دزق وكلتش وصرفية البنزين

[سوبر152]

إخواني الفضلاء السلام عليكم ورحمة الله وبركاته

استفسار بسيط هل تغيير الدزق والكلتش له تأثير على صرفية البنزين
لأني ركبت لموتري دزق وكلتش وخف الموتر لكن زادت صرفية البنزين
وموتري باترول سوبر رقم3 موديل 99

[سوبر152]

وينكم ياجماااااااعة أفتوني في دزقي هل له وزنية معينة أم لا
بليييييييييييييييييييييييييييييييييييز

[سوبر VTC]

هلا و غلا
دام الموتر يصرف
فاحتمال كبير تحتاج وزن بلوف + وزن الديلكو
البلوف اذا كانت محملة ثقيلة تسبب صرفية بنزين + احتماء الموتر
و يصير اشتغال الموتر ثقيل
اذا كانت المكينة له قرقشة فالبلوف تحتاج وزن تكون راخية حاله
تاكد من البواجي و تكون اصليه
اذا كانت تعبانه فالبنزين ما يحترق و يطلع ريحة كربون زائد لان الشرارة ضعيفة
التاكد من خرطوش القربة لا يكون منشق خصوصا اذا كان الموتر يكتم يلف على الخرطوش شطرطون عريض و يضبط
اذا كانت فزة الموتر بالاول او ال2 ضعيفة
فلازم توزن الديلكو مضبوط عشان توقت الشرارة مضبوط

المتهم الاخير منظم الهواء + انسداد فلتر الهواء
ايضا
اذا كان هناك تنسيم ببلوف الهواء و النار فهي تسبب صرف بنزين خصوصا اذا كانت المكينة ترعش تنتفض
لان تنسيم البلف يعطي قراءة خاطئة لمنظم الهواء

منظم الهواء حلقة وصل بين البخاخات و الكمبيوتر
الكمبيوتر ياخذ معلومة و يقيسها من منظم الهواء
بعدها
الديلكو يعطي البخاخات شرارة بناء على امر من الكمبيوتر


بخصوص وزن الديلكو ادخل هنا ==> 5 (http://www.mekshat.com/vb/showpost.php?p=4733297&postcount=5)

+

رابط

سؤال ؟؟؟كيف اعرف ان الديلكو يبي وزن @@@ (http://www.mekshat.com/vb/showthread.php?t=305548)

اذا كان القير يلك ما يلقم
فلازم تحتاج تسوي تنسيم للقير

الورش
ورشة العثيم صناعية الرواف اختصاص كهرب خصوصا وزن الديلكو :good:
ورشة ابو خالد الخضير بطريق خضيراء
ورشة ابو سليمان الهبيش بطريق خضيراء