ناوى اشترى اغراض للعزبه والكشته واتمنى المشوره

[الحارثى محمد]

بسم الله الرحمن الرحيم
السلام عليكم
ناوى اشترى طقم ادوات منزليه للكشته من نوعية الغضاره واتمنى تدلونى على افضل انواعها من حيث بلد الصناعه
ومن هوا وكيلها بالمملكه

http://www.mekshat.com/pix/upload03/images101/mk23101_p1040693.jpg

http://www.up.qatarw.com/get-8-2009-ebie1o29.jpg

[ن م ر]

لا أنصح باستخدام الأواني الغضار في البر والمكاشيت لأنها قد تنكسر و تصدأ وتتشوه بسرعه
ولا تتحمل الكرف

مع العلم أن طعم الشاهي في ابريق الغضار له نكهه لا تضاهيها نكهه



بالنسبة لأفضل الأنواع هي وارد : سعد حباب الجبر وهي متوفره في محلات الأواني حول المملكة




الاخوان لديهم المزيد ............. وبالتوفيق

[اصيل نجد]

صباح الخير اخوي قناص البروق بالنسبه للغضار مانصحك فيه ابدا لعزبه البر كلام خوينا ن م ر صح ميه بالميه احب اضيف انه بالنسبه لعده الشاهي والقهوه لاتعدى البريق الهندي المعدن ابو تاج الاصلي بس لاتنسى تربط غطاه بسلسله مع اليد حقه علشان مايظيع بين المعاميل او بالبر رخيص وطعم الشاهي فيه غير شكل والدله عليك بدله رسلان ستيل وبالنسبه للقدور حقت الطبخ عليك بالقدور الستيل المعدن لايقربك لاان فيه ماده تحل مع الاكل الله يكفينا الشر واذا لك رغبه بقدور الضغط عليك بالسب الفرنسي مامون بعد امان الله وسعره معقول وقطع غيار متوفر بكل محل بس غير ايده باللامنيوم والغطاء الدائري اللي فوق غطاء القدر صحيح اللامنيوم يجيب حراره لكن عملي مايكسر مثل البلاستك وبالنسبه للحراره ماكثر الله غير البيزه واحرص علي القدور المتوسطه يعني ثمانيه لتر او عشره لتر لاتاخذ صغير لاان الكبير يخدمكم لصرتوا اثنين اوصرتوا عشره طبعا كل كلامي هذا وجهه نظر خاصه ونشاء الله الشباب يفدونك اكثر اصحاب الخبره الطويله حفظك الله .