لايفوتكم (( قدر المكاشيت )) شوفوا وجربوا الطبخ فيه

[عجاج9]

بسم الله الرحمن الرحيم
السلام عليكم ورحمة الله وبركاته
موضوعي عن( قدرالمكاشيت )
ان الطبخ في قدر الضغط ( الكاتم ) في هذا الوقت من باب السرعه والانجاز
وليس مكلف في الطبخ والطلعات ولكنه يقلل الشي الكثير من لذة ونكهة وتغير النظره
العامه لطعام فيه
وخاصةً الرز ذو الشعبيه الاكثر ولا ينضبط فيه الطبخ في كثير من الاحيان
والكاتم لطبخ اللحم وغيره فهوجيد
ولو طبخنا رز من الدرجه الاولى في قدر الضغط وطبخنا نفس الرز في قدر عادي
تلاحظون ان الطبخ في العادي يكون افضل واطعم وانظر وله مذاق خاص
والكثير منا يعرف هذا و كذلك الكثير منا يميز طبخ القدر العادي عن قدر الضغط
وقد يكون هناك بعض الاخوان يجيدون الطبخ في قدر الضغط ماشاءالله عليهم ولكن
لو جربوا الطبخ في قدر المكاشيت هذا لكان اجود واحسن كما جربنا وشفنا
ومن هذا فكرت ان اتخلا عن قدر الضغط في طبخ الرز وان اعمل قدر يكون مناسب
جبت قدر عادي ذو حافه حاده مع غطاء اكبر بقليل منه وذهبت به الى حقين العدن والدلال وطلبت منه ان
ان يوقف حافة القدر و الغطاء ان يثنيه حتى يتبك و يكتم
والحمدلله عمله كما طلبت منه فاظهر بهذا الشكل الممتاز والجيد والصالح الجميع الاستخدامات
الاخوان الذين يحبون البنجابي (البشاور) ممتاز جدا لايفوتهم الطبخ فيه
والرزالعادي واللاكلات الشعبيه ممتاز( مطازيز و مرقوق ) وغيرها
وكل عزبه يوجد بها قدر ضغط وقدر عادي وانني انصح اخواني بالاستفاده من
العادي وتحويله الى قدرالمكاشيت كما ترون في الصور حتى تكون الاستفاده منه اكثر وانفع واطيب
هذا القدراطلقت عليه اسم
( قدر المكاشيت )عرفاناً وحباً لمنتدى مكشات واعضائه ان سمحت لي الاداره بهذا الاسم وفقهم الله
لانه يصلح لكل اصحاب الطلعات والرحلات و يناسبهم في كل طبخاتهم
ان ارادوه كاتم فهو كاتم بوضع فوق الغطاء قدر اخريزيد من الضغط وحفظ البخار
او بدون وضع شي يكون نصف كاتم ويستخدم قدر عادي
الطبخ فيه له مميزات كما سبق وكذلك لسهولة فتحه والتذوق اواضافة اي
شيء لطعام وحافظ للحراره ومن جربه
لن يستغني عنه ابداً
ومن اراد منكم ان يعمل مثله الافضل ان يكون القدر متين وثقيل له حافه حاده
والغطاء يكون اكبر من القدر بقليل
بعض القدور لها حافه متينه فلا تصلح ان تكون قدر المكاشيت
واتمنى الكم الصحة والعافيه وتقبلوا تحياتي


قدر المكاشيت مفتوح

http://www.mekshat.com/pix/upload01/prof010/mk23101_on743974-1.jpg

-

قدر المكاشيت مغلق

http://www.mekshat.com/pix/upload01/prof010/mk23101_mio43532-2.jpg

-

قدر المكاشيت هنا لزيادة الضغط

http://www.mekshat.com/pix/upload01/prof010/mk23101_fqu43532-3.jpg

-

قدر عادي لتوضيح ان الغطاء يكون اكبر من القدر بقليل

http://www.mekshat.com/pix/upload01/prof010/mk23101_x0943974-4.jpg

-

هنا لتوضيح حافة القدر ( حاده ) عند التصليح

http://www.mekshat.com/pix/upload01/prof010/mk23101_a1q43839-5.jpg

-

هذا القدر لايصلح لان حافته ( عريضه )

http://www.mekshat.com/pix/upload01/prof010/mk23101_zoa43532-6.jpg

-

بعض قدور المكاشيت حجم اكبر

http://www.mekshat.com/pix/upload01/prof010/mk23101_rdo439740-7.jpg

[يحب البر]

عزالله انها فكرة مضبوطة انا من زمان كنت ابي مثل كذا لكن وين اللي يبي يعدللي
القدر حسب الطريقة ارجو الافادة من خبرتك طال عمرك
ملاحظة : حتى يصلح يكون مطبقية للمراصيع الصبح بالشتاء فهو متعدد الاستخدامات
شكراً للموضوع الجيد

[سرهيد]

