((( الحر)))
06/06/2005, 03:27 PM
الشاعر ابراهيم ابونيان من شعراء الفيضه بالسر وهو من اهل القنص والمكاشيت.. ..كانت له هذه القصيده خلال رحلته العام الماضي للصمان مع اثنين من الربع ....
على الله توكــلـنا نهـــار الخــمـيس اثنـــــين = بشهر اثنعش من عام خمسه وعشــريــني
معي ربعــي الـلي ما يقـولون زيـن وشـــين = معي لوبغــيت لثلج الاســـكا تخـــاويــــــنـي
رجال ٍ على الـنخـوه وقـطع الخـلا ضاريـــن = على الدين والمله والاخلاق رابـــيـــنــــــي
معـي مسنـدي وقت الشـدايد ووقـت اللـــيـن = سليــمان ابوراكــــان شــوفه يســـــلـــينـي
والقرم عبدالله جـــمع بين خـــلـق وديـــن = خـوي ٍعـلى يمــناي احــطه ويشـــفــــينــي
على شاص ٍاشهب خطه احمرعلى الجنبيـن = موديله على المطلوب سبعه وتسعــــينـــي
غرض راعي البران مركب وشــكل ٍ زيــــن = عسى الله يحفظه من هل الحسِدوالعـينـــــي
ركبنــا وللصــمان مع صحــبتي نــــاويــــن = نبي شــوفة فــياض ٍلها الناس مطرينــــي
طلعنا من العارض على رمـاح بالســيـديــن = وعلى خـط شـويه حـزة عصير ماشينــــي
عـن الخــط ميـلـنـّا يســار ٍ يجــي ميــلــيــن= وفي عرق جلوى غيبت الشمس ممسيـني
سمــرنا وسـولفنا على الـنار مبســوطـــيـن = ونمـنا بخـير وطـلعـت الـفجرصـاحــينــــي
اخـذنا مـن الـدله عـلى الريـق فنجــــالـــيـن = بعد ما فــرغـنا واحمـد الله مـصلــيــنــــــي
وبه سكـري واخـلاص تحتار بالـنوعـــيـــن = وعلى كبدة الهرفي فـطور ٍ على الدينـــــي
وحزة طلوع الشمس من عرقنا مـاشـــيـــن = وصـوب الرفــيعه ديــرة مطـير نــاوينـــي
اخذنا بها جــوله وما حــولها عجــــلـــيـــن = وشـــرينا لـوازمـــنا ورحــنا مقـفـــــينــي
تشــاورت انا والربـع نـبدا المسيرمـنــيــن = وقالـوا شمـــــال الخـط به مـوقـع ٍ زيــنـي
على القارمن خبراء دغيّم على رقمــــيــــن = شمـال ٍ وشـرق وفـي دقـــائق يقـديــــنــي
وصلنا لها والــيا المكاشــــيت منـتــثريـــن = خضـار ٍ بـها يشـدي خضـار البســاتيـنـــي
طبخنا غدانا والفــرح بالوجـــيه يبــــــيـــن = تحت سدرها والروض ريحـــه يداويــنـي
وعلى الجمرشاهينا ضبطناه مرتاحــــيــــن = حمــاره بوســـط الكـاس دم الشــرايـــيني
مشينا من الموقع بضغــــطه على زريــــن = بالاسهم لخــبراء الحاج عجـل ٍ يـوديـــنـي
قضينا بها ليله على النار مجتمـــعــــــيـــن = ونمنا وشفنا الصبـــح ما يعـــجب العــيني
على النارصفــراً بنّها خالطه رنـــقيــــــــن = مع الزعـفران الهـيل ويصــب فالصــــيني
وبعد ماقضـــينا مفـطرين ٍومتـقــــهـويــــن = علــى مـوقـع ٍ ثـاني عـدلـنا النـيــا شـيني
نبي روضـــة الخمـّة بها يلتــقي الدربــــين = ومنهـا طلـعـنا صـوب روضة محـيجــينـي
