مقلب ماينسى نتمنى مشاركه الجميع !!!!!!!!!!!!!!

[حرباش]

السلام عليكم ورحمة الله وبركاته
اخوتي اعضاء هذا المنتدى الرائع ، اكيد الكل منا قد طلع كشتات لو نسأل الواحد كم مره طلعت السنه ذي يمكن قل من يعدها او يحصيها ، وكما تعود الجميع ان الكشتات ماتخلو من المقالب ، فودنا من الجميع ان يشارك في هذا الموضوع ويذكر مقلب قد حصل له او حصل لأحد اخوياه .
ببدا بالمشاركه واذكر مره واحد من الشباب كان خرمان شاي وكان جالس يعدل ويضبط في الشاي وجته شغله ووصاني احطله سكر وعفويا حطيتله ملح ولا دريت الا بعدين ، سويت نفسي مادريت وخليته الين شرب ووقتها صار انفجار لكن الحمد لله سلمت ، طبعا هو حقد وجلس يخطط يبي ينتقم ، جا وقت النوم وكل دخل في كيسه ونام ، ونا قدني نسيت الموضوع تمام ولا كان نمت نومه الذيب :)
قام ابو الشباب بدري وربط الكيس حقي بدون لاأحس فيه وصحاني ، قمت الا انا عاجز عن الحركه وهو ميت ضحك ، ونا انافخ ياولد فكني فكني ولكن لا حياه لمن تنادي ، اثاري ابو الشباب رابطني بحبل ورابط الحبل في قلص دق سلف وعشق وشوف التسحيب خخخخخخخخخخخخخخخخخخخخخخخ :) ، طبعا سوى فيني فلم مايعلمبه الا ربكم نقزني شمع وتنطيل وانواع المزح الدفش ، طبعا خربت الكشته ذيك لأن جاني رضوض على كيف كيفك :p


اهم شي انه اخذ حقه وزود والحمد لله ومهما صار قلبونا صافيه وهذا مزح عفيف يعني يخلو من الزعل اللي ماينبغىى وسلامتكم ونبي نشوف مشاركاتكم لا هنتو تحياتي لكم اخوكم حرباش

[مرقاب الشرق]

الاخ حرباش مشكور موضوع جيد
خذ هاذي مشاركه بسيطه :
مره طلعنا لنفود بمنطقه يقال انها مسكونه الوكاد طالعين ومعينين خير ومبسوطين بالهبروده (اي الجو بارد) وبعد ان صار الوقت ليل بدت السوالف عن الجن وقصصهم والشباب متحمسين وداخلين جو . فيه واحد جاي متأخر كلمه واحد علشان يسويبنا مقلب وبلفعل شوي الا ونار تمشي من فوق الطعس وشوي والنار نازله علينا من فوق الطعس بسرعه واختبصنا وخربت العلوم اخر شي قام الرجال يضحك وقال تخافون من كفرات إلا والرجال يكب بنزين على الكفرات ويولعها وحنا غدينا قش الربع .
واخوكم يخرط على الزقرت مره ذبح اسد بنبيله !!!!ومره انقذت ناس من قطيع ذيابه !!!واخرتها بعد المقلب لقوني تحت الجيب !! لايروح تفكيركم بعيد اغير زيت الجيب (وباليل)ايه وش فيها !!! هههههههههه
وسلامتكم

[حرباش]

هههههههههههههههههههههههههههههههههههههههههههههههههه اخوي نجم الحق والله المقلب اللي مب صاحي
اشكرك على مشاركتك وفي انتضار مشاركات الشباب

[ابو درع]

مره من المرات اكلت مره وصار حلزي مر ومرييت على ذيك القناوات ولقيتهن مشفرات .

وعندي حكاياااات ورويات خاصه بذي المقالب لكن اسمحولي كلهن مشفرات

واعجبتني قصتك وخاصه هذي حقت رفيزك رعي الكفرات المشتعلت





يالله يربع عطونا حكيات ... شهريار

[المنتصر بالله]

أنا مرة أبلشني شايب في البر
قم جب
رح
تعال
قم
أجلس
صلح كذا
رح غسل الصحون
صب قهوة
أسكت
صب لبن
صب شاي
قم جب حطب

المشكلة في اكثر من عشر اشخاص
وما لقى الانا قاعد يمتحني


أنواع الأحتقار والتعذيب....


