكم العافيه

بنيللي انت شكلك زعلت مره وحده

تدري لو الي طلعها اي واحد من الشباب الي يعزون علي وفيه فخاطري الكلام الي قلته ولا لاقوله لهم

يعني لا تاخذ الموضوع على انه شخصي ابدا

بعدين كلنا في مكشات على قلب واحد والمفروض تحسنون فيني النيه انت وابو خالد

والكلام اخذ وعطا

والطلعه معد ابغا اطلع معك خير شر

انت تبي تطلع معي انت وابو خالد حياكم الله واسعد فرصه

الموج العالي كيف حالك

انت حداق لك خبرتك في البحر كيف تقول ان السمكه اذا كبرة ممكن تزغلل عيونها

اذا ما تطلع عينها مثل التيل ولا ما ينفع

بنيللي

ياخي وين متعة الصيد اذا كانت المكينه كهربائيه ( هذي وجهة نظري )

الله يعطيكم العافية .
MARINE
10/07/2005, 02:39 PM
السلام عليكم ورحمة الله وبركاته

اخي king marlin كيف حالك ان شاء الله بخير

بالنسبة لعين السمكه صدقني 100% انها ذبلانه يااخي لكل اجل كتاب وهذي السمكه شكلها كبير جداجدا

تخيل انك كبير في السن عيونك ماراح تصير كذا

وايضا بالنسبة للعين هناك موضوع لي بعنوان سبطبط السبيطي اللي في الصورة عينه الاخرى مثل عين الكنعده تمام

وهو كبير في الحجم مع تحياتي لك ولكل حداقة الدمام

MARINE
kinG MARLIN
11/07/2005, 07:32 AM
الله يعطيك العافيه يا مارين

انت الان كفيت ووفيت واي واحد بيقول شي بقوله على طول ردك

لان البنيللي مارد وبين لي زي كذا ان السمك اذا كبر يتغير سبحان الله مع ان له خبرته

اجل كلامك في السليم يالموج العالي ظلمتك

الله يعطيك العافيه يا مارين

بيض الله وجهك يالبنيللي

بنشتاقلك يا الموج العالي