والله محتار يالربع ياليت تدخل تعطيني رايك

[عاشق االجمس]

..

.

.

.

.

السلام عليكم

كيف حالكم يالربع

يالربع مادري انا احترت ودي اشتري موتر وحيروني الناس

انا والله فلوسي من الخمسين الى الستين

وودي اشتري جمس حوض رفرف

واغلب اللي شاورتهم يقولون ابعد عن الجمس كله اشتر لك جيب

يقولون الجمس مايمسك قيمته

والله احترت وش رايكم اشتري جمس بستين ولا اشتري لي جيب

علما ان استعمالي اغلبه بالديره لاكن فيه سفرات خفيفه


وجزاكم الله الف خير

[عاشق االجمس]

ولا رد ياشباب

على الاقل ارفع الموضوع

[الستانس]

والله منيب اعرف للجمس ولكنة زين مهوب شين


ولكن ان كنت شبابي خذلك اكستيرا على قد فلوسك وفلها يارجال


الجموس لاحقين عليها:p

[عاشق االجمس]

جزاك الله خير

اخوي الستانس

بس والله ماخش مزاجي الاكستيرا

انا خاش مزاجي الجمس بس حيروني وتورطت

[قنيص غير]

الله يرزقك

[الستانس]

اجل مالك إلا عطي الله

جمس 2500 hd

غمارة ولو قير عادي ياسلام سلم


وخل عنك الرفرف على كلام واحد من الشباب راعي جموس

ان الرفرف يكون صندوقة فيبر او زي كذا

المهم اذا انصدم ما يتصلح لازم تغير القشرة كاملة


عى العموم الأمريكي مايصلح إلا تفكة وكالة

ولا الله يعينك على البهذلة اغلب اللي ياخذونة يعفلون الموتر عفل

طرد وتحميل وسرعة وطين الخ.....


فك وكالة ولا عليك بصنع اليابان

موفق ان شاء الله

[البيطار0]

منشاورك دخل ذمتك
ابعدعن الجمس تراه انتهادوره وكل اشوي بصناعيه
خذلك جيب نيسان او تايوتا
ولاخذلك غمارتين هايلوكس دبل تراهازينه وماسكه سعرها
وهاذا فكري وانااشوربالهايلوكس ادبل زينه وعندي وحده2006مابيعها

[حرنا بك]

توكل على الله وخذ لك جمس والي يقولون انه يخرب رح لصناعية وشف الجيوب جميع الاشكال والموديلات مافيه سيارة ما تخرب..

[عاشق االجمس]

ماقصرتو يالربع

جزاكم الله الف خير

اخوي الستانس ايه مشكلته فيبر هههههههاي هو اللي كرشوني عنده اخوياي

وسئلت سمكري قال لازم تغيره كامل اذا جاه شي ويكلفك خمس الاف هع

الله يجزاكم خير يالربع ماقصرتو بيض الله وجيهكم

[دواك عندي]

والله ياخوي اول شي استخر وعسى الله يكتب لك الخيره المباركه ثاني شي الجمس عزالله موتر يطربك في البر والديره أهم شي تطيح لك بواحد نظيف واللي يقول الجمس يخرب مافيه سياره ماتخرب على حسب أستعمال راعيه صحيح الجمس مايقارن بالياباني يعني حساس شوي لكن سواقه الجمس تفرق عن الياباني بواجد من ناحيه العزم والراحه
والله يوفقك

[عشق الباديه]

السلام عليكم
اخوي عاشق الجمس أن شاء الله طيب
اول شي انا معي جمس والجمس الرجال اللي يبي يحافظ عليه بيصبر بس الرجال اللي رجله ثقيله مايصلح مره والامريكي اذا فتح فمه(انحش)
بس والله لو تدورلك هدد نظيف احسن لك وبتلقى قديم شوي رخيص يكد معك
(اتمنى اني افدتك)

[عاشق ونيت]

والله ياشباب انتم اعميتوه ناس ترده يمين وناس ترده يسار هههههههه
حبيبي اللي قالوا لك جيب نيسان والله مانصحك اولا قطعه غاليه عندك هالحمراني ماغير صلخ بهالعالم مايرحم وثانيا صيانته متعبه موب مثل التويوتا بس بالعقل لو تبي تاخذ تويوتا ماراح تلقى النظيف الا من 70 وطالع وموديل حلو ومن وجهة نظري ومن واقع تجربه شخصيه والله الجمس مافيه بعده راحه وقطع رخيصه ومتوفره وبـ 60 راح تلقى لك موديل 2006 او 2005 وسعودي بعد والامر بالنهايه راجع لك ولرغبتك
اتمنى اني افدتك
تقبل مروري وكثر البربره ههههه
تحياتي

[س6ك7ب]

السلام عليكم ورحمة الله وبركاته
أخوي عاشق الجمس أنا معي جمس سييرا 2003 دبل عصا استعمال أمريكي
ما شاء الله تبارك الله كاده كد ولا اشتكى
أول أمس محمل عليه عشر 10 كفرات تريلة وقعود وداخل فيه ديرة وأنت عارف الديار كلها رمال وبطانيج لكن ماشاء الله عليه زي الغزال، ودايم بالموتر عند الحلال خبوت وتغاريز وما شكيت منه والحمد لله
أنصح للي ببي يقني الموتر متابعة وتصليح أول بأول عشان يعيش معاك الموتر
وبعدين الجيوب مغلينها بالحيل
مع تمنياتي للجميع بالسلامة

[عاشق االجمس]

بيض الله وجيهكم يالربع


والله اني مادري

دخلت امس معارض النسيم وحصلت لي جمس رفرف 2005 بس مغليه بالحيل يقول 61 الف

وفحصته البدي والله تمام التمام فيه دقه بسيطه بالرفرف

لاكن المشكله بطن الموتر يبي له شغل

يمكن يكلفني من الاربعه وفيها

[العسييري]

والله يالذيب شفلك جمس 79 نظيييييف وراح تلاقي سعره يناسبك
والله لا تيوتا ولا نيسان ولاغيرها ولا حتى الجمس الجديد___
خذ كلام العافل:good2:

[ابو عبود565]

ياشباب مداخله تبي نصيحتي خذلك ايلكس دفرنسين والل شي غير طبيعي اسال مجرب