عندما يتفق اثنان في كل شئ، فأحدهما زائد لاضرورة له ... أبـو عـقـاب

[منصور بن محمد]

بسم الله الرحمن الرحيم
السلام عليكم ورحمة الله وبركاته
صبحكم الله بالخير يالربع


عندي موضوع اليوم
ودي ان نتبادل به خبراتكم وتجاربكم
مع وزن الطير بالهدد والدعو .


طبعاً اغلبكم يعرف نفسيت طيره بالهدد وطلبه


ويعرف طيره ويعرف متى يرفع او ينزل الوزن !


هل مقاس الطير ، مرتبط مع وزنه ؟


كيف تظبط الوزن صح !
هل تعتمد على نفسيت الطير وطلبه !
أو ... تعتمد على مقاس الطير وتقارن مع وزنه !



ام توجد خلطات ذهنيه تنبؤيه بحكر الوزن المطلوب :rolleyes:
بإنتظاركم ...


عندما يتفق اثنان في كل شئ ، فأحدهما زائد لاضرورة له :)
أرجـوا من بعض الاعضاء اللذين دائماً
يقولون ..
أفادك فلان
أن لا يقولوها
... لآنها تكسب الموضوع
شئ من الخمول :)
تعمدت أن اضع هذه الحكمه عنوانً
واعتذر منكم


أخـوكـم
أبـو عـقـاب
إن كدرت بالي تصاريف الايام ... روحت في جو (ن) من الناس خالي

[سعود السهلي]

الله لا يهينك على الموضوع الطيب


وانا عن نفسي اعتمد على نفسيت الطير وحاجته

ومثل ماقال شايب العضو جاسم الوسمي الله يطول بعمره اذا مابرد جسمك جر على الطير واذا برد جسمك اكرم الطير

وبصراحه انا عندي طير خلاني اضيع الله يبارك فيه ضغيف صنيع مريض هاد هاد

وسامحني كاني قصرت بالاجابه

ولاهنت

[حر جبله]

الاخ ابوعقاب اسعد الله مسائك ومساء الاخوان الاعضاء بكل خير
للمشاركه في موضوعك وليس من باب الدرايه الكافيه اكيد فيه من هو اعلم مني في المنتدى بكثير لكن حبيت ابين ان من اهم الامور في وزن الطير جثالته (يعني مقاسه)فلو كان الطير تام مثلا بيكون وزن الهدد له من الالف وطالع واذا كان اقل بيقل الشي هذا وحسب مارأيت في طيور كثيره ان الطول والعرض في الطير ومجس الطير لها السيطره العظمى على وزنه لكن فيه طيور تسمى هداده وهذه قليله فهي تهد حتى لو كانت صنيعه ووزنها مرتفع عن المعتاد عن مايشبهها من الطيور الاخرى ولها شراهه في الهدد او حتى بعد ماتعشى تجدها تطلب
ولكن الاول والاخير كل صقار بيعرف نفسيه طيره بدون وزن
وشكرا

[راعي لا حاق]

الاخ ابو عقاب مسيك بالخبر
اما بنسبة وزن الطير هذي ما عرفناها الا في الوقت هذا ولا من قبل مافيه وزن الصقار يوزن طيره على نفسية الطير وعلى عدة هدد بمجرد مجس الطير ودعوه واطياره اما ماذكر الاخوان ان فيه اطيور تهد وهي على عده نعم صحيح انا مر علي طير من اندر الطيور يهد وهو متعشي اذكر اني هديته على حباري وهو على صدره علف
واكثر مايحرصون على الميزان اهل الجيره والتفاريخ
اتمنى اني فدتك واعذرني على الاطاله

[راعي طلاع]

طبعاً اغلبكم يعرف نفسيت طيره بالهدد وطلبه


ويعرف طيره ويعرف متى يرفع او ينزل الوزن !


هل مقاس الطير ، مرتبط مع وزنه ؟


كيف تظبط الوزن صح !
هل تعتمد على نفسيت الطير وطلبه !
أو ... تعتمد على مقاس الطير وتقارن مع وزنه !



ام توجد خلطات ذهنيه تنبؤيه بحكر الوزن المطلوب :rolleyes:
بإنتظاركم ...


