استفسار عن صلاحية الطعم ؟؟

[asdali]

السلام عليكم ورحمة الله وبركاته

عندي في الثلاجة طعم خثاق له اكثر من شهر لما كان جديد كان السمك ينقد (ينتش) عليه بقوة وبعد مرور شهر اللي هو الليلة ما نقد معي ابد .!

فهل الطعم القديم ماينفع يعني في كل طلعة يبغالي امر السوق واشتري خثاق !!؟
كيف اعرف ان الطعم ما عاد ينفع قبل ما روح للصيد ؟

والله يجزاكم خير

[k.h.a.l.e.d]

اول شئ حياك الله
ثانيا .. معروف ان كل ما كان اللعف جديد كل ما كان الصيد افضل .. بس مو معناه انك محا تصيد باللعف القديم .. لان الصيد ارزاق .. بعض الاحيان يكون معاك احلى لعف بس ماتصيد ..و يكون بجانبك واحد لعفو تعبان بس يصيد..

[كنعد]

غييير صحيح

لو كان طعمك في الثلاجة سنة كاملة تقدر تصيد فية عاااااادي جدا

ولاكن انت لما رحت البحر ما كان في سمك

بلعكس الخثاق الخايس ممتاز اذا تبيعة علي انا شراي خخخخخخخ

لا تقط طعم ابد اذا بقا رجعة معاك البيت وحطة بالثلاجة

حتى الربيان لو صارت ريحتة خايسة ممتاز لصيد ,, اذكر كنت اصيد شعوم والربيان الي عندي ريحتة كررريهة جداً اصقعتة الشمس ايلين خاااس

وكن اصيد عادي


بس هذي الايام الصيد ضعيف انتظر الى نهاية شهر 8

والله يوفقنا وياك

[accentkool]

نعم الطعم الخايس صيدة اجود من الطعم الجديد وانا مع اخوي الكنعد تبيع انا شراي وكل ماكان قديم زاد سعرة ههههههههههه

[SNIPER07]

هلا و غلا
الله يعطيك العافيه على هالموضوع يا غالي
الطعم الطازج افضل بكثر من القديم
الطعم القديم يعتمد على طريقة التخزين و اليك الطريقة
اول ما تشري الخثاق او الربيان عرض على الشمس حتى يجف صح تنزل مويته و بعدها ضع عليه ملح خش 10كيلو تقريباً2.5ريال ،،، و بعدها على التجميد ،، يظل معاك الطعم اكثر من سنتين بالراحه و اذا جبت جديد جفف و على القديم ، و كل طلعه خذ اللي يكفيك و الباقي رجعه حتى لونه لا يتغير و بخصوص الربيان نفس الطريقة لكن انزع راسه و سلامتك
أن شاء الله اكون وفقة بنقل المعلومه
جرب و شف النتيجه ،،، تحياتي

[asdali]

الله يجزاكم خير جميع المعنى واضح الطعم يبقى صالح مهما قدم واحيانا القديم افضل

طيب الشهور اللي يكثر بها السمك ويقل ايش هي بالميلادي ؟

وبالنسبة لايام الشهر القمري اي الايام يكون فيها السك انشط واكثر او اقل عشان الواحد يحسب طلعته صح ؟

وتسلمون على المساعدة

[كنعد]

من نص شهر رمضان

يعني من 15 / 9 شهر رمضان الى شهر 2 هذا الصيد فية ممتاز

يعني خلينا نقول الاشهر هم ( 9 - 10 -11 -12 -1- 2)

هذي بنسبة لي افضل اشهر الصيد الهجرية

[صيادالشرقيه66]

وعليكم السلام ورحمة الله وبركاته
انا اوافق اخوي كنعد واخوي اكسنت كول في الراي
والله يوفق الجميع لما يحبه ويرضاه

[نبض الحياه]

ماشاء الله الخوان ما قصرو واعطوك كل الفكر