السلام عليكم

هلا وغلا

الله يسعدك قل آمين

عندي قدر نحاسي قديم شكلي بنفض غبرتة واعرضه هنا واستخدمه بعد

الحقيقة اننا في طلعات لا نعتمد على الكاتم دائما فمثل ما قلت ، ( للطبيخ ) نكهتة الخاصة بدون كاتم وهذا يفرقه اهل الكيف في الرز واليك هذه الصورة من احدى طلعاتنا اهديه لك

http://www.mekshat.com/pix/upload02/images95/mk40450_dfdfdf.jpg

وعلى نصايب لا قز ولا يحزنون

تقبل مودتي

[فهد راعي البر]

بارك الله فيك وان لي
رائ اخر
غير قدر الستيل سب الكاتم لاتدور
اما قدرك ممتاز بس يصلح لمتحف
تقبل تحياتي

[موراكوت99]

مشكور وبارك الله فيك فعلا الكاتم للسرعه بس الشباب بالمطبخ المكشاتى حتى بخارى طبخوه وعينى عليهم بارده والله يوفقهم

[ابورايف]

ماشاء الله عليك
من وين جبت هالقدر قديم وانا اخوك قديم مرة
فعلا انا من المؤيدين الطبخ بالقدر
الله يعطيك العافية
وتقبل مروري

[عجاج9]

الله يعطيكم العافيه جميعاً
واحترم كل من شارك في رايه ومن له وجهة نظر في الموضوع
والقديم له من يهواه ويريده وهو في هذا الشكل صارجيد وجديد
واتمنى للجميع الصحه و العافيه

[فيصل التميمي]

الان مثل هذه القدور القديمة يحطونها مناظر

[بلقيس]

قدر المكاشيت فكرة ممتازه :good:

خاصه لما يكون فيه قدر ضايعه غطاته - أو غطى ضايع قدره :D

ويريحنا من الكاتم وثقل وزنه بالعزبه :good2:

[ابوهيثم2008]

اكيد القدر افضل بس الناس تبي السرعه

[تساهيل1]

مستحيل

يجي طبخ القدر العادي مثل الكاتم

مستحيييييييل

مامثل كبسة الكاتم نكهه محترمه

من واقع تجربه كثيره

وشكرا

[ابوبدران 11]

يا اخ تساهيل انت وش وضعك
وين المشرفين عنك
لك شهر كل يوم رافع لي موضوع قديم
وش تبي بالضبط

[تساهيل1]

يا اخ تساهيل انت وش وضعك
وين المشرفين عنك
لك شهر كل يوم رافع لي موضوع قديم
وش تبي بالضبط




؟؟؟؟؟؟!؟

وانت وش محرقن رزك ؟

عندك مواضيع بتطرحها نستفيد منها او بس جاي تبربس

[الوافي29]

تقبل مروري

[برد الليل]

انا اتفق معك في ان طبخ الرز في القدر العادي أفضل وألذ لكن يحتاج شخص وسيع بال
عندي ملاحظة على قدرك ماتخاف انه ينفجر من قوة الضغط ؟
الفكرة جميلة لكن بقي لنا أن نتأكد من أمان الطبخ فيه

[مشوت الذيب]

السلام عليكم
القدر العادي افضل في الطبخ في حاله واحده وهي :
اذا طبخت على نار فأن الطبخ يأخذ طعم ورأحة النار اما الطبخ على الغاز فان قدر الضغط ماله مثيل
لكن قدر الضغط مايبي الرجال اللي كل خمس دقايق فاتح الغطاء يذوق الملح
ولا يشوف الرز هو تنشف ولا ماتنشف
قدر الضغط تصكه مره وحده بعد ماتحط اللحمه وتفتحه مره ثانيه تكب الرز وتصك عليه وماتفتحه الا اذا بغيت تاكل

اما قدر المكاشيت حنا نسميه بالعاميه( مطبقيه)
وموجوده وجاهزه للطبخ بدون تصنيع

وتقبل تحياتي ومروري

[ابو سالم22]

يعطيك العافيه على الطرح الجديد

[مبذر الفشق]

يعطيك العافيه على الطرح

[PATHFINDER 4]

هههههه وش المشكلة في رفع المواضيع القديمة

مشكور ياتساهيل خليتنا نشوف هالموضوع الزين

[ابواديب33]

فالبر ماناسبني قدر الضغط مافيه مثل قدورنا او القدر الاول في الصورة عز الطلب

[مرسي الزناتي]

اشكر الاخ تساهيل على رفع مثل هذا الموضوع المميز والمفيد للمستجدين

[الجوال0]

الفكره جداً ممتازه ولو له مقاضب أفضل

[Abogazal]

ماشاء الله

[علي عميره]

فعلا القدور القديمة لها نكهة غير بس اعتقد ان قدر الستيل ابو قاعدة ثقيلة للطبخ ما يحتاج .

[تربة الشمال]

كلام سليم واناء جربت نكهت الرز بالكاتم والقدر العادي افضل