عندما يتفق اثنان في كل شئ ، فأحدهما زائد لاضرورة له :)
أرجـوا من بعض الاعضاء اللذين دائماً
يقولون ..
أفادك فلان
أن لا يقولوها
... لآنها تكسب الموضوع
شئ من الخمول :)
تعمدت أن اضع هذه الحكمه عنوان

يامرحبا ومسهلا يا بوعقاب وش العلوم وانا اخوك من ناحية هالاسئله الجوهريه بنجاوب بعرفي البسيط ويالله تعين من ناحية مقاس الطير مرتبط مع الوزن فهذا شي اكيد الطير كل ما زاد طوله وعرضه زاد وزنه مثل
اي كائن اخر والعكس الصحيح.
من ناحية ضبط الوزن اذا شفت مهدات طيرك طيبه فأنت تحاول ما تزيد على الطير بالعلف وتقيس وزنه
ان كان شفته وزنه ثبت اليوم وبكره وبعده فخلك على هالوزنه سواء حمامه كامله او نص حمامه.
من ناحية نفسية الطير اكيد فالطير الصنيع ماهوب طالبن الصيده الجزله لانه صنيع ويدري ان فيها
مداوس وشل ابوك حط ابوك لكن اذا كانت نفسيته طيبه بيطلب الصيده ويهد عليها لانه يدري انها عشاه
وان راحت مابه عشى وهذي مزيج بين نفسية الطير ومقاسه ووزنه كلها مكمله لبعض.
من ناحية التنبؤات ما لي علمن بها الا ان كان تقصد من وجه طيرك او شي من هالقبيل يمكن يعرفها
بعض الصقاره.
احب اشير الى نقطه فالاخير ان الجير اوالتفريخ بالاصح هو من يحتاج الميزان دائما لانه حساس من
ناحية الوزن فعند النقص البسيط يتضح على الطير وتظهر عليه بعض الامور مثل الطق والنزاره والصياح
وغيرها اما الاصيل فيعرف من ناحية المجس وهو مجس الطير لان الزياده البسيطه اوالنقص البسيط
ما يضره .
امل في الختام اني قدمت ماهو مفيد وان اصبت فمن الله وان اخطات فمن نفسي واسف عالاطاله
روعتنا يابو عقاب من الحكمه خليتنا نكتب غصب والله يعطيك العافيه تفبل مروري.

[فيصل الدشاش]

يفيـدونك الاخوان ..

[قنيص غير]

يفيـدونك الاخوان

[حمد العذبي]

عليكم السلام ورحمة الله وبركاته

حي الله ابو عقاب

اتكلم عن نفسي طال عمرك واقول ماعمري استخدمت الميزان او الفيتامينات

والسبب اني اعلى يقين بأن الطير متى ما افتك في الملوع والامراض وشفت وجهه صافي ونفسيته زينه اعرف انه ان شاء الله بيصيدوبيهد
ثاني شي اعتقد ان الصقار بيعرف وزنه طيره وبيعرف نفسه من خلال تعامله معه ودعوه له
والصقار بعد المقيض لازم يجهز الطير من كل النواحي مثل
1- فحص الطير وخلوه من الامراض
2-الشناذره بعد الفحص ويريح في مكان بارد
3- الدعو والياقة وزن عده الطير
4- وهذا مهم يجب المحافظة على الطير من الملوع في بدايه الموسم وخصوصاً الي مقيضها ربط
5-لا تجهد الطير بدايه الدعو يجب ان يكون الدعو على مراحل

والباقي يعرفونها الصقاقير وانت من خلال طرحك يبين النك صقار وماهر

[بو غازي]

وعليكم السلام ورحمه الله وبركاته
صباح النور يابو عقاب
نفسية الطير ميزان الصفري خل الطير محتاج ولاجات المربعانية اكرم الطير وتوكل على الله:)

[skeet]

سؤال للاخ سعود السهلي عن العضو جاسم الوسمي اشوف صورته بالتوقيع شباب صغير مو شايب اسمحلي على المداخله اخوي سعود

[صاحب نوماس]

اكيد يابو عقاب على نفسبة الطير بعض الطيور مايلحق الا وهو صنيع وبعضها لازم تقصر علية شوي على شان يلحق

[دلوع الهوى]

رحم اللة والديهم الاخوان جميع ماقصرا ولهم بياض الوية

[ربع خالي]

بسم الله الرحمن الرحيم

السلام عليكم ورحمة الله وبركاته
وعليك السلام ورحمة الله وبركاته
صبحكم الله بالخير يالربع


عندي موضوع اليوم
ودي ان نتبادل به خبراتكم وتجاربكم
مع وزن الطير بالهدد والدعو .
أبشر يالغالي والله يقدرنا على أسألتك
طبعاً اغلبكم يعرف نفسيت طيره بالهدد وطلبه