قلت والله لأدبه وهو ينوم تحت ذيك الشجرة قبل الظهر
وأجيه وأخذ أسنانه( التركيبة )

ويوم جاء الغداء الرجال يدور يمين شمال مالقى اسنانه
طبعا مهوب معلم
وأغصبه ان واللي معي على الأكل
ويقعد ياكل وفطست انا واللي معي مسكين وهو ياكل كنه يخض لبن وساعة على اللقمة الواحدة
والسواليف انقطعت مرررررة
الرجال ساكت وصار يشر بيده ولايتكلم ابد

والله مانسيتها لها أكثر من عشر سنوات

[حرباش]

ابو درع خل علم المشفر وعطنا من اطروحاتك خخخخخخخخخخخخخخخخخخخ
========= اخوي المنتصر بالله ههههههههههههه الله يكفينا شرك الله يستر يوم من الأيام اكشت معك وماقول الا حسبي الله عليك مزحك ثقيل ياشيخ هههههههههههههههههههههههههههههههههههههههههههههههههه هههههههههه

الله يعطيكم العافيه وشاكر لردودكم ومنتضر المزيد منكم تحياتي لكم

[ابو درع]

اطروحاتي خخخخخخخخخخخخخخخخخخخخ

ههههههههههههههه



ايشبككككككككككككك

[مرقاب الشرق]

الاخ حرباش
الاخ ابو درع
شكراً على المرور ونتمنى مشاركه الجميع طلعات بدون مقالب ماهي طلعات.

[الطعس الذهبي]

مرة كنا بالصمان يوم نمنا قمنا الفجر ولا سيارة من السيارتين مه موجودة وصاحبة مهو موجود طبعن بعظن سمعو صوت السيارة قمنى دقينى على كنا مخيمين حول الرفيعة قال انه رايح للرفيعة ليش ؟؟؟؟

ضرسة يوجعة ورايح للرفيعة والمشكلة انه بكل طلعة يجيب بندول ولاكن جت يو انه ماجاب بندول

[طشي وامطري]

ههههههههههه

المقلب اللي أذكره
مرة بالتنهات طالعين ربيع وأمطار يالله من فضلك المهم مالكم بالطويله
واحد من الزقرت راعي مقالب علينا كلنا ... والكل حاقد عليه ونجس بالحيل ما ينقرب،
المهم نوى يسوي بوحد من الشباب اللي قليل المعرفه به و بمقالبه مقلب ، بعد العشاء ربط غطى قدر بالسست حقت السيارة القريبه منا وحط الحبل عند افراشه ناوينا بالليل طبعا حنا عارفين مقلبه وهو ناوي بالأخص هالرجال اللي جاي ( لعانه)، المهم انتبه واحد من الشباب له وتغافله وربط الحبل حقه بحبل ثاني وحطه بجنب فراشه.
المهم بدأ بسواليف الجن يمهد ( برضه لعانه).
جاء النوم وإلى واحد لاقي قنفذ وحطه بفراش راعي المقالب يعني تسديد ديون سابقة.
المهم بدأ بالليل يسحب الغطى ويهول الموضوع (يقول جن اقروا المعوذات) الرجال اللي ما يعرفه أولا خاف ثم درى بالوقعه وبدأ يمثل الخوف.
قام اللي ربط الحبل الثاني وبدأ يسحب الحبل من إيد المقلبجي ، يوم خاف خوف غريب وشغل الكشاف وينادي قوموا الإستهبال صار صحيح ويبدأ خلونا نجتمع شغلو نور السيارة شكل القنفذ جني عسى ما أذيتوه عسى ما جو ينتقمون منا.
الصراحة ذاك اليوم تأدب وصار ضحك لنا بعد ما كان يضحك علينا.
ودمتم

[أبو يحيى]

مرة طلعنا ندور المساويك ....... المهم قبل المغرب حطينا رحالنا على طعيس زوين.
اثنين يسوون العشاء واللي يضبط النور وكنا حول بعضنا

محاسيكم كان يضبظ الدلة وبد ما حطيت الهيل إلا فيه شي كبير يقلب وسط الدلة ... بسم الله ... وبغفلة من الشباب قلت بشوف وش السالفة ... تدرون وش هو اللي يقلب >>>>>>>>>>> كيس شاهي ربيع <<<<<<<< الله أعلم كيف جاء.
المهم طلعته من الدلة وصبيت للشباب وأنا أنظر بعيونهم .... بعد فنجال >> فنجالين ما حد تكلم, قلت وش رايكم بالدلة؟ أربعتهم قالوا بدون مجاملة والله تقعد الراس. أنا هزيت راسي وقلت زين.

واحد منهم خالي بعد ما رجعنا للبيت علمته بالسالفه ... قال حسبي الله على بليسك ... قلت أنتم قلتم تقعد الراس ... وصبيتها.

على فكرة تراها عزبت واحد من الشباب ......

عساه موقف يعجبكم ....... السياق بارد لكن اقبلوه.