للجميع و خبراء الشد و القماش المناسب له / افيدونا بارك الله فيكم

[بر الوالدين]

السلام عليكم ورحمة الله وبركاته

أخووووووووووووووواني

ياليت الله يجزاكم خير

عرض خبراتكم في :-

القماش المناسب لـ الشد خاصه اللي يركب على الشاص مثلاً ، و اللي مطلوب من الجميع

هي أنواع و درجات ، يعني ياليت نعرف وين يركب كل نوع و درجته

يعني من داخل الشد نحط نوع كذا و من الخارج نحط كذا

و أيضاً الأسعار كم سعر المتر و أماكن البيع

و اللي ما يتشقق و ضد الماء

و سلامتكم






.

[ابو نايف 111]

وعليكم السلام
بخصوص الشد يعتمد على الفكره الي براسك
مثال ارتفاع الشد من التنده او اعلا
الكماليات الي داخل الشد
لون الخارجي على حسب لون السياره او ذوقك
يسما( السدو )
يعني ياليت نعرف وين يركب كل نوع و درجته

هذي مافهمته :d

[سرهيد]

السلام عليكم

هلا بك

بالنسبة للون الداخلي السدو ، يحكمه مزاجك ، وكل ما كان على ذوقك انت ومزاجك كل ما حبيت تناظره وتطالع فيه . لانك صاحب السيارة وهي معك دوم ..

بالنسبة للخارجي ، عليك باللون الدارج مثل الترابي وكل ما كان مناسب للون السيارة وقريب منها افضل خاصة اذا كانت السيارة شاص بيج ، اما ان كان لون السيارة مختلف فعليك باللون الدارج ،وهو الترابي ..

لان السيارة اذا كانت شاص ابيض وتضع لون ابيض ، جدا غير مقبول ، فالمناسب الترابي طبعا

لاحظ الصورة

http://www.mekshat.com/pix/upload/images32/mk12239_28.jpg

وهذا داخل للسدو

http://www.mekshat.com/pix/upload/images32/mk12239_2.jpg

http://www.mekshat.com/pix/upload/images32/mk12239_10.jpg

نصيحة ... لا ترفع الشد فوق التندية وخاصة اذا كان شاص ، فهو يشوه شكله ، نعم فيه فوائد لجعل متسع من الداخل لكنه يشوه منظر السيارة تماما ، بل وقد يساهم في بعض الاصوات المزعجة في الخط ....

وعلى العموم راجع الرابط التالي لاخي والعزيز على قلبي الضاحي

http://www.mekshat.com/vb/showthread.php?t=82187

وبفيدك كثير وخاصة ان صاحب الشاص موجود معنا

تقبل احترامي

[بر الوالدين]

الغالي / ابو نايف 111

أنا أبي آخذ فكرة بشكل عام و عن اللي يرغبة الجميع ، وعن الشي الزين

و خصوصاً أماكن بيع القماش بالجملة

لإني بصراحة ناوي إن شاء الله على مشروع أنا هاوية ( تركيب شدود ) وتساني غلطان باللفظ صححوا لي :)


الغالي أبو عبدالله / سرهيد : عز الله إنك ما قصرت و كفو يا كحيلان

و ما شاء الله جايب مثال على موتر الغالي و رابط موضوعه

ما أقول إلا الله يديم معزتكم لبعض يالله يارب

وتراك ما قلتلي وين أحصل أماكن البيع و العماله اللي يضبطون و يحبكون خياطة الشد ( باكستانييين ) يعني






.

[سرهيد]

الغالي / ابو نايف 111



أنا أبي آخذ فكرة بشكل عام و عن اللي يرغبة الجميع ، وعن الشي الزين


و خصوصاً أماكن بيع القماش بالجملة


لإني بصراحة ناوي إن شاء الله على مشروع أنا هاوية ( تركيب شدود ) وتساني غلطان باللفظ صححوا لي :)



الغالي أبو عبدالله / سرهيد : عز الله إنك ما قصرت و كفو يا كحيلان


و ما شاء الله جايب مثال على موتر الغالي و رابط موضوعه


ما أقول إلا الله يديم معزتكم لبعض يالله يارب


وتراك ما قلتلي وين أحصل أماكن البيع و العماله اللي يضبطون و يحبكون خياطة الشد ( باكستانييين ) يعني






.

هلا بك طال عمرك

الاقشمة واللي يصلحون عندك في الغرابي طال عمرك

واسأل الله ان ييسر امورك ويبارك لك في حالك ومالك آمين

تقبل مودتي

[بر الوالدين]

الله يجزاك كل خير و الله يوفقك يالله يارب دنيا و آخرهـ

و ياليت يضيف أحد الأخوان اللي عندهـ من خبرات و آسعه

[اتجاه السحاب]

عندك عروق الشمال في بريده ...شغلهم زين وعندهم افكار

[أبوصقر]

عروق الشمال..أو السنيدي..بس مثل ماقال سرهيد..لاترفعه عن مستوى التنده..واللون الخارجي بيج تنزاني..والداخلي على ذوقك..بس لوتخليها لون واحد يصير أحسن..

