استفسار بخصوص التغذيه المثاليه للابل

[bedroo]

السلام عليكم ورحمة الله وبركاته

بصراحه هو مو موضوع هو استفسار ونبغى نستفيد منكم وخاصه اهل الخبره

واللي يمر على الموضوع يستفيد

انا عندي 3 لقحات وابغى اعرف الطريقه المثاليه لتعليفها

هل الرودس لحاله يكفي انا بصراحه حطيت عندهم الرودس واحيانا اجيب لي كم بلكة برسيم يحلون فيها

ونوب اجيب لهم خبز بس ماأكثر وعندي راعي سوداني يقول جب لهم ملح خشن

وبعد ابسألكم عن الخلفات ابغى برنامج كويس امشي عليه للتعليف ان شاء الله

وخاصه ان الابل عندي في شبكها ماتطلع ترعى

شاكر ومقدر لكم اسهاماتكم ومواضيعكم وردودكم اللي استفاد منها الكثير سواء من الاعضاء او من الزوار :good2:

[محمد الظاهري]

وعليكم السلام ورحمه الله وبركاته
الله يباركلك في حلالك
وانا اخوك تقول البل في الشبك ما تطلع تفلي
خل البل تمشي ولو ما تحصل شي
وثاني شي طريقه اللقحات
انت عندك 3 تكفي بلكه

واما الخلفات لزم تاكل اكثر عشان انها خلفه وتبي نظام مستمر

وقت الغدا للبل الساعه 8الصباح حط بلكه للبل الخلفات واللقحات خلها سوى
والعشا الساعه خمس
واسمع قبل لا تحط العشا ء
دخل الخلفات في الشبك
اذا كانت ثلاثه
وعطها نص بلكه
واذا خلصت
حط العشا وخلها تتعشى سؤى

واسمع اذا تحط خيشه خبوز
ومثلان عندك 8 من الابل
حط خيشه وعلقيين شعير
يعني سطلين مثل سطل البويه

ارجو ان وفقت في هذا
واسئل الله ان يوفقك

[bedroo]

الله يجزاك خير ويعطيك العافيه على هالمعلومات الطيبه

ماقصرت يالغالي وكثر الله من امثالك

[عميد سامودة]

القصب والبرسيم والحب ,,, ابعد عن المركز والنخاله لا تكثر وابعد عن التبن

[راعي الطياحه]

السلام وعليكم وش لونك اخوي اذا صليت العصر طلعهاشوي خلها تلقط من العشب اشوي ولااذاماطلعتها ترى تبي تتنفخ تيوسها واذا جت الساعه خمس حط الها نص كيس الشعير واذا خلصت من الشعير حطلاها رودس ولاتكثر ولاتعطيها برسيم عشانه يطر في وبرتها وان كانك تبي تعطيه شي اذا خلصت من الرودس لاتعطيها الا تمر ولاتكثر حط صطل وتراه يضر الخلفات يخليها تصعد وتقبل مروري وترا ماسوينا الا الواجب والله لايضرها مشكور

[ابوحمد 2009]

ان شااء الله افدووك الاخوان

[bedroo]

الف شكر لكل من مر على الموضوع

معلوماتكم طيبه

الله يعطيكم العافيه

واي شخص عنده اضافه ياليت يفيدنا

ماتقصرون