أفيدوني هل أسجل سيارتي في برنامج ضمان تويوتا

[نديم القمر]

السلام عليكم ورحمة الله وبركاته

أخواني أنا شريت لاند كروزر gxr 2006 والسيارة ما شاء الله ممشاها قليل مره

ومحتار هل أدخلها ضمن برنامج الضمان عند عبد اللطيف جميل

أو أني اصينها بنفسي يعني عند ورش خارج الوكالة طبعا الصيانة اللي اقصدها مثل تغيير الزيوت والفلاتر

وغيرها


مع العلم ان السيارة خليجية

ارجو إفادتي ولكم جزيل الشكر والعرفان

[بو خليفه]

لا تشترك في تويوتا لان السيارة ستتلف عليك بسبب الصيانة وبرنامج الضمان عند عبداللطيف جميل عيبه صيانة و تسويق قطع و همهم تسويق القطع والسيارة عندك نظيفة لا تحتاج الى صيانة سوى صيانة بسيطة وانت بنفسك تسويها عند اي ورشة

اقول خل الصيانة بيدك افضل لتحافظ على السيارة الجيب صيانته واضحة تحتاج تبديل جميع الزيوت و تشييك السيور واهواز فقط لا تحتاج الى اكثر من كذ

[قناص خلاوي]

لو كنت مكانك
ماسجلتها ولا شي
الصيانة الضرورية معروفة ويصلحها الواحد بيده أو بأي ورشه
ماله داعي زود مصاريف وكذب وكالات غيرنا وصلحنا وبدلنا وهم يكذبون
الا من رحم الله

[نديم القمر]

بو خليفة

قناص خلاوي

الله يجزاكم خير على النصيحة اللي راح أخذ بها إن شاء الله

وما ندم من استشار

تحياتي لكم

[faris2006]

لاتدخلها انت سولها صيانة فيه مراكز افضل من ابو جميل

[نديم القمر]

مشكور أخوي فارس على النصيحة

الله يعطيك العافية

[شمالات نجد]

لو انا مكانك ما اسجلها

السيارة بسيطة وكل شي فيها واضح ليش نسوي مثل المرسدس والبي ام :)

وفقك الله

سلام

[moooj]

الله يعطيك خيره ويكفيك شره وجعله مدخال خير وبركة عليك
الموتر سمح وما يحتاج صيانة واجد غير القطع الأستهلاكية وكلن يسوي له صيانة
هذي الوكالة بالذات اكبر حرامية ولا تستبعد يورطونك يوم من الأيام في مصاريف انت في غنى عنها
شيك الموتر كامل في احسن ورشة تعرفها او يدلونك الأخوان عليها من تغيير زيوت وفلاتر وتصفية مكينة اذا احتاج
وغيرها مابه الا العافية ان شاء الله
الله يوفقك

[البرفسر]

مبروك ماشاء الله


الله يطعمك من خيره ويكفيك شره

[درباس فرناس]

مشكلة صيانة الوكالة أنه مايسمح لك أن تدخل تشوف سيارتك أثناء الصيانة يعني كأنك في غرفة عمليات ماتدري أيش يطلع لك ولد وإلا بنت ..........
ولذك نسمع والعهدة على الراوي أن البعض قاموا بإدخال سياراتهم في صيانة الوكلاء وطلبت منهم الوكالة مبالغ باهضة بالصيانة وعند التوجه لأقرب ورشة أبو هنود انصدموا بأن الخراب بسيط جدا ولا يستحق كل هذه المبالغ
وميزة الوكالة هي إن كانت السيارة تحت الضمان فتستفيد من ضمانهم ولكن المصيبة هو الشرط الظالم الذي لم يكن يوضع من قبل وهو اشتراط أنه كل خمسة الاف كيلو لابد أنك تمر عليهم حتى يقوموا بلهط مبلغ وقدره وهذا يجعلك تحس بالقهر لأنك تطلع كأنك مستأجر سيارة من كثرة ما تبلعه الوكالات بسبب هذه المبالغ بدعوى أن الضمان لا يكون ساري الا باشتراط صيانة الخمسة الاف كيلو حسبنا الله ونعم الوكيل عليهم

[ترهيم]

السلام عليكم ,,,

انا مانصحك تدخلها الضمان خسارة الفلوس ولا رايح يزيدك شيئ..
السيارة تحتاج كل فتره لقطع استهلاكيه غيرها كل فتره وانتهينا ارخص واوفر وانت تشوف قدامك ..
اما صيانة تيوتا في الوقت الراهن اصبحت ترويج للقطع اكثر من ان تكون صيانة.
نجي لموضوع القطع وما ادراك مالقطع الان اغلب قطع التيوتا الوكالة صينية وانا لاحضتها في اكثر من سيارة احد الزملاء جابلي سياره من نوع (برادو) فيه طقه بالرفرف وماكان وده بالسمكره اشترى رفرف جديد من (عبداللطيف جميل) الرفرف ياجماعه يختلف اختلاف جذري عن الرفرف الموجود بالسابق من جميع النواحي الجودة مافيه كانه تنكة تمر خفيف حتي لما طابقناه اختلف مكان المسامير مايطبق بنفس المكان لازم يتخرم الرفرف من جديد عشان يطبق صح . والامثله كثيره ..

[نديم القمر]

اخواني جزاكم الله خير كلن باسمه

وإن شاء الله ما يندم واحد استشار مثل هالوجيه الغانمة

حفظكم المولى من كل مكروه

[راكب الشفر]

موترك يالحبيب موديله 2006 والحين حنا ب2010
والصيانة الدورية ما تستاهل انك تدخلها في ضمان أبوجميل

راس مالها كل 40 ألف او 50 ألف تغير الزيت القير والبواجي والفلاتر حقت الهواء والبنزين وغيرها
وزيت الدفرنس والسير كل 100 ألف

وريح بالك
بلاوكالة بلا مرمطة