ويعرف طيره ويعرف متى يرفع او ينزل الوزن !
أكيد يالغالي
هل مقاس الطير ، مرتبط مع وزنه ؟
بكل تأكيد , الطير اللي مقاسه 18يفرق وزنه عن مقاس 16
كيف تظبط الوزن صح !
هل تعتمد على نفسيت الطير وطلبه !
أو ... تعتمد على مقاس الطير وتقارن مع وزنه !
على قولتك يعتمد على نفسية الطير وطلبه ولكن بشرط يكون وزنه يقدر يرفع جسمه برهو , لأن اغلب الطيور تطلب الصيده وهي ضعيفه ولكن ماتعطيك المطلوب منها في الصيد ,,


ام توجد خلطات ذهنيه تنبؤيه بحكر الوزن المطلوب :rolleyes:
هذي مافهمت وش تقصد فيها ولكني بجاوبك على مافهمتها
الصقاره ماهي وزن وتوجيب ودهال وبس . الصقاره إحساس وتخاطب النفوس بينك وبين طيرك
بإنتظاركم ...


عندما يتفق اثنان في كل شئ ، فأحدهما زائد لاضرورة له :)
أرجـوا من بعض الاعضاء اللذين دائماً
يقولون ..
أفادك فلان
أن لا يقولوها
... لآنها تكسب الموضوع
شئ من الخمول :)
تعمدت أن اضع هذه الحكمه عنوانً
واعتذر منكم


أخـوكـم
أبـو عـقـاب

إن كدرت بالي تصاريف الايام ... روحت في جو (ن) من الناس خالي


وأخيرا تسلم يالغاالي على هذا الطرح , موضوع مهم ,,,

تقبل مروري
تحياتي

[راعي جالود]

يا مرحبا يا بو عقاب

يعطيك العافيه على الموضوع الجميل

فيـه من نظري نقـاط أساسيـّـه يجب تطبقيها دام الطيـر معي وجاهز لـ المقناص

1 - ان الجو لا صار زين معتدل أنزل الطير شي بسيط وأجرّ عليـه

2- لا برّد الجوّ ودخلت المربعانيـه لا بـ الله أرفعه لكّن بـ أعتدال مو الرفعـه اللي تفسق الطير أخليه صنّعـه طيّبه

والطيـور تختلف بـ أطبوعها .. ؟

عندنا طير الله يستر عليـه لاشـاف هد بـ جميع حالاته ويطرب ما شاء الله عليه تبارك الرحمن

وبـ نفس الوقـت فيـه طير معنا قبل ,, أن رفعناه شي بسيــط فسـق وأن نزلناه ما أطربـك وودك ترميه بـ فشقـه

وثبتناه على وزن أبد كل يووم والميزان فـ السياره نوّزن وعليه مهدّات عالميه ما شاء الله بس تحكم وزنــه بـ الملي بـ الميزان

والله يعطيك العافيــه وأسـف على الاطــأله

[طير الهقاوي]

ماقصرو الشباب الله لايهينك على هل موضوع

[قناص الهمله]

يفيدزنك الاخوان

[سعود السهلي]

سؤال للاخ سعود السهلي عن العضو جاسم الوسمي اشوف صورته بالتوقيع شباب صغير مو شايب اسمحلي على المداخله اخوي سعود


صحيح شباب ماهو شايب

وسامحني على السؤال ممكن اعرف ليش سئلت

ولاهنت

[راعي غضبان]

ماقصروا الاخوان في الصفري لازم انك تنزل فيه لين يستهد وترفعه شوي والطيور ماهي سواء فيه الي في الصفري والى في غيره لازم على وزنه معينه وان زدت في وونه تغير ولا هد وفيه السنافي الي عطه ويعطيك والله يكثر من هذه الفصيله وفيه الطير الفساق لو يزود شي بسيط تنكر وخلا صيدته وشر ذنيباه والله يوفقنا وياك ومشكورررررررررررررر

[منصور بن محمد]

بيض الله وجيهكم كلن بسمه
ماقصرتوا

[الطبشي]

حي الله اخوي
با النسبه لي
وطريقتي بكشف نفس الطير
اول شي كل ماصار الطير حارعلى العلفه
اعرف ان الطير ان شاء الله بيطربك
وبا النسبه لوزن الطير
اتوقع على حجمه
وكل ما شفت نفس الطير حلوه
خذت وزنه

والله يعطيك العافيه
00000000000000

[بحرة حوشان]

هذا طيري ( شليويح) من الطيور النادره بالفعل الطير مقاسه 16.5ب16,5 ويمكن يقصر يموت بالحبارى ويهد وهو مغلق من الصنعه ماعنده خلاف

والجرم مو مقياس الله من طير مقاسه 18ب18 ومايهد الا معتاز والطيور ماهي سوا


http://http://www.mekshat.com/pix/upload04/images172/mk110105_shlawyh.jpg

[أبوفرحان]

لاهنت على الموضوووووووووووع