وجينـا لجـو رواق وافيــاضه الثنـــــتيـــــن = وشـفـنا فـياض ٍ بايــسـر الخـــط ويمـيني
وخبراء كحــيلـيلة ونـورة تسّـر العــــيــــن = مع الشمس ريح الروض مثل الرياحــيني
وصلنـا لبســـتان ٍ مـسّـور ولـه بابـــــيــــن = ربيـــعه وانـا جـالـس خطــيرٍ يغــطيـــنــي
اذا قلت بالصــــــــمان بستان قالوا ويـــــن = اباقـــول حســناء السـبق واخـذ البراهيني
اخــذنا ثـلاث أيـــام في برنـا سالــــــيــــــن = نجـوب الفـيافي بين روضـــة وثنـتـيـــني
مشــينا شمال ٍ شرق للصـلب متــــعديـــــن = وجانا خــبر باق ٍ عــلى العــيد يومـــينـي
عدلنا المـسير وســـكة الغانمـين يمـــيــــن = وعلى قـريـه العـليا تمـــيل المــوازيـــــني
وجـــينا اللصـــافة مالقــــــينا بها بنزيــــن = وقلــنا المـــقـيـّر ياهــل الـدار مـن ويـــني
على ام الشفلـّح قالـــواامشوا لها ذلحيـــن = بها القـار والجـوال والمــاء وبـــــنزيــنـي
ومنها على الشـيـّط بها يلـتـقي خطـــــــين = وخـــط النعــــيرية يســـارك وسيـديـــــني
وجينا النعيريه ضحى والبشر لاهــــيـــــن = بها مهــرجــان العــيد والنــاس فـرحـيني
ومنها على الصراّرنبـي الطريق الزيـــــن = وقضــبنا الســريع ويــم اهـــلنا مغــيريني
وجينا الرياض وربعي اللي معي فرحيـــن = وانا مـاشـي ٍ للســر فـــي يــوم الاثـنـيـني
واذا موجز الرحـــلة شرحناه في بــيتيـــن = وصلـوّا على الهـادي إمـــام المـصلـــيـني
الشاعر/ ابراهيم بن عبدالرحمن ابونيان... الفيضه بالسر
على الله توكــلـنا نهـــار الخــمـيس اثنـــــين = بشهر اثنعش من عام خمسه وعشــريــني
معي ربعــي الـلي ما يقـولون زيـن وشـــين = معي لوبغــيت لثلج الاســـكا تخـــاويــــــنـي
رجال ٍ على الـنخـوه وقـطع الخـلا ضاريـــن = على الدين والمله والاخلاق رابـــيـــنــــــي
معـي مسنـدي وقت الشـدايد ووقـت اللـــيـن = سليــمان ابوراكــــان شــوفه يســـــلـــينـي
والقرم عبدالله جـــمع بين خـــلـق وديـــن = خـوي ٍعـلى يمــناي احــطه ويشـــفــــينــي
على شاص ٍاشهب خطه احمرعلى الجنبيـن = موديله على المطلوب سبعه وتسعــــينـــي
غرض راعي البران مركب وشــكل ٍ زيــــن = عسى الله يحفظه من هل الحسِدوالعـينـــــي
ركبنــا وللصــمان مع صحــبتي نــــاويــــن = نبي شــوفة فــياض ٍلها الناس مطرينــــي
طلعنا من العارض على رمـاح بالســيـديــن = وعلى خـط شـويه حـزة عصير ماشينــــي
عـن الخــط ميـلـنـّا يســار ٍ يجــي ميــلــيــن= وفي عرق جلوى غيبت الشمس ممسيـني
سمــرنا وسـولفنا على الـنار مبســوطـــيـن = ونمـنا بخـير وطـلعـت الـفجرصـاحــينــــي
اخـذنا مـن الـدله عـلى الريـق فنجــــالـــيـن = بعد ما فــرغـنا واحمـد الله مـصلــيــنــــــي
وبه سكـري واخـلاص تحتار بالـنوعـــيـــن = وعلى كبدة الهرفي فـطور ٍ على الدينـــــي
