يا خبراء الدبات الزرقاء

[ن م ر]

السلام عليكم ورحمة الله وبركاته
.
.
.
.
.
.
.


أسعد الله جميع أوقاتكم بكل خير ومسرّة
.
.
.



شريت قبل فترة دبة زرقاء 7 رطل إيطالية الصنع من السنيدي وكلكم تعرفونها


المهم اليوم جيت اعبيها غاز للمرة الأولى وفعلا عبيتها وقفلت الصاموله وافك اللي حق التعبئة الا و الغاز ينسم
اخذت السكروب وشديت على المسمار الداخلي ومازال فيه تنسيم


الحين ركبت عليها ساعة الغاز الزرقاء لوقف النزيف الغازي :D لكن مال الحل والعلاج في التنسيم ؟
.
.
.

[ابا الجرفان]

حياك الله اخوي فضها من الغاز وتاكد من الابره الداخلية بعد ما تفك المسار وشيك على السسته الصغيره والا غير الابره والمسمار وحط بدالها ابرة بريموس وسلامتك وللمعلومية ما لازم تشد على الصامولة

[ن م ر]

حياك الله اخوي فضها من الغاز وتاكد من الابره الداخلية بعد ما تفك المسار وشيك على السسته الصغيره والا غير الابره والمسمار وحط بدالها ابرة بريموس وسلامتك 0



يا مرحبا يا ابا الجرفان


بيّض الله وجهك على الرد والمشاركة الطيّبة

المشكله ان الدبه جديدة لم تستعمل قبل كذا بقراطيسها يعني

لكن وين القى ابرة بريموس ؟

[ابا الجرفان]

ماسوينا شي اخوي نمر وعلى فكره تحصل حتى في الجديده حصل معي في دبة بريموس وحركت الابره وزبطت وانت حاول تحرك الابره واضغطها بس انتبه لوجهك وان شاء الله تزبط معك اما الابره بريموس ان كنت في الرياض سير على ابويزيد في محل البريه وبتحصل عنده 0

[ن م ر]

ماسوينا شي اخوي نمر وعلى فكره تحصل حتى في الجديده حصل معي في دبة بريموس وحركت الابره وزبطت وانت حاول تحرك الابره واضغطها بس انتبه لوجهك وان شاء الله تزبط معك اما الابره بريموس ان كنت في الرياض سير على ابويزيد في محل البريه وبتحصل عنده 0


بارك الله فيك يا ابا الجرفان عز الله ما قصرت

[ابوفهيدان]

اكيد انها صينية تقليد للايطالي ..الايطالي مستحيل ينسم
اذا كتابة Made In Italy محفورة علي القاعدة تراها اصلية
اما مكتوبة بالابيض تراها تقليد

[ن م ر]

اكيد انها صينية تقليد للايطالي ..الايطالي مستحيل ينسم
اذا كتابة Made In Italy محفورة علي القاعدة تراها اصلية
اما مكتوبة بالابيض تراها تقليد


هلا بك يابوفهيدان ومشكور على المشاركة

الدبه ايطاليه اصليه ومحفور على القاعدة Made In Italy وشاريها من السنيدي قبل حوالي شهر
ولكن الشكوى لله

[سطام vip]

بسم الله الرحمن الرحيم

هلا بك اخوي والله يبارك لك في ما شريت

اخوي لا بد من وجود مشكله في الربله الداخليه

يمكن تكون ناشفه على العموم انت بدل البلف ببلف جديد ايطالي

سعره 7 ريال تلاقيه في شارع الثميري في محلات اليابس

وطريقه تغييره سهله جداً وبشهاده اخوي سرهيد

البلف الايطالي افضل من البريموس

وهذا رابط لموضوع لي عن طريقه تغيير البلف وان شاء الله يفيدك

http://www.mekshat.com/vb/showthread.php?t=188608


بالتوفيق لك

[Hagaanaf]

خلك مع الفاضل سطام الرد رقم (8)
وبالنسبة للحصول على ابرة ( البلف ) البريموس الاصلي مالك الا بادحمان بشارع السباله فهو وكيل بريموس والحبه بسبع ريالات

[ن م ر]

بسم الله الرحمن الرحيم



هلا بك اخوي والله يبارك لك في ما شريت


اخوي لا بد من وجود مشكله في الربله الداخليه


يمكن تكون ناشفه على العموم انت بدل البلف ببلف جديد ايطالي


سعره 7 ريال تلاقيه في شارع الثميري في محلات اليابس


وطريقه تغييره سهله جداً وبشهاده اخوي سرهيد


البلف الايطالي افضل من البريموس


وهذا رابط لموضوع لي عن طريقه تغيير البلف وان شاء الله يفيدك


http://www.mekshat.com/vb/showthread.php?t=188608



بالتوفيق لك






بارك الله فيك يا سطام ونفع بك جعل من جابك في الجنّه ومن مر على الموضوع

عز الله ما قصرت واليوم ان شاء الله احضّر في محل الحضرمي بادحمان واشتري بلف بريموس

[ن م ر]

خلك مع الفاضل سطام الرد رقم (8)

وبالنسبة للحصول على ابرة ( البلف ) البريموس الاصلي مالك الا بادحمان بشارع السباله فهو وكيل بريموس والحبه بسبع ريالات




حيّاك الله اخوي ومشكور على المشاركة الطيّبه

[سرهيد]

السلام عليكم

عليك بالعافية وياربي يعطيك خيرها ويكفيك شرها آمين

ما ازود عما قل الاخوان ، حرك في الأبره بمصبعك والا مفك لين ما تسمح الغاز ، واذا ما نفع ما لك الا تيغرها وتراها رخيصة ما تتعدى 5 ريال ولا تشتري الا الايطالية

[ن م ر]

السلام عليكم

عليك بالعافية وياربي يعطيك خيرها ويكفيك شرها آمين

ما ازود عما قل الاخوان ، حرك في الأبره بمصبعك والا مفك لين ما تسمح الغاز ، واذا ما نفع ما لك الا تيغرها وتراها رخيصة ما تتعدى 5 ريال ولا تشتري الا الايطالية



هلا بك يابوعبدالله وعليكم السلام ورحمة الله وبركاته

شرفني مرور ورد أحد عمالقة هذا المنتدى الشامخ الرائع وأحد أهم أركانه :s

أولا : جزاك الله خير على الدعوه الطيّبه

ثانياً : بجرب أغير الإبرة وأشوف اخرتها مع هالدبة اللي شكلي بعطيها الصعايدة يلعبون بها كوره :D


كل الشكر لكم أخواني