قير الاند كروزر

[ص ط ر]

السلام عليكم ورحمته الله و بركات

يا أخوان حبيت أستفسر و أخذ برآكم ويليت تفيدوني

كانت عندي طقه بالقير (فضاوه) و أهملتها لمدة 5 سنين وجاء أجلها وأحترقت علي الكلاتشات
المهم وديناه عند العضيب قالي شغل اليد توضيب 3000 ريال و قطع الغيار الكلاتشات 6000 ريال
على كذا يوصل السعر 9000 ريال توضيب الموتر 6 سلندر

على كذا التوضيب وصل سعرها كذا قلت خلن أشوف واحد جديد سعرتها بالوكالة وقالولي 14,500

رحت لسألت عن المستعمل ولقيت أغلى شي 5000 ريال بس المشكلة ما تدري هل هو موضب و لا على شد البلد و لا تدري عن ماضي القير أبد

وشرااايكم يا أخوااااان

[ص ط ر]

نرجوا منكم التفاعل

[عبدالإله9933]

السلام عليكم
نصيحة القير ركب مستعمل ولا توضب حتى لو توضبه ممكن يخترب بعد فترة
وإذا الموتر يستاهل ركب جديد

[عبد الاله]

يعني ما في هالبلد الا هالولد؟
رح لترايستار اللي في الصناعية اخوي توة موضب قير فكسار كلف 7000 وزي الحلاوة وطع شوري لا تاخذ جديد شي بالعقل 14.000 في قير حسبي الله عليهم والشي الثاني أسال في الإمارات هنا مافية ألا حرامية أسال الشركة الأم عن طريق النت في اليابان خلك أول واحد يسأل أقل شي وبالتوفيق لك:

[الكونترولCONTROL]

السلام عليكم
نصيحة القير ركب مستعمل ولا توضب حتى لو توضبه ممكن يخترب بعد فترة
وإذا الموتر يستاهل ركب جديد

كانت عندي نفس المشكلة تماما بـvxr - ( أوتوماتيك 8 سليندر ) قبل شهر
المستعمل وجدته بــ 7000 كوم حديد من دون أي ضمان !!
و بعدين قيرك أنت أبخص به و إذا كان ما وضب من قبل فتوضيبه أفضل من شراء مستعمل لا تعلم عنه هل هو نظيف أو لا
والتوضيب وجدت الأسعار تتراواح بين 4000 و 10,000 ريال !! يا كريم !!
و في النهاية توكلت على الله و وضبته بـــ 4250 بضمان 6 شهور -
و أتوقع أن الفرق بين شغل الوكالات و الورش الكبيرة و بين شغل الورش الأخرى:
أن الوكالات و الورش الكبيرة يقولون أنهم يغيرون كل القطع ( تجديد كامل للقير .. الله أعلم !!) و ضمانهم شهر فقط
بينما الورش الأخرى يقومون بتغيير ما يلزم تغييره و الله أعلم

[moooj]

احس ان العضيب هذا اكبر نصاب
ما تعاملت معه ولا اعرفه لكن بالعقل توضيب قير 9000 ؟؟؟؟؟؟
سلامات
شف رد اخونا الكنترول
وفيه ورش منخشة بدواعيس افضل منه
الله يوفقك وييسر امرك

[خيال الغلبا]

اذا كان القير تماتيك لاتوضب

قير التويوتا التماتيك ليس كالامريكي

يعني ليس كل فني يضبطه

ابحث عن مستعمل مشروط بالضمان

انا وضبت ثلاث مرات وكلها فشلت واخيرا بعت السياره كلها

[ص ط ر]

لله يجزاكم خير وما قصرتوا
أنا توكلت على الله وشريت القطع بـ6400
و أبوضبه عند العضيب أدعولي يا أخوان

[اخوخالد]

الله يستر عليك.....

[الباثفندر 3.5]

الله يفرج عليك

[VXR.2007]

الله يفرج عليك
عندي سؤال موديل سيارتك وهل قير عادي والا توماتيك
وكيف كان الطقه مثل وانت وتبي تمشي وانت معشق في الاول يطق واذا رديته في الثاني يطق يعني اول ماتشيل رجلك عن الكلتش

[ولد الغلباء]

الله يعينك انشاء الله

[ص ط ر]

تماتيك يالغالي أذا كنت واقف تبي ترجع رويس يطق طقة قوية واضحه و إذا تبي تتقدم يطق وحتى و أنت ماشي من الأول لثاني يطق وبعد كذا ما تسمع له صووت بس في شي غريب إذا ولعت الرباعي تختفي الطقه ما يطلع له صوت

[شاطى الجنوب]

السلام عليكم
اخي الكريم اذا القير تغييراته سليمة يغير معاك بانتظام والطقة تجي معاك عند تغيير النمر من نمرة للثانية ويقوى الصوت معاك اذا شديت الموتر يعني كل ما دعست على البنزين يطلع الصوت اقوى من اذا كان الدعسة خفيفة مع التغييرة
هذي حلها عندي و تكلف القطع وكاله 470 ريال وشغل يد حوالي 300 ريال
راسلني على الايميل علشان اتاكد من المشكلة
hhn002@hotmail.com

[باث2001]

اخوي , ورشة الشيباني ببريدة وادع لي
بإذن الله ماراح تندم
والشباب ان شاء الله يفيدونك عنها اكثر وعن مكانها وارقامها ,,
دمت بود

[شامخ الشيـبان]

الله يعينك

[اخوخالد]

الله يكون في العون

[بيت الحصير1]

انا كان عندي ايضا صوت طقة بالقير عند التعشيق وشحمت العامود من جوا عن طريق الابر اللي فيه والحمد لله راح الصوت