سؤال لمن سبق وان صقر طير تفريخ

[مسعود2]

بالوقت الحالي كثير تصير نقاشات عن الوحش والتفريخ(طيور المزارع)سواء تفريخ من نفس الفصيلة او تهجين
وكلن بصقارته راضي
لكن اهل الوحوش ماتركوا اهل التفاريخ بحالهم ودائم يعذربون التفاريخ(وقد يكونون ماعمرهم صقروها ، او صقروها بلا معرفه)المهم عذاريبهم كلها ارى انها مردود عليها الا واحد وهو الي ابي اسالكم عنه ( لاني ماصقرت تفريخ من اول لقلة معرفتي لها ليس الا )
السؤال هو اني دائم اسمع ان التفريخ كل سنة لازم تعلمه من جديد(يعني ينسى التعليم)هل هذا صحيح ؟؟ ارجو انه لايجيبني الا صقار تفاريخ صقرها وقرنسها
اما اهل سمعنا ويقولون وواحد من الناس ارجو ان لايجيبوني

[سلطان 1]

هلا اخوي مسعود 2
والله وانا خوك اصقر التفريخ والمهجن من سنين ولا قد صااااااااار معي اني كل سنه لازم اعلمه 0

ولا مع اخوياااي اللي يصقرووون المهجن نهااائئ 0
وسسلاااااامتك

[ضحوي الرويان]

هلا مسعود

اول ماوصلت الجيره والتفاريخ كلن يدلي بدلوة انه لازم تذكير وينسى وبعضهم يظيفون عليه


كلام واجد ماله نهايه اما الي شفته وصقرته ماصار معي ولا مع اخوياي في الاستراحه قال ابي اذكر طيري


من شافها هده ولحقها وصاده



تحياتي لك

[راعي طلاع]

اخوي معي جير حر فرخ مع الشيوخ صايد بكر صايد بدون تذكير ثنو صايد بدون
تذكير ثالث الزمان اللي راح معي صاد ثنتين بدون تذكير او تعليم من جديد هذا طيري
ما اقول فلان قال او يقولون وانا اخوك ومع واحد من الربع تفريخ ايضا صيده كل سنه
بدون تذكير يمكن فيه مزارع فاشله اما اللي خذت سمعه ان طيورها طيبه كل سنه اطيب من
العام اللي قبله وفيه ناس ما تعرف للتفريخ هي اللي تظلمه ويقول ماصاد ويعذربه وهو مخطن عليه وشكرا

[الفيتو]

بسم الله الرحمن الرحيم
السلام عليكم ورحمة الله وبركاته
صباح الخير ياخوي/ مسعود2
كلامي عقب كلام الربع وننتظر راي الباقين
أنت وش ظنك كلامهم من فراغ
اللي يسبون التفاريخ ؟؟
تراهم يامسعود شافوا ما خلاهم يقولون
وهي حضوض
ماظني احد ابطى يمارس نقلها وتتوالا عليه كل سنه طيورتفاريخ
الا شاف من بعضها ما عاف
بعضها الله يعافينا يصيبه عيب خلقي في مخه خبل تعلمه والا ماتعلمه
وبعضها عيب خلقي في نظره ولا يكتشف الا عقب فتره
وهلم جر ...
لكن طيبها طيب لا تعلم وصاد سيف وٍ ِسن
الجير حر خال به وهد فوات وقلبك كبرك
والجير شاهين عذروبه الفوات صعب عليه
وهالسنين حتى هل الوحوش البيتيه عاقبونا بالتذكير
ههههههههه
بس لايسمعنا عوق الخريش
اصقر الجيرات واحبها من لامن في حبها غ ل ط ا ن
*
والسلام
AL Khapt Brother Naif
الحجاز
23-7-1431هـ
http://www.mekshat.com/pix/upload01/prof009/mk8575_ttttttt.jpg
الله مــن خـــرب ٍ تـــخــثــع بــغــلــبــه .. مطغـيه نــبت الو سم وأزهار الربيع
لا أشرف على مرسيط هم شاف إعربه .. كسر على الــقرضاب والجو الوسيع
من خـلــقــتــه ماجـــاه شــي ٍ يــرعـبه .. لاثايــرة بــنــدق ولا طــيـــر ٍ شجيع
جيته وأنا أحمد لـيـن ضيـعــــت إطربه .. جـيــتــه بـطـيــر مـدبـــج هجر ٍ بتيع
يجيبه إمن الـمــزن لا قـلــنــا جــــبــــه .. النادر الــلـي كـــل ما أنـدبــته يطـيع
ياكم طـلــع يــاكـــم وروى مــخــلــبــه .. عـان الغلب في كل روض وكــل ريع
حـول عــلى الـوادي وهات إمن إحطبه .. جاك اللحـــم وش تحتري خلك سريع

[صقار قديم]

السلام عليكم

الطير المفرخ في الأسر سواء كان مهجن او خالص ، فهو صقر يعيش على صيد الطيور و القوارض و الحشرات و هذه هي الفطرة التي فطرة عليها الخالق عز و جل . كل ما يميز بينة و بين الوحش الخبرة و الممارسة فالوحش طار من العش ليكافح و يصارع الطبيعة من أجل البقاء . أما التفريخ فرزقه الله بمن يهتم به و يوفر له الطعام و يجنبه مخاطر الحياة حتى يبلغ أشده فيذهب لمن يدربه ويعلمه كيفية التغلب على العقبات وطريقة التعامل مع مشاقها . فان كان المربي الاول حكيما ، أسس خامة صالحه يقوم المدرب بصقل مواهبها و إظهار قدراتها.