وحزة طلوع الشمس من عرقنا مـاشـــيـــن = وصـوب الرفــيعه ديــرة مطـير نــاوينـــي
اخذنا بها جــوله وما حــولها عجــــلـــيـــن = وشـــرينا لـوازمـــنا ورحــنا مقـفـــــينــي
تشــاورت انا والربـع نـبدا المسيرمـنــيــن = وقالـوا شمـــــال الخـط به مـوقـع ٍ زيــنـي
على القارمن خبراء دغيّم على رقمــــيــــن = شمـال ٍ وشـرق وفـي دقـــائق يقـديــــنــي
وصلنا لها والــيا المكاشــــيت منـتــثريـــن = خضـار ٍ بـها يشـدي خضـار البســاتيـنـــي
طبخنا غدانا والفــرح بالوجـــيه يبــــــيـــن = تحت سدرها والروض ريحـــه يداويــنـي
وعلى الجمرشاهينا ضبطناه مرتاحــــيــــن = حمــاره بوســـط الكـاس دم الشــرايـــيني
مشينا من الموقع بضغــــطه على زريــــن = بالاسهم لخــبراء الحاج عجـل ٍ يـوديـــنـي
قضينا بها ليله على النار مجتمـــعــــــيـــن = ونمنا وشفنا الصبـــح ما يعـــجب العــيني
على النارصفــراً بنّها خالطه رنـــقيــــــــن = مع الزعـفران الهـيل ويصــب فالصــــيني
وبعد ماقضـــينا مفـطرين ٍومتـقــــهـويــــن = علــى مـوقـع ٍ ثـاني عـدلـنا النـيــا شـيني
نبي روضـــة الخمـّة بها يلتــقي الدربــــين = ومنهـا طلـعـنا صـوب روضة محـيجــينـي
وجينـا لجـو رواق وافيــاضه الثنـــــتيـــــن = وشـفـنا فـياض ٍ بايــسـر الخـــط ويمـيني
وخبراء كحــيلـيلة ونـورة تسّـر العــــيــــن = مع الشمس ريح الروض مثل الرياحــيني
وصلنـا لبســـتان ٍ مـسّـور ولـه بابـــــيــــن = ربيـــعه وانـا جـالـس خطــيرٍ يغــطيـــنــي
اذا قلت بالصــــــــمان بستان قالوا ويـــــن = اباقـــول حســناء السـبق واخـذ البراهيني
اخــذنا ثـلاث أيـــام في برنـا سالــــــيــــــن = نجـوب الفـيافي بين روضـــة وثنـتـيـــني
مشــينا شمال ٍ شرق للصـلب متــــعديـــــن = وجانا خــبر باق ٍ عــلى العــيد يومـــينـي
عدلنا المـسير وســـكة الغانمـين يمـــيــــن = وعلى قـريـه العـليا تمـــيل المــوازيـــــني
وجـــينا اللصـــافة مالقــــــينا بها بنزيــــن = وقلــنا المـــقـيـّر ياهــل الـدار مـن ويـــني
على ام الشفلـّح قالـــواامشوا لها ذلحيـــن = بها القـار والجـوال والمــاء وبـــــنزيــنـي
ومنها على الشـيـّط بها يلـتـقي خطـــــــين = وخـــط النعــــيرية يســـارك وسيـديـــــني
وجينا النعيريه ضحى والبشر لاهــــيـــــن = بها مهــرجــان العــيد والنــاس فـرحـيني
ومنها على الصراّرنبـي الطريق الزيـــــن = وقضــبنا الســريع ويــم اهـــلنا مغــيريني
وجينا الرياض وربعي اللي معي فرحيـــن = وانا مـاشـي ٍ للســر فـــي يــوم الاثـنـيـني
واذا موجز الرحـــلة شرحناه في بــيتيـــن = وصلـوّا على الهـادي إمـــام المـصلـــيـني
الشاعر/ ابراهيم بن عبدالرحمن ابونيان... الفيضه بالسر