[بر الوالدين]

الأضافات

شقردي بر
أبو صقر

ما قصرتوا و بيض الله وجيهكم

أنا أبي يا أخوان اللي يمول هالمحلات من الأقمشة وينه فيه ( الغرابي يعني )

أو هم يطلبونها طلب من الدول المختصه و يجيبونها لهم

[أبوصقر]

الغرابي أرخص شيء للأقمشة..بس من ناحية الحبكة للشغلة المحلات لي ذكرت لك قبل..

[بر الوالدين]

شكراً يبو صقر و الله يجزاك خير و بيض الله وجهك ما قصرت

المحلات اللي أنت ذكرت و نعم و الله فيهم معروفين و يشهد لهم بذلك من عمل لديهم

و أيضاً الإختيار لعمل الشد رائع

ولكن أنا أبي بيع تلك الأقمشه جمله ( و الغرابي ) هو المكان الوحيد في هذا المنتج

[بر الوالدين]

الله يحيي الجميع

و خبراء الشد :)

[بر الوالدين]

دعائكم يا أخوان

بتسيهل الأمر و التوفيق ، و الدخول في المشروع و النجاح

[سرهيد]

دعائكم يا أخوان




بتسيهل الأمر و التوفيق ، و الدخول في المشروع و النجاح


الله يسهر امورك وييسر أمر آمين آمين

موفق ، احرص على اللي معروفين وقد اشتغلوا من قبل ، علشان يجي الشغل على مزاجك ولو زاد السعر

لان اللي يتعلمون بيخسرونك ولا هو جاي الشغل على مزاجك

وموفق خير ان شاء الله

تقبل مودتي

[بر الوالدين]

إن شاء الله يبو عبدالله

و ما نستغني عن خبراتك

[عروق الشمال.]

نتشرف بزارتك لبعض اعمالنا ..
على هذا الرابط ...

http://www.mekshat.com/vb/showthread.php?t=305375

[بر الوالدين]

سم و أبشر أخوي عروق الشمال ولا يهمك

و أعتقد مريت على رابط من روابطك أخي الكريم

[باسم40]

ماقصرو الربع في اراءهم
التنزاني الافضل واذا ماهو مشدود يسرب ماء عن تجربه

[بر الوالدين]

فعلاً اخي الكريم


و الله ما قصروا وبيض الله وجيهم

[عروق الشمال.]

بالنسبة للشد افضل الاقمشة هو التايلندي .. وليس التنزاني .. ولهذا القماش عدة الوان .. مثها البيج والرملي وهي ما تستعمل للشد خاصة وللامور الخارجية عامة لشدة تحملها للحرارة وعدم دخول الماء من خلالها ..

[بر الوالدين]

بالنسبة للشد افضل الاقمشة هو التايلندي .. وليس التنزاني .. ولهذا القماش عدة الوان .. مثها البيج والرملي وهي ما تستعمل للشد خاصة وللامور الخارجية عامة لشدة تحملها للحرارة وعدم دخول الماء من خلالها ..


هلا و الله عروق الشمال . . . . .

أجمع الجميع على التنزاني هو الأفضل فأتيت بخلاف ذلك و ذكرت بإن الأفضل (التايلندي )

علماً بإن الكثير يذكر التنزاني عن تجربه

فهل من توضيح أكثر

[عروق الشمال.]

أهلا بك استاذي الكريم .. نحن ومن خلال عملنا في هذا المجال .. اكتشفنا ان القماش التنزاني لا يصلح للشد .. بسبب أنه يتغير لونه بعد فترة قصيرة .. وكذلك يتشرب نسبة من الماء والرطوبة .. بخلاف التايلندي ....

ولزيادة التأكيد .. انظر لصورة الحوض في الصفحة السابقة لشد الحوض .. هذامثال للقماش التايلندي الرملي ..

[بر الوالدين]

هلا بك و الله و غلا

أهلاً بك عزيز و غالي

أستاذنا / ياليت توضح بأي رد ( رقم الرد )

و أنا أقول فيه فرق من حيث مكان تركيب القماش ( التنزاني عن التيلندي )

قصدي فيه بعض الأماكن مفروض ما تستهلك من القماش الزين به ، و العكس

ياليت تفيدنا بخبرتك و لي رغبه بالتعاون معكم إن وافقتوا أو على الأقل إرشادي لبعض التساؤلات

و الله يحييييييييييك أخوي

[قصيمي1]

اخوانى بعد التحيه ارجوا توجيهنا عندي باترول ربع اسمع اصوات في المطبات صوت مراتب خلفيه ومرتبه الراكب ايش الحل وشكرا