فإذا تحققت للتفريخ العناصر الايجابيه المذكوره و تمرس في الصيد فلا شك انه سيكون مثل الوحش أو أقدر منه كما اثبت ذلك يقينا فهو أسرع و أكبر حجما و أشد شراسه .


تحيتي و تقديري للجميع ×

[أبو أمين]

مع الماده اعلاه بالضبط

[ذيب العرمه5]

أنا وأنا أخوك نقلته(سنتين) التفريخ
والله لايعيده
مثل الي يعلم له مهبول
ولكن شفته مع غيري وفعله يهول
يمكن عجزت معه
لكن سويت مثل غيري
!!!!!!!!!!!
ولكــــــن
بغض النظر عن كلام اخواني ولايهونون
لايهمك سرعه ولاغيره ولاقولت صاروخ وغيره ديزل
الواحد اكلف ماعليه الطربه في المقناص
مره يردها يمين ومره يردها يسار ومره يلاعبها
ومره تحس أنه يشلع قلبك
وعقبها يدبسها
هذا هو
الحـــــــــــــر
وغيره مثل ماقال الشاعر
كلن عطاه الله من هبه الريح

[قنيص غير]

افادوك الاخوان

[الصارم1]

ما صقرتها ولكن الله يرزقنا

[ابوناصر السهلي]

ظني افادوك الاخوان

[ربع خالي]

السلام عليكم

الطير المفرخ في الأسر سواء كان مهجن او خالص ، فهو صقر يعيش على صيد الطيور و القوارض و الحشرات و هذه هي الفطرة التي فطرة عليها الخالق عز و جل . كل ما يميز بينة و بين الوحش الخبرة و الممارسة فالوحش طار من العش ليكافح و يصارع الطبيعة من أجل البقاء . أما التفريخ فرزقه الله بمن يهتم به و يوفر له الطعام و يجنبه مخاطر الحياة حتى يبلغ أشده فيذهب لمن يدربه ويعلمه كيفية التغلب على العقبات وطريقة التعامل مع مشاقها . فان كان المربي الاول حكيما ، أسس خامة صالحه يقوم المدرب بصقل مواهبها و إظهار قدراتها.
فإذا تحققت للتفريخ العناصر الايجابيه المذكوره و تمرس في الصيد فلا شك انه سيكون مثل الوحش أو أقدر منه كما اثبت ذلك يقينا فهو أسرع و أكبر حجما و أشد شراسه .
تحيتي و تقديري للجميع ×

وعليك السلام ورحمة الله وبركاته

تفكيري يقول كذا ولكن ماقدرت أجيبه نص مكتوب , بيض الله وجهك , ورحم الله والديك, جبت زبدة الكلام ولافي ردود اخواني اقصور ,, لاهنت ولاهانوا ,,,

[فهد الدقباسي]

افادوك الاخوان

[راعي جالود]

الطيـور عمومها توافيق سواء كان أصيل ولا جيـر ولا تفريخ

لكّن اللي أقووله من وجهة نظري

إن أيّ شي خارج نطاقه الطبيعي وبتدخـل من الانسـأن في تركيب جيناته

ليس كـ الذي يأتي من خلق الله سبحانه تعالى وأضن الفكره وصلـت :)

شاكر لك

[استيعاب]

اسمحولي على المداخلة انا عندي تفاريخ قبل طبت عندي بعضها ما يعرف من وين يجي الصيدة ولا يعرف يحلل بعد ياكل من دبر الحمامة اجلكم الله ، بس هذي اول او ثاني حمامة له بعدين مسكت له الحمامه من عند رقبتها وعقبها تعلم كيف يحلل الحمام ، وكان اذا طار والله يكرك في الجو مو عارف كيف يطب عدل وإذا مسح الملواح شوي ويحوش الارض من كثر الغشامه ، وفيه طبوع وما يستحمل المرض بعد ، لكن كل هذا حلوله سهله . مع الوقت لكن اللي حاضر له مقناص يستاهل لا ياخذ إلا تفريخ طاير ومعلم على صيدات برية يعني هك خارجي ، عشان ما يضيع عليك الوقت وانت تعلم


وسلامتكم .

[أبوفرحان]

افااااادوك الاخوااااااان

[((السنياري))]

طيور التفريخ دايم على تعلومها الاول كانه طيب ابد ماينسى
ولا اذا تعلومه كيف انت كيف حالك بيوجه وكنه مايعرف شي

[علي الهاملي]

ياخوي كلها طيور ولكن راعي الوحش يميل للوحش وراعي الجير يميل للجير وانا رجال راعي جير شاهين فقط ماحب نقلت الجير حر ا بد بس الي يقول ان الجير ينسى ولازم كل سنة اتعلم هذا كلام غير صحيح والطير من صقاره ان كان وحش ولا جير وانا انصحك روح معا عصر السرعه لن وقتنا هذا يطلب السرعه والسلام ختام

[قناص الهمله]

افادوك الاخوان

[فيصل الدشاش]

يفيدونك الاخووووووووواًن