ابوناصر السهلي
03/07/2010, 01:24 AM
هب البراد وشاقني شوفت الخير=واردم سحابه قبلتن في سماها
يالله بوسمن ينثر الما شخاتير=يسقي الفياض ويروي الخد ماها
برقه يضوي في الجبال المشاهير=يسريبه الي غادين في خلاها
وسط المزون سيوف هندن بواتير=تعاقب الانوار يملك فضاها
لرعد يهز القاع هز الطوابير=صوته يدوي كالمدافع صداها
يسقي الجزيره من تبوكن مزابير=لسفل عسير ومايمره سقاها
سيلن حدور يحرر القشع تحرير=يحي النفود وخير ربي ملاها
خمسين ليلن صبه الله مجارير=يقنعبه الي واردن في ضماها
عقبه تشوف الخد ينبت مزاهير=ربله ورقروقن تزايد حلاها
وتربع الذيدان صفرن معاشير=في صيهدن لعل ربي يحماها
سيقت مجاهيمن تقافا مغاتير=وهذي تقود الذود ربي عطاها
ثم يفرح الصقارفي هدة الطير=والكل منهم زايدن في شراها
تجهزواهل القنص للمشاوير=مع طلعة النور المبكرنداها
نركب على اللي يطوي الخد بالسير=جكسن جديد ولايهمك عناها
يم الشمال وطالبين المداوير=خربن يدوج والحباري شعاها
هذي مداريجن وهذي معابير=وهذي هريبن مالحقنا مداها
يطرب لها القرناس لاطارت عصير=طير سبوقن ولايكوده طواها
عينه تشوف الطلع ماهمه مغير=يرقى سنود وطلعته ماثناها
بين المراتب واقفن كنه الزير=سم ذحاح ولايدور سواها
فشحة كراعه كنه اللي على بير=وعينه تقادح من شرارة سطاها
اسود اصيل ولايوصف على جير=ولاعلموه اهل المزارع غثاها
معلم المقناص يومنه صغير=وسط الجبال اللي يسرك لقاها
حرن ينومس لاقنصنا مذايير=يشهدله اللي لحقو من وراها
من عقبها نارد دلالن مباهير=حكرت على نارن يضوي سناها
تجمعو ربعن نشامى مناعير=ربع تسوق الطيب سلمت يداها
تمت وصلى الله على سيد الخير=محمد اللي قام بامره وهداها
الشاعر / ناصر السهلي
يالله بوسمن ينثر الما شخاتير=يسقي الفياض ويروي الخد ماها
برقه يضوي في الجبال المشاهير=يسريبه الي غادين في خلاها
وسط المزون سيوف هندن بواتير=تعاقب الانوار يملك فضاها
لرعد يهز القاع هز الطوابير=صوته يدوي كالمدافع صداها
يسقي الجزيره من تبوكن مزابير=لسفل عسير ومايمره سقاها
سيلن حدور يحرر القشع تحرير=يحي النفود وخير ربي ملاها
خمسين ليلن صبه الله مجارير=يقنعبه الي واردن في ضماها
عقبه تشوف الخد ينبت مزاهير=ربله ورقروقن تزايد حلاها
وتربع الذيدان صفرن معاشير=في صيهدن لعل ربي يحماها
سيقت مجاهيمن تقافا مغاتير=وهذي تقود الذود ربي عطاها
ثم يفرح الصقارفي هدة الطير=والكل منهم زايدن في شراها
تجهزواهل القنص للمشاوير=مع طلعة النور المبكرنداها
نركب على اللي يطوي الخد بالسير=جكسن جديد ولايهمك عناها
يم الشمال وطالبين المداوير=خربن يدوج والحباري شعاها
هذي مداريجن وهذي معابير=وهذي هريبن مالحقنا مداها
يطرب لها القرناس لاطارت عصير=طير سبوقن ولايكوده طواها
عينه تشوف الطلع ماهمه مغير=يرقى سنود وطلعته ماثناها
بين المراتب واقفن كنه الزير=سم ذحاح ولايدور سواها
فشحة كراعه كنه اللي على بير=وعينه تقادح من شرارة سطاها
اسود اصيل ولايوصف على جير=ولاعلموه اهل المزارع غثاها
معلم المقناص يومنه صغير=وسط الجبال اللي يسرك لقاها
حرن ينومس لاقنصنا مذايير=يشهدله اللي لحقو من وراها
من عقبها نارد دلالن مباهير=حكرت على نارن يضوي سناها
تجمعو ربعن نشامى مناعير=ربع تسوق الطيب سلمت يداها
تمت وصلى الله على سيد الخير=محمد اللي قام بامره وهداها
الشاعر / ناصر السهلي